I . Comparé à ce qu’il s’attendoit à faire

DE TrOÏLUS. 24J

flamble. O ! en quantes manières devint il altéré quant il vit rendre Brisaïda à son père ! Car il fremissoit tout , et changeoit plus de mille couleurs par heure, de yre et de corrouz qu’il avoit. Puis disoit tout bas entre ses dens :

« Ha ! meschant , doloureux , que as tu ? Ne vaull il pas mieulx une foiz mourir, que lousjours vivre en langueur, en pleurs et en martire ! Pour quoy ne empesche je pas par force d’armes cest appointement ycy? Pour quoy ne faisoye je voiler la teste de ce traistre veillart qui a ce fait ? Pour quoy ne deffis je touz mes frères ? Que ores fussent ilz deffaiz ! Pour quoy ne mis je Troye en rumeur, en cris et en pleurs ? Pour quoy ne pris je Brisaïda, qui que le voulsist veoir, et guerroier ' moy mesmes celui qui m’engendra, si je le vieulx taire? Mais pour quoy ne me en allay je avecques les Grieux , s’ilz me veullent Brisaïda donner ? Que ne m’en despesche je ? Que ne y voys je le cours * et la me faire ? laisser ? »

Mais ce fier et haultain propos lui fist laisser la paour qu’il avoit que en ce débat Brisaïda ne fust tuée.

Quant Brisaïda vit que partir lui convenoit , toute dolente que elle estoit monta sur la hacquenée pour partir avecques la compaigniée que elle devoir aller, et despiteusement à elle mesmes commença à dire ; « O cruel Dyomèdes et fortune ennemie, où me menez vous contre mon cueur et contre ma voulunté ! Pour quoy vous

I. Et guerroyai-je. — 2. Que n’y vais-je par le plus court chemin. — 3. Et me faire laisser abandon cr, remettre elle (Brisaïda).

244 Roman

plaist tant mon desplaysir et mon ennuy? O cruel et despiteux, vous me ostez tout mon pouvre bien qui ' avoit mon cueur. Et par avanture vous cuidez que je me humilie envers vous et que je vous honnoure et face quelque bel semblant ! Mais vous en estes deceuz , car en despit de vous et en vous desprisant mon visage cler et luisant tiendray ort et salie jusques à ce que je revoie le gentil Troilus »

Puis se retourna despiteusement vers Diomèdes et lui dist :

« Allons nous en or mais J ; assez nous sommes nous arrestez à ces gens, lesquelz, comme il me semble, pevent d’oresenavant avoir bonne espérance que leurs besongnes se porteront bien et que ung chacun jour amenderont de bien en mieulx , et veu le honourable change que vous avez fait 4 : pour une femme vous avez rendu le puissant roi Antenor. »

Et ce cy dit , picqua sa hacquenée des espérons , et sans autre mot dire si non à ses parens à Dieu ; et bien congnut le Roy et ses barons le desdaing de la damme. Puis s’en alla sans attendre aucun autre ne sans aucun regarder. Et ainsi s’en yssit de Troie, laquelle 5, comme je

1. Que. — 2. !.’ sénéchal d’Anjou, mû par un pieux sentiment de respect envers Dieu, a changé le sens de ce passage. C’est à Dieu, non à Dyomèdes , que Brisaïda adresse sa malédiction dans l’italien; et l’on comprend que Jupiter, devenu vieux et devant peu souffrir de la malpropreté du visage de la belle , ce n’est point de cela qu’elle le menace , mais de vivre en douleur (in vestro vituperio e disonore). — Ornai, maintenant, dit l’italien. — 4. Vu l’échange insultant pour eux que vous avez bien voulu faire, voua qui. — 5. Laquelle Brisaïda.

DE T ROÏLUS, 245

crois, jamais n’y retournera ne avecques Troylus ne sera. Troylus, en faison d’une courtoisie, avecques pluseurs autres monta à cheval ung faulcon sur le poing , et lui firent compaignée jusques tout hors de la ville , et vouluntiers par tout le chemin lui eusssent faitte, et jusoues au chastel où elle alloit ; mais il se fut trop aescouvert et lui eust esté repputé à pou de sens. Et desjà estoit entr’eulx le roy Anthenor, lequel les Grieux avoient rendu à grant honneur et feste et le avoient receu les seigneurs troyens. Et bien ceste retournée fut à Troïlus bien angoisseuse, pour l’amour de Brisaïda ; neantmoins le receut il joieusement et le fist chevaucher d’avant lui et d’avant Pandaro. Et puis il fut temps de s’en retourner et prendre congé. Lui et Brisaida s’arrestèrent ung pou et les yeulx s’entre gittèrent l’un à l’autre, et la belle ne peut oncques retenir les lermes de ses yeulx qu’ilz ne saillissent ; puis s’entre touchèrent les mains et tant se approuchèrent l’un de l’autre que Troylus lui dist tout bassement et tant que elle le peust bien ouir ;

« Retournez , m’amour, affin que je ne meure. »

Et sans plus dire retourna son couvre chief tout despiteux en son visage , ne à Dyomèdes oncques ne parla , dont il apperceut bien et congneut l’amour des deux , et se pourpensa en son cueur, avecques divers argumens, essaier s’il en porroit sentir quelque chose quant temps et lieu seroit. Le père la receut à grant joie. Combien que telle amour ' ne lui plaisoit gaires , si estoit