Par sa pitié
tut le aver du mounde : « Mès , sire cosyn , pur l’amour de Dieu , je vus prie qe mon frere qe là gist, quant il est mors, qe vus racez enterrer son cors, qe bestes savages ne le devourent, e les nos, quant mort sûmes*. E retomez à vostre seignur le roy, e fetes à ly vostre service sanz feyntyse e saunz àvoir regard à nus, c^e sûmes de vostre sang ; e nus receveroms ore issi la destiné qe à nos est ordinée. >> Le counte tôt em plorant retorna à sa meyné. Fouke remeint, qe molt tendrement plourt de pieté pur son frere , qe ly covent à force ileqe lesser ; e prie à Dieu qu’il lur socourt e eyde.
Le counte comande sa meisné e sa compaignie à le asaut , e yl s’i ferirent vigerousement. Le counte raeismes asaily sire Fouke ; mès à dreyn le counte perdy son chival, e sa meisné fust grant partie ocys. Fouke e ces freres se défendirent hardiement; e corne Fouke se defendy, sire Berard de Blées** ly vynt derere e ly feri de son espée en le flanc, e le quida aver ocis. Ataunt se retorna Fouke, e ly referi sur le espaudle senestre ou ambedeus les mayns , e ly coupa le cuer e le pulmoun , e cheï mort de soun destrer Fouke avoit taunt seigné qu’il palma sur le col de son destrer, e le espeye chey de sa meyn. Donqe comença duel à merveille entre les freres. Johan, son frere, sayly derere Fouke sur le destrer e ly sustynt qu’il ne poeit cheyer; e se mistrent à fuyte , quar poer ne aveient de demorer. Le roy e sa meyné les pursiwyrent , mès prendre ne les
1 . Et les nôtres quand nous serons morts. — z. Sans doute de Blois.
lOI
purreynt. Tote la nuit errerent issi, qe lendemayn matyn vindrent à la mer à Mador le maryner.
Donque reverci ‘ Fouke, e demaunda où il fust e en qy poer; e ces freres ly confortoyent à mieux qu’il purroient , e ly cocherent en la nef en un molt bel lit, e Johan de Rampayne medicina ces playes.
Le counte de Cestre avoit grantment perdu de sa gent, e vist dejouste ly Willam le filz Waryn à poy mort , e prist le cors e le maunda à une abbeye pur medeciner. Au drein fust ileqe aparçu , e le roy le fist venyr en litere devant ly à Wyn - ' desoure , e la fist ruer en profounde prisone , e molt fust corocé à le counte de Cestre pur ce qu’il le cela. Fet le roy : « Fouke est naufré à la mort , e cesti ay-je ore ici ; les autres avéré je bien, où qu’il seient. Certes , m’en poise durement de le orgoil Fouke ; quar si orgoil ne fust, il ust unquore vesqy. E tant corne il fust en vie n’y out tiel chevaler en tôt le mounde ; dont grant pierte est de perdre un tel chevaler. »
En la mer près de Espaigne est une ysle tote close de haut roche, e si n’est que une entré, si est ajîelée Beteloye», une demie luwe c!e long e autretant de lée, e là n’avoit home ne beste habitaunt. Le sisme jour vindrent à ce ysle. Fouke comença donqe dormyr, quar sis jours devant ne avoit dormy. Ces freres e sa meisné alerent à la terre ; e yl meismes soulement dormy en la nef , que fust fermée à la roche. Ataunt survynt un hydous vent, e rompy le cordes de la nef, e em-
I . Revint à lui. — 2. Ce nom est très probablement imaginaire. Nous retombons maintenant dans le roman pur à la manière du quatorzième siècle.
porta la nef en haute mer. Lors se enveilla Fouke , e vist les estoilles e le firmament, apela Johan son frere e ces autres compaignons; e nully le respondy, e vist qu’il fust soulement en haute mer. Donqe comença à plurer e maldire sa destiné , que ly fust si dure , e regréta ces freres. Lors ly prist un somoil, e bien tost ariva sa nef e[n] la terre de Barbarie à la cité de Tunes ' .
E yleqe adonqe estoit Messobryns , le roy de Barbarie , ou quatre rois e sis admirais , qe tous furent Sarazyns. Le roi se apua en un tour vers la mer, e vist cele merveilleuse galye arivé en sa terre, e comanda deus serjauntz aler e vere ce qe fust. Les deus serjauntz entrèrent la nef ; rien ne troverent si le chevaler noun, qe uncore fust endormy. Le un le bota de ces piés e le comaunda esveiller. Le chevaler saut sus corne honme effraée, si le fery de le poyn qu’il chay outre bord en my la mer ; le autre se mist à fuste, e vint counter le roi cornent ly avynt. Le roi comanda c . chevalers aler prendre cele nef , e amener à ly le chevaler. Les c. chevalers tôt armés vindrent à la nef, e le assailerent de tote partz. Fouke se defent hardiement countre tous ; mès à drein se rendy, à tieles qu’il ne averoit si bien noun. Yl le amenèrent devant le roy, e il comaunda qu’il fust bien servi en une chambre.
Isorie, la suere le roy', le soleil sovent visiter e conforter, e si fiist tré bele e gentile damoisele; eaperçustqu’ilfust playéen la flanke,e ly pria pur amour que yl la dist cornent out noun e cle quele
