CHAPITRE LXL
De plusieurs incidences qui advindrent en France j Ytalie et Espaigne, durant trois ou quatre ans.
Au retour de Boulongne , le roy de France vint à Milan , où , après avoir laissé le duc de Bourbon , connestable de France , son lieutenant-général , s'en retourna en ses pays , et alla droit en Prouvence , où il trouva sa bonne et ioyalle espouse, et madame sa mère, qu'il avoit, à son parten^ent , laissée régente en son royaulme.
Vers ceste saison, trespassa Ferrande, roy d'Arragon , qui en son vivant a eu de belles et grosses victoires. H estoit vigilant , cault et subtil ; et ne trouve-l'on guères d'histoires qui facent mention qu'on l'aye trompé en sa vie ; ains durant iceile augmenta merveilleusemeni les biens de son successeur.
Le seigneur Julian de Médicis , qu'on appella duc de Modène^ frère du pape Léon , alla aussi de vie à trespas. H eust espousé la duchesse de Nemours , fille de Savoye et tante du roy de France.
L'empereur Maximilian , desplaisant de la belle victoire qu'avoit eue le roy de France sur les Suysses, et de ce qu'il avoit conquesté sa duché de Milan , assembla gros nombre de lansquenetz et quelques Suysses du canton de Zuric et de la Ligue grise ; et s'en vint en personne oudit duché de Milan , où , pour la grosse puissance qu'il avoit , le connestable ne fut pas conseillé de l'attendre à lacampaigne, et se retira avecques son armée dedans la ville de Milan , où , peu de jours après , luy vindrent huyt ou dix mille Suysses de secours. Quoy voyant par l'Empereur, qui estoit le plus souspeçonneux homme du monde , se retira en ses pays : il n'eut pas grant honneur en son eutreprinse , et ' je connestable y acquist gros renom. Le boa
LE BON CUEVÂLIEB
Chevalier fist plusieurs courses sur les Almans , et en print de prisonniers beaucoup ; mais jamais n'en avoit que la picque et la dague.
L'année ensuy vaut , Jehan , roy de Navane, qui en avoit esté spolié par Ferrande, roy d'Arragon , alla de vie à trespas.
Oudit an , environ le moys de juillet , fut fait certain appoinctemeut entre le roy de France et le roy de Gastille , Charles , paravant archeduc d'Austriche , moyennant Iç mariage de luy et de Loyse , fille aisnée de France. Il fut eonclud en la ville de Noyon ; mais il ne dura guères. Je ne feray nul discours dudit traicté , car il est assez escript ailleurs.
Environ le moys d'octobre, fut donné le pardon de la croisade en France, par pape Léon, dont il sortit beaucoup de scandalles et de mocqueries, à l'occasion des prédicateurs qui disoient beaucoup plus que la bulle ne portoit.
Le dernier jour de février 1517, la bonne, sage et très-parfaicte royne de France, Claude , acoucha de son premier fllz Françoys , daulphiu de Viennoys, en la ville d'Amboise ; qui fut gros esjouyssement par tout le royaume de France. Et , entre autres villes , celle d'Orléans fist merveilles ; car, durant ung jour entier , y eut devant la maison de la ville deux fontaines qui gectoient vin cléret et blanc ; et par ung petit tuyau sortoit de l'ypocras, auquel beaucoup de gens , après qu'ilz en avoient tasté , se tenoient. Le Daulphin fut baptisé en ladicte ville d'Amboise, et furent parrains pape Léon (mais son nepveu , le magnificque Laurens de Médicis , le tint pour luy ) , le duc de Lorraine , et madame la duchesse d'Aleuçon , commère. Il y fut fait fort grosse chère.
Ce seigneur Laurens de Médicis, en ce temps, espousa une des filles de Boulongne , et l'emmena en Ytalie ; mais elle n'y vesquit guères, ne luy après elle : toutesfois d'eulx deux est demourée une fille (1).
L'an 1519 , alla de vie à trespas l'empereur Maximilian, qui mist beaucoup de gens en peine. Il avoit esté en son vivant de bonne nature , libéral autant que fut jamais prince : et, s'il eust esté puissant de biens , il eust achevé beaucoup de choses ; mais 11 estoit povre selon son cue^r. Le filz de son filz , Charles , roy des Espaignes , fét esleu empereur après luy.
(i) Celte fille fat Catherine de Médicis, remme de Henri II. et mère de François II, de Charles IX et de Henri III.
