I. Récompense

et le jour que à vous vint courage ne voulunté de faire un si grant mal comme de vous voulloir allier et joindre avecques les Greux, et laisser les Troyens en tempeste infernalle ! C^e plust ores à Dieu que vous fussez avant trespassé, que au darrenier de voustre vie et de voz jours vous eussez fait une si villaine traïson. Helas ! pouvre doleureuse que je suis , à lîioy en convient porter la penitence de voustre péché , car par faulte que je aye faite je n’ay point deservy si doloureuse vie. O vertu du ciel, 0 lumière piteuse, comment povez vous soustenir un telle sentence, que pour ceulx qui ont le mal et le péché je suis de douleur deffaite, moy qui n’en puis mais ! » Qui porroit jamais au long raconter ce que Brisaïda disoit en ses plaintes Certes je ne sauroie, tant estoit son angoesse dure et maulvaise. Mais tant comme elle faisoit en ceste manière ses lamentacions, Pandaro arriva, à qui l’uys jamais ne se trouva fermé, et s’en entra en la chambre là où elle faisoit ses piteux plains , et il la trouva sur son lit toute enveloppée, et de force de pleurs et de souppirs elle avoit le visage, toute la poitrine baignée de larmes, et ses yeulx gros et roges, avecques les cheveulx respanduz, qui monstroient vroy enseigne de son aspre martire. Et comme elle le vit, elle mussa son visage dessobz ung de ses braz, de honte que elle eust. Lors Pandaro commança à dire :

« Cruelle et piteuse fut l’eure que au jourd’hui me levay. -Quelque part que je voyse, ne voy si non tourmens et angoesses et toutes douleurs, de touz costez souppirs, ennuiz, languiz '