SANS PAOUR ET SANS REPROUCHE
« mender les faultes passées ; mais, puis qu'ainsi » est, Je supplie mon Créateur avoir pitié , par » son infinie misérioorde, de ma povre ame : et » j'ay espérance qu'il le fera ^ et que , par sa » grande et incompréliensible bonté, n'usera » point envers moy de rigueur de Justice. Je te » prie, Jaques, mon amy , qu'on ne m'enliève » point de ce lieu, car , quant Je me remue , Je » sens toutes les douleurs que possible est de n sentir, bors la mort, laquelle me prendra bien* » tost. »
Peu devant que les Espaîgnolz arrivassent au lieu où avoit esté blessé le bon Chevalier , le seigneur d'Alègre, prévost de Paris, parla à luy, et luy dédaira quelque chose de son testament. Aussy y vint ung cappitaine de Suysses, nommé Jehan Dyesbac, qui l'avoit voulu emporter sur des picques, avecques cinq ou six de ses gens, pour le cuyder sauver ; mais le bon Chevalier , qui congnoissoit bien comment il luy estoit , le pria qu'il le laissast pour ung peu penser à sa conscience ; car de l'oster de là , ne seroit que abrègement de sa vie. Si convint aux deux gentilz-hommes, en grans pleurs et gémissemens, le laisser entre les mains de leurs ennemys : mais croyez que ce ne fut pas sans faire grans regretz, car à toutes forces ne le vouloient habandonner; mais il leur dist : « Messeigneurs , » Je vous supplie , allez-vous en ; autrement , » vous tumberiez entre les mains des ennemys, » et cela ne me prouffiteroit de riens, car il est » fait de moy. A Dieu vous command, mes bons » seigneurs et amys ; Je vous recommande ma » povre ame, vous suppliant au surplus (adres- » sant sa paroUe au seigneur d'Alègre) que me » saluez le Roy nostre maistre, et que désplai- » sant suis que plus longuement ne luy puis faire » service, car J'en avois bonne voulenté, à mes- » seigneurs les princes de France , et à tous » messeigneurs mes compaignons, et généralle- » ment à tous les gentilz-hommes du très-honw noré royaulme de France, quant les verrez. >» En disant lesquelles parolles, le noble seigneur d'Alègre ploroit tant piteusement que merveilles, et print en cest estai congé de luy.
Il demoura encores en vie deux ou trois heures; et par les ennemys luy fut tendu ung beau pavillon, et ung lict de camp, sur quoy il fut couché; et luy fut amené ung prestre, auquel dévotement se confessa , et en disant ces propres mots : « Mon Dieu ! estant asseuré que tu » as dit que celluy qui de bon cueur retournera » vers toy, quelque pécheur qu'il ait esté, tu es » tousjours prest de le recevoir à mercy, et luy » pardonner. Hélas ! mon Dieu, Créateur et Ré- » dempteur, Je t'ay offencé durant ma vie grlef-
u vement , dont il me desplaist de tout mon u cueur : Je congnols bien que quant je serois » aux désers mille ans, au pain et à l'eaue, en- » cores n'esse pas pour avoir entrée en ton » royaulme de Paradis^ si , par ta grande et » infinie bonté, ne t'y plaisoit me recevoir ; car » nulle créature ne peult mériter en ce monde » si hault loyer. Mon Père et Sauveur 1 Je te sup- » plie qu'il te plaise n'avoir nul regard aux faul- » tes par moy commises, et que ta grande mi* » séricorde me soit préférée à la rigueur de ta » Justice. »
Sur la fin de ces parolles , le bon Chevalier sans paour et sans reprouche rendit son ame à Dieu , dont tous les ennemys eurent dueil non croyable. Par les chiefz de l'armée des Espaîgnolz Itirent commis certains gentilz-hommes pour le porter à l'église, où luy fut fait solennel service durant deux Jours. Puis par ses servi* teurs fut mené en Daulphiné; et en passant par les terres du duc de Savoye, où son corps reposoit, luy fist faire autant d'honneur que sll eust esté son frère. Quant les nouvelles de la mort du bon Chevalier furent sceues ou Daulphiné, Il ne fault point particulièrement descripre le dueil qui y fut fait ; car les prélatz, gens d'église, nobles et populaire , le faisoient égallement ; et eroy qu'il y à mille ans qu'il ne mourut gentilhomme du pays plainct de la sorte. On alla au devant du corps Jusque^ au pied de la montaigne ; et fut amené d'église en église , en grant honneur, Jusques auprès de Grenoble, où, au devant du corps, une demye-lieue, furent messeigneurs de la court de parlement du Daulphiné, messeigneurs des comptes, quasi tous les nobles du pays, et la pluspart de tous les bourgeois^ manans et habitans de Grenoble; lesquelz con-> voyèrent le trespassé Jusques en l'église Nostre- Dame dudit Grenoble, où le corps reposa ung Jour et une nuyt ; et luy fût fait service fort solennel. Le lendemain, ou mesme honneur qu'on l'avoit fait entrer en Grenoble, fut conduit Jusques à une religion de Mynyraes, à demye-lieue de la ville, que autresfois avoit fait fonder son bon oncle l'évesque dudit Grenoble , Laurens» Aiment, où il fût honnorablement enterré. Puis chascun se retira en sa maison. Mais on eusf dit, durant ung moys, que le peuple du Daul-* phiné n'attendoit que ruyne prochaine , car on ne faisoit que plorer et larmoyer ; et cessèrent festes, dances, bancquetz, et tous autres passe-* temps. LasI ilz avoient bien raison , car plus grosse perte n^eust sceu advenir pour le pays. Et quiconques en eut dueil au cueur , croyez qu'il touchoit de bien près aux povres gentilzhommes, gentilz-femmes, vefves, et aux povres
LE BON CHEYALIEB
orpheliDS, à qui secrètement il donnoit et départoit de ses biens : mais aveeques le temps toutes choses se passent, fors Dieu aymer. Le bon Chevalier sans paour et sansreprouche Ta craint et aymé durant sa vie ; après sa mort renommée luy demeure, comme il a vescu en ce monde entre toutes manières de gens.
