CHAPITRE XLVI

De plusieurs choses qui advinrenï en Ytalie en deux ans,

Pource que ceste histoire est principallement fondée sur les vertus et prouesses du bon Chevalier sans paour et sans reprouche , laisseray beaucoup de choses à desmesler, s'ilz ne sont requises y estre mises. Toutesfois je veulx en gros déclairer ce qui advint durant deux ans en Ytalie , et jusques à la mort du bon seigneur de Cbaumont , gouverneur de Milan , auquel gouvernement succéda le gentil prince duc de Nemours , Gaston de Foix.

L'Empereur demanda encores secours au roy de France pour la conqueste du Fryol , que les- Véniciens tenoient. C'est ung très-bel et bon pays; et par là entre-l'on en la Germanie en deux ou trois endroitz , et par Tung bout en rEsclavonnie. Sa demande luy fut accordée; et escripvit ledit seigneur, à son lieutenant-général ledit seigneur de Cbaumont , qu'il envoyast le seigneur de La Palisse oudit pays de Friol , accompaigné de douze cens hommes-d'arraes et de huyt mille hommes de pied : ce qui fut fait. Et y alla avecques tout plain de gentilz cappitaines, tant de cheval que de pied. Vous povez penser qu'il ne laissa pas le bon Chevalier, son parfait amy, derrière. Ils trouvèrent l'armée de l'Empereur à Véronne ; si marchèrent ensemble. Pour lors, et en ceste mesme armée, estoit

(i) Le duc d'Urbin ne tua le cardinal de Pavie qu'après la prise de Bologne par Trivulce.

lieutenant pour l'Empereur ung gentil-homme aimant, qu'on nommoit messire George Destin. Ils entrèrent bien avant, et allèrent pour assied ger Trévize, mais ils n'y firent riens; et aux approches fut tué ung gaillart gentil-homme , le seigneur de Lorges, qui estoit aloi-s lieutenant du cappitalne Bonnet, qui avoit mille hommes de pied. Et en son lieu le fut ung sien jeune frère , qui depuis a fait de belles choses. De là ilz tirèrent jusques sur le bort d'une rivière qu'on appelle la Pyave , qui sépare le Fryol et le Trévizan, et y fut dessus fait ung pont sur bateaulx. Le bon Chevalier et le cappitalne Fontrllles passèrent oultre avecques leurs bendes.

Or depuis ung peu avoit le bon Chevalier soubz sa charge cent hommes -d'armes, dont le roy de France avoit fait don au gentil duc de Lorraine, par condition que le bon Chevalier les conduyroit, comme son lieutenant : mais pas mieulx ne demandoit le bon prince, car en tout le monde n'en eust sceu avoir de meilleur. Si allèrent ces deux vaillans cappitaines , avecques quelques Almans, devant Gradisque et devant Gorisse , qui sont sur les confins de l'Esclavonuie : toutesfois les Véniciens les tenoient. Elles furent prinses et mises entre les mains de l'Empereur. Et puis s'en retournèrent au camp, où ils trouvèrent le seigneur de La Palisse , qui avoit longuement demouré sans grans choses faire, par la mauvaise conduicte des gens de l'Empereur. Et si jamais povres gens de guerre n'eurent autant de mal, car ilz furent six jours durant sans manger pain ne boire vin, et assez d'autres nécessitez ilz eurent en ce malheureux voyage : de sorte que le roy de France y perdit plus de quatre mille hommes de pied de maladie et meschanceté , et plus de cent hommes-d'arraes. Et entre autres gens il y avoit environ deux mille cinq cens Grisons qui, quant le patn leur faillit, mangèrent force raisins , car c'estoit ou moys de septembre : ung flux de ventre les print , de façon qu'ilz mouroient cent pour jour ; et fut une chose bien estrange que, des deux mil cinq cens , quant ils retournèrent en leur pays n'estoient que deux. L'ung fist le cappitalne, et l'autre portoit l'enseigne de sergens de bende pour faire tenir l'ordre : ils demeurèrent ou Fryol. Bref , de tous les gens que le seigneur de La Palisse avoit menez avecques luy, n'en eust sceu mettre de sains trois cens hommes-d'armes à cheval , ne trois mille hommes à pied.

Quant il veit ceste malheureté, Il s'en voulut retourner ; que les gens de l'Empereur ne trouvoient pas bon, et y eut entre eulx de grosses parolles. Toutesfois il s'en vint jusques à ung lieu nommé Sainct-Boniface ( c'est le village où

LE BON CHEVALIER

les Véniciens , en l*année précédente , avoient si longuement tenu leur camp ) , et là firent séjour quelque peu, durant lequel, ainsi que le seigneur Du Ru, bourguignon, alloit visiter ung chasteau que luy avoit donné l'Empereur, il fût prins des Albanoys de la seigneurie de Venize. On disoit que le seigneur Mercure, qui pareillement estoit audit Empereur, luy avoit donné ceste trousse, pource qu'il querelloit la place comme luy. Je m'en rapporte à ce qu'il en fut.

Le seigneur Jehan Jacques en ces deux ans reconquesta, avecques l'armée du roy de France, La Myrandole, et repoussa l'armée du Pape jus« ques devant Boulongne, où elle fut deffaicte sans mettre espée en la main , et cuyda estre prins le Pape dedans. Jamais ne fut veu si grosse pitié de camp, car tout leur bagaige y demoura , artillerie , tentes et pavillons ; et y avoit tel François qui luy seul amenoit cinq ou six hommes-d'armes du Pape, ses prisonniers ; et en fut ung qui avoit une jambe de boys, appelé La Baulme, qui en avoit trois lyez ensemble. Ce fut une grosse deffaicte, et gentement exécutée. Le bon Chevalier sans paour et sans reprouche y eut honneur merveilleux, car il menoit les premiers coureurs; et luy fist cest honneur, le soir de la deffaicte, le seigneur Jehan Jacques, en souppant, de dire que après Dieu le seigneur de Bayart debvoit avoir l'honneur de la victoire. Il y avoit beaucoup de vaillans cappitaines quant il proféra les parolles , et estoit si sage et vertueux qu'il ne les eust point dictes s'il n'y eust eu grande raison.

Au retour, le gentil duc de Nemours alla veoir le duc et la duchesse de Ferrare, où il fut receu à grant joye , et luy fut faict force festins à l'usage du pays ; car la gentille duchesse en sçavoit trop bien la manière.

Luy estant là , se fist ung combat de deux Espaignolz , que je vueil bien réciter.

oco