CHAPITRE LIX

Comment le roy de France Françoys, premier de ce nom , passa les monts ; et comment il envoya devant le bon Chevalier sans paour et sans reprouche; et de la prinse du set* gneur Prospre Coulonne , par sa subtilité.

Après le sacre du roy François, premier de ce nom, et sa couronne prinse à Sainct-Denys, s'en revint faire son entrée à Paris, qui fut la plus gorgiase et triumphante qu'on ait jamais vcu en France, car de princes, ducz, contes et gentilz-hommes en armes, y avoit plus de mille ou douze cens. L'entrée faicte, y eut plusieurs joustes et tournoiz en la rue Sainct- Anthoine , où chascun fist le mieulx qu'il peut. Ledit seigneur s'y tint Jusques après Pasques, où , ce pendant, se traicta l'appoinctement de luy et de l'archeduc , conte de Flandres , moyennant le mariage de luy et de madame Renée de France , belleseur du Roy. Il y fut aussi fait d'aultres mariages : comme de madame Marie d'Angleterre , lors vefve du feu roy Loys douziesme, et douairière de France, avec le duc de Suffort, messire Charles Rrandon , qni estoit fort aymé du roy d'Angleterre, son maistre ; et du conte de Nansso à la seur du prince d'Orenge. Le duc de Bourbon fàt faict connestable de France ; et, environ le mois de may, partirent de Paris, en Tan 1515, et s'en vindrent, leurs belles petites journées , à Amboise, où le gentil duc de Lorraine espousa la seur germaine dudit duc de Bourbon.

Durant toutes ces choses, faisoit le roy de France secrètement préparer son voyage pour la conqueste de sa duché de Milan ; et peu à peu envoyoit son armée vers le Lyonnois et Daulphiné , où desjà estoit le bon Chevalier , lors son lieutenant au pays , ouquel il estoit autant aymé que s'il eust esté leur naturel seigneur. Or, comme par cy-devant avez entendu

^ en plusieurs passaiges , tousjours en allant sur les ennemys estoit voulentiers le bon Chevalier mis devant, et au retourner derrière, comme encores il fût en ce voyage, car il fut envoyé avecques sa compaignie et trois ou quatre mille hommes de pied sur les confins du Daulphiné , et des terres du marquis de Saluces , lesquelles il avoit tontes perdues , excepté ung chasteau appelle Ravel , assez fort. Es places du marquis de Saluces y avoit gros nombre de Suysses en garnison , et mesmement y feisoit résidence le seigneur Prospre Coulonne, lors lieutenant-général du Pape , qui tenoit tout le pays en apa-

' tis , et en faisoit ce qu'il vouloit ; fort bien estoit

acompaigné, comme de trois cens hommes-d'armes d'eslite , montez comme saint George , et si avoit quelques chevaulx-légiers. Le bon Chevalier secrètement sentoit , par ses espies , ouquel Heu ce seigneur Prospre repairoit le plus souvent, et tant en enquist qu'il congneut à la vérité que , s'il avoit puissance pareille à la sienne, quant aux gens de cheval , il luy feroit une mauvaise compaignie. Si en advertit le duc de Bourbon , connestable de France , qui estoit à Brianson, au Daulphiné, lequel le fist entendre au Roy , qui desjà estoit à Grenoble , pour parachever son voyage ; et , selon la demande que faisoit le bon Chevalier, furent soubdainement envoyez trois cappitaines triumphans avec leurs bendes , les seigneurs de La Palice , d'Ymbercourt et d'Aubigny. Il estoit venu quelques bonnes nouvelles au bon Chevalier, parquoy, par ung lieu appelle Dronyez , descendit en la plaine du Piémont, dont fut adverty ce seigneur Prospre ; mais, par ce qu'il entendit qu'il n'avoit que sa compaignie , n'en fist pas grosse estime, et disoit souvent en son langaige : Questo Bayardo apassato gly monti^ loprendero corne uno pipione in la gabia. De toutes ces paroles estoit bien adverty le bon Chevalier, et aussi estoit acerténé comment les bons cappitaines marchoient pour parachever l'entreprise.

Le seigneur de Morète , de la maison du Solier, et ung sien cousin Pymontois, s'en raèsloient d'une grande ruse , et en faisoient trèsbien leur debvoir, de sorte que la chose fut conclute que l'on yroit trouver le seigneur Prospre dedans la ville de Carmaignolle, en laquelle nuyt on entroit par le chasteau, ouquel on avoit intelligence , mais que les cappitaines françois feussent arrivez, qui ne séjournèrent guères. et se vindrent tous rendre en la plaine du Pymont , en une petite ville , dicte Saveillan , en laquelle ils trouvèrent le bon Chevalier , qui les receut au mieulx qu'il peut. Bien leur dist : « Messeigneurs , il ne nous fault pas reposer ici, » car, si le seigneur Prospre scet vostre arri- « vée , nostre entreprise s'en va rompue , car il » se retirera , ou bien appellera les Suysses à » son secours , dont il y a bon nombre à Pynerol » et à Saluces. Je suis d'advis que nous facions « bien repalstre noz chevaulx ceste nuyt, et >. puis, au point du jour, nous parachèverons >. nostre affaire. H y a grosse eaue à passer, » mais le seigneur de Morète , que vècy pré- » sent , scet un gué où il nous mènera sans dan- " gier. »•

Ainsi fût la chose condute , et s'en alla chascun reposer ung petit , mais on regarda pre-

LE BON CHEYALIEB

mier si riens failloit aux chevaulx ; et , quant ee vint deux ou trois heures après la mynuyt, tout homme monta à cheval sans grant hruyt. Le seigneur Prospre estoit dedans Carmaignolle , et avoit hien entendu , par ses espies, que les François estolent à la campaigne. Il ne s'en effrayoit guères, car pas ne cuydoit qu'il y eust autre compaignie en la plaine que celle du bon Chevalier , et n'estoit point délibéré de desloger de Carmaignolle , n'eust esté que le soir , dont les François luy cuidoient trouver le matin, il eut des nouvelles pour se retirer à Pynerol, affin d'entendre aux affaires ; parce qu'on sçavoit au vray que les François estoient aux passages. Si deslogea non pas trop matin , et se mist a chemin , très-bien en ordre, pour s'en aller disner à une petite villette, à sept ou huyt milles de là, appellëe Villefranche.

Quant les François furent arrivez devant le chasteau de Carmaignolle , parlèrent au Castelan , qui leur dist comment il n'y avoit pas ung quart-d'heure que le seigneur Prospre et ses gens estoient deslogez ; dont ilz furent si trèsmarriz qu'on ne pourroit penser , et se misrent en conseil qu'ilz dévoient faire. Les ungs vouloient aller après, autres faisoieutdes doubles; mais , quant chascun eut parlé , le bon Chevalier dist : « Messeigneurs , puisque nous sommes » si avant, je suis d'advis que nous poursuy- » vous. Si nous les rencontrons à la campaigne, » n y aura beau butin , s'il ne nous en demoure » quelcun. — Par Dieu, dist le seigneur d'Ym- M bercourt , oncques homme ne dist mieulx. » Les seigneurs de La Palice et d'Aubigny n'allèrent pas à rencontre , et commencèrent à marcher ; mais , devant, envoyèrent en habit dissimulé le seigneur de Morète , pour entendre en quel estât seroient leurs ennemys. Si ûst si bonne diligence qu'il sceut au vray que le seigneur Prospre et sa bende disnoient à Villefranche. Hz furent bien aises, et conclurent en leur affaire, qui fut tel : c'est que le seigneur d'Ymbercourt marcheroit devant avec cent nrchiers, et , ung gect d'are après , le suyvroit le bon Chevalier avec cent hommes-d'armes, et les seigneurs de La Palice et d'Aubigny yroient après ave« tout le reste de leurs gens. Or entenctez qu'il advint.

Le seigneur Prospre avoit bonnes espîes, et fut adverty , en allant à la messe dedans ceste petite ville de Villefranche, que les François estoient aux champs en gros nombre ; il fist response , en son langage , qu'il sçavoit bien qu'il n'y avoit que le cappitaine Bayart et sa bende , si les antres ne sont voilez par-dessus les montaignes. Ainsi qu'il retournoit de la messe, vin-

drent encores d'autres espies, qui luy dirent ; « Seigneur , je vous advertys que j'ay laissé près » d'icy plus de mille chevaulx des François, et » vous viennent trouver icy. » Il fut ung peu esbahy. Si regarda ung gentil-homme des siens auquel il dist : ^ Prenez vingt chevaulx, et al- » lez le chemain de Carmaignolle , jusques à » deux ou trois milles d'icy ; et regardez si ver- » rez riens qui puisse nuyre. »

Ce pendant il commanda au mareschal des logis de ses bendes , qu'il fist sonner la trompette , et qu'il allast faire le logis à Pynerol, où il le suyvroit , mais qu'il eust mengé ung morceau. Il fist son commandement sur l'heure. Les François marchoient tousjours selon l'ordonnance cy-devant dicte , et approchèrent Villefranche d'environ mille et demy, où, en sortant d'ung petit tailliz , vont rencontrer ceulx que le seigneur Prospre envoyoit pour les descouvrir. Lesquelz , quant il les advisèrent , commencèrent à tourner le doz , et , à bride abattue, retourner devers Villefranche. Le gentil seigneur d'Ymbercourt leur donna la chasse à tire de cheval y et manda au bon Chevalier, par ung archer, qu'il sehastast. 11 ne luy convint pas dire deux fois. Avant que les gens du seigneur Prospre eussent gaigné Villefranche, où à tout le moins ainsi qu'ilz vouloient rentrer en la porte, les attaignit le seigneur d'Ymbercourt, qui commença à crier : France! France! On voulut serrer la porte, mais il les en garda tant qu'il peut, et y ûst d'armes le possible, sans estre blessé , fors ung peu au visaige.

Ce pendant va arriver le bon Chevalier , qui fist ung bruyt merveilleux , en sorte qu'ilz gaignèrent la porte. Ce mareschal des logis , qui Jà estoit monte à cheval , avecques aucuns gensd^armes, et s'en cuydoit aller à Pynerol , ouyt le bruyt , si se va gecter en la place , et se voulut mettre «n deffence , mais tout cela fut poussé par terre , et en fut tué une partie. Les sdgnears de La Palice et d'Aubigny arrivèrent, qui misrent garde à la première porte, et en allèrent garder une autre , affin que personne n'eschappast, car il n'y en avoit que ces deux en la ville ; mais il ne fut possible de si bien les garder , que par dessus la petite planchète qui est joignant du pont-leviz ne se sauvassent deux Albanoys, qui , comme se tous les dyables les eussent emportez , coururent dire à une troppe de quatre mille Suysses , qui n'estoient que à trois milles de là , le meschief qui estoit advenn au seigneur Prospre. Lequel, ce pendant, fat assailly en son logis (1), où ii disnoit, et se vou-

(1) « Il (ProH>erGolone) estoit à uble et disooil ;