CHAPITRE IV

Comment le roy Charles VIJI fit la paix avec te roy des Romains et Varchiduc , leur renvoyant madame Marguerite de Flandres ^ devant que faire son voyage de Naples,

PendaDt ce délay que je dis se traita paix à Senlis entre le Roy et l'archiduc d'Autriche , héritier de cette maison de Rourgogne ; et combien que jà y eût trefves , si survint-il cas de mal-veillance , car le Roy laissa la fille du roy des- Romains, soeur dudit archiduc (laquelle estoit bien jeune) , et prit pour femme la fille du duc François de Rretagne pour avoir la duché de Rretagne paisible, laquelle il possédoit presque toute à l'heure dudit traité, fors la ville de Rênes , et la fille qui estoit dedans, laquelle estoit conduite sons la main du prince d'Orange, son oncle , qui en avoit fait le mariage avec le roy des Romains, et espousé par procureur en relise publiquement ; et M le tout environ l'an 1492. Pour ledit archiduc , et en sa faveur, grand ambassade vint de par l'empereur Frédéric, voulant se faire médiateur dudit accord; aussi y envoya le roy des Romains , semblablement y envoya le comte Palatin et les Suisses, pour moyenner et pacifier; car il sembloit à tous que grande question en devoit sourdre , et que le roy des Romains estoit fort injurié , et qu'on luyostoit celle qu'il tenoit pour sa femme, et luy rendoit-on sa fille , qui plusieurs années avoit esté reyne de France.

Fin de compte , la chose termina en paix ; car chacun estoit las de la guerre , et par espécial les subjets de l'archiduc Philippe , qui avoient tant souffert (tant par la guerre du Roy que pour leurs divisions particulières) qu'ils n'en pouvoient plus ; et se fit une paix de quatre ans seulement pour avoir repos, et leur fille qu'on faisoit difficulté de leur rendre , au moins aucuns qui estoient à l'entour du Roy et de ladite fille. Et à ladite paix me trouvay présent avec les députez qui y estoient, à savoir: monseigneur le duc Pierre de Rourbon, le prince d'Orange, monseigneur des Ck)rdes, et plusieurs autres grands personnages ; et ftit promis rendre audit duc Philippe ce que le Roy tenoit de la comté d'Artois, comme il avoit esté promis en traitant ledit mariage (qui fut l'an 1482), que s'il ne s'accompHssoit, que 1^ terres qu'on donnerait à ladite fille en mariage retourneroient quant et elle ou au duc Philippe ; mais jà d'em-

(1) Blanche-Marie Sforce, marine en 149* , morte le 31 décembre 1510.

blée avoient pris ceux dudit archiduc, Arras et Sainct-Omer. Ainsi ne restoit à rendre que Hesdin, Aire et Réthune , dont dès l'heure leur fut baillé le revenu et seigneurie , et y mirent officiers, et le Roy tenoit les chasteaux , et y pouvoit mettre garnisons jusques au bout de.quati*e ans , qui finirent à la sainct Jehan l'an 1498 , et lors les- devoit rendre le Roy à mondit seigneur l'archiduc; et ainsi flit promis et juré.

Si lesdits mariages furent ainsi changez selon l'ordonnance de l'Eglise ou non , je m'en rapporte à ce qui en est, mais plusieurs docteurs en théologie m'ont dit que non , et plusieurs m'ont dit que oui; mais quelque chose qu'il en soit, toutes ces dames ont eu quelque malheur en leurs enfans. La nostre a eu trois fils de rang, et en quatre années. L'un a vescu près de trois ans,«t puis mourut, et les deux autres aussi sont morts. Madame Marguerite d'Austrichea esté mariée au prince de Gastille, fils seul des roy et reyne de Gastille et de plusieurs autres royaumes, lequel prince mourut au premier an qu'il fut marié, qui fut 1497. Ladite dame demeura grosse, laquelle accoucha d'un fils mort tout incontinent après la mort de son mary, qui a mis en grand douleur les roy et reyne de Gastille, et tout le royaume.

Le roy des Romains s'est marié, incontinent après ces mutations dont j'ay parlé , avec la fille (1) du duc Galéas de Milan , sœur du duc Jehan Galéas, dont il a esté parlé, et s'est faict ce mariage par la main du seigneur Ludovic. Le mariage a fort despieu aux princes de i'Ëm* pire^ et à plusieurs amis du roy des Romains, pour n'estre de maison si noble, comme il leur sembloit qu'il leur appartenoit. Gar du costédes vicomtes, dont s'appellent ceux qui i*ègnent à Milan, y a peu de noblesse, et moins du costé des Sforces, dont estoit fils le duc Francisque de Milan, car il estoit fils d'un cordonnier d'une petite ville, appelle Cotignoles , mais il fut homme très-somptueux (2) ; et encoresplus le fils, lequel se fit duc de Milan, moyennant la faveur de sa femme, bastarde du duc Philippe Marie ; et la conquesta, et posséda, non point comme tyran, mais comme vray et bon prince, et estoit bien à estimer sa vertu et bonté aux plus nobles princes qui ayent régné de son temps. Je dis toutes ces choses, pour monstrer ce qui s'en est ensuivy, de la mutation de ces mariages, et ne sçay qu'il en pourra encores advenir.