I. C. D. M., T. IV

gneur de Lantrec, le seigneur d'Alègre, et quelques autres, jusques au nombre de vingt chevaulx. L'alarme estoit gros au camp des Espaignolz, comme gens qui s'attendoient d'avoir la bataille en ce jour ; et se mettoient en ordre , comme pour recevoir leurs mortelz ennemys. Le duc de Nemours, allant ainsi à l'esbat, commencea à dire au bon Chevalier : « Monseigneur >» de Bayart , nous sommes icy en bute fort » belle; s'il y avoit des hacquebutiers du costé » delà cachez , ilz nous escarmoucheroient à » leur aise. » Et, sur ces parolles, vont adviser une troppe de vingt ou trente gentilz-hommes espaignolz, entre lesquelz estoit le cappitaine Pedro de Pas, chef de tous leurs geuétaires ; et estoient lesditz gentilz-hommes à cheval. Si s'avança le bon Chevalier vingt ou trente pas , et les salua, en leur disant : « Messeigneurs , vous >» vous esbatez comme nous, en attendant que le » beanjeu se commence; je vous prie que Ton » ne tire point de coups de hacquebute de vos- » tre costé , et on ne vous eu tirera point du » nostre. »

Le cappitaine Pedro de Pas luy demanda qu'il estoit; et il se nomma par son nom. Quant il entendit que c'estoit le cappitaine Bayart , qui tant avoit eu de renommée au royaulme de Naples, fut Joyeulx à merveilles. Si luy dist en son langage : « Sur mafoy, monseigneur de Bayart, » encores que je soye tout asseuré que nous n'ay> vous riens gaigné en vostre arrivée, mais, par » le contraire, j'en tiens vostre camp enforcy » de deux mille hommes^ si suis-je bien aise de » vous veoir ; et pleust à Dieu qu'il y eust bonne » paix entre vostre maistre et le mien, à ce que » peussions deviser quelque peu ensemble , car » tout le temps de ma vie vous ay aymé par » vostre grande prouesse. » Le bon Chevalier, qui tant courtois estoit que nul plus, luy rendit son change au double. Si regardoit Pedro de Pas que chascun honnoroit le duc de Nemours, qui demanda : « Seigneur de Bayart, qui est ce » seigneur tant bien en ordre, et à qui voz gens » portent tant d'honneur ?» Le bon Chevalier luy respondit : « C'est nostre chef, le duc de Ne- » mours, nepveu de nostre prince , et frère à » vostre Royne. » A grant peine il eut achevé son propos, que le cappitaine Pedro de Pas et tous ceulx qui estoient avecques luy misrent pied à terre, et commencèrent à dire, adressans leurs parolles au noble prince : « Seigneur, sauf » l'honneur et le service du Roy nostre maistre, » vous déclairons que nous sommes et voulons » estre et demeurer à jamais voz serviteurs. » Le duc de Nemours, comme plein de courtoisie, les remercia ; et puis leur dist : « Messeigneurs,

LE BON CHEVALIER

» je voy bien que dedans aujourd'hui nous sçau- » roDs à qui demourera la canoipaigne , à vous » ou à nous ; mais à grant peine se desmeslera » cest affaire, sans grande effusion de sang. Si » vostre visroy vouloit vuyder ce différent de » sa personne à la mienne, je ferois bien que » tous mes amys et compaignons qui sont avec- » ques moy s'y consentiront ; et si je suis vaincu, n s'en retourneront ou duché de Milan, et vous » laisseront paisibles par deçà : aussi , s'il est » vaincu, que tous vous en retourniez au royaul- » me de INaples. » Quant il eut achevé son dire, luy fut incontinent respondu parung, dit le marquis de La Padule. « Seigneur, je croy que » vostre gentil cueur vous feroit voulentiers » faire ce que vous dictes ; mais à mon advis » que nostre visroy ne se fiera point tant en sa » personne qu'il s'accorde à vostre dire. — Or >• à Dieu doncques , Messeigneurs , dit le gentil » prince; je m'en vois passer Teaue, et prometz » à Dieu de ne la repasser de ma vie que le » camp ne soit vostre ou nostre. » Ainsi se départit des Espaignolzleducde Nemours. Allant et venant veoient tout acier les ennemys , et comment ilz se mettoient en bataille ; mesmement leur avant-garde de gens de cheval, dont estoit chef le seigneur Fabricio Goulonne , se monstroit en belle veue, et toute de^couverte. Si en parlèrent le seigneur d'Alègre et le bon Chevalier au duc de Nemours, et luy dirent : « Monseigneur, vous voyez bien ceste troppe de p gens de cheval ? — Ouy, dist-il, ilz sont en n belle veue. — Par ma foy , dist le seigneur » d'Alègre, qui vouldra amener icy deux pièces V d'artillerie seulement, on leur fera ung mer- » veilleux dommage. » Gela fut trouvé très-bon; et luy mesme alla faire amener ung canon et une longue coulevrine. Desjà les Espaignolz avoieut commencé à tirer de leur camp , qui estoit fort à merveilles, car ilz avoient ung bon fossé devant eulx. Derrière estoient tous leurs gens de pied couchez sur le ventre, pour double de l'artillerie des François. Devant eulx estoit. toute la leur, en nombre de vingt pièces , que canons que longues coulevrines, et environ deux cens hacquebutes à croc; et, entre deux haequebutes, avoient sur petites charrettes à roues de grans pièces de fer acéré et trenchant , en mimlère d'ung ronçon, pour faire rooller dedans les gens de pied , quant ilz vouldroient entrer parmy eulx. A leur esie, estoit leur avant-garde, que conduysoit le seigneur Fabricio Goulonne , où il y avoit environ huy t cens liommes-d'armes; et ung peu plus hault estoit la bataille, en laquelle avoit plus 4e quatre cens hommes-d'armes, que menoit te visro}r, Domp Raymon de

Cardonne; et joignant de luy avoit seulement deux mille Ytaliens, que menoit Ramassot; mais quant à la gendarmerie, on n'en ouyt jamais parler de mieulx en ordre , ne mieulx montez.

Le duc de Nemours , passé qu'il eust la rivière, commanda que chascun marchast. Les Espaignolz tiroient en la troppe des gens de pied françois , comme en une bute , et en tuèrent , avant que venir au combat, plus de deux mille. Hz tuèrent aussi deux triumphans hommes-d'armes, l'ung appelle lasses, et l'autre L'Hérisson. Aussi moururent ensemble, d'ung mesme coup de canon , ces deux vaillans cappitaines , le seigneur de Molart et Philippes de Fribourg ; qui fut ung gros dommage et grant désavantage pour les François , car ilz estoient deux apparens et aymez cappitaines , sur tout le seigneur de Molart , car tous ses gens se feussent faitz mourir pour luy. Il fault entendre que, nonobstant toute l'artillerie tirée par les Espaignolz, les François marchoient tousjours. Les deux pièces que le seigneur d'Alègre et le bon Ghevalier avoient fait retourner deçà le canal , tiroient Incessamment en la troppe du seigneur Fabricio, qui luy faisoient ung dommage non croyable; car il luy fut tué trois cens hommes-d'armes ; et dist depuis, luy estant prisonnier à Ferrare, que d'ung coup de canon luy avoit esté emporté trentetrois hommes-d'armes. Gela foschoit fort aux Espaignolz , car ilz se veoyent tuer , et ne sçavoient de qui : mais lecappitaine Pedro Navarre avoit si bien conclud en leur conseil, qu'il estoit ordonné qu'on ne sortiroit point du fort, Jusques à ce que les François les y allassent assaillir ; et qu'ilz se deSeroient d'eulx-mesmes. Il n'estoit riens si vray : mais il ne fut plus possible au seigneur Fabricio détenir ses gens, qui disoient en leur langage: Coerpo de Dios^ sommas matados del cielo; vamos combater los umbres. Et commencèrent, pour évader ces coups d'artillerie , à sortir de Irar fort , et entrer en ung beau champ pour aller combatre.

Ils ne prindrent pas le chemin droit à l'avantgarde , mais advisèrent la bataille où estoit ce vertueux prince duc de Nemours avec petite troppe de gendarmerie ; si tirèrent ceste part. Les François de la bataille , Joyeulx d'avoir le premier combat, l>aissèrent la veue, et d'ung hardy courage marchèrent droit à leurs ennemys, lesquelz se misrent en deux troppes, pour, par ce hioyen, enclorre ceste petite Imtaille. De ceste ruse s'apperçeut bien le bon Ghevalier, qui dist au duc de Nemours: « Monseigneur^ mec- 1 tons - nous en deuit parties , jusques à ce » qu'ayons passé le fossé , car îlz now veullent

SANS 1*A0UB ET SAKS AErHOUCUK.

» enclorre. » Cela fut incontlDent fait, et se départirent. Les Espaignolz firent ung brnyt et ung cry merveilleux à l'aborder : Espaigne ! Espaigne! Sani Yago! aux canailles! aux canailles ! Furieusement venoient , mais plus furieusement furent receuz des François, qui eryoient aussi: France! France! aux chevaulx! aux chevaulx ! car les Espaignolz ne taschoient à autre chose , sinon d'arrivée tuer les chevaulx , pource qu'ilz ont ung proverbe qui dît: Moerto el cavaillo ^ perdido rumbred'armes.

Depuis que Dieu créa ciel et terre ne fut veu QBg plus cruel ne dur assault que François et Espaignolz se livrèrent lesungz aux autres, et duraphis d'une grande demye-heure ce combat. Hz se reposoient lesungz devant les autres, pour reprendre leur alayne, puis baissoient la veue , et recommençoient de plus belle, criant France et Espaigne le plus impétueusement du monde. Les Espaignolz estoient la moytié plus que les François. Si s'en courut le seigneur d'Alègre droit à son avant-garde , et de loing advisa la bende de messire Rol)^^ de La Marche, qui portoient en devise blanc et noir; si leur escria: Blanc et noir ^ marchez! marchez ! et aussi les archiers de la garde. Le duc de Ferrare et seigneur de La Palisse pensèrent bien que , sans grant besoing , le seigneur d'Alègre ne les estoit pas venu quérir. Si les firent incontinent desloger, et, à bride abatue, vindrent secourir le duc de Nemours et sa bende, laquelle, combien qu'elle feust de peu de nombre , recnlloient tousjours peu à peu les Espaignolz.

A l'arrivée de ceste firesche bende, y eut ung terrible butin; car Espaignolz furent vivement assaillis. Les archiers de la garde avoient de petites coignées, dont ilzfaisoient leurs loges, qui estoient pendues à l'arson de la selle des chevaulx; ilz lesmisrenten besongne, etdonnoient de grans et rudes coups sur l'armet de ces Espaignolz , qui les estonnoit merveilleusement. Oncques si furieux combat ne fut veu ; mais enfin convint aux Espaignolz habandonner le camp sur lequel et entre deux fossez moururent trois ou quatre cens hommes-d'armes; aucuns princes du royaulme de Naples y furent prins prisonniers, ausquelz on sauva la vie : cbascun se vouloit mettre à la chasse ; mais le bon Chevalier sans paour et sans reprouche dist au vaillant duc de Nemours , qui estoit tout plein de sang et de cervelle d'ung de ses hommes-d'armes qui avoit esté emporté d'une pièce d'artillerie: « Monseigneur, estes-vous blessé? — « Non , dist-il , Dieu mercy , mais j'en ay bien « blessé û^autres. — Or, Dieu soit loué , dist le

» bon Chevalier, vous avez gaigné la bataille , >» et demourez aujourd'huy le plus honnoré » prince du monde. Mais ne tirez plus avant, et » rassemblez vostre gendarmerie en ce lieu; » qu'on ne se mecte point au pillage encores, car » il n'est pas temps ; le cappîtaine Loys d'Ars » et moy allons après ces fnyans, à ce qu'ilz ne » se retirent derrière leurs gens de pied; et pour » homme vivant ne départez point d'Icy que le- » dit cappitaine Loys d'Ars ou moy ne vous « viengnons quérir. « Ce qu'il promist faire, mais il ne le tint pas, dont mal luy en print.

Vous avez entendu comment les gens de pied des Espaignolz estoient couchez sur le ventre, en ung fort merveilleux et dangereux à assaillir, car on ne les voyoit point. Si fut ordonné que les deux mille Gascons yroient sur la queue deslâeher leur traict, qui seroit cause de les faire lever : or les gens de pied françois n'en estoient pas loing de deux picques; mais le fort estoit trop désavantageux : car, pour ne veoir point leurs ennemys , ilz ne sçavoient par où ilz dévoient entrer. Le cappitaine Odet et le capdet de Duras dirent qu'ilz estoient tous prestz d'aller faire lever les Espaignolz, mais qu'on leur baillast quelques gens de picque, à ce que, après que leurs gens auroient tiré, s'il sortoit quelques enseignes sur eulx, ilz feussent soustenuz: cela estoit raisonnable; et y alla avecques eulx le seigneur de Moncaure , qui avoit mille Picars. Les Gascons deslâchèrent très-bien leur traict, et navrèrent plusieurs Espaignolz , à qui il ne pleut guères, comme ilz monstrèrent, car tout soubdainement se levèrent en belle ordonnance de bataille, et du derrière sortirent deux enseignes de mille ou douze cens hommes , qui vindrent donner dedans ces Gascons. Je ne sçay de qui fut la faulte , ou d'eulx ou des Picars , mais ilz furent rompuz des Espaignolz ; et y fut tué le seigneur de Moncaure, le chevalier Desbories, lieutenant du cappitaine Odet, le lieutenant du capdet de Duras, et plusieurs autres.

A qui il ne pleut guères, ce fût à leurs amys : mais les Espaignolz en firent une grant huée, comme s'ilz eussent gaigué entièrement la bataille: toutesfois, ilz congnoissoient bien qu'elle estoit perdue pour eulx; et ne voulurent pas re> tourner en derrière ces deux enseignes qui avoient rompu les Gascons ; mais se délibérèrent d'aller gaigner Bavenne , et se misrent sur la chaussée du canal , où ilz marchoient trois ou quatre de fronc. Je laisseray ung peu à parler d'eulx, et retourneray à la grosse flote des gens de pied françois et espaignolz. C'est qu^, quant lesditz Espaignolz furent levez, se vont présenter sur le bord de leur fossé , où les François

LE BON CHEVALIEB

livrèrent fler, dur et aspre assauU ; mais ilz furent serviz de haequebutes à merveilles, de sorte qu'il en fut beaucoup tué ; mesmement le gentil cappitaine Jacob eut ung coup au travers du corps, dont il tumba ; mais soubdain se releva, et dist à ses gens en aimant: « Messeigneurs , « servons aujourd'buy le roy de France , aussi w bien qu'il nous a traictez. » Le bon gentilliomme ne parla depuis, car Incontinent tumba mort. Il avoit un cappitaine soubz luy , nommé Fabien (1) , ung des beaux et grans bommes qu*on veit jamais; lequel, quant il appcrçeut son bon maistre mort, ne voulut plus vivre, mais bien fist une des grandes hardiesses qu'oncques homme sçeut faire ; car, ainsi que les Espaignolz avoient ung gros hoc de picques croysées au bort de leur fossé , qui gardoit que les François ne povoient entrer , ce cappitaine Fabien , voulant plutost mourir qu'il ne vengeast la mort de son gentil capitaine, print sa picque par le travers: il estoit grant à merveilles, et, tenant ainsi sa picque, la mist dessus celles des Espaignolz, qui estoienl couchées , et , de sa grande puissance , leur fist mettre le fer en terre. Quoy voyant par les François , poussèrent roidement et entrèrent dedans le fossé; mais pour le passer y eut ung meurdre merveilleux ; car oncques ^ens ne firent plus de deffense que les Espaignolz , qui , encores n'ayant plus bras ne jambe entière, mordoieut leurs ennemys. Sur ceste entrée y eut plusieurs cappitaines françois mors, comme le baron de Grantmont, le cappitaine Maugiron , qui y fist d'armes le possible , le seigneur de Bardassan. Le cappitaine Bonnet eut ung coup de picque dedans le fronc , dont le fer Juy demoura en la teste. Brief , les François y receurent gros dommage ; mais plus les Espaignolz , car la gendarmerie de l'avant-garde IVançoise leur vint donner sur le costé , qui les rompit du tout ; et furent tous mors et mis en pièces, excepté le conte Pedro Navarre, qui fut prisonnier, et quelques autres cappitaines.

Il fault retourner à ces deux enseignes qui s'enfuyoient pour cuyder gaigner Ravenne; mais en chemin rencontrèrent le bastard Du Fay et les guidons et archiers , qui leur firent retourner le visage le long de la chaussée : guères ne les suyvit le bastard Du Fay, mais retourna droit au gros affaire , où il servit merveilleusement bien. Entendre devez que , quant ces deux enseignes sortirent de la Iroppe , et qu'ilz eurent deffaictz les Gascons, plusieurs s'en fùyrent , et aucuns jusques au lieu où estoit le vertueux duc de Nemours, lequel, venant

(i) Fabicin de Schlabcrstorf. li éuit Saxon,

au-devant d'eulx , demanda que c'estoit. Ung paillart respondit : «Ce sont les Espaignolz qui * nous ont deffaictz. » Le povre prince , cuydant que ce fust la troppe de ses gens de pied , fut désespéré ; et , sans regarder qui le suy voit , se va gecter sur ceste chaussée par laquelle se retiroient ces deux enseignes, qui lèvent rencontrer en leur chemin , et bien quatorze ou quinze hommes-d'armes. Hz avoient encores rechargé quelques haequebutes , qui vont deslâcher, et puis à coups de picque sur ce gentil duc de Nemours et sur ceulx qui estoient avecques luy, lesquelz ne se povoient guères bien remuer, car la chaussée estoit estroicte, et d'ung cosié le canal où on ne povoit descendre , de l'autre , y avoit ung merveilleux fossé que l'on ne povoit passer. Bricf , tous eeulx qui estoient avecques le duc de Nemours furent gectez en l'eaue, ou tumbez dans le fossé. Le bon duc eut les jarretz de son cheval couppez : si se mist à pied , Tespée au poing , et oncques Rolant ne fist à Roncevaulx tant d'armes qu'il en fist là , ne pareillement son cousin , le seigneur de Lautrec , lequel veit bien le grant dangier où il estoit, et cryoit tant qu'il povoit aux Espaignolz : « Ne le tuez pas , c'est iu)stre visroy , le frère » à vostre Roy ne. >» Quoy que ce feust, le povre seigneur y demoura , après avoir eu plusieurs playes ; car, depuis le menton jusques au fronc, en avoit quatorze ou quinze; et par là monstroit bien le gentil prince qu'il n'avoit pas tourné le doz.

Dedans le canal fut noyé le filz du seigneur d'Alègre , nommé Viverolz , et son père tué à la deffaicte des gens de pied ; le seigneur de Lautrec y fut laissé pour mort , et assez d'autres. Ces deux enseignes se sauvèrent le long de la chaussée , qui duroit plus de dix milles ; et, quant ilz furent à cinq ou six milles du camp, rencontrèrent le bon Chevalier qui venoit de la chasse avecques environ trente ou quarante hommes-d'armes; tant las et travaillez que merveilles. Toutesfoîs il se délibéra de charger ses ennemys : mais ung cappitaine sortit de la troppe, qui commença à dire, en son langaige : « Seigneur, que voulez-vous faire ? Assez oon- » gnoissez n'estre pas puissant pour nous def- » faire. Vous avez gaigné la bataille et tué tous ^ noz gens ; suffise vous de l'honneur que vous » avez eu, et nous laissez aller, la vie sauve, car » par la voulenté de Dieu sommes eschappez. » Le J:>on Chevalier congneut bien que l'EspaiguoI disoit vray ; aussi n'avoit-il cheval qui se peust soustenir ; toutesfois il demanda les enseignes qui luy furent baillées ; et puis ilz s'ouvrirent, et il passa parmy eulx , et les laissa «lier. Las!

SANS PAOUR ET SANS nEPROUCIlE.

W ne scavoil pas que le bon duc de Nemours feust mort, ne que ce feussent ceulx qui Tavoient tué; car il feust avant mort de dix mille mors , qB'il ne l'eust vengé, s'il l'eust sceu. Durant la bataille, et avant la tolalle deffaicte, s'en fuyt domp Raymon de Cardonne (1), visroy de Naples, environ trois cens hommesd'armes, et le cappitaine Ramassot, avecques ses gens de pied ; le demourant fut mort ou pris.

Le bon Chevalier et tous les François retournèrent de la chasse , environ quatre heures «près midy, et la bataille estoit commencée environ huyt heures de matin. Chascun fut adverty de la mort de ce vertueux et noble prince, le gentil duc de Nemours , dont ung dueil commença au camp des François, si merveilleux que je ne cuyde point, s'il feust arrivé deux mille hommes de pied, fraiz, et deux cens homraes-d'armes , qu'ilz n'eussent tout deffaict ; tant de la peine et fatigue que tout au long du jour avoient souffert , car nul ne fut exempté de eombatre , s'il voulut , que aussi la grande et extrême douleur qu'ilz portoient en leur cueur de la mort de leur chef, lequel, par ses gentilzhommes , en grans pleurs et plains , fut porté à son logis. Il y a eu plusieurs batailles depuis que Dieu créa ciel et terre ; mais jamais n'en fut veu , pour le nombre qu'il y avoit , de si cruelle, si furieuse, ne mieuhx combatue de toutes les deux parties, que la bataille de Ravenne.

ooo