CHAPITRE V

Comment le Roy envoya devers les Vénitiens pour les pratiquer j devant qu'entreprendre son voyage de Naples , et des préparatifs qui se firent pour icelui.

Pour revenir à nostre matière principale, vous avez entendu comme le comte de Gajazze et autres ambassadeurs sont partis d'avec le Roy , de Paris, et comment plusieurs pratiques se menoient par Italie, et comment nostre Roy , tout jeune qu*il estoit, Tavoit fort à cœur, mais à nul ne s'en descouvroit encore^, fors à ces deux. Aux Vénitiens fut requis de par le Roy, qu'ils luy voulussent donner aide et conseil en ladite entreprise; lesquels firent response qu'il fût le trèsbien venu, mais que aide ne luy pourroient-ils faire, pour la suspicion du Turc (combien qu'ils fussent en paix avec luy), et que de conseiller à un si sage Roy, et qui avoit si bon conseil , ce seroit trop grande présomption à eux, mais que plustot luy aideroient que de luy faire ennuy. Or, notez qu'ils cuidoient bien sagement parler, et aussi faisoient-ils ; car pour aujourd'huy je croy leurs affaires plus sagement conseillées, que de prince ne communauté qui soit au monde; mais Dieu veut tousjours que l'on cognoisse que les jugemens ne le sens des hommes ne servent de rien là où il luy plaist mettre la main. Il disposa l'affaire autrement qu'ils ne cuidoient, car ils ne croyoient point que Roy y allast en personne , si n'avoient nulle peur du Turc, quelque chose qu'ils disent, car le Turc qui régnoit (1) estoit de petite valeur; mais il leur sembloit qu'ils se vengeroient de cette maison d'Arragon, qu'ils avoient en grande haine , tant le père que le fils, disans qu'ils avoient fait venir le Turc à Scutary. J'entends le père de celuy Turc, qui conquit Gonstantinople, appelle Mahomet Ottoman, et qui ût plusieurs autres i*:rands dommages ausdits Vénitiens (2). Du duc de Galabre Alphonse, ils disoient plusieurs autres choses, et entre les antres , qu'il avoit esté cause de la guerre qui esmeut contre eux le duc de Ferrare, qui merveilleusement leur cousta , et en cuidèrent estre destruits (de ladite guerre j*ay dit quelque mot), et disoient aussi que le duc de Galabre avoit envoyé homme exprès à Venise pour empoisonner les cistemes , au moins

(1) Bijazet II « fils de Mahomet II , auquel il succéda en 1181; mort en 1512.

(2) Mahomet II avait enle?é aux Vénitiens Lépante en 1f77. il avait, en 1178, envahi le territoire vénitien

celles où ils pourroient joindre , car plusieurs sont fermées à clef (et audit lien n'usent d'autre eauë, car ils sont de tous poincts assis en la mer, et est l'eauë très-bonne, et en aybeu huict mois pour un voyage seul, et y ay esté une autre fois depuis la saison dont je parle); mais leur principale raison ne venoit point de là , ains pource que les dessusdits les gardoient d'accroistre, à leur pouvoir , tant en Italie comme en Grèce. Car des deux costez avoient les yeux ouverts, toutesfois ils avoient nouvellement conquesté le royaume de Ghipre, et sans nul titre. Pour toutes ces haines sembloit ausdits Vénitiens que c'esioit leur profit que la guerre fdX entre le Roy et ladite maison d'Arragon, espérant qu'elle ne prendroit si prompte conclusion qu'elle prit, et que ce ne seroit qu'affoiblir leurs ennemis, et non point les destruire, et qu'au pis venir, l'un party ou l'autre, leur donneroit quelques villes en PoCdlle (qui est du costé de leur goufre) pour les avoir à leur aide, et ainsi en est advenu, mais il a peu failly qu'ils ne soyent mescontentez; et puis leur sembloit qu'on ne les pourroit charger d'avoir fait venir le Roy en Italie, veu qu'ils ne luy en avoient donné conseil ni aide , comme apparoissoit par la response qu'ils avoient faite à Pérou de Basche,

En cette année 1494, tira le Roy vers Lion , pour entendre à ses affaires (non point qu'on cuidast qu'il passast les monts), et là vint vers luy messire Galéas, frère au comte de Gajazze, de Sainct-Severin, dont a esté parlé , fort bien accompagné, de par le seigneur Ludovic , dont il estoit lieutenant et principal serviteur ; et amena grand nombre de beaux et bons chevaux^ et apporta du harnois, pour courir à la jouste, et y courut, et bien, car il estoit jeune et gentil chevalier. Le Roy luy fit grand honneur et bonne chère et luy donna son ordre; et puis il s'en retourna en Italie , et demeura tousjours le comte de Bellejoyeuse ambassadeur, pour avancer l'allée : et se commença à apprester une trèsgrosse armée à Gennes , et y estoit pour le Roy le seigneur d'Urfé (8), grand escuyer de France, et autres. A la fin le Roy alla à Vienne en Dauphiné, environ le commencement d'aoust audit an, et là venoient chacun jour les nobles de Gennes, où fut envoyé le duc Louys d'Orléans (4), de présent régnant roy, homme jeune , et beau personnage, mais aimant son plaisir (de luy est assez parlé en ces Mémoires), etcuidoit-on lors

jusqu'à la Piave. Voyez de Hammcr. Histoire de V empire otiotnan, tome 3 de la traduction française.

(3) Pierre , seigneur d'Urfé, grand écuyer de France.

(4) Louis, duc d'Orléans, beau-frère de Charles VI IL et depuis roi de France, sous le nom de Louis XII.

HRMOIBBS DE PHILIPPB DB COMINBS. [1494]

qu'il deat conduire Farinée par mer, pour descendre au royaume de Naples, par l'aide et conseil des princes qui en estoient chassez , et que J'ay nommez, qui estoient les princes de Saleme et de Bisignan. Et furent prests jusques à quatorze navires Genevois, plusieurs galées et galions; et y estoit obéy le Roy, en ce cas, comme à Paris; car ladite cité estoit soubs FEstat de Milan, que gouvemoit le seigneur Ludovic, et n'avoit compétiteur que la femme du duc son neveu, que j'ay nommée, fille du roy Alphonse (car en ce temps estoit jà mort son père le roy Ferrand); mais le pouvoir de ladite dame estoit bien petit , veu qu'on voyoit le Roy prest à passer, ou à envoyer, et son maiy peu sage, qui disolt tout ce qu'elle disoit à son oncle, qui avoit jà fait noyer quelque messager qu'elle avoit envoyé vers son père.

La despence de ces navires estoit fort grande, et suis d'opinion qu'elle consta trois cens mille francs, et si ne servit de rien ; et y alla tout l'argent comptant que le Roy peut finer de ses finances ; car oomme j'ay dit , il n'esloit point pourveu ne de sens , ne d'arçent , ny d'autre chose nécessaire à telle entreprise : et si en vint bien à bout, moyennant la grâce de Dieu , qui clairement le donna ainsi à cognoistre. Je ne veux point dire que le Roy ne fust sage de son aage, mais il n'avoit que vingt et deux ans , et ne faisoit que saillir du nid. Ceux qui le conduisoient en ce cas, que j'ay nommez, à sçavoir Estienne de Vers, séneschal de Beaucaire*, et le général Brissonnet, de présent cardinal de Sainct- Malo, estoient deux hommes de petit estât , et qui de nulle chose n'avoient eu expérience, mais de tant monstra nostre Seigneur mieux sa puissance ; car nos ennemis estoient tenus très-sages et expérimentez au faict de la guerre, riches et pourveus de sages hommes, et bons capitaines, et en possession du royaume. Je veux dire le roy Alphonse, de nouveau couronné par le pape Alexandre (1), natif d'Arragon, qui tenoit en son party les Florentins , et bonne intelligence au Turc. Il avoit un gentil personnage de fils, nommé dom Ferrand , de l'âge de vingt-deux ou vingt-trois ans, aussi portant le harnois, et bien aimé audit royaume, et un frère , appelle dom Frédéric, depuis roy, après Ferrand, durant nostre aage, homme bien sage, qui conduisoit leur armée de mer, lequel avoit esté nourry par deçà long-temps, et duquel vous , monseigneur de Vienne, m'avez maintesfois asseuré, par astrologie, qu'il seroit roy, et me promit dès-lors

(1) Alexandre TI. de la maison des Borgia , pape en 1192» mort eq ld03.

quatre mille livres de rente audit royaume , si ainsi luy advenoit; et a esté cette promesse vingt ans devant que le cas advinst.

Or pour continuer, le Roy mua de propos , à force d'estre pressé du duc de Milan par lettres et pai' ce comte Charles de Bellejoyeuse son ambassadeur, et aussi des deux que j'ay nommez : toutesfois le cœur faillit audit général voyant que tout homme sage et raisonnable blasmoit l'allée de par delà , par plusieurs raisons , et par estre là sur les champs au mois d'aoust, sans argent, et sans toutes autres choses nécessaires: et demeura la foy audit séneschal seul, dont j'ay parlé : et fit le Roy mauvais visage audit général , trois ou quatre jours, puis il se remit en train. Si mourut à l'heure un serviteur dudit séneschal (comme l'on disoit) de peste , parquoy il n'osoit aller autour du Roy, dont il estoit bien troublé, car nul ne sollicitoit le cas. Monsieur de Bourbon et madame estoient là, cherchans de rompre ledit voyage à leur pouvoir : et leur en tenoit propos ledit général, et l'un jour estoit l'allée rompue, et l'autre renouvellée. A la fin le Roy se délibéra de partir; et montay à cheval des premiers, espérant passer les monts en moindre compagnie, toutesfois je fus remandé, disant que tout estoit rompu. Et ce jour furent empruntez cinquante mille ducats d'un marchand de Milan ; mais le seigneur Ludovic les bailla , moyennant pleiges, qui s'obligèrent vers ledit marchand : et y fus pour ma part , pour six mille ducats , et autres pour le reste ; et n'y avoit nuls intérests. Auparavant on avoit emprunté de la banque de Soly,de Gennes, cent mille francs, qui coustèrent en quatre mois quatorze mille francs tfintérest, mais aucuns disoient que des nommez avoient part à cet argent et au profit.

<XX