CHAPITRE LXIV

Comment le bon Chevalier sans paour et sans reprouchcy en une retraicte qu'il fist en Ytalie , fut tué d'ung coup d'artillerie.

Au commencement de Tan 1534, le roy de France avoit une grosse armée en Ytalle, soubz la charge de son admirai le seigneur de Bonnyvet, à qui il en avoit donné la charge ; car il luy vouloit beaucoup de bien. Il avoit en sa compaignie force bons cappitaines : mesmement y estoit nouvellement arrivé ung Jeune prince, enfEUQt de la maison de Lorraine, nommé le conte de Vaudemont , lequel désiroit à merveilles sçavoir des armes , et suy vre par œuvres vertueuses ses ancestres. Or le camp du roy de France se tenoit pour lors en une petite ville nommée Biagras , où, eulx estans là, le chef de l'armée qui estoit Tamiral , appella ung Jour le bon Chevalier, et luy dist : « Monseigneur de » Bayart , il fault que vous aillez loger à Rebec, » avec deux cens hommes-d'armes et les gens » de pied de Lorges; car par ce moyen travail- » lerons merveilleusement ceulx de Milan, tant » pour les vivres que pour mieulx entendre de «» leurs affaires. »

Il fault sçavoir que, combien que le bon Chevalier ne murmurast jamais de commission qu'on lui baillast , ne se povoit bonnement contenter de ceste-là, pour la congnoistre dangereuse et doubteuse ; et respondit comme à son lieutenant de Roy : « Monseigneur, Je ne sçay » comment vous l'entendez; car, pour garder » Bebec au lieu où il est assis , la moytié » des gens qui sont en nostre camp y feroient » bien besoing. Je congnois nos ennemys : ilz » sont vigilans ; et suis bien asseuré qu'il est » quasi difficile que Je n'y reçoive de la honte ; » car il m'est bien advis que, si quelque nom- » bre de noz ennemys y estoient par une nuy t , » les y rois resveiller à leur désavantage. Et pour » ce , Monseigneur , Je vous supplie que vous ad- » visez bien où vous me voulez envoyer. » L'admirai luy tint plusieurs propos : et qu'il ne se

souciast point , car 11 ne sortiroit pas une soris de Milan qu'il n'en feust adverty ; et tant luy &i dist , d'unes et d'autres , que le bon Chevalier, avecques grosse fascherie, s'en alla, avecques les gen& qu'on lui avoit baillez, dedaîis Bebec ; mais il n'y mena que deux grans chevaulx , car ses muletz et tout le reste de son train envoya dedans Novare , quasi prévoyant perdu ce qu'il détenoit avec luy.

Venuz qu'ilz feussentence village de Bebec, ad visèrent comment ilz le fortifieroient; mais nul moyen n'y trouvèrent, si non faire barrières aux venues : mais par tous les oostez ou y povoit entrer. Le bon Chevalier escripvit plusieurs fois à l'admirai qu'il estoit en lieu trèsdangereux, et que, s'il vouloit qu'il s'y tiensist longuement, luy envoyast du secours; mais il n'en eut point de response. Les ennemys , qui estoient dedans Milan en nombre de quatorze ou quinze mille hommes, furent advertiz par leurs espies que le bon Chevalier estoit dedans Bebec , à petite compaignie, dont ilz furent très- Joyeulx. Si délibérèrent par unenuyt l'aller surprendre et deffaire ; et suyvant ce vouloir se misrent aux champs , environ mynuyt , en ncHnbre de six à sept mille hommes de pied, et de quatre à cinq cens hommes-d'armes ; ilz estoient guidez par des gens qui sçavoient le village et les logis des plus apparans. Le bon Chevalier, qui tousjours se doubtolt , mettoit quasi toutes les nuyctz la moytié de ses gens au guet et aux escoutes ; et luy-mesmes y passa deux ou trois nuytz, tellement qu'il tumba malade, tant de mélencolie que de froidure, beaucoup plus fort qu'il n'en faisoit le semblant ; toutesfbis contrainct fut de garder la chambre ce Jour.

Quant ce vint sur le soir , il ordonna à quelques cappitaines qui estoient avecques luy aller au guet , et adviser bien de tous costez à ce qu'ilz ne feussent surpris. Hz y allèrent ou firent semblant d'y aller; mais, parce qu'il plouvinoit ung peu , se retirèrent tous ceulx qui estoient au guet, réservé trois ou quatre povres ardiiers. Les Espaignolz marchoient tousjours, et avoient, pour mieulx se recongnoistre la nuyt, chaseun une chemise vestue par dessus leur hamois. Quant ilz approchèrent d'ung gect d'arc du village, furent bien esbahis qu'ilz ne trouvèrent personne y et eurent pensement que le bon Chevalier avoit esté adverty de leur entreprinse, et qu'il s'estoit retiré à Byagras. Toutesfois ilz marchoient tousjours, et ne furent point cent pas loing qu'ilz ne trouvassent ce peu d'archiers qui estoient demeurez au guet ; lesquelz , sans escrier, commencèrent à charger. Les povres gens ne firent point de résistence , ains se mirent à

SANS PÀOUB ET SANS BBPBOUCHE.

la fuyte, en criani : Alarme! Alarme! mais ilz furent si vivement suyviz, que lesditz ennemys furent aux barrières aussi tost que eulx. Le bon Chevalier, qui e| tel dangier ne dormoit Jamais que vestu, gam jde sesavan-braz et cuyssolz, et sa cuyrasse auMès de luy, se leva soubdainement , et ûst lAder ung coursier , qui jà estoit sellé, sur lequeril monta; et s'en vint, avecques cinq ou six hommes-d'armes des siens, droit à la barrière , où incontinent survint le cappitaine Lorges , et quelque nombre de ses gens de pied, qui se portèrent très-bien.

Les ennemys estoient à Tentour du village , cherchant le logis du bon Chevalier ; car , s'ilz l'eussent prins , peu leur estoit le demourant : mais encores ne le tenoient-ilz pas. La huée fn\. grosse et Talarme cbault. Durant ce combat à la barrière, le bon Chevalier va ouyr les tabourins des gens de pied aux ennemys , qui souDoient Falarme tant dru que merveilles. Alors il dist au cappitaine Lorges : « Lorges, mon amy, vècy » Jeu mal party : s'ilz passent ceste barrière , » nous sommes fricassez. Je vous prie, retirez » voz gCDS , et serrez le mieulx que pourrez ; » marchez droit à Byagras : car , avecques les » gens de cheval que J'ay, demoureray sur le » derrière. Il faut laisser nostre bagage aux en- « nemys , il n'y a remède. Saulvons les person- > sonnes , s'il est possible. » Incontinent que le bon Chevalier eut parlé , le cappitaine Lorges flst son oommandement et se retira, ce pendant qu'ilz faisoient ceste résistance à la barrière. La pluspart de tous les François montèrent à cheval , et se retirèrent , selon la fortune , très-gaillardement , et ne perdirent point dix hommes.

Les ennemys estoient descenduz la pluspart , et; par les maisons et de tous costez, cherchoieut le bon Chevalier ; mais il estoit desjà à Byagras, où , luy arrivé, eut quelques parolles fascheuses à l'admirai : toutesfois je n'en feray aucune mention ; mais si tous deux eussent vescu plus longuement qu'ilz ne firent, feussent peult-estre allez plus avant. Le bon Chevalier cuyda mourir de dueil du malheur qui luy estoit advenu, mesmement que ce n'estoit pas par sa faulte ; mais en guerre y a de l'heur et du malheur plus qu'en toutes autres choses.

Quelque peu de temps après ceste retraicte de Rebec , le seigneur admirai , congnoissant son camp amoindrir de jour en jour , tant par faulte de vivres que de maladie qui couroit parmyses gens, tint conseil avecques les cappitaines , où , pour le mieulx, fut délibéré qu'on se retireroit : et ordonna ses batailles , où en l'arrière-garde , comme tousjours estoit sa coustume aux retraic-

tes, demoura le bon Chevalier. Les Espaignolz les suy virent de Jour en Jour , et marchoient en belle bataille après les François, et souvent s'escarmouchoient ; mais quant venoit à charger , tousjours trouvoient en barbe le bon Chevalier, avecques quelque nombre des gens-d'armes, qui leur monstroit ung visage si asseuré, qu'il les faisoit demourer tout coy ; et menu et souvent les rembarroit dedans leur grosse troppe.

Hz gectèrent aux deux esles d'un grant chemin force hacquebutiers et hacquebouziers, qui portent pierres aussi grosses que une hacquebute à croc , dont ilz tirèrent plusieurs coups : et de l'ung fût frappé le gentil seigneur de Vendenesse, dont il mourut quelque temps après; qui fut ung gros dommage pour France. Il estoit de petite corpulence , mais de haultesse de cueur et de hardiesse personne ne le passoit. Ce jeune seigneur de Vaudemont, qui de nouvel estoit au mestier des armes, s'y porta tant gaillardement que merveilles ; et flst tout plein de belles charges, tant qu'il sembloit que Jamais n'eust fait autre chose.

En ces entrefaictes, le bon Chevalier, asseuré comme s'il eust esté en sa maison , faisoit marcher les gens-d'armes, et se retiroit le beau pas, tousjours le visage droit aux ennemys ; et l'espée au poing leur donnoit plus de craincte que ung cent d'autres. Mais, comme Dieu le voulut permettre , fut tiré ung coup de hacquebouze , dont la pierre le vint frapper au travers des rains , et luy rompit tout le gros os de l'eschine. Quant il sentit le coup , se print à crier Jésus ! Et puis dist : Hélas! mon Dieu ^ je suis mort! Si print son espée par la poignée, et baisa la croisée , en signe de la croix , et en disant tout hault: Miserere mei, Deus, secundum ma* gnam misericordiam tuam; devint incontinent tout blesme, comme failly des esperitz, et cuyda tumber ; mais il eut encores le cueur de prendre l'arson de la selle , et demoura en cest estât Jusques à ce que ung Jeune gentil-homme , son maistre d'hostel, luy ayda à descendre, et le mist soubz ung arbre. Ne demoura gnères qu'il ne feust sceu parmy les amys et les ennemys , que le cappitaine Bayart avoit esté tué d'ung coup d'artillerie : dont tous ceulx qui en eurent les nouvelles furent à merveilles desplaisans.

LE BON CHEVALIER