CHAPITRE IL

Comment le Roy entretenoit les Anglais^ après la mort de Charles , duc de Bourgogne^ qfin qu'ils ne Pempeschassent en la conqueste des pays dudit duc.

Ceux qui verront ces Mémoires , pour le temps advenir, et qui entendront les choses et affaires de ce royaume et des voisins mieux que moy , se pourront esbahir que depuis la mort du duc Charles de Bourgogne jusques icy , où il y a distance de près d'un an , je n'aye fait nulle mention des Anglois , et comme ils pouvoient souffrir que le Roy mit en ses mains les villes si voisines d'eux , comme Arras , Boulogne , Hedin , Ardres , et plusieurs autres chasteaux , et estoient logés devant Sainct-Omer par plusieurs jours.

(3) Louis de Ctiâlona, (umommé le Bon.

(4) Louis et Hugues de Chàlons, seigneurs de Ghl«» ieau-Guyon.

MBM0IBE8 DB PHILIPPE DB COMINBS. [1477]

La cause estoit , que le sens et vertu de notre Boy précédoit celuy du roy Edouard d'Angleterre , qui pour lors régnoit , combien que ledit roy Edouard estoit prince très- vaillant, et qui avoit gagné en Angleterre huict ou neuf batailles, esquelles tousjours il avoit esté à pied, qui estoit chose de grande louange pour iuy^ mais c'estoient différents cours où il ne faloit point que le sens du roy d'Angleterre labourast De travaillast; car dès la bataille passée il estoit maistre Jusques à un autre temps; et si quelque discord se meut en Angleterre , en dix jours , ou moins , Tun ou l'autre est au-dessus ; mais nos affaires de deçà ne sont pas ainsi , car faloit avec l'exploict de guerre que le Roy entendit en plusieurs lieux de son royaume , et aux voisins; et par espécial entendoit entre toutes ses autres affaires à contenter ledit roy d'Angleterre , ou à l'entretenir par ambassades, présens et belles paroles , afin qu'il ne s'empeschast point de nos affaires. Car ledit seigneur sçavoit bien qu'à toutes heures les Anglois, tant nobles que communs et gens d'église, sont enclins à la guerre contre ce royaume, tant sous couleurs de leurs querelles qu'ils y prétendent, que pour l'espérance d'y gagner, pour ce que Bleu a permis à leurs prédécesseurs gagner en ce royaume plusieurs grandes batailles, et y avoir longue possession, tant en Normandie qu'en Guyenne, qu'ils avoient possédée trois cens cinquante ans, à l'heure que le roy Charles VII la conquit le premier coup, comme j'ay dit ailleurs , auquel temps ils emportoient de grandes dépouilles et richesses en Angleterre, tant des princes et seigneurs de France qu'ils avoient eus leurs prisonniers, et en grand nombre , comme des villes et places qu'ils avoient prises audit royaume , et espèrent encores tous- Jours le faire ainsi ; mais à grande peine leur fût advenue telle fortune et adventure du temps du Roy nostre maistre, car jamais il n'eût bazardé son royaume jusques-là, que soy mettre à pied , ne toute la noblesse dudit royaume pour les combattre , comme l'on fit à Agincourt (1), et eût bien procédé plus sagement s'il en (tt venu jusques-là, comme avez peu voir par la manière qu'il s'en dépescha à la venue dudit roy Edouard.

Ainsi ledit seigneur voyoit bien qu'il falloit qu'il s'entretinst avec ledit roy d'Angleterre, et avec ses prochains, lesquels il sentoit estre assez enclins à entretenir la paix et à prendre de ses biens ; parquoy payoit bien la pension de cinquante mille escus, qu'il leur rendoit à

(1} A Aiincourt en J4i5, et i Poitiers en 1356.

Londres, et eux Tappelloient tribut; et à ses prochains serviteurs en payoit quelque seize mille ; c'est à sçavoir, au chancelier, au maistre desroolles (qui pour cette heure est chancelier), au grand- chambellan , le seigneur de Hastings (homme de grand sens et vertu, et grande aucthorité vers son maistre , et non sans cause , car il i'avoit bien servy et loyaument), à messire Thomas de Montgoméry , au seigneur de Ha* vart (qui d^uis a esté avec ce mauvais roy Richard , duc de Norfle (2) , au grand escuyer, appelle maistre Chêne, à maistre Ghalanger, au Marquis, fils de la reyne d'Angleterre, d'un précédent mariage; et faisoit de très-grands dons à tous ceux qui venoient devers luy , en^ cores qu'ils vinssait avec commissions vigoureuses, et si les dépeschoit avec si bonnes paroles, et avec si beaux présens, qu'ils s'en alloient contens de luy , et encores quelque connoissance ' qu'ils eussent que le Roy nostre maistre le flst pour gagner temps et faire son fait en cette guerre qu'il avoit commencée , si le dissimuloient-ils, pour le grand profit qu'ils en avoient.

A tous ceux-cy avoit fait des dons outre leurs pensions , et suis seur qu'à ce monseigneur de Havart, outre sa pension, luy donna, en moins de deux ans, en argent et vaisselle , vingt et quatre mille escus , et au chambclan , seigneur de Hastings, donna pour un coup mille marcs d'argent en vaisselle , et de tous ces personnages ici se trouvent les quittances en la chambre-des-comptes à Paris , sauf dudit seigneur de Hastings , grand-chambelan d'Angleterre , et n'y en a qu'un , parquoy c'est un grand office. Cedit chambclan se fit fort prier à se faire pensionnaire du Roy, et j'en fus cause; car je le fis amy du duc Charles de Rourgogne , pour le temps que j'estois à luy , lequel luy donna mille escus l'an de pension , et l'avois dit au Roy, auquel il plut semblablement que Je fusse moyen de le faire son amy et son serviteur ; car le temps passé luy avoit tousjours esté grand ennemy , et du temps dudit duc Charles , et encores depuis en faveur de la damoiselle de Rourgogne; et ne tenoit point à luy , un temps fust, qu'Angleterre ne luy aidast à faire la guerre contre le roy de France.

Ainsi je commençay cette amitié par lettres, et luy donna le Roy deux mille escus de pension , qui estoit le double de ce que luy donnoit ledit duc de Rourgogne ; et envoya le Roy, par devers luy Pierre Claret, un sien maistre-d'hostel , et luy enchargea fort d'en prendre quit-

(2) Norfolck, suivant Polydore Virgile.

tanoe , aflo que pour le temps à venir il fût veu et connu comme le grand-chambelan, chancelier, admirai , grand-escuyer d* Angleterre , avec plusieurs autres , eussent esté pensionnaires du roy de France. Ledit Pierre Claret estoit trèssage homme , et eut communication bien privée avec ledit chambelan, en sa chambre à Londres, seul à seul ; et après luy avoir dit les paroles qui estoient nécessaires à dire de par le Roy, il luy présenta ces deux mille escus en or sol , car en autre espèce ne donnoit jamais argent à grands seigneurs estrangers.

Quand ledit chambelan eut receu cet argent, ledit Pierre Claret luy supplia que pour son acquit il luy en signast une quittance ; ledit chambelan en fit difficulté. Lors luy requist de rechef ledit Claret qu'il luy baillast seulement une lettre de trois lignes , adressante au Roy , contenant qu'il les avoit receus, pour son acquit envers le Roy son maistre, afin qu'il ne pensast qu'il les eust emblez (1), et que ledit seigneur estoit un peu soupçonneux ; ledit chambelan , voyant que ledit Claret ne luy demandoit que raison , respondit : « Monseigneur le maistre , « ce que vous dites est bien raisonnable , mais « ce don vient du bon plaisir du Roy vostre » maistre , et non pas à ma requeste ; s'il vous » plaistqueje le prenne, vous le me mettrez » icy dedans ma manche, et n'en aurez autre * lettre ne tesmoin , car je ne veus point que » pour moi on die : le grand-chambelan d'Ân- » gleterre a esté pensionnaire du roy de France, » ne que mes quittances soient trouvées en sa N chambre-des-comtes. » Ledit Claret se tint à tant , et luy laissa son argent , et vint faire son rapport au Roy , qui fut bien courroucé qu'il u'avoit apporté ladite quittance ; mais il en loua et estima ledit chambelan plus que tous les autres serviteurs du roy d'Angleterre ; et depuis fut toujours payé ledit chambelan, sans bailler quittance.

En cette manière vivoit le Roy avec ces Anglols ; toutesfols souvent le roy d'Angleterre estoit requis et pressé du costé de cette Jeune princesse (2), pour avoir aide ; parquoy ledit roy d'Angleterre envoyoit devers le Roy , luy faire remonstrance sur cette matière , et le pressoit de paix , ou au moins de trêve; car ceux d'Angleterre qui se trouvoient à son conseil , et par espéciaV à leur parlement (qui est comme les trois Estats ), se trouvèrent plusieurs sages personnages , qui voyoient de loin , et n'avoient

(1) Dérobés.

(2) Marie, fille unique et héritière de Charles, dernier duc de Bourgogne.

MEMOlnSS DE PHILIPPE DE COMINBS^ [i'^^?]

point de pension comme les autres : ceux-là désiroient fort, et encores la commune, que ledit roy d'Angleterre aidast à bon escient à ladite damoiselie ; et disoit que du costé de deçà on les trompoit , et qu'on n'acheveroit point le mariage, et qu'il se pouvoit assez voir; car au traité fait à Piquigny, entre les deux roys, il avoit esté juré et promis que dedans l'an on devoit envoyer quérir la fille du roy d'Angleterre, que jà avoient fait intituler madame la Dauphine,et que le terme estoit passé de beaucoup.

Quelque remonstrance que ses subjets luy fissent, il n'y vouloit entendre, et y avoit plusieurs raisons. C'estoit un homme pesant que ce roy d'Angleterre, et qui fort aimoltses plaisirs, et n'eust sceu porter la peine de guerre de deçà, et se voyoit assailly de grandes ad versitez; parquoy n'avoit cure d'y rentrer. D'autre part, l'avarice de ces cinquante mille escus, rendus tous les ans dans son chasteau de Londres, luy amolllssoit le coeur ; et aussi quand ses ambassadeurs venoient, on leur faisoit toute bonne chère, et leur donnoit l'on tant de beaux dons qu'ils en partoient eontens, et jamais ne leur estoit faite response, où il y eût résolution , pour tousjours gagner temps; mais leur disoit-on qu'en peu de jours le Roy envoyeroit devers le Roy leur maistre bons personnages, qui luy donneroient telle seureté des choses dont il estoit en doute, qu'il s'en devrait bien contenter.

Ainsi quand ces ambassadeurs estoient partis, trois semaines ou un mois après, aueunesfois plus, aueunesfois moins (qui n'estoit point petit terme en tel cas), le Roy y envoyoit, et tonsjours personnages qui n'y avoient point esté le voyage précédent , afin que si ceux-là avoient fait quelque ouverture, dont le fait ne s'en fût point ensuivy , que les derniers n'en sceussent que respondre. Et aussi ceux qui y estoient envoyez mettoient peine par toutes voyes de donner telle seureté en France audit roy d'Angleterre , qu'il avoit encores patience sans se mouvoir, car il avoit tant de désir de ce mariage, et la Reyne sa femme ,. que cela, avec les autres raisons que j'ay dites , luy faisoient dissimuler ce que partie de ceux de son conseil disoient estre au grand préjudice de son royaume ; et craigooit la rupture dudit mariage pour la moquerie que jà s'en faisoit en Angleterre , et par espécial de ceux qui y désiroient la noise et différent.

Pour un peu esclaircir cet article, le Roy nostre maistre n'eut jamais vouloir d'accomplir ce mariage ; car les âges des deux n estoient

MB1I0IBB8 I>B PHILIPPE 1>B C0M1NBS. [1477]

point sortables , pour ce que la fille (l), qui de présent est reyne d'AngleteiTC, estolt trop plus vieille que monseigneur le Dauphin qui de présent est nostre roy. Ainsi sur ces dissimulations, un mois ou deux de terme gagné, en allant et venant , estoit rompre à son ennemy une saison de luy mal faire. Car sans doute, si ce n'eust esté l'espérance dudit mariage , le roy d'Angleterre n*eust jamais souffert prendre les places si près de luy , sans mettre peine de les deffendre, et si d'entrée il se fût déclaré pour ladite damoiselle de Bourgogne , le Roy , qui craignolt mettre les choses en doute et en adventure, n'eust point de tant affoibly cette maison de Bourgogne , comme il fit. Je ne dis ces choses principalement que pour donner à entendre comme les choses de ce monde se sont conduites, ou pour s'en aider , ou pour s'en garder , ainsi qu'il pourra servir à ceux qui ont ces grandes choses en main , et qui verront ces Mémoires , car combien que leur sens soit grand, un peu d'advertissement sert aucunesfois. Il est vray que si madamoiselle de Bourgogne eust voulu entendre au mariage de monseigneur de Rivière (2), frère de la reyne d'Angleterre , on l'eût secourue avec bon nombre de gens ; mais c'estoit un mariage bien mal sortable ; car ce n'estoit qu'un petit comte , et elle la plus grande héritière qui fût de son temps.

Plusieurs marchez se menoient entre le roy de France et le roy d'Angleterre : et entre les autres luy offroit le Roy , que s'il se vouloit joindre avec luy , et venir en personne en un quartier du pays de ladite damoiselle , et en prendre sa part, ledit seigneur consentoit que ledit roy d'Angleterre eût le pays de Flandres , et qu'il le tînt sans hommage , et le pays de Brabant : et luy offroit le Roy de conquérir à ses dépens les quatre plus grosses villes de Brabant ^ et les mettre en la possession du roy d'Angleterre , et davantage luy payer dix mille Anglois pour quatre mois, afin que plus aisément il portast les mises de l'armée ; et luy prestoit grand nombre d'artillerie et gens de charroy, pour les conduire et s'en aider, et que le roy d'Angleterre fist la conqueste du pays de Flandres , tandis que ledit seigneur les empescheroit ailleurs. Le roy d'Angleterre respondit que ces villes de Flandres estoient fortes et grandes , et un pays mal-aisé à garder quand il l'auroit conquis , et semblablement celuy de Brabant , et que les Anglois n'avoient point fort cette guerre agréable , à cause des fréquenta-

(1) Elisabeth, mariée à Henri VU , roi d'Angleterre, père de Henri VIII.

(2) Antoine de WidevUle, comie de Rivière, seigneur

tionsde leurs marchandises, mais qu'il plût au Roy, puisqu'il luy plaisoit faire part de sa con* queste, luy bailler quelques places de celles que jàil avoit conquises en cette Picardie, comme Boulogne et autres; et qu'en ce faisant il se déclairoit pour luy, et envoyeroit gens à son service, en les payant; qui estoit bien sage response.

<XX