Langueurs

224 Roman

me semble trouver par touz lieux. Que feray je.^ Je croy que du ciel n’a pieu huy autre chose que lermes, tant sont noz affaires contraires. O ma desollée cousine, que vouliez vous faire ? Vouliez vous combattre contre la destinée.? Pour quoy gastez vous ainsi voustre belle personne avecques pleurs si cruels et desmesurez ? Levez vous sus et parlez à moy ; haussez ce beau visage et essuyez voz yeulx, car je viens ycy à vous de par voustre doulx et loyal amy. »

Lors se tourna Brisaïda. Lors faisant ungs pleurs tielx que dire ne se porroit , et en regardant Pandaro, disoit :

« O mal fortunée que je suis ! Que me vieult mon cueur et mon amy, lequel il me convient habandonner en plorant ; ne ne sçay ‘ si jamais le verray ! Vieult il souppirs ou pleurs , ou que demande il ? Je en ay assez, si vous venez pour ceste cause. »

Elle estoit telle , à la regarder ou visage , comme celui que on porte en terre ; et son bel visage fait en paradis * ce sembloit et ce véoit estre du tout transmué. Sa joyeuseté et son ris gracieux s’en esloient fouiz et le avoient du tout habandonné ; et ses beaulx yeulx estoient environnez de pourpre, qui donnoient jugement de son vroy martire ; laquelle chose voyant Pandaro, lequel avoit avec Troylus plouré ce jour bien longuement , les doulentes larmes ne peust retenir, mais commança à plourer semblablement avec Brisaïda doloùreusement , et laissa tout le parler de ce qu’il vouloir dire ; mais puis qu’ilz eurent ainsi fait ensemble aucunement , Pandaro tout le premier laissa le plourer et dist :