CHAPITRE m

Comment le mariage de madamoiselle de Bourgogne fut conclu et . accomply avec Maœimilieny duc d*Austriche ^ et depuis empereur.

Ainsi , comme devant ay dit , alloient et venoient ces marchez entre le Roy et le roy d'Angleterre , pour toujours gagner temps , et s'affoiblissoit ladite damoiselle de Bourgogne; car de ce peu de gens de guerre, qui luy estoient demeurez après la mort de son père , plusieurs se tournèrent du party du Roy; et par espécial après ce que monseigneur des Cordes s'y f\it mis, qui plusieurs en amena avec luy. Les autres se tournoient par nécessité , pource qu'ils estoient situez ou demeurant près des villes, ou dedans celles qui estoient Jà en l'obéyssance dudit seigneur, et aussi pour avoir de ses biens; car nul autre prince n'en départoit si largement à ses serviteurs comme luy. Davantage les troubles des bandes croissoient tous les jours en ces grosses villes , et par espécial à Gand, qui esmouvoit tout, comme vous avez ouy. Environ de ladite damoiselle de Bourgogne estoit parlé de plusieurs mariages pour elle, disant ou qu'il luy falloit mary pour deffendre le demeurant de ce qu^elle avoit , ou espouser monseigneur le Dauphin, afin que tout luy demeurast en paix. Aucuns désiroient fort ce mariage, et par espécial elle , avant que ces lettres qu'avoient portées lesdits seigneurs d'Himbercourt et chancelier, fussent baillées. Autres alléguoient le jeune âge dudit monseigneur le Dauphin , qui n'estoit que de neuf ans ou environ : et alléguoient ce mariage promis en Angleterre, et taschoient pour le fils du duc de Clèves. Autres pour le fils de l'Empereur Maximilian (3) , de présent roy des Romains.

Ladite damoiselle avoit conçeu haine contre le Roy à cause de cesdites lettres , car il luy sembloit avoir esté occasion de la mort de ces deux bons personnages dessus-nommez , et de

de Scales, dont II est parlé ci-devant, llv. IV, ebap. 2 et 6.

(3) Maximilien, fils de rcmpcrenr Fr<»d(*ric III.

la honte qu'elle reçeut , quand publiquement luy furent baillées, devant tant de gens, comme avez ouy ; et aussi que cela avoit donné audace aux Gandois de luy avoir chassé tant de serviteurs, et séparé sa belle-mère et le seigneur de Ravestain d'avec elle, et mis ses femmes en si grande crainte, qu'elles n'eussent osé recevoir une lettre sans la monstrer , ny parler à l'oreille à leur maistresse. Lors elle commença à éloigner d'elle l'évcsque de Liège , qui estoit fils de Bourbon (1) , qui désiroit faire le mariage dudit monseigneur le Dauphin : lequel eust esté bien propice , et grand honneur pour ladite damoiselle , n'eust esté la grande jeunesse dudit monseigneur le Dauphin ; toutesfois le regard dudit évesque n'estoit point Jusques-là : si se retira au Liège, et chacun s'en déporta. Il eût esté bien difficile de conduire cette matière de tous les deux costez , et crois que ceux qui s'en fussent meslez , n'y eussent point eu grand honneur .en la fin : et aussi chacun s'en teut. Après se tint quelque conseil sur cette matière , où se trouva madame de Hallev^in (2), première dame de ladite damoiselle: laquelle dit, comme me fut rapporté , qu'ils avoient besoin d'un homme et non pas d'un enfant, disant que sa maistresse estoit femme pour porter enfant , et que de cela le pays avoit besoin : à cette opinion se tindrent. Aucuns blasmèrent ladite dame d'avoir si franchement parlé, autres l'en louèrent, disant qu'elle ne parloit que de mariage, et de ce qui estoit très-nécessaire au pays. Ainsi il ne fut plus nouvelle que de trouver cet homme ; et croy véritablement que, si le Roy eût voulu , qu'elle eût espousé monseigneur d'Angoulesme (3), qui est de présent , qu'elle l'eût fait , tant désiroit demeurer alliée de la maison de France.

Or Dieu voulut dresser un autre mariage, et par aventure ne sçavons pas encore pourquoy Dieu l'a afaisl voulu : sinon que nous voyons par ce qui est passé , que de ce mariage , qui fut fait, sont sorties plusieurs guerres, tant delà que deçà. Ce qui n'eust possible pas esté , si elle eust espousé mondit seigneur d'Angoulesme : et en ont porté depuis les pays de Flandres et de Brabant, et autres, grandes persécutions^ Le duc de Glèves estoit à Gand , avec ladite damoiselle, qui cherchoit fort amis léans , pour cuider conduire le mariage de son fils avec ladite damoiselle, laquelle n'y estoit pas encline ; et.ne luy plaisoient point les conditions dudit fils de

(1) Loult de Bourbon , fils du duc Charles de Bourbon et d'Agnès de Bourgogne.

(2) Jeanne de Clite, dame de Comines, veuve de Jean, seigneur de Hallewin. cousine de Tauteur.

Clèves, ny à ceux qui estûient auprâ d'elle. Ainsi d'auemu ooimiieneèrent à pratiquer le mariage du fils de l'Empereur , à présent roy des Bomains y dont autrefois avoit esté paroles entre l'Empereur et le duc Charles , et la chose accordée entr'eux deux. Aussi avoit l'Empereur une lettre faite de la main de ladite damoiselle , du commandement de son père , et un anneau où il y avoit un diamant ; et contenoit ladite lettre comment , en ensuivant le bon plaisir de son seigneur et père , elle promettoit au duc d'Austriche, fils dudit Empereur , accomplir le mariage pour-parlé, en la manière et selon le bon plaisir de sondit seigneur et père.

L'Empereur envoya plusieurs ambassadeur devers ladite damoiselle, laquelle estoit à Gand : et après que lesdits ambassadeurs furent arrivez à Bruxelles, il leur fut escrit qu'ils attendissent là encores , et que l'on envoyeroit devers eux ; et cela fit le duc de Clèves , qui ne désiroit point leur venue et taschoit à les faire retourner mal contens ; mais lesdits ambassadeurs , qui Jà avoient intelligence en la maison de ladite damoiselle , et par espécial à la duchesse de Bourgogne doCiairière (4), laquelle estoit dehors (comme avez ouy ) et séparée de ladite damoiselle, à cause de ces lettres, passèrent outre; car elle les advertit, comme me fut dit, qu'ils marchassent toujours, nonobstant leurs lettres; et aussi le^ir manda ce qu'ils dévoient faire quand ils seraient à Gand , et comme ladite damoiselle estoit bien disposée à leur intention , et plusieurs d'auprès elle. A ce conseil se tindrent ces ambassadeurs de l'Empereur , et tirèrent tout droit à Gand , nonobstant ce qrd leur avoit esté mandé , dont ledit duc de Clèves en fut fort mal content ; toutesfois il ne sçavoit point encores la volonté des dames. Il fut advisé en leur conseil qu'ils seroient ouis , et fut dit qu'après qu'ils auroient dit leur créance , ladite damoiselle leur diroit qu'ils fussent les très-bien venus , et qu'elle mettroit en conseil ce qu'ils luy avoient dit , et puis leur feroit faire réponse, et qu'elle ne diroit rien plus avant : et ainsi le conclud ladite damoiselle.

Les ambassadeurs dessusdits présentèrent leurs lettres quand il leur fût ordonné , et dirent leur créance, qui estoit comme le mariage dessusdit avoit esté conclud entre 1 Empereur et le duc de Bourgogne son père, et du sceu et consentement d'elle, comme apparoissoit par lettres

(3) Charles d'Orléans, comte d'Angouléme, père du roi François I«.

(4) Marguerite dTork. fille de Richard. dacd'Tork, et sœur d'Edouard IV. roi d'Angleterre» troisième femme de Charles, duc de Bourgogne.

MBMOIBBS DE PHILIPPE DB COHIiNES. [l477]

escrites de sa roaio, qu'ils moostrèrent, et aussi le diamant, qu'ils disoient avoir esté envoyé et donné en signe de mariage ; et requéroient bien fort lesdits ambassadeurs de par leur maistre , qu'il plût à ladite damoiselle accomplir ledit mariage, en ensuivant le vouloir et promesse de sondit seigneur et père , et la sienne aussi ; et la sommèrent devant les parens de déclarer si elle avoit escrit ladite lettre ou non , et si elle avoit vouloir d'entretenir sa promesse. A ces paroles , et sans demander conseil , respondit ladite damoiselle, qu'elle avoit escrit lesdites lettres par le vouloir et commandement de son seigneur et père, et envoyé ledit diamant, et qu'elle avoûoit le contenu. Lesdits ambassadeurs la remercièrent bien fort et retournèrent Joyeux en leurs logis.

Le duc de Glèves fut fort mal-content de cette response , qui estoit opposite de ce qui avoit esté conclu au conseil , et remonstra fort à ladite damoiselle qu'elle avoit mal parlé. A quoy elle respondit qu'autrement elle ne le pourroit faire, et que c'estoit chose promise , et qu'elle ne pouvoit aller au contraire. Yeu ces paroles, et qu'il conneut bien qu*il y en avoit plusieurs léans de l'opinion de ladite damoiselle, il se délibéra peu de jours après de se retirer en son pays et de se déporter de cette poursuite. Ainsi se paracheva ce mariage : car ce duc Maximilian vint à Cologne, où aucuns des serviteurs (l) de ladite damoiselle allèrent au-devant de luy , et croy bien qu'ils le trouvèrent mal fourny d'argent , et luy en portèrent ; car son père a esté le plus parfaitement chiche homme, que prince ny autre qui ait esté de nostre temps. Le dessusdit fils de TEmpereur jfiit amené à Gand, accompagné de sept ou huict cens chevaux , et fut achevé lecTit mariage, qui de prime-face ne porta point grande utilité aux subjets de ladite damoiselle; car au lieu d'apporter argent, il leur en falloit bailler. Leur nombre n'estoit point suffisant à une telle puissance que celle du Roy , et ne s'accordoient pas fort leurs conditions avec celles de subjets de cette maison de Bourgogne , lesquels avoient vescu sous princes riches, qui donnoient de bons estats et tenoient lionorable maison et pompeuse , tant en meubles qu'en services de table , et habillemens pour leurs personnes et serviteurs. Les Allemans sont fort au contraire, car ils sont rudes et vivent mdement.

Et ne fais nul doute qu'avec grand et sage conseil , et enoores aidant la grâce de Dieu , fiit

(1) Le seigneur du Fay dlrland , et Olivier de la If arche, qui Ait nommé premier maître- d*li6tcl de Ifaxfmlllen.

faite cette loy et ordonnance en France, que les filles n'hériteroient point audit royaume, pour éviter qu'il ne fût en la main de prince de nation estrange et d'estrangers ; car à grande peine les François l'eussent peu souffrir : et aussi ne font point les autres nations ; et à la longue , il n'est nulle seigneurie, spécialement des grandes, dont le pays à la fin ne demeure en la possession de ceux qui sont du pays : vous le pouvez voir par France, où les Anglois ont eu grande seigneurie depuis quatre cens ans , et pour cette heure n'ont plus que Calais, et deux petits chasteaux qui leur coustent beaucoup à garder. Le demeurant ils ont perdu , beaucoup plus légè^ rement qu'ils ne le conquirent , car ils en ont plus perdu en un Jour qu'ils n'en gagnèrent en un an. Et aussi se peut connoltre par le royaume de Naples , et par l'isle de Cécile , et autres provinces que les François ont possédées par longues années ; et pour toutes enseignes , n'y est mémoires d'eux que par les sépultures de leurs prédécesseurs.

Et encores que l'on endurast de prince de pays estrange , qui seroit en petite compagnie bien réglée, et luy sage , si ne le peut-on bien aisément faire de grand nombre de gens : car s'il en ameine avec luy grand nombre , ou qu'if en mande pour quelque occasion de guerre , s'il y en a aux subjets, eux venus , à grant peine se peut-il faire qu'il n'y ait de l'envie , discord et division , tant pour la diversité des mœurs et conditions , que pour leurs violences , qu'ils font souventesfois, non ayans l'amour au pays telle que ceux qui en sont nez , et surtout quand ils veulent avoir les offices et bénéfices, et les grands maniemens du pays. Ainsi a bien à faire un prince d'estre bien sage , quand il va en pays estrange pour accorder toutes ces choses , et si un prince n'est doué de cette vertu , qui sut toutes les autres vient de la grâce de Dieu seulement , quelqu'autre bien qu'il ait en luy , à peine en pourra-il venir au-dessus , et s'il vit âge d'homme , il aura de grands troubles et affaires, et tous ceux qui vivront soubs luy, par espécial quand il viendra sur la vieillesse, et que ses hommes et serviteurs n'y auront nulle espérance d'amendement.

Après que fàt achevé le mariage dessusdit, leurs affaires n'en amendèrent de guères , car ils estoient Jeunes tous deux. Ledit duc Maximilian n^avoit connoissance de rien, tant pour sa Jeunesse que pour estre en pays estrange; et aussi avoit esté assez mal nourry, au moins pour n'avoir connoissance de grandes choses: et si n'avoit point de gens pour faire grand effort ; et alloit ce pays en grand trouble, et a esté Jusquei

icy avec apparence d'y estre encore ; et est si bien grand inconvénient à un pays, comme J'ay dit, quand il faut qu'il quière seigneur de pays estrange; et fit Dieu grande grâce au royaume de France de cette ordonnaûce dont j'ay parlé cydessus , c'est à sçavoir que les filles n'héritent point. Une petite maison en peut accroistre; mais à un grand royaume comme cestui-cy n'en peut venir que tout inconvénient. Peu de jours après ce mariage se perdit ce pays d'Artois , au moins pendant que le mariage se traitoit: il me suffit de ne faillir point à la substance , et si je faux aux termes, comme un mois plus ou moins , les liseurs m'excuseront s'il leur plaist. Le faict du Roy amendoit tousjours , car il n'a voit nulle partie; et tousjours prenoit quelque place, s'il n'avoit trêve, ou quelque ouverture d'appointeraent qui jamais ne se pouvoit accorder : car ils n'estoient point raisonnables, et pour ce leur duroit la guerre. Ce duc Maximilian et madamoiselle de Bourgogne eurent un fils le premier an : c'est l'archiduc Philippe qui règne de présent. Le second an , eurent une fille, qui de présent est nostre Reyne, appellée Marguerite. Le tiers an, un fils appelle François, au nom du duc François de Bretagne. Le quart an, elle mourut d'une cheute de cheval ou d'une fièvre, mais vray est qu'elle cheut. Aucuns disent qu'elle estoit grosse. Ce fut grand dommage pour les siens : car elle estoit très - honneste dame et libérale, et bien aimée de ses sigets , et luy portoient plus de révérence et de crainte qu'à son mary ; aussi elle estoit dame du pays. Elle aimoit fort sondit mary et estoit dame de bonne renommée. Laquelle mort advint Tan mil quatre cens vingt et deux.

En Hainaut le Roy tenoit la ville de Quesnoyle-Comte et celle de Bouchain , lesquelles il rendit; dont aucuns s'esbahirent, veu qu'il ne cherefaoit nul appointement, et qu'il monstroit vouloir prendre le tout sans rien laisser à cette maison ; et croy bien que s'il eût peu tout départir et donner à son aise , et de tous points la détruire, qu'il l'eût fait : mais ce qui le meut à rendre ces places en Hainaut furent deux causes qu'il me dit depuis. La première, qu'il luy sembloit qu'un roy a plus de force et vertu eu son royaume où il est oingt et sacré qu'il n'a dehors son royaume ; et cecy estoit hors de son royaume. L'autre raison estoit, qu'entre les roys de France et empereurs y a grands sermens et confédérations de n'entreprendre rien l'un sur l'empire , l'autre sur le royaume; et ces places (dont j'ay parlé) estoient situées en l'Empire, et ftirent restituées l'an 1477. Pour cause semblable rendit Gambray, ou la mit en main neutre , content de

la perdre : et aussi ils avoientmisie Roy dedans la ville en senreté.

<xx>