XX> CHAPITRE XXIV

Comment le bon Chevalier print ung trésorier et son homme qui portaient quinze mille ducatz au grand cappitaine Gonssalle Ferrande, et ce qu'U enfist.

Environ ung moys après ce combat, que les trefves furent faillies, fût le bon Chevalier adverty par ses espies que à Naples avoit ung trésorier qui changeoit monnoye à or , pour l'apporter là par où estoit le grant cappitaine Goussale Ferrande, et ne povoit bonnement passer ,

SANS FAOUn ET SANS BEPROUGIIB.

que ce ne feust à trois ou quatre milles près de sa garnison. 11 ne dormit pas^ depuis qu*ii le sœut, sans y faire faire si bon guet que l'on le vinst advertir qu'il estoit arrivé eu une place que tenoient les Espaignolz, laquelle estoit seulement à quinze milles de Monervyne ; et que le matin , acompaigné de quelques genétaires pour sa seureté, estoit délibéré se retirer devers le grant cappitaine. Le bon Chevalier, qui grant désir avoit d'empoigner cest argent, non pas pour luy, mais pour en départir à ses souldars , se leva deux heures devant jour, et s'en alla embuscher entre deux petites raontaignètes, acompaigné de vingt chevaulx et non plus, et envoya d'ung autre costé son compaignon Tardieu avecques vingt-cinq Albanoys, afûn que sll eschappoit par ung costé, ne peust eschapper par l'autre. Or le cas advint tel : c*est que, environ les sept heures aumatin^ les escoutes dudit bon Chevalier vont ouyr bruyt de chevaulx, qui le luy vindrent dire. Il estoit si à couvert entre ces deux roches, qu'on feust aiséement passé sans l'appercevoir ; ce que firent les Ëspaiguolz, qui au meillieu d'entre eulx avoient leur trésorier et son homme, lesquelz en bouges derrière leurs cbevaulx avoient leur argent. Quant ilz furent oultre passez, ne fut fait autre demeure , sinon par le bon Chevalier et ses gens donner dedans, en criant : France^ France ! à mort, à mort ! Quant lesditz Ëspaignolz se veirent ainsi chargez, et pris en désarroy , cuydant qu'il y eust beaucoup plus grant nombre de gens qu'il n'y avoit, se misrent en fuyte vers Barlètc. Hz furent ung peu chassez, et non pas loing ; car on n'en vouloit que au povre trésorier, lequel fut prins avecques son homme, et menez à Monervyne. Eulx arrivez, furent desployées leurs bouges, où on trouva de beaulx ducatz. Le bon Chevalier les vouloit faire compter; mais ledit trésorier en son langage espaignol luy dist : Non contaeiZj seignor^ sono quinze milia dueados; qui très-^yeulx fut de ceste prise. Sur ces entrefaictes , va arriver Tardieu qui, quant il veit oeste belle monnoye, fut bien desplaisant qu'il n'avoit fait la prise. Toutesfois il dist au bon Chevalier : « Mon compaignon, je y ay ma part • comme vous, car j*ay esté de l'entreprise. — Il » estvray, responditle bon Chevalier en soubz- •» riant ; mais vous n'avez pas esté de la prise. » Et pour le faire débatre, dist encores : « £t quant V bien vous en eussiez esté , vous estes soubz » ma charge ; Je ne vous donneray que ce qu'il » me plaira. » Sur cela se oourroucea ledit Tar« dieu, et en jurant le nom de Dieu , dist qu'il en auroH la raison. Si s'en alla plaindre au lieutenant-général du roy de France , qui manda le

bon Chevalier, lequel vint incontinent. Luy arrivé, chascun dist sa raison ; lesquelles ouyes, ledit lieutenant-général demanda les oppinions à tous les cappitaines : mais enfin fut par luy, suy vant ce qu'il avoit trouvé, dit que Tardieu n'y avoit riens, dont il fut bien marry. Toutesfois il estoit joyeulx et fort plaisant homme; si se print à dire : « Par le sang Sainct-George, je » suis bien malheureux 1 » Et puis s'adressa au bon Chevalier, en disant : « Pai* Dieu ! c'est tout » ung, car aussi bien me nourrirez vous tant » que serons en ce pays. » Lequel se print à rire; et pour cela ne laissèrent pas de retourner ensemble à Monervyne, où quant ilz furent arrivez le bon Chevalier devant Tardieu , et pour plus le faire débatre, ûst les ducatz apporter, et iceulx desployer sur une table, et puis dist : <« Compaignon, que vous en semble ? vècy pas »« belle dragée ? — Et ouy, de par tous les dya- » blés, respondit-il ; mais je n'y ay riens. Je » vouldrois estre pendu par le sang Dieu ; car » si j'avoye seulement la moytié de cela, Jamais » n'auroye faulte de biens, et serois honune de » bien toute ma vie. — Comment, compaignon, » dist le bon Chevalier, ne tiendra-il que à cela » que ne soyez asseuré de vostre vie en ce >» monde? Et vrayement ce que n'avez peu ne » sceu avoir par force, je le vous donne de bon » cueur^ de bonne voulenté , et en aurez la » droicte moytié. » Si les ûst incontinent compter, et luy livra sept mil cinq cens ducatz.

Tardieu qui cuydolt auparavant que ce feust une mocquerie, quant il se veit saisy se gecta à deux genoulx , ayant de Joie les larmes aux yeulx, et dist : « Hélas 1 mon maistre, mon » amy , comment pourray-je jamais satisfaire » les biens que me faictes? Oncques Alexandre » ne ûst pareille libéralité. — Taisez-vous, com- » paignon : si j'avoye la puissance, je ferois » beaucoup mieulx pour vous. » De fait, toute sa vie en fut riche Tardieu; car au moyen de cest argent, après qn'ilz furent retournez de Naples, vint en France, où en son pays espousaune héritière, fille d'ung seigneur de Sainct-Martin , qui avoit trois mille livres de rente. Il faut sça- YOir que devindrent les autres sept mil cinq cens ducatz. Le bon Chevalier sans paour et sans reprouche, le cueur nect conune la perle , flst appeller tous ceulx de la garnison, et chascun selon sa qualité les départit, sans en retenir ung seul denier; puis dist au trésorier : « Mon » amy, je sçay bien que si jcvouloye j'auroys » bonne rançon de vous ; mais je me tiens con- » tantdecequej'ay eu. Quant vous et vostre » homme vouldrez partir, je vous feray conduyrc » seurement en quelque place do voz gens que

LB BON CHBVALlEa

« vouldrez ; et si ne vous sera rien osté de ce » qui est sur vous, ne vous fouillera-1'on point. » Si avoii-il vaillant à luy, en bagues ou en argent, cinq cens ducatz et inieulx. Qui fut bien aise ftit ce povre trésorier, lequel, par une trompette du bon Chevalier, auquel il donna trois escuz, fut conduit jusques à Barlète avecques son homme, bien eureux, veu la fortune qui luy estoit advenue , d'estre tumbé en si bonne main.

ooo