CHAPITRE IX

Disgrcssion surquelques bonnes moRundu due de Bourgogne , et sur le temps que sa maù son dura en prospérité.

J'ay depuis veu un signet à Milan , que maintesfois J'avois veu pendre à son pourpoint , qui estoit un anneau, et y avoit un fîizil entaillé en un camayeu , où estoient ses armes , lequel fut vendu pour deux ducats audit lieu de Milan. Celui qui luy osta luy fut mauvais valet-decb^mbre; Je l'ay veu maintesfois habiller et deshabiller en grande révérence , et par grands personnages, et à cette dernière heure luy estoient passez ses honneurs, et périt luy et sa maison , comme J'ay dit , au lieu où il avoit consenty par avariée de bailler le connestable, et peu de temps après. Dieu luy veuille pardonner ses péchez; Je l'ay veu grand et honorable prince , et autant estimé et requis de voisins, un temps a esté, que nul prince qui fust en la chrestienté, ou par aventure plus. Je n'ay veu nulle occasion pourquoy plus tost il peust avoir encouru l'ire de Dieu , que de ce que toutes les grâces et honneurs qu'il avoit receus en ce monde, il les estimoit tous estre procédez de son sens et de sa vertu , sans les attribuer à Dieu , comme il devoit : car à la vérité il avoit de bonnes et vertueuses parties en luy. Nul prince ne le passa Jamais de désirer nourrir grandes gens et les tenir bien réglez. Ses bienfaits n'estoient point fort grands, pour ce qu'il vouloit que chacun s'en ressentist : Jamais nul plus libéralement ne donna audience à ses serviteurs et sujets. Pour le temps que Je l'ay connu il n'estoit point cruel, mais le devint peu avant sa mort , qui estoit mauvais signe de longue durée. Il estoit fort pompeux en babil lemens et en toutes autres choses , un peu trop. Il portoit fort grand honneur aux ambassadeurs et gens estrangers. Ils estoient fort bien festoyez et recueillis chez luy ; il désiroit grande gloire , qui estoit ce qui plus le mettoit en ses guerres que nulle autre chose,

MKMOIRKS DR PHILIPPE DE CO^IINES

f t eût bien voula ressembler à ces anciens princes , dont il a esté tant parlé après leur mort , et estoit autant hardy qu'homme qui ait régné de son temps.

Or sont unies toutes ces pensées , et le tout a tourné à son préjudice et honte; car ceux qui gagnent ont toujours l'honneur. Je ne sçaurois dire vers qui nostre Seigneur s'est monstre plus courroucé, ou vers luy, qui mourut soudainement, et en ce champ, sans guères languir, on vers ses sujets, qui oncques puis n'eurent bien ne repos , mais continuellement guerre, contre laquelle Ils n'estoient sufQsans de résister aux troubles qu'ils avoient les uns contre les autres, et en guerre cruelle et mortelle. £t ce qui leur a esté plus fort à porter, a esté que ceux qui les deffendoient, estoient gens estrangers, qui naguères avoient esté leurs ennemis: c'estoient les Alleinaus. Et en effet , depuis ladite mort n'y eust jamais homme qui bien leur vonslt, de quelques gens qu'ils se soient aidez. Et a semblé à voir leurs œuvres, qu'ils eussent les sens aussi troublez comme leur prince. Car un peu avant sa mort, tout conseil bon et seur ils ont déjetté, et cherché toutes voyes qui leur estoient nuisibles; et sont eu chemin que ce trouble ne leur faudra de grande pièce , ou au moins la crainte d'y recheoir.

Je serois assez de l'opinion de quelque autre que j'ay veu , c'est que Dieu donne le prince , selon qu'il veut punir et chastier les sujets , et aux princes les sujets , ou leurs courages disposez envers luy, selon qu'il les veut élever ou abaisser; et ainsi en advint à cette maison de Bourgogne: car après leur longue félicité et grandes richesses , et trois grands princes bons et sages , précédens cestuy-cy, qui avoient duré six vingts ans (1) et plus en bons sens et vertu ; il leur donna ce duc Charles , qui continuellement les tint en grande guerre , travail et despense , et presque autant en temps d'hiver que d'esté. Beaucoup de gens , riches et aisez, furent morts et destruits par prisons en ces guerres : les grandes pertes comm^cèrent devant Nuz, qui continuèrent par trois batailles , jusques à l'heure de sa mort , et tellement qu'à cette dernière bataille estoit consommée toute la force de son pays, et morts ou destruits ou pris tous ses gens, c'est a sçavoir ceux qui eussent sceu ou voulu deffendre i'estat et Thonneur de sa maison. Et ainsi comme j'ay dit, semble que cette perte ait esté égale au temps qu'ils ont esté en félicité : car comme je dis l'avoir veu grand , riche et honoré , eucore puisse dire avoir veu tout cela en

(1) Unr régn« a daré cent deux ans, de 1805 à 1467.

ses sujets ; car je cuide avoir veu et connu la> meilleure part d'Europe; toutesfoisje n'ay connu nulle seigneurie ne pays , tant pour tant, ny de beaucoup plus grande estenduê encores, qui fust si al)ondant en richesses , en meubles et en édifices , et aussi en toutes prodigalitez, des-^ penses, festoyemens, chères, comme je les ay veus , pour le temps que j'y estois. Et s'il semble à quelqu'un, que je n'y ay point esté pour le temps que je dis , que j'^ die trop , d'autres y estoient comme moy , qui par aventure diront quej'endispeu.

Or à nostre seigneur tout à coup fait cheoir si grand et somptueux édifice-, cette puissante maison , qui a tant soustenu de gens de bien et nourry, et tant esté honorée et près et loin , et par tant de victoires et gloires , que nul autre à l'environ n'en rcceut autant en son temps. Et luy a duré cette bonne fortune et grâce de Dieu i'eapace de six-vingts ans , que tous les voisins ont soufferte, comme France, Angleterre, Espagne, et tous à quelquefois la sont venus requérir , comme l'avez veu par l'expérience du Roy nostre maistre , qui en sa jeunesse , et vivant le roy Charles septiesme son père , s'y vint retirer six ans , au temps du bon duc Philippes , qui amiablement le receut : d'Angleterre y ay Tea les deux frères du roy Edouard, c'est à sçavoir, le duc de Glarence et le duc de Glooestre , qui depuis se feist appeller le roy Richard : et de l'autre party du roy Henry, qui estoit de la maison de Lancastre, y ay veu toute cette lignée, ou peu s'en faloit. De tous costez ay veu cette maison honorée , et puis tout en un coup cheoir sens dessus dessous, et la plus désolée et deffaite maison, tant en prince qu'en svyets, que nul voisin qu'ils eussent. Et telles et semblables œuvres a faites notre Seigneur, et mesmes avant que fussions nez , et fera encores après que nous serons morts; car il faut tenir pour seure, que la grande prospérité des princes , ou leur grande adversité, procèdent de sa divine ordonnance.