CHAPITRE PREMIER

Comment la duché de Bourgogne fut mise entre les mains du Roy,

Pour retourner à ma principale matière, et continuer les propos de ces Mémoires , encommencez à vostre requeste , monseigneur i'archevesque de Vienne , cependant que le Roy mettoit en sa main les villes et citez et places dessusdites es marches de Picardie, son armée estoit en Bourgogne; dont estoit chef, quant à Tapparence , le prince d'Orange (1),* qui encores règne ai^ourd'huy , natif et subjet de la comté de Bourgogne, mais assez nouvellement, estoit devenu ennemy du duc Charles , pour la deuxiesme fois. Ainsi le Roy s*en aida, pour ce qu'il estoit grand seigneur , tant en la comté qu'en la duché de Bourgogne , et aussi bien apparenté et aimé. Monseigneur de Craon estoit lieutenant du Roy , et avoit la charge de l'armée, et estoit celuy à qui le Roy en avoit la fiance; et aussi il estoit sage homme et seur pour son maistre , mais un peu trop aimoit son profit. Ledit seigneur de Craon, quand il approcha de Bourgogne, envoya ledit prince d'Orange et autres devant à Dijon, leur faire les remonstrances nécessaires et demander l'obéissance pour le Roy ; lesquels y besognèrent si bien, et principalement par le moyen dudit prince d'Orange (2), que ladite ville de Dijon , et toutes les autres de la duché de Bourgogne, se mirent en l'obéissance du Roy , et plusieurs de la comté, comme Aussone, et quelques autres chasteaux, tindrent pour la damoiselle dessusdite.

Audit prince d'Orange furent promis de beaux

(1) Jean de Cbâlons, deuxième du nom , prince d*(>range.

(2) Georges de la Trémouille, leigneur de JoioTille, haroo de Craon, premier chambellan du Roi.

Estats , et davantage de luy mettre entre les mains toutes les places qui estoient en ladite comté de Bourgogne, qui estoient de la succès* sion du prince d'Orange (3), son grand père, et dont il avoit question contre messeigneurs de Chasteauguion (4), ses oncles : lesquels il disoit avoir esté favorisez par ledit duc Charles. Car leur débat avoit esté plaidoyé devant luy, par plusieurs jours, en grande solemnité, et ledit duc estant fort accompagné de clercs, donna un appointement contre ledit prince, au moins conune il disoit , pour laquelle cause il laissa le service dudit duc et vint devers le Roy. Nonobstant cette promesse , quand ledit seigneur de Craon se trouva possesseur des choses dessusdites , et qu'il avoit entre ses mains les meilleures places que deust avoir ledit prince , et qui estoient de cette succession , il ne les voulut point bailler audit prince d'Orange , pour nulle requeste qu'il luy en sceust faire. Si luy en r'escrivit le Roy par plusieurs fois, sans nulle fiction ; et connoissoit bien que ledit seigneur de Craon tenoit de mauvais termes audit prince d'Orange ; mais encores craignoit-il de desplaire audit seigneur de Craon, qui avoit toute la charge dudit pays , et ne cuidoit point que ledit prince eust coeur ne* façon de rebeller ledit pays de Bourgogne , comme il fit , au moins une grande partie. Mais pour cette heure, laisseray ce propos jusques à un autre lieu.

OOO