CHAPITRE XXIIÏ

D'ung combat qui fui au royaulme de Nap/cs de treize Espaignols contre treize François, où le bon Chevalier fist tant d'armes qu'ilemporta le pris sur tous.

On scet assez que, entre toutes autres nations^ Espaignolz sont gens qui d'eulx-mesmes ne se veullent pas abaisser, et ont tousjours l'honneur à la bouche : et combien que la nation soit hardie , s'ilz avoient autant de prouesse que de bonne myne , il n'y auroit gens en ce monde qui durast à eux. Jà avez entendu comment le bon Chevalier deffist le seigneur domp Alonce de Soto-Majore , dont les Espaignolz avoient grant dueil au cueur, et cherchoient chascua jour le moyen pour eulx venger. Il y eut entre les François et eulx , peu de jours après le trèspas du seigneur Alonce, une trefve de deux moys. La raison pourquoy, je ne la sçay pas.

ôis

LE U0\ CIIEVALIËB

Tant y a que durant icellc trefve les Ëspaignolz s'alloient esbatre près des garnisons françoises, où hors des places trouvoient aucunesfois des François qui pareillement s'esbatoient et avoient souvent parolles ensemble ; mais tousjours lesditz Ëspaignolz ne demandoient que riote. Ung Jour entre les autres une bende de treize gentilzhommes ëspaignolz , bommes-d'armes , et tous bien montez, se va embatre jusques près de la garnison du bon Chevalier, où Testoit venu veoir le seigneur d'Oroze , de la maison d'Urfé, ung très-gentil cappitaine, qui eulx deux de compaignie estoient saillis de la place pour prendre Pair jusques à une demye-lieue , où ilz vont rencontrer lesditz Ëspaignolz, qu'ilz saluèrent , et les autres leur rendirent le semblable. Hz entrèrent en propos de plusieurs choses ; et entre autres parolles ung Espaignol hardy et courageux , qui se nommoit Diego de Bisaigne , lequel avoit esté de la compaignie du feu seigneur domp Alonce de Soto-Majore , et luy souvenoit encore de sa mort , dist : « Messeigneurs »• les François , je ne sçay si ceste trefve vous - fasche point ; il n'y a que huyt jours qu'elle » est commencée , mais elle nous ennuyé mer- » veilleusement. Si ce pendant qu'elle durera il » y avoit point une bende de vous autres , dix » contre dix , vingt contre vingt , ou plus ou N moins, qui se voulsissent combatre sur la f querelle de noz maistres , me ferois bien fort » les trouver de mon costé , et ceulx qui seront » vaincuz demoureront prisonniers des autres. » Sur ces parolles se regardèrent le seigneur d'Oroze et le bon Chevalier, qui dist : « Monsei- » gneur d'Oroze, que vous semble de ces pa- « rolles ? — Autre chose, dist-il , sinon que ce » gentil-homme parle très-honnestement. Je » sçaurois bien que luy respondre, mais je » vous prie tant que je puis que luy respondez » selon vostre oppinion. — Puis qu'il vous » plaist , dist le bon Chevalier, je luy en diray » mon advis. Seigneur, mon compaîgnon et » moy avons très-bien entendu voz parolles ; » et , à vous ouyr, désirez merveilleusement les » armes, nombre contre nombre. Vous estes icy » treize hommes-d'armes. Si vous avez vouloir » d'aujourd'huy en huyt jours vous trouver à » deux milles d'icy montez et armez, mon com* » paignon et moy vous en amènerons treize au- » très. Et qui aura bon cueur, si le monstre. *• Alors tous les Ëspaignolz en leur langage respondirent : Nous le voulons. Hz s'en retournèrent , et le seigneur d'Oroze et le bon Chevalier aussi , dedans Monervyne ; lesquelz assemblèrent leurs compaignons, et au jour assigné se trouvèrent sur le lieu promis aux Ëspaignolz,

qui pareillement s'y rendirent. De toutes les deux nations y en avoit plusieurs autres qui les estoient venuz veoir. Hz limitèrent leur camp , soubz condition que celluy qui passeroit oultre demoureroit pour prisonnier, et ne combatroit plus du jour ; pareillement , celluy qui seroit mis à pied ne pourroit plus combatre ; et ou cas que jusques à la nuyt l'une bende n'eust peu vaincre l'autre , et n'en deraourast-il que Tung à cheval , le camp seroit finy, et pourroit remmener tous ses compaignons francz et quictes , lesquelz sortiroient en pareil honneur que les autres hors dudit camp. Pour faire fin, les François se misrent d'ung costé et les Ëspaignolz d'ung autre. Tous avoient lance en l'arrest. Si picquèrent leurs chevaulx; mais lesditz Ëspaignolz ne taschè'rent pas aux hommes , aîns à tuer les chevaulx, ce qu'ilz firent jusques au nombre de unze , et ne resta à cheval que le seigneur d'Oroze et le bon Chevalier : mais ceste tromperie ne servit de guères aux Ëspaignolz , car oncques puis leurs chevaulx ne voulurent passer oultre, quelque coup d'espron qu'ilz sceussent bailler. Et lesditz seigneur d'Oroze et bon Chevalier, menu et souvent , leur livroient aspres assaulx ; puis quant la grosse troppe les vouloit charger, se retiraient derrière les chevaulx mors de leurs compaignons , où ilz estoient comme contre ung rempart. Pour conclusion , les Ëspaignolz furent bien frotez ; et combien qu'ilz feussent treize à cheval contre deux , ne sceurent obtenir le camp , jusques à ce que la nuyt feust survenue , sans riens avoir gaigné : parquoy convint à chascun sortir, suyvant ce qu'ilz avoient accordé ensemble ; et demoura l'honneur du combat aux François , car ce fût très-bien combatu durant quatre heures deux contre treize sans estre vaincuz. Le bon Chevalier sur tous y flst d'armes tant que son bruy t et renommée en augmentèrent assez.