CHAPITRE XLI

Comment ceulx de la garnison de Lignago firent une course sur les Vénicienspar Vadvertissement de quelques espies qui les trahirent ; parquoy ils Jurent deffaietz.

Quant le gentil chevalier de La Crote se fut mis en ordre dedans Lignago , peu demoura de jours qu'il ne tumbast malade , et fut en grant dangier de mort. Il avoit tout plain de jeunes gens voulentaires, dont entre autres estoit ung gentil-homme appelle Guyon de Gantiers , fort hardy, et courageux plus que de conduicte. Les Véniciens venoient aucunesfois courir jusques devant ceste place de Lignago ; mais ceulx de

SANS PAOUB BT SANS BBPBOUCHE.

dedans icelle, rois en garnison, n'osoient sortir, car il leur estoit seullement enchargé de la garder seurement. Ce Guyon de Gantiers avoit des espies deçà et delà , et list tant qu'il print congnoissance à quelqu'un de la ville de Montaignane, distant de Lignago douze ou quinze milles, lequel venoit bien souvent veoir icelluy de Gantiers en sa place , et luy tenoit tousjours propos que si quelquefois "Nouloit sortir avecques nombre de gens de cheval et de pied, non pas trop grant, il ne fauldroit point de prendre prisonnier le providadour de la seigneurie de Venize, messire André G rit, car souvent venoit audit Montaignane avecques deux ou trois cens chevaulx-légiers'; et que estant icelluy de Gantiers et ses compaîgnous embuschez auprès de la ville, par ung matin avant jour ne fauldroient point, ainsi que Je providadour sortiroit , de le prendre et quant et quant la ville, et icelle piller, et se faisoit fort le galant d'advertir seurement le jour qu'il y feroit bon.

Gantiers , qui grand désir avoit de faire courses et aussi d'attraper ce beau butin , l'asseura qu'il n'y auroit [loint de faulte ,mais qu'il feust adverty au vray : ce que l'autre luy promist assez, et puis s'en retourna à Montaignane, où luy arrivé donna à entendre, à celluy qui l'avmt en garde pour la seigneurie , la menée qu'il avoit faicte à ceulx de Lignago ; et que s'ilz vouloient bien jouer leur personnage, ne fauldroient point d'avoir à leur mercy la pluspart de ceulx de la garnison , et par ainsi ayséement reprendre la place , qui leur estoit de merveilleuse importance. Le cappitaine de Montaignane trouva cest advis très-bon, et incontinent le ûst entendre par homme exprès au providadour messire André G rit, qui amena trois cens hommes-d'armes, huyt cens chevaulx-légiers , et deux mille hommes de pied. De ceste bende , à deux ou trois millesduditMontaignaneluy arrivé, envoyadeux cens hommes-d'armes et mille hommes de pied en embusche , lesquelz furent instruitz laisser passer ceulx qui sortiroient de Lignago , et puis après leur clorre le passage.

Hz ne misrent pas en oubly ce qu'on leur avoit chargé , aussi jouèrent-ilz fort bien leur roolle. L'espie de Montaignane retourna pour parler à Guyon de Gantiers, qui luy fist grosse chère , luy demandant qui le menoit ; lequel en homme asseuré respondit : « Bonnes nouvelles pour vous » si vous voulez ; car à ce soir arrive en nostre » ville messire André Grit , avec deux cens che- » vaulx seullement : si vous voulez partir une » heure ou deux devant jour , je vous condui- » ray , et ne fauldrez point de l'empoigner. » Qui fut bien aise, ce fut Gantiers, lequel s'en vint in-

continent à ses compaigDons, mesmeroent à ung gentil-homme qu'on appelloit le jeune Malerbe, qui portoit leur enseigne, et leur compta l'alTalre de point en point. Jamais chose ne fut trouvée meilleure ; et quant à leur vouloir, n'estoit question que de partir, mais il eonvenoit avoir congé. Le cappitaine La Grote gardolt encores sur jour quelque peu le lict , pour n'estre pas trop bien revenu de sa maladie.

Si allèrent vers luy lesditz seigneurs de Gan tiers et Malerbe luy supplier leur donner cong de faire une course, où ilz auroient gros hon« neur et grant prouffit. Si luy comptèrent Fentreprinse d'ung bout en autre. Quant il eut ouy leurs raisons, respondit en sage et ad visé chevalier, et dist : « Messeigneurs , vous sçavez que » j'ay ceste. place sur ma vie et sur mon hon- » neur, pour la garder seulement. S'il advenolt » que eussiez rencontre autre que bonne , je se- » rois destruit et perdu à jamais ; et davantage » le reste de mes jours ne vivroys qu'en mélan- » colle : parquoy ne suis pas délibéré de vous » donner congé. » Hz commencèrent à luy faire des plus belles remonstrances du monde, en disant qu'il n'y avoit nul dangier, et que leur espie estoit asseuré. Et tant luy en dirent d'unes et d'autres , que moitié de gré , moitié par importunité , leur donna congé ; mais au vray dire c'estolt quasi à force. Gela ne leur donnoit riens, car le cerveau bouilloit encore dedans leur teste; et , à quelque péril que blé se vendist , voulurent essayer leur mauvaise fortune.

Hz en advertirent tous leurs compaignons qu'ilz tirèrent à leur cordelle ; et quant ilz congneurent que l'heure approchoit, en firent monter jusques à cinquante à cheval, tous hommesd'armes , que Malerbe menoit, et environ trois cens hommes de pied , que conduysoit Guyon de Gantiers. Sur les deux heures après minuyt partirent de Lignago, leur double espie avecques eulx , qui les conduysoit à l'escorchouer. Il n'est riens si certain que c'estoit toute fleur de chevalerie ce qui sortit de Lignago , quant à hardiesse; mais jeunesse estoit avecques eulx de compaignie. Hz se misrent ensemble le long du grant chemin qui alloit dudit Lignago à Montaignane, les gens de pied devant , et ceulx de cheval à leur esle. Tant allèrent, qu'ils approchèrent la première embusche des geds de la seigneurie, qui estoient en ung petit village; mais , ne se doubtant de rien , passèrent oultre , et poussèrent jusques à ung petit mille de Montaignane.

Alors leur dist l'espie : « Messeigneurs, laissez- » moy aller, et vous tenez ici tous serrez ; je '' voyssçavoir dedans la ville quel il y fait, pour

LE BON CHBVAL1EB

» VOUS en ndverlir. » Hz le laissèrent aller ; mais trop mieulx leur eust valu luy avoir eouppé la teste, car il ne fut pas si tost arrivé qu'il n'allast au seigneur messire André Grit , auquel il dist : « Seigneur, je vous ay amené , la corde au » col , la pluspart de ceulx de Ltgnago ; et n'est p possible qu'il s'en peust saulver ung seul si » vous voulez y car desjà ont-ilz passé vostre » embusche , et sont à ung mille d'icy. • Messire André Grit fut incontinent à cheval , et tous ses gens pareillement, tant de cheval que de pied ; et se gectant hors de la ville, envoya environ •cent hommes de cheval pour escarmoucher , qui bientost trouvèrent les François, lesquelz furent joyeulx à merveilles , pensant qu'il n'y eust autre chose , et que le providadour feust en ceste tpoppe. Les François à cheval commencèrent à charger, et des autres tournèrent le dos , Jusques à ce qu'ilz feussent sur la grosse troppe, laquelle quant ilz l'apperceurents'estonnèrent beaucoup, et retournèrent aux gens de pied , ausquelz ilz dirent : « Nous sommes trahiz , car ilz sont trois » mille hommes ou plus ; il fault essayer à nous » sauver. » Ceulx de la seigneurie les suyvoient à grosse furye , criant : Marco , Marco ! acame^ ucamc ! et chargèrent rudement les François , lesquelz misrent leurs gens de pied devant , et leurs gens de cheval sur leur queue , pour les soustenir. Et de fait reculèrent sans perte jusques au village où estoit la première embusche des Véniciens qui , au son de la trompette, suy vant la charge qu'ilz avoient, commencèrent à sortir 9 et se gectèrent entre LIgnago et les François. Par ainsi furent enclos et assailliz par deux costez. Et fault entendre que depuis que Dieu créa ciel et terre , pour le nombre des gens, ne ftit mieulx combatu pour ung jour ; car le combat dura plus de quatre heures, sans ce que les François , qui tousjours se retiroient, peussent estre deffaits.

D'une chose s'advisa messire André Grit : c'est qu'il flst gecter sur les esles quelques arbalestriers de cheval, qui vindrent donner dedans les gens de pied ; de sorte qu'ilz leur llrent rompre une partie de leur ordre. Toutesfois tousjours se retirèrent vers leur place, laquelle ilz approchèrent à quatre milles : mais là les convint demourer, car ilz firent chargez par tant d'endroitz et de telle sorte que la pluspart des hommes-d'armes furent mis à pied , car leurs chevaulx furent tuez. Quant Guyon de Gantiers veit que tout estoit perdu , comme ung lyon eschauffé va entrer dedans les gens de pi^ de la seigneurie, où il llsl merveilles d'armes, car il en tna de sa main cinq ou six ; mais il avoit trop petit nombre au pris des

autres. Si luy fut force là demourer abatu et tué avecques tous ses trois cens hommes , sans que nul en eschappast vif. Le cappitaine Malerbe s'estoit , avecques si peu de gens à cheval qu'il avoit , encores tiré aux champs^ où il combalit l'espace d'une grosse heure ; mais enfin il fut prins prisonnier et vingt et cinq de ses compaignons ; le demourant y mourut. Et pour conclusion , il n'eschappa homme vivant pour en aller dire les nouvelles à Lignago.

Quant messire André Grit vit du tout la victoire sienne, se va adviser d'une subtilité : c'est qu'il fist tous les gens de pied françois qui estoient mors despouiller et désarmer , et en feit vestir des siens autant , prent les habillemens des gens-d'armes , leurs chevaulx et plumailz , et les baille à de ses gens. Et davantage lenr bailla cent ou six-vingtz de ses hommes , qu'ilz emmenoient comme prisonniers, et leur foisoit conduyre trois faulcons que ceulx de Lignago avoient menez ; puis leur dist : « Allez en ceste » sorte jusques à Lignago ; et quand serez au- » près cryez: France ^ France! victoire^ vie- » toire! Ceulx de dedans penseront que ce » soyent leurs gens qui ayent gaigné. Et pour » encores mieulx leur donner à congnoistre , » oultre leurs enseignes emporterez encores » deux ou trois des nostres; je ne fais nulle » doubte qu'ilz ne vous ouvrent la porte : sai- » sissez-vous-cn ; et je seray à ung gect d'arc » de vous, et, au son de la trompette, je me « rendray là incontinent. Ainsi aigourd'huy, » si sçavez bien conduyre l'affaire, reprendrons « Lignago qui est de telle importance à la sei- » gneurie que sçavez. »

Ce qui leur fut commandé fiit très-bien exécuté; et menant feste et joye, approchèrent d'ung gect d'arc Lignago, sonnant trompettes et clérons. Le seigneur de La Crote avoit ung lieutenant en la place qui s'appelloit Bernard de Villars , ancien sage chevalier , et qui avoit beaucoup veu. Il monta sur la tour du portail pour veoir venir ses gens , qui démenoient si grant joye , afïln de leur faire ouvrir la porte. Il regarda de loing leur contenance dont il s'esbahyt, et dist à ung qui estoit auprès de luy : « Vèlà les chevaulx et les acoustremens de noz » gens ; mais il m'est advis que ceulx qui sont » dessus ne chevauchent point à nostre mode , » et ne sont point des nostres , ou je suis déceu. » Il y pourroit bien avoir du malheur en nostre » endroit , et le cueur le méjuge. Je vous prie, ^ descendez , et faictes abaisser la planchette » du pont , et puis dictes qu'on là retire. Si ce » sont noz gens , vous en congnoistrez assez ; V si ce sont ennemys , pensez de vous saulver à

SANS PAOUB £T SANS KEPBOtCllE.

M la barrière. J*ay Ici deux pièces chargées; s*il » est l)esoing , cd serez secouru. >» Au dire du cappîtaine Bernard , descendit le compaignon , gui sortit hors de la place , cuydant venir audevant de ses gens ^ en demandant : Qui vive P où est le cappilaine Malerbe ? Hz ne respondirent riens : mais , cuydans que le pont feust abaissé, commencèrent , à course de cheval, marcher. Ledit compaignon se saulva tellement quellement en la barrière. Alors furent tirées les deux pièces d*artillerie, qui les arresta sur le cul. Ainsi fut saulvée la place de Lignago | pour ceste fois; mais les François y eurent grosse honte et perte , dont plusieurs s'apper- ' çeurent. Quant le povre seigneur de La Grote eut entendu le piteux affaire , II cuyda mourir de dueil. Le roy de France eu ^*f desplaisant à merveilles, et luy en cuyda faire faire ung mauvais tour ; mais cela s*appaisa par le moyen du seigneur Jehan Jacques, qui estoit pour lors venu en France pour tenir sur fonds madame Benée, fille du roy Loys douziesme et de Anne sa femme , duchesse de Bretaigne , lequel luy fist plusieurs remonstrances à la descharge dudit seigneur de La Grote.

Or laissons ce propos, et retournons au pape Julles second , qui marchoit vers Ferrare.

ooo

CHAPITBE XLIÎ.

Comment le pape Julles vint en personne en la duché de Ferrare^ et comment il mist le siège devant la Myrandolle.

Le pape Julles, qui désiroit à merveilles recouvrer la duché de Ferrare qu'il prétendoit esire de l'Eglise , dressa une grosse armée qu'il fist en Boulenoys, pour l'amener en ladicte duché ; et s'en vint, de journée en Journée , loger en ung gros village qu'on appelle Sainct- Félix , entre la Concorde et la Myrandolle. Le duc de Ferrare et tous les François qui estoient avecques luy , s'estoient venuz loger à douze milles de Ferrare , entre deux bras du Pau, en ung lieu dit TOspitalet, où il fist dresser ung pont de bateaulx qu'il faisoit très-bien garder, car par là souvent ses ennemys estoient escarmouchez. Le Pape., arrivé à Sainct-Féllx , manda à la contesse de la Myrandolle, qui fille naturelle estoit du seigneur Jehan Jacques de Trévolz , alors veufve , qu'elle voulsist mettre la ville de la Myrandolle entre ses mains, par- •e qu'elle luy estoit nécessaire pour son entreprinse de Ferrare. La contesse, qui , suy vaut le cueur de son père, estoit toute françoise , et

sçavoit très-bien que le roy de France favorisoit et seoouroit le duc de Ferrare , ne l'eust fait pour mourir. Elle avoit ung sien cousin germain, appelle le conte Alexandre de Trévolz , avecques elle , qui ensemble firent response à ceiluy qui estoit venu de par le Sainct-Père; et luy fut dit que quant il luy plairoit s'en pourroit bien retourner , et dire a son maistre que pour riens la contesse de la Myrandolle ne l)ailIeroit sa ville ; qu*elle estoit sienne, et que. Dieu aydant, la sçauroit bien garder contre tous ceulx qui la luy vouidroient oster. De ceste response fut courroucé merveilleusement le Pape , et Jura sainct Pierre et salnct Paul qu'il Tauroit par amour ou par force. Si commanda à son nepveu le duc d'Urbin, cappitaine-général de son armée , .^ue le lendemain il allast mettre le siège.

Le conte Alexandre de Trévolz, qui n'en pensoit pas moins, envoya devers le duc de Ferrare et les cappitainesfrançois à TOspitalet, qui n'estoit que à douze milles , leur supplier > pource qu'il ne se sentoit pas bien garny de gens pour l'heure , et qui de Jour en autre espéroit le siège, qu'on luy envoyast Jusques à cent I)ons compaignons et deux canonniers. La chose luy Ait aiséement accordée , car la perte de lu Myrandolle estoit de grosse importance au duc de Ferrare , qui estoit ung gentil prince, saige et vigillant à la guerre , et qui scet quasi tous les septars libéraulx, et plusieurs autres choses mécanicques, comme fondre artillerie , dont il est aussi bien garny que prince son pareil de tout le monde , et si en scet très-bien tirer , faire les affutz et les boulletz. Or laissons ses vertus là, car assez en avoit et a encores. Par l'advis des cappitaines françois il envoya à la Myrandolle les deux canonniers et les cent compaignons qu'on demandolt; et avecques eulx allèrent deux Jeunes gentilz-hommes , Tung du Dauphiné , appelle Monchenu , nepveu du sei' gneur de Montoison , et l'autre nepveu du seigneur Du Lude , qu'on appelloit Chantemerle , du pays de la Beausse , ausquelz, au partir , le bon Ghevalier sans paour et sans reprouche dist : « Mes enfans , vous allez au service des » dames; monstrez-vous gentilz compaignons » pour acquérir leur grâce , et faites parler de M vous. La place où vous allez est très-bonne et » forte; si le siège y vient , vous aurez honneur » à la garder. « Et plusieurs autres Joyeulx propos leur disoit le bon Chevalier, pour leur mettre le cueur ou ventre. Si monta luy-mesmes à cheval avecques sa compaignie, pour leur faire escorte ; et si bien les conduysit qu'ilz entrèrent dedans 1^ ville où ilz furent receuz de la

LE BON CHBVÀLIBB

contesse et du conte Alexandre très-bonnestement. Hz n'y furent jamais trois jours que le siège ne feust devant , et l'artillerie plantée sur le bort du fossé , qui commença à tirer fort et royde. £t ceux de la ville, qui ne monstroient pas tiltre d'esbahissement , leur rendoient la pareille au mieulx qu'ilz povoient.

Le bon Chevalier, qui ne plaignit jamais argent pour sçavoir que faisoient ses ennemys , avolt ses espies , qui souvent luy rapportoient nouvelles du camp et du Pape , qui estoit encores à Sainct-Félix, et comment il se délibéroit de partir dedans ung jour ou deux pour aller au siège qu'il avoit fait mètre devant la Myrandolle. Il renvoya encore ung desdits espies à Sainct-Félix, dont ils n'estoient que à dix milles, pour entendre au vray quant le Pape parti roi t. Il fist si bonne inquisition, qu'il sceut pour vray que le lendemain yroit en son camp. Si en vint advertir le bon Chevalier, qui en fût bien ayse, car il avoit telle chose pensée , qu'il espéroit prendre le Pape et tous ses cardinaulx ; ce qu'il eust fait, n'eust esté ung inconvénient qui advint, comme vous orrez.