I. Plus que par. — 2. Que l’affaire alloit de mal en pis

retourneroit , mais elle ne savoit quant. Et après ces choses ainsi avenues, Trovlus se demonstra en pluseurs et diverses batailles contre ses adversaires ce qu’il valloit , et si terriblement et si fier qu’il eust mieulx valu aux Creux que Brisaïda n’eust oncques esté née. Car bien chièrement leur vendist touz ses souppirs , plains et lamentacions , non pas encore tant comme il eust bien voulu , car il ne serchoit autre chose que la mort pour povoir mettre son pouvre cueur en paiz.

1 estoit , comme j’ay desjà dit , adurcy à souffrir. Encores pis lui faisoit la grantdouleur de ce qu’il ne le osoit dire et descouvrir au roy son père ne à ses frères ; puis encores luy survint la mort de Hetorson frère, lequel estoit plain de souverain hardement èt en qui estoit la force des murs et des portes de Troye. Pour occasion de laquelle mort les frères et le père furent longuement en tribulacions. Et cela ne adoulcitpasla doulleurdeTroïlus, ainçois luyagrava fort son deul. Mais neantmoins tousjours serchoit voie et manière, comment ont acoustumé de faire les amoureux, de povoir reavoir et recouvrer celle que tant il ayme , qui est sa doulce et ennemie allegence , en ayant tousjours son excuse agréable de ce ' que elle n’osoit retourner ; combien que autresfois faisoit autre pensement au contraire , et disoit en son cueur qu’il ne povoit penser la cause. Il lui envoya pluseurs lettres par lesquelles tousjours lui signirioit la paine et