I. C. O. M.. T. IV

sonde l'aage de quinze à seize ans , qui mieulx sembloit mort que vif, et estoit tout Jaulne de fumée. Il fut amené devant le bon Chevalier ^ qui Tenquist comme 11 s'estoit sauve. Il respondit que quant il veit la fumée si grande, il s'en alla tout au fin bout de la cave , où il disoit avoir une fente du dessus de la montaigne bien petite, par où il avoit pris l'air. Et dist encores une piteuse chose , c'est que plusieurs gentilz-hommes et leurs femmes, quant ilz apperceurent qu'on Youloit mettre le feu , vouloient sortir , en congnoissant aussi bien qu'ilz estoient mors; mais les vilains qui estoient avecqueseulx, et beaucoup les plus fors, ne le voulurent Jamais consentir , et leur venoient au-devant avecques la pointe des ronçons, en disant qu'ilz mourrolent aussi bien que eulx : et ainsi les pauvres gens furent assaillis du feu, et des leurs mesmes.

De ce lieu de Longare marcha le camp droit à Montselles , que les Véniciens avoient repris et remparé , et dedans logé mille ou douze cens hommes. En chemin firent rencontrez par les seigneurs d'Alègre et bon Chevalier , avecques le seigneur Mercure et ses Albanoys , qui estoient pour lors à l'Empereur, quelques chevaulxlégiers de ceulx de la seigneurie qu'on appeloit Corvaz , et sont plus turcs que cbrestiens ; les^ quelz venoient voir s'ilz gaigneroient quelque chose sur le camp ; mais ilz firent mauvais butin, car tous ou la plupart y demeurèrent, et furent bien ung quart d'heure prisonniers. Entre lesquelz le seigneur Mercure va congnoistre le capi^talne qui estoit , ainsi qu'il dist depuis, son cousin germain , et l'avoit gecté de son héritage en Corvacie, lequel il tenoit et occupoit par force , et estoil le plus grant ennemy qu'il eust en ce monde. Si luy vint à ramentevoir toutes les meschancetez qu'il luy avoit faictes, et que à présent estoit bien en luy d'en prendre vengeance. L'autre dist qu'il estoit vray .. mais qu'il avoit esté pris en bonne guerre, et que par raison devoit sortir en payant rançon selon sa puissance, dont il offroit six mille ducatz et six beaulx et excellens chevaulx turcs. « Nous parlerons de cela plus à loysir , dist le » seigneur Mercure; mais, par ta foy , si tu me » tenois ainsi comme je te tiens, que feroys-tu » de moy ? » Lequel respondit : « Puisque si » fort me presses que de ma foy , Je t'advise que » si tu estois en ma mercy comme Je suis en la » tienne, tout Tor du monde ne te sauveroit pas » que Je ne te feisse mettre en pièces. — Vraye- » ment, dist le seigneur Mercure , Je ne te fe- H ray pas pis. »

Si commanda à s» Albanoys ,.en son langaige,

LE BON CUEVALIEB

à jouer des cousteaulx; lesquelz soubdainement misrent leurs cymeterres en besongne , et n'y eut cappitaine ne autre qui n'eust dix coups après sa mort; puis leur couppèrent les testes, qu'ilz piequoient au bout de leurs estradiotes, et disoient qu'ilz n'estoient pas chrestiens. Ilz avoient estrange habillement de teste, car il estoit comme ung chapperon de damoy selle; et où ilz roettoient la teste, cela estoit garay de cinq ou six gros papiers colez ensemble , de façon que une espée n'y faisoit nemplus de mal que sur une secrette (1).

Le siège de Montselles, qui se fist canonner l'espace de quatre ou cinq jours, et n'eust jamais esté pris, veu la fortifficatîon qu'on y avoit faicte , n'eust esté que ceulx qui estoient dedans sortoient pour venir à l'escarmouche, et bien souvent jusques à ung bon gect de pierre de leur fort , contre les adveuturiers françois , qui vouluntiers eussent esté veoir quel il faisoit en la place.

Par une après-disnée que l'on n'y pensoil point, les gens du cappitaine Molart , avecques ung gentil-homme qui se nommoit le baron de Montfaucon, allèrent escarmoucher ceulx du chasteau , qui gaillardement y vindrent , et faisoient merveilles : tellement que deux ou trois repoulsèrent assez lourdement les adventurlers , et une fois entre autres les chassèrent trop loing, tellement que quant ilz se cuidèrent retirer se trouvèrent lassez; dont lesditz adveuturiers s'apperceurent qui les chassèrent vivement ^ et de façon qu'ilz entrèrent pesle mesie parmy les ennemys dedans la place. Quant ceulx qui la gardoient virent qu'ilz estoient perduz, se retirèrent en une grosse tour, où incontinent ilz furent assiégez ; et bouta-on le feu au pied. La pluspart s'y laissa brusler plustost que se rendre; les autres sortoient par les créneaulx, qui estoient receuz sur la pointe des picques par les adveuturiers. Brief , il en eschappa bien peu en vie. Il y fût tué, du costé des François , ung gentil-homme nommé Gamican , et le baron de Montfaucon blessé à la mort : toutesfois il en eschappa, mais ce fut à bien grant peine.

On fist remparer la place, et y mist-on grosse garnison, cuydant aller mettre le siège a Padoue; mais nouvelles vindrent que le pape JuUes estoit révolté, et qu'il alloit faire la guerre au duc de Ferrare , lequel estoit allyé du roy de France , auquel ledict duc en avoit amplement escript pour estre secouru. A quoy le Roy voulut bien obtempérer, et escripvit au grant maistre , son lieutenant-général , luy bailler secours. Ce qu'il

(1) Arme défensive.

fist, car il envoya les seigneurs de Montoison , de Fontrailles, Du Lude , et le bon Gievaiier , avecques trois ou quatre mille hommes de pied françois, et huy t cens Suysses qu'avoit tirez du pays, comme adveuturiers, ung cappitaine nommé Jacob Zemberc. £ulx arrivez à Ferrare, furent fort bien receuz du duc , de la duchesse et de tous les habitans.

Le grant maistre , avecques son armée qui luy resta , se retira au duché de Milan , parce qu'il lut adverty que les Suysses, qui ung peu auparavant avoient laissé l'aliance du Boy son maistre, y faisoient une descente , et estoient desjà au pont de La Treille. Quant il arriva , il ne séjourna point à Milan ; ains avecques sa gendarmerie, les deux cens gentilz-hommeset quelque petit nombre des gens de pied , les alla attendre en la plaine de Galezas, et leur fist oster tous ferremens de moulins et tous vivres de leur chemin; et qui pis est , à ce qu'on disoit, avoit fait empoisonner tous les vins estans audit lien de Galezas, jusques où vindrent les Suysses, et en beurent tout leur saoul : mais au dyable celluy qui en eut mal. Guères ne furent aux champs que vivres ne leur faillissent; parquoy leur en convint retourner en leur pays, où ilz furent tousjours conduitz de près , affîn qu'ils ne meissent le feu en nulz villages. Il alla des adventurlers françois audit lieu de Galezas, qui voulurent boire du vin qu'on avoit empoisonné pour les Suysses; mais il en mourut plus de deux cens. Il fault dire que Dieu s'en mesla, ou que l'espiee estoit demourée au fons du tDnneau.

Or je laisseray ung peu ceste matière, et retourneray à la guerre du Pape et du duc de Ferrare. Mais premier je déclaireray une merveilleuse et périlleuse adventure qui advint à ceux de Lignago , en la mesme année.

ooo