I. Modérée, modme. — J. En «Tant
tu obscure l! t<t évident . en effet . que le »érc
qu'il l'avoit ainsi laissée parar.
DE TrOÏLUS. 247
de douleur; ou que au moins il ne l'avoit demandée, et par avanture lui eust esté donnée. Puis çà , puis là alloit tournoiant par son lit , sans trouver lieu qui bon lui fust. Et aucunesfoiz , plourant, à luy mesmes disoit :
« Cruelle nuit a esté ceste cy au regart de la nuit passée ! Helas ! si bien me souvient , à ceste heure cy, bacinée de larmes , je baisois la belle poitrine blanche, les beaulx yeulx et la belle bouche de ma damme, et la tenoie entre mes bras estroitement embracée. Elle aussi me baisoit, et en devisant prenoye joye et plaisir gracieux la veoir. Or me trouvay je seul en 1ermoyant , en doubte de jamais ne trouver une telle nuit, or, maintenant n'ay je à embracer que mon oreiller, et si sens croistre de heure à heure l'amoureuse flamme, et l'espérance se amoindre pour la douleur qui la navre. Que feray je donc , triste , dolant ? Attendray je ? Las ! ouy ; mais que je le puisse faire. Mais si mon aspre douleur persévère ainsi comme elle a fait depuis son département jusques ycy, que sera ce de moy ! Car c'est folie que de dire à homme qui bien hardement ame , qu'il puisse repposer.»
Pour quoy il se maintient en telle façon celle nuit là comme il avoit fait la nuit passée. Pandaro ne autres n'estoient peu aller ce jour par devers luy; mais quant le matin fut venu, il le fist appeller pour povoir aucunement avecques luy alléger son pouvre cueur en parlant de Brisaïda. Pandaro si pensoit bien la vie qu'il avoit démenée celle nuit là, et encore la cause pour quoy il le faisoit appeler.
« 0 Pandaro , mon doulx amy, ce dist Troy-
248 Roman
lus, que feray je, que- l'amoureuse flamme me alume et embraze par touz les endroiz de mon corps, ne ne puis repposer ne pou ne assez ? Las ! dolent , que feray je puis que tant m'a esté la fortune ennuyeuse, car j'ay perdue ma seulle dame et ma tresdoulce amie. Jamais ne la cuide je reveoir. Que ores fusse je cheu l'autre jour, tout mort , tout estendu à l'eure que je la laissay aler. 0 mon doulx bien! 0 mon tresdoulx déport , 0 ma belle dame à qui me suis donné ! 0 ma chière amye, 0 seule confort des tristes yeulx qui sont devenuz fontaines! Ne sentez vous que je meurs, si de vous ne suis secouru? Qui est cil envieux qui à présent vous voit, m'amour! Mon cueur, qui est cil qui siet près de vous , qui est cil qui vous escoute , ne qui est cil qui parle à vous i* Helas! doloreux que je suis , or n'ay je autre que vous, et suis je point en voustre pensée? Me auriez vous mis en obly pour voustre viellart de père, lequel a tant fait qu'il vous a , dont je en seuffre griefve paine et tourment ? Tout ainsy que vous me ouez, Pandaro mon amv, ay esté, ne autre chose n'ay fait , toute la nuit , ne ne m'a laissié dormir cest amoureux mal. Et toutes voies autres que moy se sont trouvez en ceste langueur et de ce pareil cas atteins ; mais tout ce ne me vault rien, car si je m'endors ne pou ne grant, je songe que je suis tout seul en lieu paoureux entre les mains de mes ennemis mortelz. Et tant me ennuyent cestes choses à veoir, et en vient à mon cueur ung tel espoventement , que le veil-
