CHAPITRE LX

De la bataille que le roy de France Français, premier de ce nom , eiit contre les Suysses, à la conqueste de sa duché de Milan oii il demoura victorieux; et comment après la bataille gaignée , voulut estre fait chevalier de la main du bon Chevalier sans paour et sans reprouche.

Le roy de France, qui fut bien joyeulx de la prinse du seigneur Prospre , aussi avoit-il raison , marcha avecques son armée le plus légièrement qu'il peut, et vint, par dedans le Pymont, à Thurin , où le duc de Savoye, son oncle, le récent honnestement.

Les Suysses , qui s'estoient mis sur les passages , quant ilz sceurent la prinse du seigneur Prospre et la rotte de sa bende , les habandonnèrent et se retirèrent vers Milan où ilz furent tousjours poursuy viz. Quelque propos d'appoinc-

D cela, la porte fût gaignée, et par force entroient en B grosse presse. Quand le seigneur Prosper Colonne » veit que la maison estoit Jà pleine , si crfa : Seigneurs » François, qui est vostre capitaine ? Répond Bayard : » C'est moy , seigneur. — Vostre nom, capitaine? — » Seigneur, respond-ll , Je suis Bayard de France ; et. » voicy le seigneur de La Palice , et le seigneur d* Aur- » bigny et Imbercourt, la fleur des capitaines de France. » —Or, dist le seigneur Prosper, j'ay été bien surprins. »

( CKampier, )

LE BON CHEVALIER

tement se mist sus, et le tenoit-ron quasi conclud. Parquoy le duc de Gueidres, alyé et tousjours loyal serviteur de la maison de France , lequel avoit amené une troppe de dix mille lansquenetz au service du Roy, s'en retourna en ses pays; mais il laissa ses gens à son nepveu , le seigneur de Guyse , frère de ce gentil prince le duc de Lorraine, et à ung sien lieutenant qu'on appelloit le capitaine Miquel.

Ce propos continua tousjours que Tappoinctement se feroit , tant que l'armée du Roy approcha à douze ou quinze milles de Milan , où s'estoient retirez les Suysses , avecques ce bon prophète le cardinal de Syon , qui toute sa vie a esté ennemy mortel des François , comme encores bien le monstra à ceste fois ; car néantmoins que le seigneur de Lautrec feust allé porter les deniers à Galézas, pour satisfaire au pourparlé appoinctement, ung jeudy au soir, prescha si bien ses Suysses, et leur remonstra tant de choses , que , comme gens désespérez, sortirent de Milan , et vindrent ruer sur le camp du roy de France.

Le connestable, duc de Rourbon , qui menoit Tavant-garde , se mist en ordre incontinent , et advertit le Roy qui se vouloit mettre au soupper ; mais il le laissa là , et s'en vint droit vers ses ennemys , qui estoient desjà meslez à l'escarmouche qui dura longuement devant qu'ilz f eussent au grant jeu. Le roy de France avoit gros nombre de lansquenetz, et voulurent faire une hardiesse de passer ung fossé pour aller trouver les Suysses , qui en laissèrent passer sept ou huyt rencs,puis les vous poussèrent , de sorte que tout ce qui estoit passé fut gecté dedans le fossé. Et furent fort effrayez lesditz lansquenetz ; et n'eust esté le seigneur de Guyse, qui résista à merveilles , et enfin fut laissé pour mort le duc de Rourbon , connestable, le gentil conte de Sainct-Pol , le bon Chevalier et plusieurs autres , qui donnèrent au travers de ceste bende de Suysses, ilz eussent fait grosse fkscherie , car il estoit jà nuyt , et la nuyt n'a point de honte. Par la gendarmerie de l'avant-garde fut le soir rompue ceste bende de Suysses ^ où une partie d'environ deux mille vint passer vizà-viz du Roy, qui gaillardement les chargea. Et y eut lourt combat, de sorte qu'il fut en gros dangier de sa personne ; car sa grant buffe y fût percée à jour d'un coup de picque. Il estoit desjà si tard que Ton ne voyoit pas l'ung l'autre; et furent contrainctz pour ce soir les Suysses se retirer d'ung costé , et les François d'ung autre , et se logèrent comme ilz peurent , mais je croy bien que chascun ne reposa pas à son ayse ; et y prist aussi bien en gré la fortune le

roy de France que le moindre de ses souldars ; car il demoura toute la nuyt à cheval comme les autres.

Il fault sçavoir une chose du bon Chevalier sans paour et sans reprouche, qui fut bien estrange et très-dangereuse pour luy. A la derrière charge qu'on fist sur les Suysses , le soir, il estoit monté sur ung gaillart coursier, qui estoit le second , car, à la première charge , luy en fut tué ung entre ses jambes; ainsi qu'il voulut donner dedans, fut tout enferré de picques, de façon que sondit cheval fut desbridé. Quant il se sentit sans frain , se mist à la course , et , en despit de tous les Suysses ne de leur ordre , passa tout oultre ; et emportoit le bon Chevalier droit en une autre troppe de Suysses , n'eust esté qu'il rencontra en un champ des seps de vigne, qui tiennent d'arbre en arbre , où il , par force , s'arresta.

Le bon Chevalier fut bien effrayé, et noD sans cause ; car il estoit mort sans nul remède , s'il feust tumbé entre les mains des ennemys. Il ne perdit toutesvoyes point le sens, mais tout doulcement se descendit, et gecta son arroet et ses cuyssotz , et puis , le long des fossez, à quatre beaulx piedz, se retira à son oppinion vers le camp des François , et où il oyoit crier : France/ Dieu luy fist la grâce qu'il y parvint sans dangier; et encores , qui mieulx fut pour luy, c'est que le premier homme qu'il trouva fut le gentil duc de Lorraine , l'ung de ses maistres , qui fut bien esbahy de le veoir ainsi à pied. Si luy fist ledit duc incontinent bailler ung gaillart cheval, qu'on nommoit Le Carman , dont luy-mesme autresfois luy avoit fait présent et fut gaigné à la prinse de Rresse , et à la journée de Ravenne fut laissé pour mort , et eu descendit le bon Chevalier, parce que il avoit deux coups de picque aux flancs , et en la teste plus de vingt coups d'espée ; mais le lendemain quelcun le trouva qu'il paissoit, et commença à bannir, parquoy fut ramené au logis du bon Chevalier, qui le fist guarir. Mais c'estoit une chose non croyable que de son faict , car, comme une personne, se laissoit coucher et mettre tentes en ses playes , sans remuer aucunement ; et depuis^ quant il voyoit une espée , couroit l'empoigner à belles dens. Ne jamais ne fût veu ung plus hardy cheval , et y feust RucifaI celluy de Alexandre.

Quoy que ce soit, le bon Chevalier fut bien joyeulx de se veoir eschnppé de si gros dangier et remonté sur ung si bon cheval ; mais il luy faschoit qu'il n'avoit point d'armet, car ea telz affaires fait moult fort dangereux avoir la teste nue. Il advisa ung gentil-homme , fort son amy, qui faisoit porter le sien à son paige , auquel il

SAKS PÀOUR ET SANS nEPBOUClIE.

dist : • J*ay paour de me morfondre, pom*ce que » j'ay sué d'avoir si longuement esté â pied; je • vous prie, faictes-moy bailler vostre armet » que vostre homme porte , pour une heure ou » deux. » Le gentil-homme , qui ne pensoit pas à ce que le bon Chevalier entendoit , le luy fist bailler, dont il fut bien ayse, car depuis ne le laissa que la bataille ne feust finye , qui fut le vendredy, environ dix ou unze heui-es ; car, dès le point du jour, les Suysses voulurent recommencer, et vindrent droit à Tartillerie des François, dont ilz furent bien serviz. Toutesfois jamais gens ne combatirent mieulx , et dura Paffoire trois ou quatre bonnes heures; enfin furent rompus et deffaicts , et en mourut sur le camp dix ou douze mille. Le demourant , en assez bon ordre le long d'ung grant chemin , se retirèrent à Milan , où ilz furent conduytz à coups d*espée, tant par les François que par le cappitainegénéral de la seigneurie de Venise , messire Barthélome d'Alvyano , qui peu devant estoit arrivé avecques le secours des Véniciens ; et y perdit en une charge qu'il fist deux ou trois cappitaines, entre lesquelz fut le ûlz du conte Pétilano. Les François y firent grosse perte, car, du jeudy ou du vendredy, moururent Fran»çois monsieur de Bourbon , le gentil cappitaine Ymbercourt , le conte de Sanxerre et le seigneur de Mouy ; et y furent blessez le prince de Talmont et le seigneur de Bucy, dont depuis moururent.

Le Roy se mist en conseil , pour veoir si l'on poursuyvroit les Suysses ou non. Plusieurs furent de diverses oppinions : enfin , il fut advisé pour le mieulx que on les laisseroit aller ; car on en pourroit bien avoir à faire le temps advenir. Le jour qu'ilz deslogèrent du camp , demourèreut à Milan, et le lendemain en partirent, tirans en leur pays. Hz furent poursuyviz de quelques gens , mais non pas à Textrémité ; car si le Roy eust voulu , ne s'en feust pas sauvé ung,

Le soir du vendredy, dont fîna la bataille à l'honneur du roy de France , fut joye démenée parmy le CEunp , et en parla-l'on en plusieurs manières. Et s'en trouva de mieulx faisans les ungs que les autres ; mais sur tous fut trouvé que le hop Chevalier, par toutes les deux journées, s'estoit monstre tel qu'il avoit acoustumé es autres lieux , où il avoit esté en pareil i;as. Le Roy le voulut grandement honnorer ; car il print l'ordre de chevalerie de sa main. Il avoit bien raison, car de meilleur ne Feust sceu prendre.

Le seigneur Maximilian Sforce y qui occupoit |a duché , comme son père le seigneur Ludovic

avoit fait autresfois, demouraou chasteau de Milan , où on mist le siège ; mais guères ne demoura qu'il ne se rendist ; et luy fut faicte composition , dont il se contenta : et s'en allèrent ceulx qui estoient dedans, leurs bagues saufves.

Je laisseray à parler de tout ce qui advint en deux moys ; mais ou moys de décembre alla le roy de France visiter le Pape , en la cité de Boulongne , qui luy fist gros recueil. Hz eurent devis ensemble de plusieurs choses , dont je n'empescheray aucunement ceste histoire.

<xx>