CHAPITRE XLVIII

Comment messire André Grit, providadour de la seigneurie de Venise , par le moyen du comte Loys Advogadre , reprint la ville de Bresse,

Les Véniciens taschoient tous les jours, entre autres choses, de trouver le moyen à remettre la ville de Bresse entre les mains de la seigneurie, qui est une des belles citez de l'Europe, des plus fortes , et gamye de tous vivres que Ton sçauroit souhaiter pour nature substanter. Dedans ieelles ourdent tant de belles fontaines, que c'est ung droit paradis terrestre. Il y a trois vallées qui viennent entre les montaignes eulx joindre à ladicte ville, dont Tune vient des Almaignes^ et les deux autres d'entre le Fryol et Venise, et s'appellent la Val Camonègue , la Val Tropye et la Val Zobye; et par l'une de ces trois se peult toosjours donner secours à la ville, laquelle estoit garnie des gens du roy de France; et en estoit pour lors gouverneur le seigneur Du Ludde , et cappitaine du chasteau ung gentil-homme du pays de Bascoz , nommé Hergoye.

La grande voulenté qu'avoient les Véniciens de reprendre Bresse n'estoit pas fondée sans raison, car par là affamoient ceulx qui estoient dedans Véronne , et faisoient barbe à ceulx qui vouidroient partir de Milan pour leur en faire porter ; mais ilz ne povoient trouver moyen de ia ravoir , ny aussi surprendre ceulx qui la gardoient, sans avoir intelligence dedans à quelque gros personnage : et combien que les habitans feusseut bons à Sainct-Marc, personne nes'osoit aventurer , parce que le feu seigneur de Conty et le bon Chevalier, pour une surprise qui leur cuyda estre faicte peu de temps devant , avoient fait coupper la teste à ung des plus apparens de la ville et de la plus grosse maison , nommé le conte Jehan Marie de Martinango , qui en estoit le chef; et plusieurs autres furent confinez en France. Toutesfois le dyable , enneiny de tout repos humain, voulut user de sa science, et va semer une discention en ladicte ville entre deux grosses maisons, l'une de Gambre et l'autre Advogadre; mais celle de Gambre estoit beaucoup plus favorisée des François.

Ung jour s'esmeut ung débat entre deux des enfans du conte de Gambre et du conte Loys Advogadre; de sorte que celluy de Gambre, qui estoit bien acompaigné, blessa oultrageusement l'autre. Ledit conte Loys Advogadre ne s'en feust sceu venger, car la force n'estoit pas sienne en la ville , si s'en estoit venu à Milan. Aucun temps avoit esté devers le duc de Ne*

mours pour en avoir la justice et réparation. Le bon prince le vouloit , et en commanda commissions pour en faire l'information, a£Qn de rendre à chascun son droit. Je ne sçay comment il alla , mais enfin n'en eut autre chose; parquoy , comme homme injurié à tort , sans en povoir avoir raison , se désespéra et délibéra de retourner à son naturel , et faire semblant d'aller huyt ou dix jours à une sienne possession, s'en va jusques à Venize devers le duc et la seigneurie , les induyre à regaigner et remettre entre leurs mains la bonne ville de Bresse ; et de ce leur bailla les moyens qu'il falloit tenir, qui pour l'heure sortirent à bon effect. S'il fut le bien venu, ne fault pas demander, car ladicte ville de Bresse estoit la fillole de Sanct- Marco. Il fut festoyé trois ou quatre jours comme ung roy , durant lequel temps prindrent conclusion en leur affaire ; et luy fut promis , au jour par eulx prins et assigné, qu'il n'y auroit nulle faulte que messire André Grit ne se trouvast devant la ville aveoques sept ou huyt mille hommes de guerre , sans les villains des montaignes qui descendroient; et que ce pendant il allast gaigner gens en la ville, et faire ses préparatifz. Il s'en vint , et secrètement gaigna et tira à sa cordelle la pluspartdes habitans.

Le seigneur Du Ludde (1) ne se fioit pas trop en eulx , et faisoit chascun jour bon guet ; mais Il estoit bien mal acompaigné pour se deffendre contre la commune s'ilz eussent eu mauvais vouloir , comme tous eurent , ou la pluspart ; car cinq ou six jours après, à ung matin au point du jour , vindrent les Véniciens à une des portes , qu'ilz trouvèrent garnye de gens pour la deffendre. Si firent sonner l'alarme. Le seigneur Du Ludde se mist incontinent en ordre pour là y cuyder donner ; mais , en amusant les François à la porte ^ partie des ennemys rompirent certaines grisles de fer par où sortaient les immundices de la ville , et commencèrent à entrer dedans, criant: Marco y Marco! Quant et quant le conte Loys Advogadre se mist sus, et tous ceulx de sa faction ; de sorte qu'on eust veu toute la ville en armes. Quant le povre seigneur Du Ludde veit qu'il estoit trahy , feist sonner la retraicte à ses gens ; et, au mieulx qu'il luy fut possible , avecques eulx se retira au chasteau ; mais tous les chevaulx , harnois et babillemens y demourèrent. La contesse de Gambre, qui estoit Françoise , et tous ceulx qui tenoient le party du roy de France, s'y saulvèrent. Sur ces entrefaictes, furent les portes ouvertes , et

(1) Jacques de Daillon. Il fat sénéchal d^Ai^oa et capitaine de cinquante hommes-d'annes .

LE BON CHBYALIEB

mis le seigneur messire André Grit dedans. Une grosse pitié fut ; car tous les François qui furent trouvez dedans, sans en prendre ung à mercy, furent mis en pièces; mais ilz le comparurent après , comme vous verrez.

La première chose que fist faire le conte Loys Advogadre quant il veit sa force, ce fut d'aller aux maisons de ceulx de Gambre, lesquelles il fist toutes ruyner et desmolir. Le providadour, messire André Grit , congneut bien que ce n'estoit pas le plus fort d'avoir eu la ville , s'il n'avoit le chasteau; car par là pourroit estre aiséement reprinse. Si l'envoya par une trompette sommer incontinent ; mais il perdit sa peine, car trop estoit gamy de gaillarde chevalerie. Toutesfois au peuple qui y estoit entré les vivres n'eussent guères duré; et davantage le providadour fist canonner la place à merveilles , et y eut grosse berche faicte. Davantage, fist soubdainement dresser deux engins en manière de grues pour approcher de la place, lesquelz portoientbien chascun cent hommes de front; bref, ilz firent tout ce que possible estoit de faire pour prendre le chasteau. Le seigneur Du Ludde et le cappitaine Hérigoye, bien estonnez de ceste trahison, despeschèrent ung homme devers le duc de Nemours, qui estoit allé avecques toute sa puissance à Boulongne, en l'advertissant de leur inconvénient; et davantage que s'ilz n'estoient secouruz dedans huyt jours, ils estoient perduz.

Le messagier, combien que tous les passages feussent gardez , eschappa , et fist si bonne diligence qu'il arriva devant Boulongne le jour mesmes que le gentil duc avoit levé le siège, et refreschy la ville de gens et de vivres. Les lettres luy furent présentées , que le bon prince ouvrit et leut. Il fut bien esbahy quant il entendit l'inconvénient de Bresse; car c'estoit, après le chasteau de Milan , la place que les François eussent en Ytalie de plus grosse importance. Les cappitaines furent assemblez, et conclurent tous ensemble que à toute diligence falloit retourner , et la reprendre s'il estoit possible ; ce qu'ilz pensoient aisé à exécuter, pourveu que le chasteau ne se perdist point Après ceste conclusion , n'y eut pUis de procès; mais chascun fist trousser son cas, et se misrent à chemin.

OOO CHAPITRE XLIX.

De la grande diligence que fist U gentil duc de Nemours pour reprendre Bresse; et comment U deffistle cappUaine-général des Vé-

niciens en chemin ^ et cinq au six mille hommes.

Quant messire André Grit fut malstre et seigneur de la ville de Bresse , et qu'il eut assiégé le chasteau comme avez entendu, ne se tint^pas à tant ; mais bien congnoissant que dès ce que le duc de Nemours, qui estoit allé lever le siège de Boulongne, en seroit adverty , soubdain retourneroit , parquoy , s'il ne se trouvoit fort dedans la ville et aussi puissant que pour oombatre aux champs, seroit en dangier d'estre perdu , il escripvit une lettre à la seigneurie, qu'il envoya en extrême diligence, et en icelle leur faisoit entendre qu'il estoit plus que nécessaire , pour conserver la ville de Bresse par luy prise , ilz envoyassent secours si puissant que ce feust pour se deffendre , et à ung besoing donner la bataille au camp des François; et , par le moyen de Bresse, recouvroient toutes leurs terres. Sa demande fut ti*ouvée raisonnable et de grosse importance. Si fut incontinent mandé à messire Jehan Paule Bâillon, lors cappitaine-général de ceste seigneurie de Venise, qu'il eust jour et nuyt à marcher , acompaigné de quatre cens hommes-d'armes et quatre mille hommes de pied , et qu'il s'en allast gecter dedans Bresse.

Quant il eut le vouloir de la seigneurie entendu , il se mist en son debvoir et à chemin au plustôt qu'il peut. De l'autre costé marchoit le duc de Nemours si diligemment , que ung chevaucheur sur ung courtault de cent escus n'eusl sceu faire plus de pays qu'il en faisoit en ung jour avecques toute son armée ; et tant fist qu'il arriva auprès d'ung chasteau appelle Yalège, qui tenoit pour le roy de France , et lequel cuydoit prendre le cappitaine Jehan Paule Bâillon en passant. Et ce qu'il s'y amusa luy porta grant dommage , car le duc de Nemours en f^t adverty, lequel fist faire ce jour-là à son armée, en fin cueur d'y ver, comme à la my-février, trente milles de pays, et de façon qu'il se trouva plus près de Bresse que ledit cappitaine Bâillon, qui en ung passage fut rencontré des François. Il avoit cinq ou six pièces d'artillerie, lesquelles il fist deslAcher , dont de l'une fut tué le porteenseigne du seigneur de Théligny , cappitaine moult à louer , lequel menoit avecques le bon Chevalier les premiers coureurs.

Toute la nuyt le bon Chevalier avoit eu la fiebvre, et n'estoit point armé, ains estoit en une robbe de veloux noir à chevaucher ; noais quant il veit qu'il falloit combatre, emprunta ung halecret d'ung adventurier, qu'il mist sur sadicte robbe , et monta sur ung gaillart coursier ; puis , avecques son compaignon le seigneur

SAIfS PAOUB ET SANS BBPROUCliB.

de Thétigny, marcha droH aux ennemys. La grosse troppe de Tavaut-garde des François estoit encores bien loing : toutesfois ilz ne laissèrent point de charger, et y eut dure et aspre rencontre, qui dura , tousjours combatant , ung quart d'heure. Cependant en vindrent nouvelles au camp : si firent les François refreschis de gens ; mais quant le cappitaine de la seigneurie les yeit approcher, tourna le doz , se retirant de là où il estoit venu. Il fut chassé longuement , mais jamais ne peut estre pris : ses gens de pied y demourèrent, son artillerie, et la pluspart de ses gens de cheval. Ce fut une gorgiase defftdcte et proufûtable aux François; car s'ilz feussent entrez dedans Bresse, jamais n'eust esté reprise. De ceste tant bonne rencontre fût marry et joyeulx le duc de Nemours : joyeulx de ce qu'il estoit victorieux, et marry de ce qu'il ne s'y estoit trouvé.

G^ nouvelles furent incontinent sceues au chasteau de Bresse , où ilz firent feu de joye en cinq ou six lieux ; car par là se trouvoient asseurez d'estre secourus dedans deux jours. Mais s'ilz en avoient joye au chasteau , ilz en eurent bien autant de mélencolie en la ville , congnoissans que c'estoit leur destruction ; et se feussent voulentiers retournez les habitans, lesquelz vindrent supplier à messire André Grit qu'il se retirast ; mais il n'en voulut riens faire , dont mal luy en print. Le noble prince duc de Nemours s'en vint, après la deffaicte de Jehan Paule Bâillon, loger à vingt milles de Bresse ; et lendemain , au pied du chasteau ; en marchant, il se trouva quelque nombre de vilains assemblez en ung petit village, lesquelz voulurent tenir fort , mais enfin furent tous mis en pièces. Quant l'armée des François fut arrivée, incontinent montèrent au chasteau quelques cappitaines pour reconforter les seigneurs Du Ludde et cappitaine Hérigoye , ensemble ceulx qui estoient dedans , et y Ait porté force vivres ; dont de joye tirèrent dix-huyt ou vingt coups d'artillerie en ville , qui de telle feste se feussent bien passez les habitans. Le lendemain , monta le seigneur de Nemours au chasteau; aussi firent les cappitaines et toute l'armée , où il fût eonciud de donner l'assault à la ville , qui fût aspre, dur et cruel.

ooo