CHAPITRE XIII

Discours sur la misère de la vie des hommes , et principalement des princes ^ par l'exemple de ceux du temps de Vaviheur^ et premièrement du roy Loiuys.

Peu d'espérance doivent avoir les pauvres et menues gens au faict de ce monde , puisqu'un si grand Roy y a tant souffert et travaillé , et puis laissé tout,et ne put trouver une seule heure pour esloigner sa mort, quelque diligence qu'il y ait sceu faire. Je l'ay cognu , et ay esté son serviteur à la fleur de son aage , et en ses grandes prospéritez ; mais je ne le vis onques sans peine et sans soucy. Pour tout plaisir il aimoit la chasse , et les oiseaux en leur saison , mais il n'y prenoit point tant de plaisir comme aux chiens. Des dames , il ne s'en est point meslé , tant que j'ay esté avec luy , car à l'heure de mon arrivée luy mourut un fils nommé Joachim , né l'an quatorze cent cinquante-neuf, dont il eut grand dueii : et fit lors vœu à Dieu , en ma présence , de jamais ne toucher à femme qu'à la Reyne sa femme, et combien qu'ainsi le devoit faire selon l'ordonnance de l'Eglise , si fut-ce grand'chose , à en avoir tant à son commandement, de persévérer en cette promesse ; veu encores que la Reyne n'estoit point de celles où on devoit prendre grand plaisir , mais au demeurant fort bonne dame. Encores en cette chasse avoit presqu'autant d'ennui que de plaisir , car il y prenoit grande peine, pour autant qu'il couroit les cerfs à force, et se levoit fort matin , et alloit aucunesfois loin , et ne laissoit point cela pour nul temps qu'il fist; et ainsi s'en retoumoit aucunesfois bien las , et presque tousjours couroucé à quelqu'un ; car c'est un mestier qui ne se conduit pas tousjours au plaisir de ceux qui le meinent ; toutesfois il s'y connoissoit mieux que nul homme qui ait régné de son temps , selon l'opinion de chacun. A cette chasse estoit sans cesse , et logé par les villages, jusques à ce qu'il venoit quelques nouvelles de la guerre, car presque tous les estez il y avoit quelque chose entre le duc Charles de Bourgogne et luy , et ils faisoient trefves tout Thy ver.

Aussi il eut plusieurs affaires, pour cette comté

MÉUOIBES DE PHILIPPE DE COMINKS. [l483]

de Roussillon , contre le roy Jehan d'Arragon , père du roy d'Espagne, qui règne de présent; car combien quMls fussent fort pauvres et troublez, avec leurs subjets ^ comme ceux de Barcelone et autres , et que le fils n'eût rien ( mais il attendoit la succession du roy dom Henry de Gastille, frère de sa femme, laquelle depuis luy est advenue), toutesfois ils luy faisoient grande résistance ; car ils avoient les cœurs des subjets dudit pays de Roussillon, lequel cousta fort cher au Roy et au royaume , car il y mourut , et s'y perdit maint homme de bien et y despendit grand argent , car cette guerre dura longuement. Ainsi le plaisir qu'il prenoit , estoit peu de temps en l*an , et en grand travail de sa personne, comme j'ay dit. Le temps qu'il reposoit y son entendement travailloit ; car il avoit affaire en tant de lieux que merveille ; et se fut aussi volontiers empesché des affaires de ses voisins comme des siens , et mis gens en leurs maisons , et départy les authoritez d'icelles. Quand il avoit la guerre il désiroit paix ou tcefve; quand il avoit la paix ou la trefve , à grande peine les pouvoit-il endurer. De maintes menues choses de son royaume se mesloit , dont il se fut bien passé ; mais sa oomplexion estoit telle , et ainsi vivoit. Aussi sa mémoire estoit si grande qu'il retenoit toutes choses, et cognoissoit tout le monde, et en tous pays, et à l'entour de luy.

A la vérité il sembloit mieux pour secourir et seigneurier un monde qu'un royaume. Je ne parle point de sa grande jeunesse , car Je n'estois point avec luy : mais en l'aage d'onze ans par aucuns seigneurs et autres du royaume, il fut embrouillé contre le roy Charles YII son père , en une guerre qui peu dura, appelée la Praguerie. Quand il fut homme , il fut marié à une fille d'Escosse (1) à son déplaisir, et tant qu'elle vesquit il y eut regret , et après pour les bendes et broiiiUis de la maison du Roy son père , il se retira au Dauphiné (qui estoit sien) où beaucoup de gens de bien le suivirent , et ^ plus qu'il n'en pouvoit nourrir. Luy estant en Dauphiné, il se maria avec la fille du due de Savoie (2) , et tost après ce mariage.il eut débat avec son beau-père, et se firent très-aspres guerres. Le roy Charles son père , voyant son fils trop accompagné de gens de bien et de gens-d'armes , à son gré, délibéra d'y aller en personne^ en grand nombre de gens et de l'en mettre dehors ; et se mit en chemin , et prit peine d'en retirer plusieurs , en leur comman-

(i) Marguerite, fille de Jacques I*, roi d'Ecosse, mariée en 1436.

^) Gbarlolte, fille de Louis, duc de Çavoye.

dant comme à ses subjects , et sur les peines ac« coustumées, se retirer devers luy. A quoy plusieurs obéyssoient , au grand desplaisir du Roy nostre maistre , lequel voyant le courroux de son père, nonobstant qu'il fust fort , se délibéra partir de là et luy laisser le pays , et s'en alla par la Bourgogne , avec peu de gens, devers le duc Philippe de Bourgogne; lequel à grand honneur le recueillit, et luy départit de ses biens et à ses principaux serviteurs , comme le comte de Comminges , le seigneur de Montauban , et autres, par forme de pension, par chascun an , et fit, durant le temps qu'il y fut, dons à ses serviteurs.

Toutesfois à la despense qu'il faisoit de tant de gens qu'iliivoit , l'argent lui failloit souvent, qui luy estoit grande peine et soucy , et lui en falloit chercher ou emprunter , ou ses gens l'eussent laissé , qui est grande angoisse à un prince qui ne Ta point accoustumé. Et par ainsi n'estoit point sans peine en cette maison de Bourgogne , et luy falloit entretenir le prince et ses principaux gouverneurs , de peur qu'on ne s'ennuyast de luy, à y estre tant , car il y fut six ans , et incessamment le Roy son père y envoyoit ambassadeurs pour l'en mettre hors , ou qu'il luy fût renvoyé. Et en cela vous pouvez penser qu'il n'estoit point oisif, et sans grandes pensées et soucy. Or donc, en quel temps pourroit-l'on dire qu'il eûteu joye ne plaisir, à voir toutes les choses dessusdites? Je croy que depuis son enfance il n'eut Jamais que tout mal en travail Jusques à la mort. Et suis certain que si tous les bons Jours qu'il a eus en sa vie^ esquels il a eu plus de Joye et de plaisir que de travail et d'ennuy, estoient bien nombrez, qu'il s'en trouveroit bien peu et me semble qu'il s'en trouveroit bien vingt de peine et de travail , contre un de plaisir et d'aise. Il vesquit environ soixante-un ans ; toutesfois il avoit tousjours imagination de ne passer point soixante ans, et disoit que depuis long-temps roi de France ne les passa, aucuns veulent dii'e depuis Gharles-le- Grand : toutesfois le Roy nostredit maistre fût bien avant au soixante et unième.

Le duc Charles de Bourgogne, quel aise ne quel plaisir sçauroit-on dire qu'il ait eu plus grand que nostre Roy , dont J'ay parlé ? Il est vray qu'en sa Jeunesse il eut peu de soucy, car il n'entreprit rien qu'il n'eust environ 22 ans ^ et Jusques-là vesquit sain et sans trouble. Alors commença se troubler avec les gouverneurs de son père, lesquels sondit père soustlnt, pourquoy le fils s'absenta de sa présence, et s'en alla tenir en Hollande, où il fut bien recueilly; et prit intelligence avec ceux de Gand, et par fois

y venoit ; il n'avoit rien de son père , mais ce pays de Hollande estoit fort riclie et lay faisoit de grand dons , et plnâienrs grosses villes des antres pays, ponr l'espérance qu'ils avoient d'acquérir sa grâce, pour le temps advenir ; qui est coustume générale , que tousjours on complaist plus aux gens de qui on espère la puissance et authorité accroistre, pour le temps advenir, que Ton ne fait pour celuy qui est Jà en tel degré , qu'il ne peut monter plus haut ; et y est l*amour plus grande , par espécial entre le peuple. C'est pourquoy le duc Philippe , quand on luy disoit que les Gandois aimoient tant son ûls et qu'il les sçavoit si bien conduire, respondoit qu'ils avoient tousjours bien aimé leur seigneur avenir; maisdepuisqu'il estoit seigneur,ilslehalssolent. Et ce proverbe fut véritable ; car oncques puis que le duc Charles fiit seigneur , ils ne l'aimèrent et lui montrèrent bien , comme j'ay dit ailleurs; et aussi desoncosténe les aimoit point ; mais à ce qui est descendu de luy , ils ont fait plus de dommage qu*ils n'eussent sceu faire à luy.

Pour tousjours continuer mon propos , depuis que le duc Charles entreprit la guerre pour les terres de Picardie , que nostre maistre av(rit rachetées de son père le duc Philippe , et qu'il se Ibt mis avec les autres seigneurs du royaume , en cette guerre du Bien Public, quel aise eut-il depuis ? Il eut tousjours travail , sans util plaisir, et de sa personne et de l'entendement; car la gloire lui monta au cœur, et l'esmeut de conquérir tout ce qui luy estoit bien séant. Tous les estez tenoit les champs , en grand péril de sa personne, et prenoit tout le soin et la cure de l'ost, et n'en avoit pas encore assez à son gré. Il se levoit le premier et se couchoit le dernier, tout vestu comme le plus pauvre de son ost. S'il se reposoit aucun hyver , il faisoit ses diligences de trouver argent. A chacun jour 11 besognoit dès six heures du matin, et prenoit grande peine à recuillir et oiiyr grand nombre d'ambassadeurs ; et en ce travail et misère finit ses jours, et fut tué des Suisses devant Nancy , comme avez veu devant. Et ne pourroit-l'on dire qu'il eût jamais eu un bon Jour, depuis qu'il commença à entreprendre de se faire plus grand, jusques àson trespas. Quel acquest a-il eu en ce labeur? Ne quel besoin enavoit-il? luy qui estoit si riche seigneur , et avoit tant de belles villes et seigneuries en son obéissance, où il eust esté si aise s'il eût voulu.

Après faut parler du roy Edoiiard d'Angleterre , qui a esté très-grand roy et puisssant. En sa tr^-grande jeunesse , il vit son père le duc d'Vorck desconfit , et mort en bataille, et avec luy le père du comte de Warvic. Ccdit comte de

Warvic gouvemoit ce roy Edouard en sa jeunesse, et conduisoit ses affaires. A la vérité dire , il le fit roy , et fût cause de défaire son roy Henry, qui plusieurs ans avoit r^é en Angleterre , lequel (selon mon Jugement et selon le monde) estoit vray Roy. Mais de telles causes, oonmie de royaume et grandes seigneuries, nostre seign^r les tient en sa main et en dispose, car tout vient de luy. La cause pourquoy le comte de Warvic servoit la maison d'Yorck, contre le roy Henry de Lemclastre, étoit pour une bende ou partialité qui estoit en la maison dudit roy Henry , qui n'estoit guères sage *, et la Reyne sa. femme, kiquelle estoit de la maison d'Ai^'ou , fille du roy René de Cécile, prit le party du duc de Sombresset contre le comte de Warvic : car tous avoient tenu ledit roy Henry, et son père , et grand-père, pour roys. Ladite dame eût mieux fait beaucoup de faire ofGce de juge ou de médiateur entre les parties, que de dire : Je soustiendray cette part , comme il apparut; car ils en eurent maintes batailles en Angleterre , et en dura la guerre vingt et neuf ans , et fin de compte, le tout y mourut , quasi d'une part et d'autre. Et pour parler des bendes ei partialitez, elles sont très-périlleuses, et mesmement quant aux nobles, enclins à les nourrir et entretenir. Mais l'on dit que par -là ils sçauront des nouvelles, et tiendront les deux parties en crainte. Je m'accorderay assez qu'un jeune Roy le fasse entre les dames; car il en aura du passe-temps , et du plaisir assez , et sçaura des nouvelles d'entre elles ; mais nourrir les partialitez entre les hommes, comme princes et gens de vertus et de courage, il n'est rien plus dangereux. C'est allumer un feu en sa maison ; car tantostl'unou l'autre dira : Le roy estcontre nous^ et puis pensera de se fortifier, et de s'accointer de ses ennemis* Au fort, les bende» d'Orléans et de Rourgogne les en doivent avoir faits sages. La guerre en dura soixante et deux ans, les Anglois meslez parmy, qui en cuidèrent posséder le royaume.

A revenir à nostre roy Edouard, il estoit fort jeune, et beau prince entre les beaux du monde. A l'heure qu'il fut de tous points au-dessus de ses affaires, il ne complut qu'à son plaisir et aux dames, festes , banquets et aux chasses, et me semble que ce temps luy dura bien seize ans, ou environ, Jusques à ce que le différend dudit comte de Warvic, et de luy, commença. Et combien que ledit Roy fust Jette hors du royaume , si ne dura ledit débat guères; car il retourna et obtipt la victoire , et après prit ses plaisirs plus que devant , ne craignant personne, et se fit fort gras et plein , et en fleur d'âge le vin-

MÉUOIBES DE PHILIPPE DE COMlNES. [l48d]

drent à ronger ses excez , et moQmt assez soudainement (eoinme j'ay dit) d'une apoplexie, ^ perdit sa lignée, et le royaume après luy , comme avez ouy, quant aux enfans masles.

En nostre temps ont aussi régné deux vaiilans et sages princes, c'est à sçavoir le roy de Hongile M athias , et Mahomet Ottoman, empereur des Turcs, Ledit roy Matbias estoit fils d'un très-yaillant chevalier, appelle le chevalier Blanc de la Walacquie, gentil-homme de grand sens et vertus , qui longuement gouverna ce royaume de Hongrie , et eut maintes belles victoires contre les Turcs, qui sont voisms dudit royaume , à cause des seigneuries qu'ils ont usurpées en Grèce et Ësclavouie. Et tost après son décès, vint en aage d'homme le roy Lancelot (1), à qui ledit royaume appartenoit, avec Behaigne et PouUaine (2). Gestuy-là se trouva conseillé par aucuns (comme l'on dit) de prendre les deux fils dudit -chevalier Blanc, disant que leur père avoit trop de maistrise et de seigneurie audit royaume, durant son enfance, et que les enfans (qui estolent bons personnages) pourroient bien vouloir faire comme luy. F^quoy conclud ledit roy Lancelot , de les faire prendre tous deux, ce qu'il fit, et incontinent fit mourir l'aisné , et ledit Mathias (3) mettre en prison à Bude, principale ville de Hongrie; mais il n'y fut guères, et peut-estre que nostre seigneur eut agréables hs services de son père, car tost après ledit roy Lancelot, fut empoisonné à Prague en Behaigne , par une femme de bonne maison (et en ay veu le ftrère) de laquelle il estoit amoureux , et elle de luy , tellement que comme malcontente de ce qu'il se marioit en France avec la fille du roy Charles VU (4) , de présent appellée la princesse de Viane (qui estoit contre ce qu'il luy avoit promis ), elle l'empoisonna en -un baing , en luy donnant à manger d'une pomme , «t mit la poison au manche du Cousteau. Incontinent que fut mort ledit roy Lancelot (5), les barons de Hongrie s*assemblèrent audit Bude , pour faire élection de roy, suivant l'usage et privilège qu'ils ont d'eslire quand leur roy meurt sans enfans ; et estans là en hayne et grande division entre eux, pour cette dignité , survint en la ville la veufve dudit chevalier Blanc, et mère dudit Mathias, bien fort accompagnée : car elle estoit riche

(1) Ladislas YI, qui ne ooromençaà régner en Hongrie Qu*en 1491 ; nous atons déjà fait remarquer que Gomines termina ses Mémoires sur Louis XI avant la fin de Tannée 1)92. On a ici la preuve qu*il y travaillait encore en 1491.

(d) La Bohème et la Pologne.

(3) Matbias Corvin, fils de Jean Hunniadcs , fut élu roi de Hongrie à TAge de -dix-huit ans, après la mort de Ladislas Y, environ Van 1457.

femme d'argent comptant que son mary avoit laissé , parquoy elle avoit pu faire grands amas soudainement, et croy bien qu'elle avoit bonne intelligence en cette compagnie , et en la ville , veu le crédit et authorité que son mary avoit eu audit royaume. £lle tira en la prison , et mit son fils dehors. Partie des barons et prélats , qui estoient là assemblez pour faire leur roy , s'enftiirent de peur. Les autres créèrent ledit Mathias roy , lequel a régné audit royaume en grande prospérité, et autant loué et prisé que nul roy qui ait régné long-temps a, et plus en aucunes choses. Il a esté des plus vaillans hommes qui ayent régné de son temps , et a gagné de grandes batailles contre les Turcs de son temps, qui durant son règne n'ont en rien endommagé le royaume ; mais il l'a augmenté, tant de leur costé qu'en Bohème (dont il tenoit la pluspart ) et en Walaquie , dont il estoit , et en Esclavonie^ et du costé d'Allemagne, prit la pluspart d'Austriche sur l'empereur Frédéric, qui vit encores, et l'a possédée Jusques à la mort, qui fut en la ville de Vienne, chef du pays d'Austriche, en cet an 1491. Il estoit Roy qui gouvemoit aussi sagement ses affaires en temps de paix comme en temps de guerre. Sur la fin de ses jours , et se voyant sans crainte d'ennemis, il est devenu fort pompeux et triomphant roy en sa maison, et fit grands amas de beaux meubles, bagues et vaisselles pour parer sa maison. Toutes choses dépeschoit de aoy, ou par son commandement. Il se faisoit fort craindre : car il devint cruel , et puis tomba en griefve maladie incurable , en assez jeune aage , commode vingt et huict ans ou environ ; il est mort (6) ayant eu toute sa vie labeur et travail , et trop plus que de plaisirs.

Le Turc (que devant ay nommé) a esté sage et vaillant prince (7), plus usant de sens et de cautelle , que de valleur et hardiesse. Yray est que son père 1q laissa bien grand , et fut vaillant prince , et prit Adrianopoli , qui vaut à dire ville d'Adrian. Celuy dont je parle , prit en l'aage de vingt-trois ans Ck)nstantinople, qui vaut à dire cité de Constantin. Je l'ay veu peinct de cet aage , et sembloit bien qu'il fiist homme de grand esprit. Ce fût une grande honte à tous les Chrestiens de la laisser perdre. Il la prit d'assaut , et fût tué à la brèche l'empereur de

(4) Magdelelne , fille du roi Charles YH, mariée depuis à Gaston de Foix.

(5) Ce Lancelot, dont on raconte ici la mort, est le même que Ladislas V de nom.

(6) Il a vécu cinquante ans , sur lesquels il a régné trente deux.

(7) Mahomet II.

MJÉMOIBES DB PHILIPPE DE C0M1NES. [l483]

rOiient (1), que nous appelions de Gonstantinople, et maints autres hommes de bien ; maintes femmes forcées de grandes et nobles maisons , nulle cruauté ne demeura à y estre faiete. Ce fût son premier ezploict^ii a continué à faire ces grandes choses y tellement que j*ouys une fois dire à un ambassadeur vénitien , devant le duc Charles de Bourgogne , quil avoit conquis deux empires , quatre royaumes y et deux cens citez. Il vouloit dire de Constantinople , et de celuy de Trébisonde ; les royaumes de la Bossue (2), la Surie (3), et Arménie. Je ne sçay s'il prenoit la Morée pour un. Il a conquis maintes belles isles de mer en cet Archipel , où est ladite Morée (les Yénitieâs y tenoient encores deux places), aussi Tisle de Nègrepont et de Méthelin ; et aussi a conquis presque toute l'Albanie et TEsclayonie. Et si ses conquestes ont esté grandes sur les chrestiens , aussi ont-elles esté sur ceulx de sa loy propre, et y a destruit maint grand seigneur, comme le Carmain et autres.

La pluspait de ses œuvres il les conduisolt de luy et de son sens ; si faisoit nosire roy , et aussi le roy de Hongrie , et ont esté les trois plus grands hommes qui ayent régné depuis cent ans; mais Thonnesteté et forme de vivre de nostre roy , et les bons termes qu'il tenoit aux gens privez et estranglers, a esté tout autre , et meilleur que des deux autres , aussi estoiMl roy très-chrestien. Quant aux plaisirs du monde, ce turc en a pris à cœur saoul , et y a usé grande partie de son temps , et eût encore fait plus de maux qu'il n'a , s'il ne se fftt tant occupé au vice de la chair. Il estoit gourmand outre mesure. Aussi les maladies luy sont venues tost, et selon la vie: car il luy prit une enfleure de jambes , comme j'ay ouy dire à ceux qui l'ont veu , et luy venoit au commencement de l'esté qu'elles grossissoient comme un homme par le corps , et n'y avoit nulle ouverture , et puis s'en alloient; ny Jamais chirurgien ne sceut entendre ce que c'estoit , mais bien disoiton que sa grande gourmandise y aidoit bien , et que ce pouvoit estre quelque punition de Dieu. Et ce qu'il se laissoit si peu voir , et se tenoit tant clos en son sérail , estoit afin que l'on ne le cognut si deffaict, et qu'à cette occasion ne l'eussent tant en mespris. Il est mort en l'aage de cinquante et deux ans ou environ , assez soudainement: toutesfois il fit testament, lequel

(1) Cet empereur se DODunalt GoDslanUnJI, fils de Manuel.

j'ay veu, et fit conscience d'un impost que nouvellement il avoit mis sur ses sujets, si ledit testament estvray. Or, regardez que doit faire un prince chrétien , qui n'a authorité fondée en raison , de rien imposer sans le congé et permission de son peuple.