I. Tunis
DE Foulques Fitz Warin. 105
terre fust e en quele manere fust playé. Yl la respoundy qu'il avoit à noun Maryn le Perdu de Fraunce, e qu'il ama tendrement de cuer une damoisele file de un counte de son pais, e ele ly refist grant semblaunt d'amour ; mes ele ama plus un autre. « E avynt que ly e moy un jour fumes assemblés par grant am.our, e ele me tint entre les bras molt estroit ; ataunt survynt le autre qe ama plus, e me feri issi de un espé; e pus me mistrent en une galye en la mer pur mort, e la galye me amena en ces parties. — Certes , dit Isorie , celé damoisele ne fust gères cortois. » Isorie prist sa harpe, qe molt riche fust, e fist des caunz ' e notes pur solacer Fouke ; quar le vist bel e de corteise poiture^.
Fouke demaund à Isorie la bêle quei fust la noyse qe fust devaunt le roi en la sale. <■ Certes, fet-ele, je le vus dirroi. En la terre de Yberie avoit un duc qe fust apelé duc de Cartage, e avoit une très bêle fyle, Ydoyne de Cartage. Celé, vivaunl le père, sojorna en un son chasiiel de Cartage. Atant vint un dragoun, qe la prist e emporta en un haut mount en la mer; e la tynt plus qe sept aunz, si là qe un chevaler de Engletere, que fust apelé Fouke le fitz Waryn de Mées, vint sur cel mont, e ocist le dragoun, e la rendy à son piere. Tost après le duc morust, e ele tient tote la ducheyse. Le roi mon frère maunda à ly messagers qu'il la prendroit à femme , e ele le refusa ; e pur vergoyne qe le roi avoit, fist assembler grant pueple e destruit ces cités , abati
I. Des chants; on pourroit lire aussi dcchants. — i. Sans doute /Jorturi, maintien, manière.
104 Histoire
ces chasiiels. La damoisele s'en fui en estraunge règne pur qerre secours ; mes ore est-ele revenue ou pueple saunz nonbre, e comence fièrement à guerrer le roy , e si est preste de fere bataille countre ost ou chevaler countre chevaler, issi que si le suen seit vencu qe ele ayle vers sa terre, e si le nostre seit vencu, qe le rey mon frère entièrement restore ces damages. E sur ce \nndrent huy en sale fieres messagers; e plust à dieu Mahoun que vus fussez tiel qe la bataille de par le roy mon frère ossasez prendre ; quar grant honeur vus avendreit. — Certes, ma daraoysele, je su grantment tenuz à mon seigneur le roy, e nomément à vus ; mes jamès bataille ne prendrei pur Sarazyn countre Cristien, pur perdre la vie. Mes si le roy vueille reneyer sa ley e devenyr Cristien e estre baptizé, je prendroy la bataille, e salveroy sa terre e ces gentz, e ly troi aver celé damoysele dount me avez counté. » Isorie va tôt counter Messobryn, son frère, le roy de Barbarie, quanqe Fouke , qe se fet appeler Maryn le Perdu de France, ly out promis. Le roy graunta meyntenaunt quanqe vodra ordyner, si yl purra celé bosoigne issi achevyr.
Le jour qe la bataille fust ordyné, le roy arma moût richement sire Fouke, e Isorie meismes de bone volenié ly servy. Le roy e ces Barbar}-ns. ces admyrals, e tous ces autre gentz, furent richement armés, e grant pueple ou eux ; e mistrent avant son chevaler Fouke , que devereit fere la bataille; e la duchesse mist avant le suen. Les chevalets, que fiers furent, brochèrent les chivals des esperouns, e fièrent de launces, que tronçouns volent par les chauns ; pus treient les es-
DE FOULQ.UES FiTZ WaRIN. IO5
piés , e si entrefierent hardiement. Fouke fery le cheval son compaignon , que mort le abati ; mes à son vueil yl ustferu lechevaler. Quant lechevaler fust à terre, dont dit: u Maveis payen, maveis Sarazin de maie foy , Dieu de ciel vus maldie ! pur quoy avez ocismon chival? » Fouqe descendy à pié , e s'entrecombatyrent durement tôt le jour.
Quant fust à poy avesprée , dit le chevaler à Fouke : « Daun paien, tu es fort e vigerous ; par amours, dy-moy, oij nasquiste-vusi' — Si vus plest saver mon nation , je ne le vus dirroi mye si vus ne me diez eynz del vostre ; e je le vus grant. » Le chevaler ly dit qu'il fust Cristien nez en Engletere , le fiz Waryn de Mées , e fust appelé Phelip le Rous ; e counta de mot en autre tôt par ordre entièrement tote sa vie e ces frères ' , e corne la ducheyse vynt en une nef par le ysie de Beteloye , e les resçust en la nef e les sauva ; quar demy-an e plus y furent , e mangèrent lur chivaus pur feym. « E quant la countesse nus usî veu, meyntenaunt nus conust, e nus trova quanqe mestier nus fust; e nus counta que ele vint de Engletere , e là nus avoit quis pur sa gère meintenyr; e tiele dure vie avoms demeyné. » Lors dit Fouke : « Beu frère Phelip le Rous, ne me conusez-vus ? je su Fouke, vostre frère. — Nay, certes , daun Sarazyn , non estes ; mes ore me vodrez engyner. Par Dieu ! noun frés. » Donqe ly dit Fouke verroy enseigne qu'il bien conust ^ Donqe démenèrent grant joye, e respiterent la
I. Et celle de ses frères. — 2. Foulques lui dit vrai signe qu'il reconnut bien.
io6 Histoire
bataille tanqe l'endemeyn. Phelip conta la ducheyse qe ce fust Fouke son frère ou qy il avoit combatu, issi qepar le consayl Fouke et Phelip e ces autres frères, le roy e tote sa meysné furent baptizé, e le roy esposa la duchesse à grani honour'.
Fouke e ces frères e sa meyné demorerent une pièce ou le roy, pus se apresterent moût richement vers Engletere. Le roy lur dona or, argent, chivals, armes, e totes richesses que il voderount aver ou coveyter ; e emplyrent lur nef de taunt de richesse qe a merveille. Quant furent arivez privément en Engletere, Fouke ordina qe Johan de Rampayne se freit marchaunt e enquerreit où le roy Johan fust, e si Willam, soun frère, fust en vie ou ne mye ^. Johan se apparilla molt richement à gyse de marchaunt, vint à Loundres, e se herberga à la mesoune le meyr? , e se fist servir molt richement, e se acointa ou le meyr e tote la meyné, e lur dona bel douns ; e pria al meir qu'il ly fesoit aver conisaunce de le rey, issi qu'il purreit ariver sa nef en sa terre. E quanqu'il paila fust latyn corupf»; mes le meir le entendy bien.
Le meir le amena devant le roy Johan à Westmoster, e le marchant moût cortoisement ly salua en son langage. Le roi l'entendi bien, e demaunda qui il ert e dont vint. « Sire, fet-il, je su
I . Nous constatons ici la fin de cette partie des aventures des Fitz Warin, qui n'a ucun rapport avec l'histoire, qui a une autre origine que le fond du récit, et qui paroît imitée des contes en vogue à cette époque , tandis que le reste présente des traditions déjà défigurées, mais des traditions. — 2. En vie ou non. — 3 Le maire. — 4. Langage corrompu , baragouin.
DE FOULQJJES FiTZ WaRIN. I07
marchaunt de Grèce, si ay esté en Babiloyne ' , Alixandre, et Ynde le Majour, e ay un nef chargé de avoir de pois ^, riche dras , perye >, chevals, e autres richesses qe grantment purreint valer à ceste reigne. — Je vueil, fet le roy, qe vus e vos bien aryvez en ma terre , e je vus serroi garant. )> E furent comaundez demorer à mangier. Le meir e le marchant mangèrent ensemble devant le roy. Atant vindrent deus serjauntz de mace, e amenèrent en la sale un chevaler grant, corsu, longe barbe eneyre, efieblement atyré, e le assistrent en my le eyr4 , e ly donerent à manger. Le marchaunt demaunda al meir qui ce fust , e il ly dit un chevaler. nomé sire Willam le fitz Warin , e ly counta entièrement tote le estre de ly e ces frères. E quant il le oy nomer, donqe fust molt lée qu'il le vist en vie ; mes molt a deseesee s de cuer qu'il le vist si meseysé^. Le marchaunt, al plus tost qu'il poeit, se hasta vers sire Fouke, e ly counta tôt soun affere, e fist amener la nef au.xi près la cité come il poeynt. L'endemeyn le marchant prist un palefroy blanc (si bel ne fust en tote le roialme), e le présenta à le roy Johan, qe molt léement le reçust pur sa belté. Le marchant dona si largement qu'il se fist amer de tous, e poeit fere en court quanqe ly plust.
Un jour prist ces compaignons, e se armèrent bien, epus vestirentlurgounes7 comeàmariners apent, vindrent à Westmoster à court, e ileque
I. Babylone , c'est le Caire au moyen âge. — 2. Sans doute, marchandises de poids. — 3. Perles. — 4. Area , l'aire de la salle. — 5. Mésaise, chagrin. — 6. C'est à peu prés le même mot : en si pitoyable état. — 7. Robes, en anglais gowns.
io8 Histoire
furent noblement resçuz , e virent Willam le fitz Warin qe fust amené de ces gardeins vers la chartre. Le marchaunt e cescompaignouns, malgrée les gardeynz , le pristrent à force e le aporterent à lur batil, que flota assez près desouz lepaleis, e se mistrent epz. Les gardeynz levèrent la menée e les pursiwyrent ; les marchauntz furent bien armés e se défendirent hardiement, e s'eschaperent à lur galye, e siglerent vers haute mer. Quant Fouke vist Willam, son frère, e Jon de Rampaigne qe fust marchant, ne fet à demaunder si lée fust ; e s'entrebeyserent, e chescun counta [à] autre sa aventure e son meschief. E quant le roy entendy qu'il fust engyné par le marchant, molt se tynt mal bayly.
Fouke e ces compaignouns aryverent en Bretaigne le Menour, e demorerent là demy an e plus, ou ces parentz e cosyns. Atant se purpensa qu'il ne lerreit pur rien qu'i'l n'yrreit en Engletere. E quant vint en Engletere, en la Novele Forest ' , où yl soleit converser, encontra le roy, que pursiwy un cengler. Fouke e ces compaignouns le pristrent e sis chevalers ou ly, e le amenèrent en lur galye'. Le roy e tous les suens furent molt esbays. Molt de paroles furent ; mes à drevn le roy fur pardona tôt son maltalent, e lur rendl tote lur héritage , e lur promist en bone fei qu'il freit crier lur pées par tote Engletere , e à ce fere lessa
1 . On appeloit ainsi un espace de trente milles que Guillaume le Conquérant avoit fait mettre en bois en détruisant trente-six paroisses et en en chassant les habitants. — 2. Cette seconde capture du roi n'est pas, bien entendu, plus admissible que la première , et elle a le tort de ne pas tenir compte du précepte ; Non bis in idem.
DE Foulques Fitz Warin. 109
ses sis chevalers ou eux en hostage, si là qe la pès fust crié.
Le roy s'en ala à Westmostier ' , e fist assembler countes,barouns, e lacleregie, elurdit apenement qu'il avoit de grée graunté sa pées à Fouke le fiiz Warin e à ces frères e à tuz lur aherdauntz , e comanda qu'il fuissent honorément resçuz par tôt le roialme, e lur granta entièrement tôt lur héritage. Quant Hubert le erchevesqe^ te oy, molt fust lée, e maunda meyntenaunt ces letres à Fouke e al counte de Gloucestre e à Rondulf le counte de Cestre e à Hue counte mareschal , qu'il venissent hastivement à ly à Caunterbery ; e quant furent venuz , ordinerent qe Fouke e ces frères se rendreynt à Loundres à le roy. Fouke e ces frères e les trois countes ou lur poer se apparillerent auxi richement come yl saveient e poveynt ; si vindrent par mi Londre ou noble apparail, es'engenoillerent al roy àWesimoster, e se rendirent à ly. Le roy les reçust , e lur rendy quanqe lur fust en Engleterre, e les comaunda demorer ou ly , e si firent-yl un mois entier. Puis prist Fouke congié, e demora ou le counte mareschal ; e le counte ly dona sur Asshesdoune 5, Wantyngc* e autres terres. Fouke e ces
:. Les actes de ce pardon, qui fut accordé non pas à Westminster, mais à Caen , en Normandie, ont été donnés dans l'Introduction. — 2. Les actes portent que le pardon a été octroyé à la prière de l'évêque de Norwich et du comte de Salisbury. Mais on peut admettre que l'archevêque Hubert Walter, qui réunissoit les deux importants offices de lord chancelier et de grand-justicier, ait été le médiateur primitif. — 3. Ahsdown. — 4. Wantage, dans le Berkshire. Cette place avoit été apportée en mariage à Hugues Bigot par la fille aînée de William de Valence, comte
iio Histoire
frères se armèrent à talent , e vindrent à Abyndone ' e remuèrent de ileqe quanqu'il purreyni trover à vendre, e les firent porter e carier à Wantynge ; e fist feyre yleque e ville marchande», que pus en sa aa esté tenu e uncore est.
Fouke prist coungé de le counte mareschal, e s'en afa à le counte Ronduif de Cestre, que se apparilla ou grant pueple vers Yrlaunde pur défendre ces droitz yleaue. Quant il furent arivez , si virent grant assemblé de lur enymis. Le counte comaunda qe tous se armassent ; e le counte avoit ou ly trois juvencels frères, qe furent gent de grant valour e force e furent armés e bien mountés, e ou eux fust Fouke Ataunt virent un hidous géant entre lur enimys, que fust bien armé, tôt à pié, hidous, neir, e orrible, plus long que nul autre dexii. pies; ecrieout ; « Counte de Cestre, maundez-moy le plus vailant chevaler qe vus avez pur dereyner' vostredreit. »
Les treis juvencels, que le oyrent, se mistrent à ly chescun après autres; e il les ocist mevntenaunt de sa hasche au 'il tvnt. Atant lest Fouke coure le destrer, e ly vocTra aver féru de sa launce ; e le géant g^^•encha un poy , e fen.* à Fouke qu'il le ust à poy afolée. Fouke le dota grantment e le avysa bien, issi qe de sa launce le fer)' par mi le cors ; yl chay à terre , e en gisant fer)- le cheval Fouke e ly coupa les deus pies. Fouke chay à terre e resailly, e saka l'espée e
de Pembroke , que le comte maréchal avoit épousée. Hugues Bigot donna en effet ce manoir à Foulques Fiu Warin , mais plus tard , en 121 $.
I. Ahingdon. — j. Il fit là foire et ville marchande. — }. Soutenir.
DE FOULQ.UES F[TZ WaRIN. III
coupa sa teste ; e emporta sa hasche à Blaunche- Ville , où Fouke avoit fet fermer en marreis un chastel fort e bel. E issi conquist le counte tous ces terres e chastiels en Irlaund. E quant avoit ileqe demorrée, e restorré ces terres, pus retorna en Engleterre.
Fouke vint à Blaunche-Ville , e trova ileque Mahaud, sa femme, e ces enfaunz, qe molt furent lée desavenue; e grantjoye entrefirent. Donqe fist Fouke aporter ces tresours e ces richesses ; terres , chivals dona à ces serjauntz e amis molt largement , e meintint sa terre à grant honour. Fouke se purpensa qu'il avoit grantment meserré countre Dieu, come en occisioun des gentz e autres grauntz mefferz ; e , en remissioun de ces pecchiés , founda une priorie en le honour de Nostre Dame seinte Marie de le ordre de Grantmont près de Alberburs, en le boschage, sur la rivière de Sauverne ; e si est appelée la Novele Abbeye'. E n'i a gères après morust dame Mahaud de Caus , sa femme , e fust enterrée en celé priorie. E bone pièce après qe celé dame fust devyé, Fouke esposa une molt gentile dame, dame Clarice de Auberville ; e de la une e l'autre dame engendra biais enfauntz e molt vallauntz. Quaunt dame Johane^, la femme
I . La charte royale qui confirme la fondation de cette abbaye à Alburbury est datée d'Here'ford, la dix-septième année du règne d'Henry II, 1171. Cette abbaye doit donc avoir été fondée par Foulques Fitz Warin , deuxième du nom , père de celui dont il est question à cet endroit de notre histoire. — 2. Jeanne, femme de Llewelyn , prince de North- Wales, dont il a été plusieurs fois question, mourut en 1237. Son monument existe encore dans l'église des Llanvaes, près Beaumaris, dans l'île d'Anglesey.
»i2 Histoire
Lowis le prince de Walys , que fust la file le roi Henré de Engleierre, fust devyée, pur le grant renoun de prowesse e de bounté que sire Fouke aveit, yl maunda à ly pur Eve sa file' ; e il la graunia, e à grant honour e solempneté furent esposée. Mes Lowis ne vesqui que un an e demi, après morust, e fust ensevely à Aberconewey^ saunz heir engendré de Eve. E pus fust ele esposé à ly sire de Blanc-Mostiers ' , que fust chevaler de grant aprise, coragous e hardy.
Fouke e dame Clarice, sa femme, une nuit chocherent ensemble en lur chaunbre ; la dame dormy , e Fouke veilla e se purpensa de juvenie, e moli se repenti de cuer de son trespeis*. Atauni visi en la chaunbre si grant clareté que a merveille, e se pensa que ce poeit estre. Donque oy une vois come ce fust de lonayre en le heir s , e disoit : << Vassal, Dieu te ad graunté tapenaunce,
3ue mieux valt ci qe aillours. » A celé parole, la ame enveilly, e visi la grant clareté, e mussa sa face de pour. .Ataunt envanist celé clareté. E pus celé clareté , unque ne poeit Fouke vere plus ; mes fust veogle pur tous jours.
Cesti Fouke tust bon viaundour* e large ; e fesoit tumer le real chemyn par mi sa sale à soun maner de Alleston , pur ce que nul estraunge y dust passer s'il n'avoit viaunde ou herbergage ou autre honour on bien du suen. Merlyn dit que
En Bretaigne la Graunde
I. Llewelyn demanda i Foulques la main d'Eve, sa fiile. 2. Aberconway. Llewelyn mourut en 1 240 et fut enterré dans l'abbaye de Conway, qu'il avoit fondée. — r Peut-être Whiif- Churchdans le Shropshire. — 4. De ses fautes. — 5. Dans l'air. — 6. Hospitalier.
FOULQ^UES FiTZ WaRIN. II3
Un lou vendra de la Blaunche-Launde;
.XII. dentz avéra aguz ,
Sys desouz e sis desus.
Cely avéra si fer regard,
Qu'il enchacera le léopard
Hors de la Blaunche-Launde,
Tant avéra force e vertue graunde !
Mes nus le savom qe Merlyn
Le dit pur Fouke le fitz Waryn ;
Quar chescun de vus deit estre ensur
Qe en le temps le roy Arthur
La Blanche- Launde fust appelée,
Qe ore est Blaunche-Vile nomée.
Quar en cel pays fust la chapele
De seint Austyn' , que fust bêle,
Où Kahuz, le fitz Yweyn sounga,
Qu'il le chaundelabre embla,
E qe il à un home acountra
Qe de un cotel le naufra,
E en la coste le playa ;
E il en dormaunt si haut cria,
Qe roi Arthur oy le a,
E de dormir esveilla.
E quant Kahuz fus esveillée,
Si mist sa meyn à son costée;
Le cotel yleque ad trovée
Qe par mi ly out naufré.
Issi nus counte le Graal 2,
Le lyvre de le seint vassal.
Yleqe recovery ly reis Arthur
Sa bounté e sa vaiur,
Quant il avoit tôt perdu
Sa chevalerie e sa vertu.
De cel pals le lou issist,
1. Augustin. — 2. L'histoire du Graal comprend tous les r.mans du cycle de la Table ronde. L'épisode auquel notre texte fait allusion appartient au roman de Merlin. Nouv. franc, du XIV s. 8
1 14 Histoire de Foulques Fitz Warin.
Corne ly sage Merlyn dist; E les .Xll. dentz aguz Par son escu avom conuz.
Yl porta l'escu endentée, Corne les disours ont devisée i ; En l'escu sunt .XIl. dentz De goules et de argentz.
Par le leopart puet estre conuz Le roy Jonan e bien entenduz; Quar il porta en son escu Les leopartz de or batu.
Cesti Fouke remist sept aunz veogle , e soffri bonement sa penaunce. Dame Clarice morust , e fust ensevely à la Novele Abbeye ; après qi mort, Fouke ne vesqui qe un an, e morust à Blaunche- Vyle^ E à grant honour fust enterré à la Novele Abbeye ; de la aime de cui Dieus eit merci ! Joste le auter gist le cors. Deus eii merci de tous, vifs e mortz ! Amen !
I . Comme les hérauts d'armes l'ont réglé , établi. — On reconnoît, au soin et à la sollicitude avec lesquels toutes les armoiries sont décrites dans ce récit, qu'il a été composé à une époque où la science du blason étoit déjà cultivée et perfectionnée. — 2. La date exacte de la mort de Foulques III Fitz-Warin n'est pas connue. On peut présumer qu'il vivoit encore en 1 2 56 , car Foulques IV Fitz-Warin , qui succomba à la bataille de Lewes, en 1264, est désigné, à la date de 1256, comme Foulques Fitz-Warin yun/or.
LE
