Moi que, ou quand, car

1er me seroit beaucoup meilleur et moins de doleur. Et souventesfois me vient une paour qui me fait tressaillir et sembler que je chée de haut à bas, et tout à coup je m'escrye et appelle à mon secours Brisa'ida et Amours , en leur requérant mort ou mercy. A tel point comme vous veez suis je venu , et me deulz de moy mesmes et de son partir, duquel ay eu tel angoesse que par avant jamais ne l'eusse pensé. Helas ! je confesse que je dois avoir espérance encores d'avoir secours, et que ma belle dame retournera ainsy qu'elle m'a promis; mais le cueur qui l'ayme ne le me veut consentir, et à toute heure l'appelle. »

Puis qu'il eut en telle manière une grant pièce parlé et dit , Pandaro , douloureux de ce qu'il le voit en cest fait et souffrir tant d'angoesse et de martire, lui respondit :

« Or me dittes, Troylus, estes vous point délibéré que en ceste tristesse y ait jamais ne bout ne fm ? Ne croiez vous point que autres que vous aient esté amoureux et aussi estroittement poinctz comme vous estes , et qui ne se soient trouvez ou party ' que vous estes pour le département de leurs dames .? Et si vous certiffie qu'il y en a bien d'autres aussy amoureux comme vous estes , et sont encores plus malheureux de vous. Et de ce suis je bien certain. Mais non pourtant ne habandonnent ilz pas leurs vies à paine et tourment comme vous faittes; mais quant la doleur leur griefve trop, ilz mettent paine à la getter dehors avecques espérance , et

j. Au point.

VOUS devriez faire semblablement. Vous dittes qu'elle vous a promis dedans dix jours : ce n'est pas ung si long terme, que vous ne le doyez bien attendre sans estre si triste et si musart. Comment pourriez vous souffrir la paine que elle se esloignast de vous tant que vous ne la veissiez l'espace d'un an? Boutez hors ses songes et ses pensemens, et pourtouz telz qu'ilz sont les laissez aller au vent ! Il ' ne vous vient que de merencolie, lesquelles vous font avoir ses ymaginacions. Dieu seulement scet ce qui doit estre , et ne doit l'en point croire en ces augurions, et sont foulz touz ceux qui y adjoustent foy; mais de tous les songes que on sauroit songer ne donroi ge pas une pomme, car poureulx ne plus avant ne plus arrière ^. Doncques, pour Dieu, pardonnez à vous mesmes; laissez ceste douleur si tière et si angoesseuse; faictes moy celle grâce et ce plaisir. Levez vous sus , allégez voz pensemens, et divisons, vous et moy, les plaisirs passez; pensez à ceulx à venir; disposez voustre hault courage à croire qu'ilz vous retourneront bien tost , et prenez confort en ayant bonne espérance. Ceste cité est grande et plaine d'esbatemens ; et à présent est temps de triève ainsi que savez. Allons en quelque gracieux lieu lôignet de ycy, et là vous demourez aucuns jours avecques aucun de ses seigneurs , et avecques luy passera voustre ennuy jùsques à ce que soit venu le terme que voustre belle vous a donné.

1. Cela. — 2. Tous nos manuscrits sont d'accord pour donner cette phrase, qui laisse pourtant a désirer un verbe. Il faut sans doute sous-entendre : je ne yroie; ou comprendre : cela n'avance ni ne recule rien.

DE TrOÏLUS. 2$ I

Or faittes, et je vous en prye ; levez vous de ycy, car ce n'est pas courageusement fait que de gésir comme vous faittes et de mener telle douleur; et si plusieurs gens savoient voz folz manières, vous seriez tenu pour infâme , et diroit ung chacun que vous plourez de couardie et de paour que vous avez pour la guerre, et non pas pour amours , et que à celle cause feriez ' du malade.

— Helas ! ce distTroilus, qui beaucoup et trop assez eust plouré, si ne le peust congnoistre nul, s'il ne l'a esprouvé, le bien que j'ay laissé aller; pour tant on ne me devroit point blasmer si jamais ne faisoie autre chose que plourer; mais puis que vous, mon amv, me priez que je me reconforte , je le feray au mieulx que je pourray pour vous faire plaisir. Dieu , par sa grâce , face venir ce x'' jour bien tost , aftin que je retourne bien tost joyeulx comme par avant. Car quant il sera dit et conclu que ceste damme cy doit revenir, ou qu'elle reviengne en quelque manière que ce soit, oncques rousée ne fust si bel au doulx printemps ne si fresche comme je suis délibéré de venir quant je verray son bel et gracieux visage, lequel est occasion de touz mes tourmens. Mais où pourrons nous aller à l'esbat ^ »

Lors dist Pandaro : « Allons à Serperdonne -.

— Et comment y pourrave je demourer, dist Troylus .'' Car j'aurav tousjours une question à

I. Et que c'est pour cela que vous faites. — i. Serpedone, qui est ici le seigneur du domaine de Serpedone, comme la Magdelaine, dans les Mystères, est dame du caslel de Magdelon. Ce Serpedone nous paroît être , sous le vair et le gris du Xlle siècle, Sarpedon , fils de Jupiter, roi de l.ycie, tué par Patrode.

252 Roman

mon courage ' , que * par aventure elle ne retournast plus tost que les jours que elle m'a dit; et pour chose du monde, si celle advient, je ne vouldroie faillir que n'y fusse pour la veoir ou recuillir, si besoin estoit.

— Or, ce dist Pandaro, laissez m'en le pancement ; et si elle retourne , je le sauray incontinent, car je laisseray ycy ung homme qui ne servira d'autre chose si non que de le nous faire assavoir, — que plust à Dieu que ce fust desjà, car il n'en y a nul qui en ait plus grant envie que moy, — si que nous ne laisserons jà aller là où nous avons dit , pour ce cy. »

Les deux amis se misdrent à chemin , et ne allèrent point deux lieues qu'ilz ne arrivassent a Snrpedonne. Et quant le seigneur les vit , il alla rencontrer Troylus à une chière > joyeuse, et fut trescontent de leur venue ; et combien qu'ilz fussent las de souppirer et de plaindre, neantmoins firent ilz bonne chière avecques le gentil seigneur du lieu. Cestui cy, comme celui qui estoit de hault courage autant que nul autre peust estre , en quelque chose que ce fust, festia à merveilles Troylus et Pandaro , aucunesfoiz avecques dames belles et gentes, et les faisant chanter et faire toute la joyeuseté qu'ilz pourroient; et aucunesfoiz les menoit chacer à grosses bestes , puis leur faisoit veoir de belles volleries de ovseaux ; et en effect leur faisoit veoir touz les esbatemens et joyeusetés dequoy il se povoit adviser; et les tenoit aises de vin, de

I. Dans mon cœur. — 2. Une question que..., un doute que. — }. Avec un visage.

DE TRÛÏLUS. 2JJ

viandes et de toutes choses autant ou plus comme s'ilz eussent esté à Troye.

Mais dequoy servent ses festes au piteux Troilus ! Il n'avoit pas son cueur o ' lui ; il estoit là où il avoit son désir et son pensement ferme ; et véoit tousjours Brisaida avecques les yeulx de sa pencée; maintenant une chose, puis une autre ymaginoit d'elle, et en souspirant maintesfoiz d'amour. Toute autre damme , tant fust belle et gente et gracieuse , lui ennuyoit de veoir ; tout plaisir, toute doulceur, lui venoit contre cueur quant il ne véoit celle en laquelle mains amours avoit mis les clefz de sa dolente vie, et tant de bien et de plaisir avoit comme en elle ^ pensoit, et non autrement. Il ne passoit ne soir ne matin que avecques souppirs il ne le 5 appel last; puis comme celle qui tust à l'encontre, lui disoit : «0 lumière et belle estoile journal, respondez moy. n Puis il la saluoit et lui reparloit de rechief , et ainsi en souspirant finissoient ses paroles, et ne passoit heure de jour que mille foiz il ne la nommast. Tousjours son amour avoit en sa bouche ; son bel visage et ses doulces parolles estoient empaintes en son cueur; les lettres que elle lui avoit mandées relisoit bien en son cueur cent foiz le jour, tant fort lui plaisoient. Et ne demourèrent pas longuement que Troylus comm.ança à dire à Pandaro :

<( Que faisons nous ycy ^ Y sommes nous condampnez à y estre tout le temps de noustre vie , ou nous y tenons affin d'estre tousjours à con-

i. Avec. — 2. Lorsque. — 3. La.

254 Roman

vy ' ? A vous dire vroy, je m'en vouldroie bien aller. Allons nous en , je vous en prie , car nous avons ycy assez demouré avecques Sarpedonne, et nous a tresbien festoyez. »

Pandaro lui respondit : " Quel affaire ave,', vous.^ Le feu nous chace dehors de siens ^ .' Encore n'est venu le x" jour. Ayez ung pou d'attrempancc et d'arrest; car nous en panirà ceste heure seroit moquerie. Ou yrez vous maintenant , ne en quel lieu porriez vous estre pour avoir meilleure chière ne plus joyeuse.' Demourez y encores deux jours ; et puis, si vous voulez . nous en retournerons à l'ostel. ••

Combien que ce fust contre la voulunié de Troilus, si demoura il avecques ses pensemens acoustumez , ne n'y povoit remédier Pandaro , pour chose qu'il deist ! Mais puis que le jour fut venu , ncantmoins qu'il en desplut fort à Sarpedonne , si prindrent ilz congé et s'en allèrent en leur hostel. Et Troilus s'en alloit par le chemin : '< 0 Dieu , se pourroit il faire que retrouvasse ma damme retournée! >. Mais Pandaro à lui mesmes disoit bien autrement , car il congnoissoit toute l'entencion de Calcas , disant tout bas : « Il fauldra bien que ceste grant flamme et amour enragée se resfredisse , car je me doubte que le x jour passera , et le moys et Tan encore avant que jamais vous la revoyez. » Après qu'il/, furent arrivez à l'ostel , s'en entrèrent en une chambre et se assidrent l'un

I. En banquet chez autrui. Attendrons-nous qu'on nous congédie, dit l'italien. — :. De céans.

DE TrOILUS. 2$ 5

auprès de l'autre , Troïlus sans donner aucun repos à ses soupirs. Mais depuis qu'ilz eurent assez parlé, Tro'ilus se leva de là et dist à Pandaro :

u Allons au moins veoir son hostel , puis que autre chose ne povons faire. »

Et ce cy dit , il print Pandaro par la main avecques ung ris forcé, et s'enyssirent hors du palaiz ; et trouvèrent façon et manière de eschapper des autres barons et chevaliers qui les attendoient à la court. Mais puis qu'il peut choisir à ses yeulx ' l'ostel de Brisaida , et il le vit clos , derechief lui vint une nouvelle angoesse qu'il lui sembloit que le cueur se deust fondre quant il vit les portes serrées et les fenestres closes. Et tant lui tint ceste nouvelle passion qu'il ne savoit où il estoit; et ne savoit s'il alloit ou s'il bougeoit , et avoit le visage changé tant que qui l'eust regardé, bien tost s'en fust apperceu. Comme avecques Pandaro alloit parlant , il se congnut bien de celle nouvelle angoesse, puis lui dist :

(' Quant le beau, doul.K et cler visage, quant la grant beauté , ris et plaisans yeul.x en quoy je me repposoie estoient à celle lenestre, je estoie tout reconforté. Or suis deir.ouré en ténèbres et tribulacions sans elle, et ne sçay quant jamais je la reverray. »

Puis passèrent oultre , et s'en allèrent tousjours chevauchant par la ville de Troye, et chacun lieu où Troilus l'avoit jamais veue lors lui venoit en mémoire, disant à lui mesmes : « En