I . Les sentiments que lui montroit son père

246 Roman

elle paisible et atrerapée ' ; et retenoit sa grant douleur en elle mesme*, en avant tousjours son cueur ferme à son amy loyal Troïlus ; mais il ne lui dura gaires , car elle mua en bref son oppinion et nabandonna celui qui tant loyaument l’aime pour un nouveau amant.

Troilus s’en revint à Troye triste et angoesseux autant que jamais homme fut , et avecques ung visage félon et despiteux s’en alla tout droit au palais , et sans arrester en milieu s’en alla descendre plus pensifz que onc encores n’avoit esté , et ne vouloit souffrir que oncques homme lui deist mot; mais se entra tout seul en sa chambre, et là eslargit la grant douleur qu’il avoit tenue close et en secret en son estomac , en appellant la mort; et souppire et plaint pour Brisaïda , laquelle il cuide bien avoir perdue , et s’escria si tresfort qu’il n’estoit pas possible qu’il ne fust ouy de ceulx qui par la court se pourmenoient. Et tout ce jour là durèrent touz ses plains; ne serviteur ne amy qu’il eust ne le vit. Ce jour passa tout comblé de douleurs.

Nous laisserons la nuit aller après 5, en laquelle son deul se redoubla au double. Ainsi il demenoit sa maleureté et mauldisoit le jour qu’il fut né, les Dieux et les Deesses, et nature et son père de ce que oncques il acorda que Brisaîda fust rendue ; et lui encores se mauldisoit , que ainsi se avoit fait 4, si tresfort qu’il en vouloit mourir

1. Modérée, modeste. — 2. En ayant. — }. Cette phrase est obscure. Il est évident , en effet , que le sénéchal ne peut vouloir dire : « Nous ne parlerons pas de la nuit », puisqu’il en parle, et longuement. Il faut donc comprendre : nous laisserons venir la nuit , la nuit vient après ce jour... — 4. De ce qu’il l’avoit ainsi laissée partir.

I de douleur; ou que au moins il ne l’avoit de-

I mandée , et par avanture lui eust esté donnée.

1 Puis çà , puis là alloit tournoiant par son lit ,

i sans trouver lieu qui bon lui fust. Et aucunes-

j foiz , plourant , à luy mesmes disoit :

« Q;jelle nuit a esté ceste cy au regart de la nuit passée ! Helas ! si bien me souvient , à ceste 1 heure cy, bacinée de larmes , je baisois la belle

! poitrine blanche, les beaulx yeulx et la belle

bouche de ma damme , et la tenoie entre mes bras estroitement embracée. Elle aussi me baisoit , et en devisant prenoye joye et plaisir gracieux la veoir. Or me trouvay je seul en 1 ermoyant , en doubte de jamais ne trouver une telle nuit; or, maintenant n’ay je à embracer que mon oreiller, et si sens croistre de heure à heure l’amoureuse flamme, et l’esperance se amoindre pour la douleur qui la navre. Que feray je donc , triste , dolant Attendray je r Las ! ouy ; mais que je le puisse faire. Mais si mon aspre douleur persévère ainsi comme elle a fait depuis son departement jusques ycy, que sera ce de moy ! Car c’est folie que de dire à homme qui bien hardement ame , qu’il puisse repposer. » Pour quoy il se maintient en telle façon celle nuit là comme il avoit fait la nuit passée. Pandaro ne autres n’estoient peu aller ce jour par devers luy ; mais quant le matin fut venu , il le fist appeller pour povoir aucunement avecques luy alléger son pouvre cueur en parlant de Brisaïda. Pandaro si pensoit bien la vie qu’il avoit demenée celle nuit là , et encore la cause pour quoy il le faisoit appeler.

« O Pandaro , mon doulx amy, ce dist Troy-

248 Roman

lus , que feray je , que ' l’amoureuse flamme me alume et embraze par touz les endroiz de mon corps, ne ne puis repposer ne pou ne assez? Las! dolent, que feray je puis que tant m’a esté la fortune ennuyeuse, car j’ay perdue ma seulle dame et ma tresdoulce amie. Jamais ne la cuide je revenir. Que ores fusse je cheu l’autre jour, tout mort , tout estendu à l’eure que je la laissay aler. O mon doulx bien! 0 mon tresdoulx déport , 0 ma belle dame à qui me suis donné ! O ma chière amye , o seule confort des tristes yeulx qui sont devenuz fontaines! Ne sentez vous que je meurs , si de vous ne suis secouru ? Qui est cil envieux qui à présent vous voit, m’amour! Mon cueur, qui est cil qui siet près de vous , qui est cil qui vous escoute , ne qui est cil qui parle à vous ? Helas ! doloreux que je suis , or n’ay je autre que vous , et suis je point en voustre pensée ? Me auriez vous mis en obly pour voustre viellart de père, lequel a tant fait qu’il vous a , dont je en seuffre griefve paine et tourment? Tout ainsy que vous me ouez , Pandaro mon amy, ay esté , ne autre chose n’ay fait \ toute la nuit , ne ne m’a laissié dormir cest amoureux mal. Et toutes voies autres que moy se sont trouvez en ceste langueur et de ce pareil cas atteins'; mais tout ce ne me vault rien, car si je m’endors ne pou ne grant, je songe que je suis tout seul en lieu paoureux entre les mains de mes ennemis mortelz. Et tant me ennuyent cestes choses à veoir, et en vient à mon cueur ung tel espoventement , que le veil-

DE Troïlus. ^49

1er me seroit beaucoup meilleur et moins de doleur. Et souventesfois me vient une paour qui me fait tressaillir et sembler que je chée de haut à bas , et tout à coup je m’escrye et appelle à mon secours Brisaïda et Amours , en leur requérant mort ou mercy. A tel point comme vous veez suis je venu , et me deulz de moy mesmes et de son partir, duquel ay eu tel angoesse que par avant jamais ne l’eusse pensé. Helas ! je confesse que je dois avoir esperance encores d’avoir secours , et que ma belle dame retournera ainsy qu’elle m’a promis ; mais le cueur qui l’ayme ne le me veut consentir, et à toute heure l’appelle. »

I^uis qu’il eut en telle manière une grant pièce parlé et dit , Pandaro , douloureux de ce qu’il le voit en cest fait et souffrir tant d’angoesse et de martire , lui respondit ;

« Or me dûtes , Troylus , estes vous point délibéré que en ceste tristesse y ait jamais ne bout ne fin.? Ne croiez vous point que autres que vous aient esté amoureux et aussi estroittement poinctz comme vous estes , et qui ne se soient trouvez ou party ' que vous estes pour le departement de leurs dames .? Et si vous certiffie qu’il y en a bien d’autres aussy amoureux comme vous estes , et sont encores plus malheureux de vous. Et de ce suis je bien certain. Mais non pourtant ne habandonnent ilz pas leurs vies à paine et tourment comme vous faittes; mais quant la doleur leur griefve trop, ilz mettent paine à la getter dehors avecques esperance , et