CHAPITRE XXXIV

De la grosse et lourde baterie qui fut devant Padoue ; el: de la grande berche qui y fut faicte.

Les approucbes faictes devant Padoue et l'artillerie assise, chascun se logea en son quartier en trois camps , selon l'ordonnance crevant dicte. Et fault enfendre qu'il y avoit tant de peuple, que ledit camp tenoit de tous costez plus de quatre mille de pays. Et fut une merveilleuse chose que durant le siège , qui fut de deux moys ou environ, les fourrageurs n'allèrent jamais plus loing que de six milles du camp , pour avoir force foings, bledz, avoynes, chairs, poullailles, vins et autres choses nécessaires , tant pour les hommes que pour les ehevaulx ; et si grande habondance y en avoit, que ([uant on leva le siège , fut brusié pour cent mil ducatz de vivres dont on avoit fait provision , cuydant que plus longuement durast le siège. C'est ung incident ; venons à la matière.

Le lendemain des approches , commencèrent les canonniers à faire leur devoir. Et sans cesser dura buyt jours la baterie, qui fût la plus impétueuse et terrible que cent ans auparavant avoit esté veue ; car il y fut tiré des trois camps plus de vingt mille coups d'artillerie. Si TEmpereur ou ses gens servoient bien d'artillerie ceulx de la ville, croyez que de leur part rendoient bien la pareille, et beaucoup mieulx : car pour ung bien qu'on leur Taisoit , en rendoient deux. Brief , ladicte ville fût si bien batue, que de toutes les trois berches ne s'en fist que une. Durant ce temps fut pris ung des ca-, nonniers de l'Empereur, qu'on trouva , en lieu de tirer en la ville , qu'il tiroit contre ses gens; et dîsoit-i'on que le seigneur Constantin le luy faisoit faire , et qui pis estoit , chascun jour advertissoit le conte Pétilano de ce qu'il avoit .à faire. Je ne sçay s'il estoit vray, mais le canonnier fut mi^ sur ung mortier, et envoyé par pièces en la ville : il en fut dit assez d'injures audit seigneur Constantin , mais on ne povoit prouver le faictsur luy. Le seigneur de La Palisse l'appella lasche et meschant, et qu'il l'en combatroit ; mais il ne respondit riens à propos ; et en fist sur l'heure l'Empereur, qui en estoit coyffé l'appoinctement.

Or ces trois berches mises eu une estoient seullemeut de quatre à cinq cens pas , qui estoit assez beau passage pour donne;* l'assault ; car quant aux fessez, ce n'estoit pas grant chose. Mais le conte Pétilano avoit si bien acoustré la ville par dedans, que s'il y eust eu cinq cens

LK r.OX CIÎKVALÎEB

mille hommes devant , ils n'y feussent pas entrez si ceulx de dedans eussent voulu ; et vous déclaireray comment. Derrière la berehe, pour entrer en la ville, avoit icelluy conte Pétilano fait faire une trenehée ou fossé à fons de cuve, de la haulteur de vingt piedz , et quasi autant de largeur : en icelle ayoit fait mettre force fagotz et vieil boys, bien enrosez de pouldre à canon ; et , de cent pas en cent pas , y avoit boulevart de terre garny d'artillerie , qui tiroient le long de ceste trenehée. Après icelle passée , s'il eust esté possible (comme non sans la grâce de Dieu ), toute l'armée des Véniciens estant en ladicte ville, se trouvoit en bataille à cheval et à pied ; car il y avoit belle esplanade jusques à mettre vingt mille hommes de pied et de cheval en ordre : et derrière estoient platesformes où on avoit monté vingt ou trente pièces d'artillerie , qui par dessus leur armée eussent tiré , sans leur mal faire, droit à la berehe.

De ce terrible dangier furent les François advertiz par aucuns prisonniers qui , aux escarmouches , quelquesfois estoient pris , et par leur rançon payée renduz , ausquel! montrolt le conte toutes ces choses, aflin qu'ilz le remontrassent au seigneur de La Palisse et aux cappitaines françois; et disoit encore ces parolles à leur départie : « J'espère , mes amys , >» avecques l'ayde de Dieu , que le roy de » France et la seigneurie retourneront en ami- » tié quelque jour ; et , n'estoit les François qui »• sont avecques l'Empereur, croyez que , de- » vant qu'il fust vingt et quatre heures , je sor- « tiroye hors de ceste ville, et si en ferois lever » le siège honteusement. » Je ne sçay comment il eust fait cela , au nombre de gens qu'il avoit devant luy. Bien furent rapportez ces propos aux seigneurs cappitaines de France; mais ilz n'y peosoient autrement, pour ce que par leur raaistre estoient au service de l'Empereur, pour faire ce qu'il ordonneroit. Vous avez ouy cydessus la belle berehe qui estolt à la ville , qui trop grande estoit: et feust-ce pour aller mille hommes de fronc deux fois y dont l'Empereur fut deuement acerténé. Si ce délibéra y donner l'assault, comme vous orrez cy-après; mais premier vous parleray d'une course que fist le bon Chevalier avecques ses compaignons.