CHAPITRE XLVII

Comment deux Espaignolz combatirentà ouitrance en la ville de Ferrare.

Le jour mesmes que ce gentil duc de Nemours arriva à Ferrare, le baron de Béarn luy dist que, s'il voulolt^ anroit le passe-temps de veoir ung combat à oultrance de deux Espaignolz, dont l'ung s'appelloit le cappitaine Saincte- Croix , et avoit esté coalonnel des gens de pied du Pape ; l'autre se nommoit le seigneur Azévédo , qui avoit aussi eu quelque charge des-

dicts gens de pied. L'occasion de leur combat estoit que ledit Azévédo disoit que le cappitaine Saincte-Croix l'avoit voulu faire tuer meschamment et en trahison , et qu'il l'en combatroit ; l'autre respondoit qu'il avoit menty et qu'il s'en de^endroit. Parquoy estoit venu ledit Azévédo à Ferrare pour soy présenter au duc de Nemours, affin de luy faire donner le camp ; ce qu'il fist , après que ledit baron de Béarn lé luy eut donné à congnoistre. Ainsi Azévédo, bien aise d'estre asseuré du camp , le manda incontinent à son ennemy Saincte-Croix , qui ne fist pas longue demoure. En attendant sa venue, fût dressé le camp devant le palais ; et deux jours après que fut arrivé Saincte-Croix , lequel vint bien accompaigné (car il avoit bien cent cbevaulx de compaignie , dont le principal , et qu'il avoit prins pour son parrain , estoit domp Pedro de Coignes, chevalier de Roddes et prieur de Messine, domp Françoys dcBcaumont , qui peu auparavant avoit laissé le service du roy de France et autres ) , délibéra parfaire ses armes ; et entrèrent en camp une journée de mardy, environ une heure après midy. Premier entra l'assaillant, qui estoit Azévédo, avecques le seigneur Fédéric de Bazolo , de la maison de Gonzago , qu'il avoit prins pour son parrain ; et si ne sçavoit pas encores comment son ennemy, ny en quelles armes il vouloit combatre : toutesfois, comme bien conseillé , s'estoit gamy de tout ce qui luy estoit nécessaire en hommes-d'armes , à la genète et à pied , en toutes les sortes qu'il povoit ymaginer qu'on sceust combatre. Peu après qu'il fut entré, va devers luy le prieur de Messine, qui fait porter deux secrettes, deux rapières bien trenchantes et deux poignars, le»* quelz il présenta au seigneur Azévédo pour choisir. Il print ce qui luy estoit besoing; et ce fait , se mist Saincte-Croix dedans le camp.

Tous deux se gectèrent à genoulx pour faire leurs oraisons à Dieu. Après furent tastez par les parrains, sçavoir s'ilz avoient nulles armes soubz leurs vestemens. Ce fait , chascun vuyda le camp , qu'il n'y demeura fors les deux eombatans , leurs deux parrains et le bon Chevalier sans paour et sans reprouche y qui par le due de Ferrare, et pour plus l'honnorer, aussi qu'il n'y avoit homme ou monde qui mieulx s'entendist en telles choses , fut ordonné maistre et garde du camp. Le hérault commencea à faire son cry, tel qu'on a aecoustumé faire en tels cas , que nul ne fist signe , crachast ne toussast , ne autres choses dont nul desdits combatans peust estre advisé. Ce fait, marchèrent l'ung contre l'autre. Azévédo en la main droicte mist sa rappière , et en l'autre son poignart ; mais

SANS PAOUB ET SA.NS BEPROUGHE.

Saincte-Croix mist son poignart.au fourreau , et tiot seulement sa rappière. Or \ous povez penser que le combat estoit bien mortel , car ilz n'avoient nulles armes sur eulx pour les couvrir. Sagement se gectèrent plasieurs coups , et avoient cbascun bon pied et bon œil , et bon besoing leur estoit. Or, après plusieurs coups, Saincte-Croix en rua ung dangereux droit au visage, que Azévédo deffendit subtilement de sa rappière; et en descendant, son coup luy couppa tout le hault de la cuysse Jusques à Tos, dont incontinent jaillit le sang à grosse babondance, toutesfois que Saincte-Croix cuydamar- .''hcr en avant pour se venger, mais il tumba. Quoy voyant par icelluy Azévédo, bien joyeulx s'approcha de son ennemy, en luy disant en son langage : « Rends-toy, Sainte-Croix , ou je te » tueray. » Mais il ne respondoit riens ; ains se mist sur le cul , tenant son espée au poing et faisant ses exclamations , délibéré plustost mourir que de se rendre. Alors Azévédo luy dist : «■ Leive-toy doncques , Saincte-Croix , je ne te » frapperoys Jamais ainsi. » Aussi il y faisoit dangereux , comme à ung homme désespéré ; et de grant cueur qu'il avoit se releva et marcha deux pas en avant , cuydant enferrer son homme, qui recula ung pas, rabattant son coup.

Si tumba pour la seconde fois Saincte-Croix , quasi le visage contre terre, et eut Azévédo Tespée levée pour luy coupper la teste ; ce qu'il eust bien fait s'il eust voulu , mais il retira son coup. Et pour tout cela ne se vouloit point rendre Saincte-Croix. La duchesse de Ferrare , avecques laquelle estoit le gentil duc de Nemours , le prioit à joinctes mains qu'il les fist départir. Il répondoit: « Madame, je le voul- » drois bien pour l'amour de 'vous ; mais hon- « nestement je ne puis ne doibz prier le vainc- » queur contre la raison. » Saincte-Croix perdoit tout son sang ; et si plus guères y feust demouré, mort estoit sans nul remède. Parquoy le prieur de Messine, qui estoit son parrain, s*en vint à Azévédo , auquel il dist : « Seigneur Azé-

> védo , je congnois bien au cueur du cappi-

> taîne Saincte-Croix qu'il mourroit plustost que » se rendre ; mais voyant qu'il n'y a point de » moyen en son fait , je me rendz pour luy. » Ainsi demeura victorieux. Si se mist à deux genoulx , et fort humblement remercia Nostre- Seigneur. Incontinent vint ung cyrurgien, qui estancha la playe de Saincte-Croix ; et ses gens le prindrent entre leurs bras et l'emportèrent hors du camp avecques ses armes, lesquelles Azévédo envoya demander ; mais on ne les vouloit rendre. Si s'en vint plaindre au duc de Ferrare , qui le

dist au bon Chevalier, lequel eut la conmiission d'aller dire à Saincte-Croix que s'il ne vouloit rendre les armes comme vaincu , que le duc le feroit rapporter dedans le camp où luy seroit sa playe décousue , et le mettroit-on en la sorte que son ennemy l'avoit laissé quant son parrain s'estoit rendu pour luy. Quant il veit que force luy estoit, rendit ses armes au bon Chevalier, qui y comme le droit le donnoit , les bailla au seigneur Azévédo, lequel , avecques trompettes et clérons , fut mené au logis du seigneur duc de Nemours. On luy fist beaucoup d'honneur ; mais depuis il en récompensa mal les François, qui luy fut grosse lascheté.

Peu de temps après s'estoit fait ung autre combat à Parme entre deux autres Ëspaignolz : l'ung, nommé le seigneur Péralte, qui autrefois avoit esté au service du roy de France, et fut tué d'ung coup de faulcon au camp de la Fosse, ainsi que le seigneur Jehan Jacques chassoit l'armée du Pape; et l'autre, le cappitaine Aldano. Leur combat fut à cheval , à la genète , la rappière, le poignart, et cbascun trois dartz en la main , avecques une targuète. Le parrain de Péralte fut ung Ëspaignol , et celluy de Al* dano fut le gentil cappitaine Molart. Il avoit tant neigé que leur combat se fist en la place de Parme où on l'avoit relevée , et n'y avoit autres barrières que de neige. Chascun des deux combatans fist très-bien son devoir ; et enfin le seigneur de Chaumont , qui avoit donné le camp , les fist sortir en pareil honneur.

Les Véniciens en ce temps vindrent assiéger Véronnc , où estoit le seigneur Du Plessis pour le roy de France , qui la tenoit en gaige pour aucuns deniers qu'il avoit prestez à l'Empereur. Toutesfois ilz n'y firent riens; et alla lever le siège le seigneur de Chaumont , gouverneur de Milan.

L'armée du Pape et des Ëspaignolz vindrent aussi assiéger Boulongne ; mais le siège en fut levé pareillement, et se retirèrent les ennemys en la Rommaigne.

Quelque temps après, en ung lieu dit Conrège, alla de vie à trespas le bon seigneur de Chaumont^ ce gentil chevalier qui , par l'espace de dix ou douze ans , avoit si bien gardé la Lombardie à son maistre le roy de France. Ce fut en son vivant ung sage , vertueux et advisé seigneur, de grande vigilance et bien entendant ses affaires. Mort le prist ung peu bientost , car lors de son trespas n'avoit que trente et huyt ans , et si n'en avoit pas vingt et cinq quant on luy bailla le gouvernement de la duché de Milan. Dieu par sa grâce lui face pardon , car il fut homme de bien toute sa vie.

LE BON CHBVALIER

Peu après envoya le roy de France en Ytalie le seigneur de Longueville, son lieutenant-général ; lequel fist faire nouvel serment à tous ceulx qui tenoient les villes et places du duché de Milan au Roy son maistre, et à sa flile aisné, madame Claude de France. Il y deraoura quelques jours, puis s'en retourna ; et ne tarda guères après que ce gentil duc de Nemours ne feust lieutenantgénéral , en la sorteque l'estoit ledit feu seigneur de Chaumont. Il ne demoura guères en cest estât, car mort le surprint , qui fut gros dommage à toute gentillesse.

Sur la fin de Tannée 151 1 , et vers Noël , descendit une grosse troppe de Suysses, au devant desquelz fut ledit duc de Nemours et quelque nombre de gens ; mais il n*estoit pas puissant pour les combatre à la campaîgne , parce que la pluspart de ses gens estoient es garnisons forcées , comme Véronne , Boulongne et autres. Chascun jour se faisoit des escarmouches ; toutesfois les François furent rembarrez jusques dedans Milan , où le jour mesmes le seigneur de Conty, cappitaine de cent hommes-d'armes , alla faire une course , en laquelle il n'eut pas du meilleur, car il perdit huyt ou dix hommesd'armes , et si fut fort blessé , de façon que en la ville de Milan mourut. Le lendemain , le bon Chevalier sans paour et sans repronche, son grand compaignon et amy, le vengea bien, car il fut aux champs et defflt cinq cens Suysses au lieu mesmes où receut les coups delà mort icelluy seigneur de Conty. Quelques jours furent les Suysses devant Milan , mais vivres leur faillirent; parquoy furent contrainctz venir à quelque appoinctement , eteulx en retourner. Ledit appoinctement se fist par leur cappitaine général , et qui les avoit amenez , que l'on nommoit le baron de Saez , avecques le duc de Nemours, en ung lieu près Milan , dit Sainct-Ange. Lesditz Suysses s'en retournèrent ; mais ceste descente fiist gros dommage en la duché , car ilz bruslèrent quinze ou vingt gros villages.

Peu après s'en alla ledit duc de Nemours, parce qu'il entendit que l'armée d'Espaigne approchoit Boulongne pour l'assiéger , en un village près de Ferrare , nommé Fynal , où il assembla toute l'armée et la logea là à l'entour.

Ainsi que ladicte armée marcboit droit à ce Fynal, passa le noble duc de Nemours par une petite ville appelée Carpy , avecques la pluspart des cappitaines, mesmement ceulx en qui plus se floit et qu'il aimoit le mieulx. Il y séjourna deux jours , et y fut fort bien receu , avecques sa compaignie , du seigneur de la ville , qu'on estimoit homme de grand sçavoir , tant ès-lettres grecques que latines. Ilestoit cousin -germain dePic-

cus Myrandula , et luy s'appelloit Albertus Myrandula , conte de Carpy. Il souppa , le soir de l'arrivée dudit duc de Nemours, avecques luy et les cappitaines françois, où il y eut plusieurs devis , et entre autres d'ung astrologue que aucuns autres appelloient devyn , lequel estoit en oeste ville de Carpy; et que c'estoit merveilles de ce qu'il disoit des choses passées , sans en avoir jamais eu congnoissance ; et encores , qui plus fort estoit, parloit des choses à venir. Il n'est riens si certain , que tous vrais chrestiens doivent tenir qu'il n'y a que Dieu qui sache les choses futures. Mais cest astrologue de Carpy a dit tant de choses, et à tant de sorte de gens, qui depuis sont advenues , qu'il a mis beaucoup de monde en resverie.

Quant le gentil duc de Nemours en eut ouy parler , ainsi que jeunes gens appètent de veoir choses nouvelles , pria au conte qu'il l'envoyast quérir : ce qu'il fist , et vint incontinent. Il povoit estre de l'aage de soixante ans ou environ, homme sec et de moyenne taille. Le duc de Nemours luy tendit la main , et en ytalien luy demanda comment il se portoit ; il luy respondlt très-honnestement. Plusieurs propos furent tenuz; et entre autres luy fût demandé par le seigneur de Nemours si le visroy de Naples et les Espaignolz attendroient la bataille. Il dist que ouy, et que, sur «a vie, elle seroit le vendredysainct ou le jour de Pasques , et si seroit fort cruelle. Il luy fut demandé qui la gaigneroit. Il respondit ces propres motz : « Le camp demou- » rera aux François, et y feront les Espaignolz » la plus grosse et lourde perte qu'ils firent cent « ans a; mais les François n'y gaigneront guères, » car ilz perdront beaucoup de gens de bien et » d'honneur , dont ce sera dommage. » Il dist merveilles. Le seigneur de La Palisse luy demanda s'il demoureroit point à ceste bataille. Il dist que nenny ; qu'il vivroit encores douze ans pour le moins, mais qu'il mourroit en une antre bataille. Autant en dist au seigneur d'imbercourt; et au capitaine Richebonrg, qu'il seroit en grand dangierd'estretuédefouidre. Brief,il n'y eut guères de gens en la compaignie qu'ilz ne s'enquissent de leur affaire.

Le bon Chevalier sans paour et sans repronche estoit présent, qui s'en ryoit ; et le gentil duc de Nemours lui dist : « Monseigneur de » Bayart , mon ami , je vous prie, demandez ung » peu à nostre maistre que ce sera de voas ? — » Il ne faut pas, respondit-il, que je demande , » car je suis asseuré que ce ne sera jamais grant » chose; mais puisqu'il vous plaist, je le vueil » bien. » Et commença à dire à l'astrologue: « Monsieur nostre maistre, je vous prie, dictes-