DE COMINES

dite m'allégua un gentilhomme de Gascogne , serviteur du roy d'Angleterre, appelle Louis de Breteilles , lequel estoit très-mal content de cette paix : et pour ce qu'il me connoissoit de long-temps , parla à moy privément , et disoit que nous nous mocquerions fort du roy d'Angleterre. Et luy demanday quantes batailles le roy d'Angleterre avoit gaignées. Il me respondit neufj où il avoit esté en personne. Et puis je luy demanday combien il en avoit perdu : il me respondit qu'il n'en avoit perdu qu'une, et que c'estoit celle que nous luy faisions perdre , et qu'il réputoit cette honte plus grande de le renvoyer en cet estât , qu'il ne faisoit l'honneur qu'il avoit eu à gagner les autres neuf. Je contay cecy au Roy , qui me dit que c'estoit un très-mauvais paillard , et qu'il le faloit garder de parler. Il l'envoya quérir à son disner, et le fit disner avec luy, et luy offrit de très-beaux et bons partis, s'il eût voulu demeurer par deçà : et quand il vit qu'il ne vouloit demeurer, il luy donna mille escus comptant, et luy promit faire des biens à aucuns frères qu'il avoit par deçà : et je luy dis quelque mot en l'oreille, afin qu'il mit peine d'entretenir l'amour qui estoit commencée entre les deux rois.

Il n'estoit rien au monde dont le Roy eust plus grande peur, que de ce qu'il luy eschapast quelque mot, par quoy les Anglois pensassent qu'on se mocquast d'eux : et d'aventure, le lendemain après cette veue , comme il estoit en son retrait, que nous n'estions que trois ou quatre ^ il luy eschapa quelque mot de risée , touchant les vins et les prcsens qu'il avoit envoyez à l'ost des Anglois : et en se tournant il apperceut un marchand gascon, qui demeuroit en Angleterre, lequel luy estoit venu demander un congé, pour tirer une certaine quantité de vin de Gasgogne sans rien payer du droit du Roy, et estoit chose qui pouvoit profiter audit marchand, s'il luy estoit accordé. Ledit seigneur fut très-esbahy quand il le vit, et comment il pouvoit estre entré : il luy demanda de quelle ville il estoit en Guyenne , et s'il estoit marchand et marié en Angleterre? Le marchand luy respondit que ouy, mais qu'il n'y avoit pas beaucoup vaillant : incontinent le Roy lui bailla un homme , avant que partir de là , qui le conduisit à Bourdeaux; je parlay à luy par le commandement du Roy, et eut un trèsbon office en la ville, dont il estoit nay, et la ti'aite des vins qu'il demanda , et mille francs comptans pour faire venir sa femme , et envoya un sien frère en Angleterre sans ce qu'il y allast : et ainsi le Roy se condamna en cette amende , connoissant qu'il avoit trop parlé.

MBMOIBES DB PHILIPPE DE COMINRS. [ 14751