CHAPITRE LXIII

Comment le bon Chevalier sans paour et sans reprouche garda la ville de Maizières j contre la puissance de V Empereur^ oU ilacquist gros honneur.

Quant le bon Chevalier fut entré dedan s (1) Anne de Ifontmorency.

Maizières, trouva la ville assez mal en ordre pour attendre siège , ce qu'il espéroit avoir du jour à lendemain. Si voulut user de diligence qui en telle nécessité passe tout sens humain; et commença à faire ramparer jour et nuyt , et n'y avoit homme-d'armes ny homme de pied qu'il ne mist en besongne ; et luy-mesmes^ pour leur donner courage, y travailloit ordinairement, et disoit aux compaignons de guerre : « Com- » ment , Messieurs , nous sera-il reprouche que » par nostre faulte ceste ville soit perdue , veu » que nous sommes si belle compaignie ensem- >» ble , et de si gens de bien ? Il me semble que » quant nous serions en ung pré , et que de- » vaut nous eussions fossé de quatre piedz , que »» encores combatrions-nous ung jour entier, » avant que estre deffaictz ; et Dieu mercy, » nous avons fossé , muraille et rampart où , je » croy, avant que les ennemys mettent le pied , » beaucoup de leur compaignie dormiront aux » fossez. » Bref, il donnoit tel courage à ses gens , qu'ilz pensoient tous estre en la meilleure et plus forte place du monde.

Deux jours après , fût le siège assis devant Maizières, en deux lieux, l'ung deçà l'eaue, et l'autre delà. L'ung des sièges tenoit le conte Francisque, qui avecques luy avoit quatorze ou quinze mille hommes; et en l'autre estoit le comte de Nansso, avecques plus de vingt mille.

Le lendemain du siège, lesditz conte de Nansso et seigneur Francisque envoyèrent ung hérault devers le bon Chevalier, pour luy remonstrer qu'il eust à rendre la ville de Maizières, qui n'estoit pas tenable contre leur puissance; et que, pour la grande et louable chevalerie qui estoit en luy , seroient merveilleusement desplaisans s'il estoit prins d'assault ; car son honneur grandement en amoindriroit , et par adventure luy cousteroit-il la vie, et qu'il ne faiiloit que ung malheur en ce monde venir à ung homme , pour faire oublier tous les beaulx faictz qu'il auroit menez à fin en son .vivant ; et que là où il vouldroit entendre à raison , luy feroient si bonne composition qu'il se deveroit contenter. Plusieurs autres beaulx propos lui mandèrent par ce hérault, qui , après avoir esté ouy et bien entendu par le bon Chevalier, se print à soubzrire : et ne demanda conseil pour respondre à homme vivant , mais tout soubdaîn luy dist : « Mon amy, je m'esbahys de la gra- » cieuseté que me font et présentent messei- » gneurs de Nansso et le seigneur Francisque , V considéré que jamais n'euz praticque ne » grande congnoissance avec eulx , et ilz ont si » grant paour de ma personne. Hérault, n^.oiL

(iOO

L£ BO?i GHEYALIEB

>' amy, vous vons eu retournei*ez , et leur direz » que le Roy mon raaistre avoit beaucoup plus » de suffisans personnages en son royaulme que » moy, pour envoyer garder ceste ville qui vous » fait frontière; mais puisqu'il m'a fait cest » honneur de s'en fier en moy, j'espère, avec- » ques l'ayde de Nostre-Seigneur, la luy con- » server si longuement , qu'il ennuyra beaucoup » plus à voz maistres d'estre au siège que à moy » d'estre assiégé, et que je ne suis plus enfant » qu'on estonne de paroUes. »

Si commanda qu'on festoyast fort bien le hérault , et puis qu'on le mist hors de la ville. Il s'en retourna au camp, et rapporta la responce que le bon Chevalier luy avoit faicte , qui ne fut guères plaisante aux seigneurs. En présence desquelz estoit ung cappitaine nommé Grant Jean , picart , qui toute sa vie avoit esté au service des rois de France , en Ytalie , et mesmement où le bon Chevalier avoit eu charge , qui dist tout hault , adressant sa parolle au conte de Nansso et au seigneur Francisque : « Messei- » gneurs, ne vous attendez pas, tant que vive » monseigneur de Bayart , d'entrer dedans M ai- » zières. Je le congnois , et plusieurs fois m'a » mené à la guerre ; mais il est d'une condition >' que , s'il avoit les plus couars gens du monde *' en sa compaignie, il les fait hardis ; et sachez » que tous ceulx qui sont avecques luy mour- » ront à la berche , et lui le premier, devant » que nous mections le pied dedans la ville; et, M quant à moy, je voudrois qu'il y eust deux » mille hommes de guerre davantage, et sa » personne n'y feust point. » Le conte de Nansso respondit : «Cappitaine Grant Jehan, »» le seigneur de Bayart n'est de fer ni d'acier, » nemplus que ung autre. S'il est gentil com- » paignon , qu'il le monstre ; car, devant qu'il " soit quatre jours, je luy feray tant donner de » coups de canon, qu'il ne sçaura de quel costé >» se tourner, — Or on verra que ce sera , dist )' le cappitaine Grant Jehan; mais vous ne l'au- » rez pas ainsi que vons entendez. »

Ces paroUes cessèrent : et ordonnèrent les conte de Nansso et seigneur Francisque leurs bateries , chascun en son endroit , et de faire tous les effors qu'on pourroit pour prendre la ville. Ce qui fut fait; et en moins de quatre jours il fiit tiré plus de cinq mille coups d'artillerie. Ceulx de la ville respondoient fort bien , selon l'artillerie qu'ilz avoient ; mais du camp de Francisque se faisoit grant dommage en la ville , parce qu'il estoit logé sur un hault, et batoit beaucoup plus à son aise que ne faisoit le conte de Nansso.

lyC bon Chevalier, combien qu'il feust tenu

ung des plus hardis honunes du monde, avoit bien une autre chose en luy autant à louer ; car c'estoit ung des vigiilans et subtilz guerroyeors qu'on eust sceu trouver. Si advisa en soymesmes comme il pourroit trouver moyen de faire repasser l'eaue au seigneur Francisque ; car de son camp estoit - il fort dommage. Si fist escripre unes lettres à messire Robert de La Marche, qui estoit à Sedan j lesquelles estoient en ceste substance : « Monseigneur mon » cappitaine, je croy qu'estes assez adverty » comme je suis assiégé en ceste ville par deux » endrois; car d'ung costé est le conte de » Nansso, et deçà la rivière, le seigneur » Francisque. Il me semble que , depuis demy- » an , m'avez dit que voulez trouver moyen de » le faire venir au service du Roy nostre mais- >» tre, et qu'il estoit vostre alyé, Pource qu'il « abniyt d'estre très^gentil galant, je le désl- » rerois à merveilles; mais si vous congnoissez ^ que cela se puisse conduyre, vous ferez bien » de le sçavoir de luy, mais plustost aujour- » d'huy que demain. S'il en a le vouloir, j'en »» seray très-ayse ; et , s'il l'a autre , je vous ad- » vertiz que , devant qu'il soit vingt et quatre u heures , luy et tout ce qui est en son caaip » sera mis en pièces , car à trois petites lieues » d'icy viennent coucher douze mille Siiysses » et huyt cens hommes-d'armes ; et demain , à » la pointe du jour, doivent donner sur son V camp , et je feray une saillye de ceste ville » par ung des costez ; de façon qu'il sera bien » habille homme s'il se sauve. Je vous en ay » bien voulu advertir, mais , je vous prie , que » la chose soit tenue secrète. »

Quant la lectre fut escripte, prist ung paysant, auquel il donna ung escu, et luy dist : « Va-t'en » à Sedan , il n'y a que trois lieues d'icy, porter » ceste lectre à messire Rol)ert , et luy dis que »» c'est le cappitaine Bayart qui luy envoyé. » Le bon homme s'en va incontinent. Or, sçavoitbîen le bon Chevalier que impossible seroit qu'il passait, sans estre pris des gens du seigneur Francisque, comme il fut, avant qu'il feust à deux gectz d'arc de la ville. Incontinent fut amené devant ledit seigneur Francisque, qui luy demanda où il alloit. Le povre homme eut belle paour de mourir ; aussi estoit-il en grant dangier. Si dist: a Monseigneur, le grant cappitame qui estde- » dans nostre ville m'envoye à Sedan , porter » unes lettres à messire Rol)ert , » que le lK>n homme tira d'une boursette où il l'avoit mise.

Quant le seigneur Francisque tint ce^te lectre, l'ouvrit et commença à lire ; et fut bien esbaby quant il eut veu le contenu. Si se commença à doubter que par envye le conte de Nansso luy

SANS PAOUA BT SANS BBPROUCHB..

avoit fait passer l'eane, afiln qu'il feust deffaict ; car auparavant y avoit eu quelque peu de picque entre eulx, parce ^e iceiiuy seigneur Francisque ne vouioit pas bien obéyr au conte. A grant peine eut-il aclievé de lyre la lectre , qu'il commença à dire tout hault : « Je congnois » bien à ceste tieure que monseigneur de Nansso » ne tasclie que à me perdre ; mais, par le sang » Dieu, il n'en sera pas ainsi. » Si appella cinq ou six de ses plus privez, et leur déclaira le contenu en la lectre , qui furent aussi estonnez que luy. Il ne demanda point de conseil, mais fait sonner le tabourin et à l'estendart, charger tout le bagaige^ et se mist au passage delà Teaue.

Quant le conte de Nansso ouyt le bruit , fût bien estonné, et envoya sçavoir que c'estoit par ung gentil-honune; lequel, quant il arriva, trouva le camp du seigneur Francisque en armes. Il s'enquist que c'estoit: on luy dist qu'il vouioit passer du costé du conte de Nansso. Le gentil-homme le luy alla dire, dont il fut bien esbahy ; car en eeste sorte se levoit le siège de devant la ville. Si envoya ung de ses plus privez dire au seigneur Francisque qu'il ne remuast point son camp, que premier n'eussent parlé ensemble, et que, s'il lefaisoit autrement, ne fe- Foit pas bien le service de son maistre. Le messagiw luy alla dire sa charge , mais Francisque, toutesmeu et courroucé, luy respondit: « Re- » tournez dire au conte de Nansso que Je n'en » feray riens, et que à son appétit je ne demou- > reray pas à la boucherie ; et s'il me veult gar- » der de loger auprès de luy , nous verrons par » le combat à qui demourera le camp, à luy ou » à moy. »

Le gentil-homme du conte de Nansso s'en retourna, et luy dist ce qu'il avoit ouy de la bouche du seigneur Francisque^ Jamais homme ne fbt si esbahy qu'il fiit: toutesfois, pour n'estre point surpris , fist mettre tous ses gens en bataille. Ce pendant, passèrent les gens du seigneur Francisque , et , eulx passez , se misreut pareillement en bataille; et, à les veoir, sembloit qu'ilz voulsissent combatre les ungs les autres, et sonnoient tabourins impétueusement. Le povre homme qui avoit porté la lectre à Toocasion de laquelle s'estoit eslevé ce bruit, ne sçay comme Dieu le voulut, eschappa, et s'en retourna bien esbahy , comme ung homme qui pensoit estre eschappé de mort , dedans Maizières, devers le bon Chevalier, auquel il alhi fiiire ses excuses, disant qu'il n'avoit peu aller à Sedan, et qu'on l'avoitprisen chemin, et mené devant le seigneur Francisque , qui avoit veu ses leotres, et que incontinent s'estoit deslogé.

Le bon Chevalier se prist à rire à plaine gor-

ge, et congneut bien que sa lectre l'avoit mit en pensement. U s'en alla sur le rempart avecques quelques gentilz-hommes , et veit ces deux camps en bataille , l'ung devant l'autre. « Par » ma foy, dist-il, puisqu'ilz ne veulent com- » menoer à combatre,Je vais moy-mesmes com- » mencer. » Si fist tirer cinq ou six coups de canon au travers des ennemys , qui , par gens lesquelz allèrent d'ung costé puis d'autre , se rapaisèrent et se logèrent. Le lendemain , troussèrent leurs quilles et levèrent le siège, sans jamais y oser donner assault; et tout pour la crainte du bon Chevalier. Si tost ne se flst pas la paix du conte de Nansso et du seigneur Francisque ; car plus de huyt jours furent sans loger ensemble. Et s'en alla Francisque vers la Picardie , du costé de Guyse , mettant le feu partout ; et plus hault marchoit le conte de Nansso ; mais peu après se rapaisèrent et furent amys.

Ainsi , par la manière qui3 dessus avez ouy, fut levé le siège de devant Maizières , ojii le bon Chevalier sans paour et sans reprouche acquist couronne de laurier ; car , bien qu'on ne 11* vrast nul assault, il tint les ennemys trois sep* maines durant en aboy, pendant lequel temps le roy de France leva grosse armée, et assez puissante pour combatre ses ennemys; et vint luy-mesmes en personne dedans son camp, où le bon Chevalier luy alla faire la révérence, et en passant reprist la ville de Mozon. Le Boy son maistre luy fist recueil merveilleux , et ne se povoitsaouller de le louer devant tout le monde. Il le voulut honnestementrécompencer du grant et recommandable service qu'il lui venoit freschement de faire : il le ilst chevalier de son ordre , et luy donna cent hommes-d'arroes en chef; puis marcha après ses ennemys , qu'il expulsa hors de ses pays, et les chassa Jusques dedans Valendennes , où le bon Chevalier se porta comme il avoit tousjours de coustume. Les Almans firent en Picardie beaucoup de mal par le feu ; mais les François ne furent point ingratz , et le leur rendirent au double en Hénault.

Au retour que le Roy fist en la ville de Compiègne, eut quelques nouvelles de Gennes, et qu'il estoit besoing y envoyer quelque sage, hardy et advisé chevalier; parquoy ledit seigneur , sachant la bonne nature du bon Chevalier sans paour et sans reprouche, et que jamais ne se lassait de faire service, luy en bailla la commission, le priant très-fort que, pour l'a^t mour de luy, voulsist faire ce voyage, car il avoit grant espoir en sa personne. Il l'accepta d'aussi bon cueur qu'on le luy bailla; puis passa les montz , et fut à Gennes très-bien reoeu, tant du gouverneur , des gentilz-hommes , que d^

LB BON CHBVÀLIBA

tous les habitans ; et tant quHl y demoura fat hoimoré et prisé d'ung chaseun.

Il y eut plusieurs affaires en Ytalie, dont ne Yous feray aucune mention , pour beaucoup de raisons ; mais vous viendray à déclairer le trèspas du bon Chevalier sans paour et sans reprouche , qui fut ung grief irréparable , dolente et malheureuse la Journée pour toute la noblesse de France.

ooo