CHAPITRE X

Comment le RoyfiUadveriy de la dernière deffaite du due de Bourgogne^ et comme il conduisit ses affaires après la mort d^ieehuy.

Pour tousjours continuer ma matière, le Roy, qui avoit jà ordonné postes en ce royaume , et par avant n'y en avoit jamais eu , ftrt bien-tost adverty de cette déconfiture du duc de Bourgogne, et à chacune heure en attendoit des nouvel-

MBUOIBES DB PUIUPPB DB GOMlMBSr [1476]

leB , pour les advertisBemens qu*ll avot eas paravaDt de l'arrivée desAliemans, et détentes autres eboses qui en dépendoient; et y avoit beaueoopde gens qui avoient les oreilles bien ouvertes pour les onir le premier et les Iny aller dire; car il donnoit volontiers quelque chose à celuy qui premier luyapportoit quelques grandes nouvdles, sans oublier les messagers, et si prenoit plaisir à en parler, avant qu'elles fussent venues, disant : « Je donneray tant à celuy qui premier » m'apportera des nouvelles. » Monseigneur du Bouchage et moy eusmes ( estant ensemble ) le premier message de la bataille de Morat, et ensemble le dismes au Roy, lequel nous donna à chacun deux cens marcs d'argent. Monseigneur du Lude, qui couehoit hors du Plessis, sceut le premier l'arrivée du chevaucheur, qui apporta les lettres de cette bataille de Nancy, dont j'ay parlé; il demanda au chevaucheur ses lettres y qui ne luy osa refuser , pour ce qu'il estoit en grande authorité avec le Roy. Ledit seigneur du Lndevint fort matin (et estoit à grande peine jour) heurter à l'huis plus prochain du Roy; on luy ouvrit : il bailla lesdites lettres qu'escrivoient monseigneur de Craon et autres, mais nul n'acertenoit, par les premières lettres, de la mort ; mais aucuns disoient qu'on l'avoit ven fuir , et qu'il s'estoit sauvé.

Le Roy de prime-face fut tant surpris de la joye qu'il eut de cette nouvelle, qu'à grande peine sceut -il quelle contenance tenir. D'un costé doutoit, s'il estoit pris des Allemans , qu'ils ne s'accordassent à luy pour grande somme d'argent, qu'aisément ledit duc leur pourroit donner; d'autre costé estoit en soucy s'il estoit eschappé ainsi déconfit; la tierce fois , s'il prendroit ses seigneuries de Bourgogne ou non , et luy semblolt qu'aisément il les pourroit prendre , ven que tous les gens de bien du pays estoient presque tous morts en ces trois batailles dessus dites; et sur ce point estoit sa résolution (ce que peu de gens, comme Je croy, ont sceu excepté moy), que si le duc estoit sain de sa personne, il feroit entrer son armée qui estoit en Ciiampagne et Barrols, incontinent en Bourgc^e, et saisir le pays à l'heure de ce grand espouvantement , et dès ce qu'il seroit dedans , advertiroit ledit duc qu'il le faisoit à l'intention de le luy sauver, et garder que les Allemans ne les destruisissent : pour ce que ladite duché estoit tenue en souveraineté de luy, laquelle il n'eût voulu pour rien laisser tumber es mains desdits Allemans^ et que ce qu'il en aurolt pris , luy seroit par luy rendu : et sans difficulté ainsi l'eust-il fait : ce que beaucoup de gens ne croyoient point aisément. Aussi ne sçavoient-ils la raison qui l'eust

meu : mais ce propos luy mua, quand il sceut la mort dudit duc.

Dès que le Roy eut receu ces lettres , dont j'ay parlé, (lesquelles, comme j'ay dit, ne disoient rien de la mort dudit duc) , il envoya en la ville de Tours quérir tous les capitaines, et plusieurs autres grands personnages^ .et leur monstra ces lettres. Tous en firent signe de grande joye , et sembloient à ceux qui regardoient les eboses de bien près, qu'il y en avoit assez qui s'y efforçoient, et nonobstant leurs gestes, qu'ils eusseu^t mieux aimé que le fait dudit duc fust allé autrement. La cause en pourroit estre parce que paravant le Roy estoit fort craintif, et ils se doutoient que s'il se trouvoit tant délivré d'ennemis , qu'il ne vousist muer 4>lusieurs choses , et par espécial estats et offices , car il y en avoit beaucoup en la compagnie, lesquels en la question du bien public , et autres du duc de Guyenne son frère, s'estoient trouvez contre luy. Après avoir un peu parlé aux dessusdits, il oûit la messe, et puis fit mettre la table en sa chambre, et les fit tous disner avec luy, et y estoient son chancelier, et aucunes gens de conseil , et en disnant parla tousjours de ces matières, et scais bien que moy et autres prismes garde comme ils disneroient, et de quel appétit ceux qui estoient en cette table; mais à la vérité (je ne sçay si c'estoit de joye ou de tristesse) un seul par semblant ne mangea la moitié de son saoul : et si n'estoient-ils point honteux de manger avec le Roy, car il n'y avoit celuy de la compagnie qui bien souvent n'y eust mangé.

Au lever de table le Roy se tira à part , et donna à aucuns des terresjqu'avoit possédées le duc de Bourgogne, si ainsi estoit qu*il fust mort, et despescha le bastard de Bourbon, admirai de France, et moy, et nous bailla pouvoirs nécessaires pour mettre en son obéissance tous ceux qui s'y voudroieut mettre ; et nous commanda partir Incontinent, et que nous ouvrissions toutes lettres des postes et messagers que nous rencontrerions en allant, afin que fussions advertis si ledit duc estoit mort ou vif. Nous partismes et fismes grande diligence , nonobstant qu'il faisoit le plus grand froid que j'aye veu faire de mon temps. Nous n'eusmes point fait une demie journée que nous rencontrasmes un messager, à qui nous fismes bailler ses lettres , qui eontenoient que ledit duc avoit esté trouvé entre les morts, et spécialement par un page italien, et par son médecin, appel lé malstre Louppe, natif de Portugal, lequel certifioit à monseigneur de Craon que c'estoit monseigneur le duc son maistre, lequel incontinent en advertit le Roy.

OOO

HéMOIfiBS DB PHILIPPE D£ C0MINB8. [1476]