Tant il faisoit pitié de la voir

plaisance ay je eu leans ! et dès maintenant suis )e ycy en tristesse et en merencolie , où se fons et consumme toute ma beaulté. Helas! Troïlus, mon amy, que faittes vous maintenant? Vous souvient il point encores de moy ? Las ! raeschante , or vous eusse je creu , et que nous en fussons allé vous et moy ensemble en quelque part qu’il vous eust pieu ! Et ne sentiray je pas maintenant grant douleur, ne n’eusse pas perdu ce bon temps que je pers ; et puis en quelque temps fussons retournez ; et si aucun de ce nous eust voulu donner charge , on le eust laissé parler, pour tel qu’il en eust esté. Helas! trop tart m’en aperçois : mon sens ' à l’eure si fut mon ennemy : je fouy le mal et suivy le pis, dont mon cueur vit en mendiante de joye , et pour avoir confort ne sçay fors que appeller la Mort, puis que à présent ne vous puis veoir, mon doulx amy ; et si ay paour de jamais ne vous reveoir. Que ainsi puissent estre les Grieux desers ^ et mauldiz ! Combien que je feray mon povoir de m’en fouyr de ycy, si aucunement ne puis avoir congé d’aller à Troye , et m’en retoumeray avecques vous, mon bien et mon amy, comme je vous ay promis , et en aille la renommée où elle vouldra aller, et s’en ensuie ce que s’en porra ensuir, que avant que 5 ainsi mourir de douleur je vueil laisser parler qui vouldra. »

Mais sa grande et loyalle entencion bien tost fut changée pour une aultre nouvelle amour.

Dyomedes employoit touz ces cinq cens na-

I. Mon bon sens, ma sagesse. — 2 . Que les Grecs soient bientôt ravagés, chassés. — 3. Car plutôt que.

362 Roman

turelz à faire chose par quoy il peust entrer an cueur de Brisaïda ; et ne tarda gaires que il n^en chassast Troïlus , et Troye , et touz les autres pensemensque elle avoit, tant fussent loyaux. Elle ne avoit demeuré pas quatre jours après l’angoesseux departement , que Dyomedes trouva occasion honneste de venir vers elle , lequel la trouva part des autres toute seulle souppirant , et luy sembla toute transmortie et descoulourée depuis le jour que premièrement il la alla quérir et qu’il l’avoit de Troye amenée , dont il s’esmerveüla fort ; et dist en lui mesmes , au coraraancementj quant ainsi la vit: « Je croy que je travaille en vain et que je pers ma paine pour néant ; ceste damme est ainsi piteuse et doloureuse pour autre amy, et fauldroit estre trop souverain raaistre ' , qui lui vouldroit chasser la première amour hors du cueur p<Nir se y mettre. Las ! me double que à malle heure allay à Troye le jour que je la amenay. »

Mais comme celui qui estoit plain de hardement et de hault courage, conclut en lui mesmes que , si bien il deVoit mourir, puis qu’il avoit une foiz en son cueur entrepris de la amer, qu’il en suivroit son entreprinse , et qu’il la ameroÿ et lui monstreroit la mal que amours lui faisoit sentir pour elle. Et premièrement se assist auprès d’elle et lui commança à parler de l’aspre guerre qui entr’eulx estoit et les Troyens , en lui demandant ce qui luy sembloit, et laquelle

f >art elle cuidoit qui gaingnast au derrenier. Puis ui demanda qui lui sembloit des Grecs et si