Sire James pria Ce personnage n’est pas connu
— 2. Le comte Randulf de Chester, célèbre dans l’histoire et partisan dévoué du roi Jean. — }. Le comte maréchal étoit le fameux Hughes Bigot.
Nouy. franç. du XIV^ s. 7
destrers ; e se hasta devant ou sa compagnie , pur aver pris.
È tôt lur affere avoit Johan de Rampaigne espiée, e counté à sire Fouke, qe ne poeit en nulle manere eschaper si par bataille noun. Sire Fouke e ces compaignouns se armèrent molt richement, e se mistrent hardiement contre sire James, e se défendirent vigerousement , e ocistrent tous ces compaignouns, estre quatre que furent à poi naufrés à la mort ; e sire James fust pris. Sire Fouke e ces compaignouns se armèrent meintenant de les armes sire James e des autres Normauntz; e mounterent lur bons destrers, que blanks erent, quar lur destrers demeyne furent las e mesgres ; e armèrent sire James de les armes sire Fouke , e lyerent sa bouche, qu’il ne poeit parler, e mistrent son helme sur sa teste , e chevalcherent vers le roy. E quant yl les vist, il les conust par les armes, e quida qe sire James e ces compaignouns amenèrent sire Fouke.
Lors présenta sire Fouke sire James à le roy, e dist que ce fust sire Fouke. Le counte de Oestre e le counte mareschal, quant ce virent, moût forent dolentz. Le roy, pur le présent, ly comaunda qu’il ly baysast; sire Fouke dit qu’il ne poeit attendre de oster son healme , quar yl ly covensist pursyvre les autres fitz Waryn. Le roi descendy de soun bon destrer e comanda qu’il le mounta , quar isnel ert à pursiwre ces enymys. , Sire Fouke descendy , e mounta le destrer le roi, e s’en va vers ces compaignouns , e s’en fuyrent bien sis lyws de yleqe. E là se désarmèrent en un boschage, e lavèrent lur playes ; e benderent la playe Willam, son ffere, qe durement fust
naufré de un des Normauntz , e le tyndrent pur mort , dont tous fesoient duel à démesuré.
Le roy coraaunda meyntenaunt pendre sire Fouke. Atant vint Emery de Pyn, un Gascoyn , qe fust parent à sire James, e dit qu’il le pendreit ; e le prist, e le amena un poy de yleqe, e fist oster son nealme ; e meyntenant vist qe ce fu James, e delya sa bouche. E il ly conta quanqe avynt entre ly e sire Fouke. Emery vint meintenaunt au roy, e amena sire James, qe ly conta cornent sire Fouke ly avoit servy. E quant le roy se aperçust estre issi desçu , molt fust dolent , e jura grant serement qe jà ne-se devestereit de son haubreke avaunt qu’il avoit ces treytres pris. E de ce ne savoit sire Fouke rien.
Le roy e ces countes e barouns les pursiwyrent parle esclot des chivals, tant qu’il vindrent à poy à le boschage là où Fouke fust. E quant Fouke les aperçust, plourt e weymente Willam, son frere , e se tient perdu pur tous jours. E Willam lur prie qu’il coupent sa teste e la emportent ou eux , issi qe le roy , quant trovee son cors , ne sache qui yl fust. Fouke dit qe ce ne freit pur le mounde, e prie molt tendrement en ploraunt qe Dieu pur sa pieté ' lur seit en eyde ; e tiel duel corne entre eux est, ne veistes unqe greindre fere.
Rondulf le countede Oestre vint en prime chef ; e quant aperçust sire Fouke, comaunda sa meisné arestier ; si voit privément à sire Fouke, e li pria pur le amour de Dieu rendre sei al roy, e yl serroit pur ly de vie e de menbre, e qu’il serroit bien apesée al roy. Fouke redist que ce ne froit pur
