I. C. D. M., T. IV

• ture. » L'autre se sentit itgurié , et respondit en homme corroucé : « Va , va , je ne te diray » riens, et si as menty de ce que tu me dis. • Il y a voit beaucoup de gentilz • hommes en prâence, lesquelz dirent à Jacquyn : « Cap-

• pitaine , vous avez tort , vous voulez tirer du » passe-temps de luy , et luy dictes injure. » Alors il revint peu à peu , et parla beaucoup plus doulcement^ en luy disant : «Maistre,mon

• amy , si j'ay dit quelque folle parolle , je te » prie, pardonne moi ; » et fist tant qu'il le rapaisa. Et puis luy montra sa main, car ledit astrologue regardoit le visaige et les mains. Quant il eut veue celle de Jacquyn , il luy dist en son langaige : « Je te prie , ne me demandes

• riens , car je ne te diroye chose qui vaille. » Toute la compaignie qui estoit là se print à rire; et Jacquyn , bien marry de ce que les autres ryoient, dist encore à l'astrologue : « C'est tout

• ung , dis-moy que c'est ; je sçay bien que je » ne suis pas cocu , car je n'ay point de femme. » Quand il se veit ainsi pressé, il luy dist: « Veulx- tu sçavoir de ton affaire? — Ouy , dist

• Jacquyn. — Or, pense doncques à ton amede

• bonne heure , dist l'astrologue ; car devant » qu'il soit trois moys tu seras pendu et estran- » glé. » Et de rire par les escoutans de plus belle , lesquelz n'eussent jamais pensé que le cas adviensist, car il n'y avoit nulle apparence^ pource qu'il estoit en crédit parmy les gens de pied, et aussi qu'ilz pensoient que le maistre l'eust dist, pource que Jacquyn l'avoit du commencement injurié : mais il ne fut riens si vray , et, comme on dit en ung commun proverbe, qui a à pendre ne peult noyer ^ je vous diray ce qui advint de luy.

Deux ou trois jours après que le duc de Nemours fut arrivé au Fynal , qui est ung gros village au meillieu duquel passe ung canal qui va cheoir au Pau , assez parfond , et y avoit ung pont de boys pour aller d'ung costé à l'autre; de jour en jour en ce canal arrivoient plus de cent barques qui vendent de Ferrare, et apportoient toutes manières de victuailles aux François. Ung jour, par adventure, que Jacquyn eut bien souppé, vint environ neuf heures de nuyt, à force torches et tabourins de Suysse , au logis de monseigneur de Molart, son cappitaine, armé de toutes pièces , et monté sur ung fort beau coursier, en ordre comme ung sainct George ; car de sa soulde ou de pillage il estoit fort bien vestu , et avoit trois ou quatre grans chevaulx , espérant que après la guerre faillie se mettroit des ordonnances.

Quant monseigneur de Molart le veit en ceste sorte , et veu l'heure que c'estoit , se print à

LE BON CHEVALlEa

rire , congnoissant bien que la malvésye luy avoit quelque peu troublé le cerveau. Si luy dist: « Comment, cappitaine Jacquyn, voulez- » vous laisser la plcque ? — Nenny non, dist- « il, Monseigneur; mais, je. vous supplie, » menez-moy au logis de monseigneur de Ne- « mours, et que devant luy il me voye rompre » ceste lance que je tiens , affin qu'il ait con- » gnoissance si ung saute-buysson ne courra » pas ung boys aussi bien que ung haridelle. » Le cappitaine Molart congneut bien que la matière valloit bien venir jusques à la fm , et que le seigneur duc de Nemours et toute la compaignie s'en pourroient resjouyr. Si mena Jacquyn, qui passa tout à cheval par dessus ce pont de boys qui traversoit le canal , car les gens de pied estoient logez d'ung costé , et les gens de cheval de l'autre. Or, venu qu'il feust devant le logis du prince duc de Nemours, qui desjà en estoit adverty et descendu de sondit logis , ensemble la compaignie qui estoit avecques luy, pour en avoir leur passe-temps; quant ilz furent sur la rue , Jacquyn , mieulx garny de vin que d'autres choses, avecques force torches, en sorte qu'on y voyoit comme en plein midy, se taist sur les rencs.

Lors le duc de Nemours luy escrie : « Cappi- » taine Jacquyn, esse pour l'amour de vostre » dame, ou pour l'amour de moy , que voulez y» rompre ceste lance? >» Il respondit en parlant de Dieu , à la mode des aventuriers, que c'estoit pour l'amour de luy, et qu'il estoit homme pour servir le Roy à pied et à cheval. Si baissa la veue, etûst sa course tellement quellement, mais il ne sceut rompre sa lance ; il recourut encores ung coup , mais il en fist autant ; et puis la tierce et quarte fois. Quant on veit qu'il ne faisoit autre chose, il fascha la compaignie , et le laissa-on là. Bien ou mal fait par luy, se mist au retour à son logis le beau pas. Il avoit fort eschauffé son cheval , et desorte qu'il alloit tousjours saultelant; joinct aussi qu'il ne le menoit guères bien, luy donnant de l'espron sans propos ; de façon que quant il fut sur ce pont de boys, le chatoilloit tousjours. Il avoit ung peu pluvyné ; de sorte que , en faisant par le cheval ung petit sault , les quatre piedz luy vont fouyr , et tumbèrent homme et cheval dedans le canal, où pour le moins y avoit demy-lance d'eaue. Ceulx qui estoient de sa compaignie s'escrièrent : A Vayde^à Vayde! D'en hault ne luy povoit-on donner secours , car ce canal estoit fait comme ung fossé à fons de cuve ; et sans le grant nombre des barques qui estoient là, on n'en eust veu jamais pied ne main. Le cheval se deffist de son homme, et nagea plus de demy-quart

d'heure avant qu'il sceust trouver moyen d'eschapper : enfin il se trouva à ung lieu qu'on avoit baissé pour abreuver les chevaulx, et se saulva.

Le cappitaine Jacquyn, le vaillant hommed'armes, grenoilla en l'eaue longuement ; mais enfin comme par miracle futsaulvé, et pesché par ceulx qui estoient es barques, mais plus mort que vif. Incontinent fut désarmé et pendu par les piedz , où en peu de temps gecta par la bouche deux ou trois seaulx d'eaue, et fut plus de six heures sans parler. Toutesfois les médecins de monseigneur de Nemours le vindrent veoir, et fut si bien secouru que dedans deux jours fut aussi sain et gaillart que jamais. Il ne fault pas demander si de ses compaignons adventuriers fut mocqué à double carillon ; car Tung luy disoit : « Hé 1 cappitaine Jacquyn, vous » souviendra-il une autresfois de courir la lance « à neuf heures de nuyt en y ver? » L'autre luy disoit: « Il vault encores trop mieulx estre saul- » tebuysson que haridelle , on ne tumbe pas de » si hault. » Bref, il fut mené comme il luy appartenoit; mais c^la ne me fait point tant esmerveiller comme de ce qu'il se saulva de dedans ce canal , et armé de toutes pièces ; et c'est ce qui m'a fait mettre cest incident en ceste histoire, à propos de l'astrologue de Carpy, qui luy avoit dit qu'il seroit pendu et estranglé; comme il fut le mardy d'après Pasques ensuyvant, qu'avoit esté la furieuse journée de Ravenne , comme vous orrez.

Estant ce gentil duc de Nemours au Fynal , attendant tousjours quelques nouvelles des ennerays , se partit une journée entre les autres , et alla visiter le duc et la duchesse de Ferrare en leur ville, lesquelz, s'ilz luy avoient fait bonne chière par le passé , encores la luy firentilz meilleure. Il y demoura cinq ou six jours en joyeulxet honnestes passe-temps, et en rapporta les couleurs de la duchesse , qui estoient de gris et noir ; et puis s'en retourna en son camp , où il eut certaines nouvelles que , sans secourir la ville de Boulongne, elle et ceulx qui estoient dedans s'en alloient perduz; parquoy assembla tous les cappitaines pour y adviser: si fut conclud qu'on yroit lever le siège. Il faisoit assez mauvais chevaucher , comme en la fin da moys de janvier ; toutesfois il partit du Fynal, et print son chemin droit à Boulongne, où durant son voyage advint ung gros inconvénient, car la ville de Bresse fut reprinse par les Véniciens, comme vous entendrez.

ooo

SANS PAOUB ET SANS BBPBOUCHE.