CHAPITRE LVIII

Du trespas de la magnanyme et vertueuse princesse Anne y royne de France et duchesse de Bretaigne. Du mariage du roy l/>ys douziesme avecques Marie d* Angleterre ; et de la mort dudit roy Loys.

Le bon roy de France , Loys douziesme, après avoir passé toutes ses fortunes en ceste année 1513, et qu'il eut fait asseoir ses garnisons cd Picardie, s'en retourna en sa ville de Bloys, où il se vouloit resjouyr quelque peu ; mais le plaisir qu'il y pensoit prendre luy tourna en grande douleur et tristesse; car, environ le commencement de janvier, sa bonne compaigne et espouse, Anne, royne de France et duchesse de Bretaigne, tumba malade fort griefvement ; car, quelques médicins que le Roy son mary ny elle eussent pour luy ayder à recouvrer santé, en moins de huyt jours rendit l'ame à Dieu ; qui fut dom-

(1) Jacques IV, aTcul de Bfarie S(uar(.

LE BON CHEVALIER

maige nompareil pour ie royaulme de France, et dueil perpétuel pour les Bretons. La noblesse des deux pays y fist perte inestimable ; car de plus magnanyme , plus vertueuse , plus sage , plus libéralle, ne plus accomplie princesse n'avoit porté couronne en France, depuis qu'il y a eu tiltre de royne.

Les François et Bretons ne plaignirent pas seuUement son trespas, mais es Almaignes, Espaignes, Angleterre, Escosse, et en tout le reste de l'Europe, fut plaincte et plorée. Le Roy son mary ne donnoit pas les grands sommes de deniers, de paour de fouUer son peuple, mais ceste bonne dame y satisfaisoit ; et y avoit peu de gens de vertus en ses pays, à qui une fois en sa vie n'eust fait quelque présent. Pas n'avoit trente et buyt ans acomplis , la gentille princesse, quand cruelle mort en fist si grant dommage à toute noblesse; et qui vouldroit ses vertus et sa vie décripre, comme elle a mérité , il fauidroit que Dieu fist ressusciter Cicéro , pour le latin , et maistre Jeban de Meung , pour le françois , car les modernes n'y sçauroient attaindre.

De ce tant lamentable et très-piteux trespas en fut le bon roy Loys si affligé, que buyt jours durant ne faisoit que larmoyer, souhaitant à toute beure que le plaisir de Nostre-Seigneur feust luy aller tenir compaignie. Tout le reconfort qui luy demoura , c'estoit que de luy et de la bonne trespassée estoient demeurées deux bonnes et belles princesses, Claude, et Renée, qui avoit environ trois ans. Elle fut menée à Sainct-Denys, et là enterrée, et luy fut fait son service, tant audit Bloys que audit lieu de Sainct- Denys, autant sollempnel qu'il fut possible. Plus de trois moys entiers, par tout le royaulme de France , et par la duché de Bretaigne , n'eust-on oui parler d'autre chose que de ce lacrymable trespas ; et croy certainement qu'il en souvient encores à plusieurs, car les grans dons, le doulx recueil, et gracieulx parler qu'elle faisoit à chascun, la rendront immortelle.

Environ le moys de may après , qu'on disoit 1514,esp(>usa monseigneur François, duc de Valois et d'Angolesme , prochain héritier de la couronne , madame Claude , aisnée fille de France et duchesse de Bretaigne , au lieu de Saînct-Germaln-en-Laye.

En ladicte année , et environ le moys d'octobre , par le moyen du seigneur de Longueville, luy estant prisonnier, qui avoit traicté le mariage en Angleterre du roy Loys et de madame Marie , seur audit roy d'Angleterre , fut icelle dame amenée à Abbeville, où ledit seigneur l'espousa. Il n'avoit pas grant besoing d'estre

marié , pour beaucoup de raisons , et aussi n'en avoit-il pas grant vouloir ; mais, parce qu'il se voyoit en guerre de tous costez, qu'il n'eust peu soustenlr sans grandement fouller son peuple, ressembla au pellican ; car, après que la royne Marie eut fait son entrée à Paris , qui fut fort triumphante, et que plusieurs joustes et tournois furent achevez , qui durèrent plus de six sepmaines, le bon Roy qui , à cause de sa femme , avoit changé toute manière de vivre ( car, où souloit disner à buyt heures, convenoit qu'il disnast à midy, où il se souloit coucher à six heures du soir, souvent se couchoit à minuy t ), tumba malade à la fin du moys de décembre; de laquelle maladie tout remède humain ne le peult garantir qu'il ne rendist son ame à Dieu, le premier de janvier ensuy^ant, après la miouyct. Ce fut en son vivant ung bon prince , salge et vertueux , qui maintint son peuple en paix, sans le fouller aucunement, fors que par contraincte. Il eut en son temps du bien et du naal beaucoup; parquoy il avoit ample congnoissance du monde. Plusieurs victoires obtint sur ses ennemys; mais, sur la fin de ses jours , fortune luy tourna ung peu son effrayé visaige. Le bon prince fut plainct et ploré de tous ses subjectz, et non sans cause, car il les avoit tennz en paix et en grande justice ; de façon que, après sa mort, et toutes louenges dictes de luy, fut appelé Père du Peuple. Ce tiltre luy fut donné à bonne raison. Il n'avoit pas encores cinquante-six ans, quant il paya le tribut de nature. On le porta enterrer à Sainct-Denys, avecques ses bons prédécesseurs , en grans pleurs et criz, et au grant regret de ses subjectz.

Après luy , succéda à la Couronne Françoys, premier de ce nom, en Taage de vingt ans, beau prince autant qu'il en y eust point au monde, lequel avoit espousé madame Claude de France, fille aisnée du Roy son prédécesseur, et duchesse de Bretaigne; Jamais n'avoit esté veu roy en France de qui la noblesse s'esjouyst autant. Et fut mené sacrer à Reims (1), accompaigné de tous ses princes , gentilz-hommes et officiers, dont il y avoit si grand nombre que c'est quasi chose incroyable ; et fault dire que les logis estoient pressez; car il n'y avoit grant, moyen, ne petit , qu'ilz ne voulsissent estre de la feste.

ocx>

(i) Champier, qui assista au sacre de François I^ remarque que cette cérémonie fut faite de nolt.

SANS PAOUB ET SANS BEPaoUCHE.