CHAPITRE LXVI

Des vertus qui estoient au bon Chevalier sans paour et sans reprouche.

Toute noblesse se debvoit bien vestir de dueil , le jour du trespas du bon Chevalier sans paour et sans reprouche ; car je croy que depuis la création du monde , tant en la loy chrestienne que payenne, ne s'en est trouvé ung seul qui moins luy ait fait de déshonneur, ne pliM d'honneur. Il y a ung commun proverbe qui dit que nul ne veit sans vice. Ceste reigle a failly à l'endroit du bon Chevalier ; car j'en prens à tesmoiug tous ceulx qui l'ont veu , parlans à la vérité , s'ilz en congneurent jamais ung seul en luy : mais , au contraire, Dieu l'avoit doué de toutes les vertus qui pourroient estre en parfaict homme , èsquelles chascune par ordre se sçavoit très-bien conduyre. Il aymoit et craignoit Dieu sur toutes choses , ne jamais ne le juroit ne blasphémoit ; et en tous ses affaires et nécessitez avoit à luy seul son recours, estant bien certain que de luy et de sa garde et infinie bonté procèdent toutes choses. Il aymoit son prochain comme soy-mesmes : et bien l'a monstre toute sa vie , car oncques n'eut escu qui ne fust au commandement du premier qui en avoit à besougner ; et , sans en demander, bien souvent en secret en faisoit bailler aux povres gentilz-hommes qui en avoient nécessité , selon sa puissance.

Il a suivy les guerres soubz les roys Charles huictiesme , Loys douziesme et François, premier de ce nom , roys de France, par l'espace de trente et quatre ans , où durant le temps ne s'est trouvé homme qui l'ait passé en toutes choses servans au noble exercice des armes ; car de hardiesse peu de gens l'ont approché. De conduy te , c'estoit ung Fabius Maximus ; d'entreprises subtiles , ung Coriolanus ; et de force et de magnanimité, ung second Hector; furieulx aux ennemys , doux , paisible et courtois aux amys. Jamais souldart qu'il eust soubz sa charge ne fut desmonté qu'il ne remontast; et, pour plus honnestement donner ces choses, bien souvent changeoit ung coui*sier ou cheval d'Espaigne ,

qui valloit deux ou trois cens escus , à ung de ses hommes-d'armes, contre ung courtault de six escus; et donnoit à entendre au gentilhomme que le cheval qu'il luy bailloit luy estoit merveilleusement propre. Une robe de veloux, satin ou damas , changeoit tous les coups contre une petite cape , afûn que plus gracieusement et au contentement d'ung chascun il peust faire ses dons. On pourroit dire, il ne povoit pas donner de grans choses , car il estoit povre : autant estoit-il honoré d'estre parfaictement libéral, selon sa puissance , que le plus grant prince du monde; et si a gaigné, durant les guerres, en sa vie, cent mille francz en prisonniers, qu'il a départis à tous ceulx qui en ont eu besoing.

Il estoit grant aumosnier, et faisoit ses aulnM)snes secrètement. Il n'est riens si certain qu1l a marié en sa vie , sans en faire bruyt , cent povres filles orphelines , gentilz-femmes oa autres. Les povres veuf ves consoloit et leur départoit de ses biens. Avant que jamais sortir de sa chambre , se reeommandoit à Dieu , disoit ses heures , à deux genoulx , en grande humilité ; mais ce faisant ne vouloit qu'il y eust personne. Le soir, quant il estoit couché , et il congnois* soit que ses varletz-de-chambre estoient endormis , feust yver ou esté, se levoit en sa chemise , et tout le long de son corps s'estendoit et baisoit la terre. Jamais ne fut en pays de conqueste que s'il a esté possible de trouver homme ou femme de la maison où il logeait , qu'il ne payast ce qu'il pensoit avoir despendu ; et plusieurs fois luy a-l'on dit : « Monseigneur, c'est » argent perdu ce que vous baillez ; car, au par- » tir d'icy, on mettra le feu céans , et ostera- » l'on ce que vous avez donné. » Il respondoit : « Messeigneurs , je fais ce que je doy. Dieu ne » m'a pas mis en ce monde pour vivre de pH- » lage ne de rapine; et davantage ce povre » homme pourra aller cacher son argent au » pied de quelque arbre , et quant la guerre » sera hors de ce pays , il s'en pourra ayder, et » priera Dieu pour moy. >•

II a esté en plusieurs guerres où il y avoit des Almans qui , au desloger, mectent voulentiers le feu en leurs logis ; le bon Chevalier ne partit jamais du sien qu'il ne sceust que tout feust passé , ou qu'il ne laissast gardes , affin qu'on n'y mist point le feu. Entre toutes manières de gens , c'estoit la plus gracieuse personne du monde , qui plus hoonoroit gens de vertu , et qui moins parloit des vicieux. Il estoit fort mauvais flateur et adulateur. Tout son cas estoit fondé en vérité ; et à quelque personne que ce feust , grant prince ou autre , ne

SANS PAOUA BT SÀfIS BBPfiOUCHE.

fléchissoit Jamais pour dire autre chose que la raison. Des biens mondains , il n'y pensa en sa vie; et bien Fa monstre , car à sa mort il n'estoit guères plus riche que quant il fut né. Quant on luy parloit des gens puissans et riches où il pensoit qu'il n'y eust pas grande vertu, faisoit le sourt, et en respondoit peu ; et par le contraire ne se povoit saoul 1er de parler des vertueux. Il estimoiten son cueur ung gentil-homme parfait qui n'avoit que cent francs de rente , autant que ung prince de Cent mille ; et avoit cela en son entendement , que les biens n'anoblissent point le cueur.

Le cappitaine Loys d'Ars le nourrit en jeunesse , et croy bien que soubz luy apprist le commencement des armes. Aussi , toute sa vie luy a-il porté autant d'honneur que s'il eust esté le plus grant roy du monde. Et quant on parloit de luy, le bon Chevalier y prenoît plaisir merveilleux , et n'estoit jamais las d'en bien dire. Il ne ftit jamais homme suy vaut les armes qui mieulx en congnust l'ypocrisie : et souvent disoit que c'est la chose en ce monde où les gens sont les plus abusez ; car tel fait le hardy breneux en une chambre, qui aux champs , devant les ennemys , est doulx comme une pucelle. Peu a prisé en son temps gens-d'armes qui habandonnent leurs enseignes pour contrefaire les hardis ou aller au pillage. C'estoit le plus asseuré en guerre qu'on ait jamais congneu ; et à ses parolles eust faitcombatre le plus couart homme du monde.

Il a fait de belles victoires en son temps , mais on ne l'en ouyt venter; et, s'il convenoit qu'il en parlast , en donnoit tousjours la louenge à quelque autre. Durant sa vie a esté à la guerre avecques Anglois, Espaignolz, Almans, Ytaliens et autres nations; et en plusieurs batailles gaignées et perdues; mais où elles ont esté gaignées, Bayart en estoit tousjours en partie cause ; et où elles se sont perdues , s'est trouvé tousjours si bien faisant, que gros honneur luy en est demouré. Oncques ne voulut servir que son prince , soubz lequel n'avoit pas de grans biens : et luy en a-on présenté beaucoup plus d'ailleurs en son vivant; mais tousjours disoit

qu'il mourroit pour soustenlr le bien public de ses pays. Jamais on ne luy sceut bailler commission qu'il refusast ; et si luy en a-on baillé de bien estranges. Mais pource que tousjours a eu Dieu devant les yeulx , luy a aydé à maintenir son honneur ; et jusques au jour de son trespas , on n'en avoit pas osté le fer d'une esguillette.

11 fut lieutenant pour le roy son maistre , ou Daulphiné , ouquel si bien gaigna le cueur, tant des nobles que des roturiers, qu'ilz feussent tous mors pour luy. S'il a esté prisé et honnoré en ses pays, ne se fault pas esmerveiller; car trop plus l'a esté par toutes autres nations : et cela ne luy a pas duré ung ne deux ans , mais tant qu'il a vescu, et dure encores après sa mort; car la bonne et vertueuse vie qu'il a menée luy rend louenge immoitelle. Oncques ne fut veu qu'il ait voulu soustenir le plus grant amy qu'il eust ou monde , contre la raison ; et tousjours disoit le bon gentil-homme que tous empires, roy animes et provinces sans jicstice, sont forestz pleines de origans. Es guerres a eu tousjours trois excellentes choses , et qui bien affièrent à parfaict chevalier : assault de le^ vrier^ deffense de sanglier et fuite de loup. Brief , qui toutes ses vertus vouldroitdescripre, il y conviendroit bien la vie d'ung bon orateur; car moy, qui suis débile et peu garny de science , n'y sçauroye attaindre ; mais de ce que j'en ay dit, supplie humblement à tous lecteurs de ceste présente histoire, le vouloir prendre en gré ; car j'ay fait le mieulx que j'ay peu , mais non pas qui estoit bien deu pour la louenge d'ung si parfaict et vertueux personnage , que le bon Chevalier sans paour et sans reprouche, le gentil seigneur de Bayart. Duquel Dieu , par sa grâce, vueille avoir l'ame en Paradis. Amen.

Cyfine la très^joyetcse^ plaisante et récréative Histoire , composée par le loyal serviteur^ des faictZy gestes , triumphes et prouesses du bon Chevalier sans paour et sans reprouche , le gentil seigneur de Bayart.

FIN DE l'histoire DU BON CHEVALIEB SANS PAOUB ET SANS BEPROUCHE.

tized by