I. C. D. M., T. IV
PB COMINBS. [1477] 120
venir serviteurs et subjets du Roy, comme falsoit le Roy propre, qui les sollicitoit par belles et sages paroles et remonstrances, et par grands dons et promesses , et aussi par force qu'il avoit très-grande en leur pays. Pour commencer à faire cas de nouvelleté , ils mirent hors de prison (comme nous avons touché cy-devant) le duc de Gueldres,qui par long-temps, par le duc Charles, y avoit esté tenu, pour les causes qu'avez entendues cy-devant , et le firent chef d une armée qu'ils firent d'entr'eux-mesmes , c'est à sçavoir: de Bruges, Gand etYpres, et renvoyèrent devant Tournay , mettre le feu aux fauxbourgs , qui estoit bien peu d'utilité pour la querelle de leur seigneur. Plus luy eût servy, et à eux aussi , deux cens hommes, et dix mille francs comptant, pour en entretenir d'autres qui estoient dedans Arras , quand le siège y alla (pourveu qu'ils fussent venus à temps propice), que dix telles armées que cette là (qui estoit de douze ou quinze mille hommes , et la payoient très-bien), car elle ne pou voit rien profiter que de brusler un petit nombre de maisons, en lieu dont il ne chaloit guères au Roy; car il n'y lève ny tailles, ny aydes; mais leur connoissance n'alloit point jusques-ià.
Après que ce duc de Gueldres fut venu devant Tournay, il fit mettre les feux jusques aux fauxbourgs dessusdits. Il y avoit dedans trois ou quatre cens hommes-d'armes, qui saillirent et donnèrent sur la^ queue de ses gens à leur retraite , et incontinent ce peuple se mit à fuir. Le duc de Gueldres, qui estoit un très-vaillant prince , tourna pour cuider donner à ses gens chemin de se retirer , il fut mal suivy , et fut porté par terre, et pareillement assez bon nombre de ce peuple , et se trouva bien peu de gens du Roy à faire cet exploict ; et Tost des Flamans , avec cette perte , se retira : car il n'y avoit eu qu'une bande d'entr'eux deffaite. Madamoiselle de Bourgogne , comme l'on dit , eut très-grande joye de cette adventure, et ceux qui l'aymoient; car l'on dit, pour certain, que lesdits Gandois estoient délibérez de le luy faire espouser par force : car de son consentement ne l'eussent sceu faire, pour plusieurs raisons que vous avez entendues de luy par cy-devant.
Je ne puis penser comment Dieu a tant préservé cette ville de Gand , dont tant de maux sont advenus, et qui est de si peu d'utilité pour le pays, et chose publique dudit pays où elle est assise, beaucoup moins pour le prince, et n'est pas comme Bruges, qui est un lieu de grand recueil de marchandise , et de grande assemblée de nations estranges , où par avanture, se dépesche plus de marchandise qu'en nulle autre
no
MEUOIBES DE PHILIPPE DE COMIHES,
ville d*Europe , et seroit dommage irréparable qu'elle fust destruite.
