I . Le cuir et la corne

94 Histoire

dit qe volenters prendrait sa file, si sa cristieneté le poeit soffryr ; quar femme avoit esposée. Ce dit , Fouke demora ileqe tanqe Audulf fust seyn de sa playe ; e donqe prist congié del duc , qe molt fust dolent pur le departyr. Le duc lur dona meynt bon juel e bel , e destrers molt bels e ygnels, e à chescun dona ryche dons.

Fouke e ces compaignouns siglerent vers Engleterre'. Quant vyndrent à Dovre, entrèrent la terre, e lesserent Mador ou la nef en un certeyn leu là où il ly porreyent trover quant vodreyent. Fouke e ces compaignons avoient enquis des paissantz qe le roy Johan fust à Wyndesoure^, e se mistrent privément en la voie vers Wyndesoure. Les jours dormyrent e se reposèrent, les nuytz errèrent, tanqu'il vyndrent à la foreste ; e là se herbigerent en un certeyn lyw où yl soleynt avant estre en la foreste de Wyndesoure , quar Fouke savoit yleqe tous les estres. Donqe oyerent veneours e berners 5 corner, e par ce saveyent

I . En rentrant dans la Grande-Bretagne, le récit reprend son premier caractère; il revient à la vraisemblance, sinon à la vérité. Il n'est pas douteux qu'il y ait de la forfanterie dans l'épisode qui va suivre; il est difficile de croire que les Fitz-Warin aient pu s'emparer du roi Jean dans une embuscade, et cela est d'autant moins probable, qu'il résulte des actes et des documents historiques que, pendant toute Voutlawry de Foulques et de ses frères, de 1201 à 1203, le roi Jean séjourna sur le continent. Mais on pourroit admettre, comme le fait remarquer M. Wright, qu'un tour pareil à celui qui va être raconté eût été joué par les outlaws à quelqu'un des lieutenants royaux, et que la tradition, avec sa tendance à tout embellir et amplifier, eût appliqué au roi ce qui seroit arrivé à l'un de ses officiers. L'aventure, ainsi réduite, nesortiroit pas du moins des limites du possible. — 2. Windsor. — 3 . Bcrnier^ valet de chiens, rabatteur.

DE FOULQJUES FiTZ WARIN. 9J

qe le rey irroit chacer. Fouke e ces compaignons s'armèrent molt richement. Fouke jura grantserement qe, pur pour de moryr, ne lerreit qu'il ne se vengeroit de le roy , q'à force e à tort ly ad desherytée, e qu'il ne chalengereit Hautement ces dreytures e son herytage. Fouke fist ces compaignons demorer yieqe ; e il meymes , ce dit , irreit espier aventures.

Fouke s'en ala, e encontra un viel charboner portant une trible ' en sa meyn ; si fust vestu tôt neir, corne apert à charboner. Fouke ly pria par amour qu'il ly velsist doner ces vestures e sa trible pur du seon^ u Sire, fet-il , volenters. « Fouke ly dona .x. besantz, e ly pria pur s'amour qu'il ne le contast à nully. Le charboner s'en va. Fouke remeynt, e se vesty meyntenant de le atyr qe le charboner ly avoit donée, e vet à ces charbons , si comence de adresser le feu. Fouke vist une grosse fourche de fer, si la prent en sa meyn, e dresse sàundreyt e làundreyt ces coupons ?. Atant vynt le roy ou treis chevalers , tôt à pée , à Fouke là où il fust adresaunt son feu.

Quant Fouke vist le roy, assez bien le conust, e gitta la fourche de sa meyn , e salua son seignour, e se mist à genoyls devant ly molt humblement. Le roy e ces trois chevalers aveyent grant ryseye e jeu de la noreture e de la porture4 le charboner; esturent ileqe bien longement. (.( Daun vyleyn , fet le roy, avez veu nul cerf ou bisse passer par ycj^ — Oyl , mon seignour,

I. Peut-être un gourdin, une trique, un tribiau, comme on dit en Picardie, plutôt un instrument de charbonnage qu'il n'est pas facile de déterminer. — 2. Pour du sien, pour son argent. — 3. Ses pièces de bois. — 4. Contenance.

96 Histoire

pieça. — Quele beste veitez-vus? — Sire, mon seignur, une cornuée ' ; si avoit longe corns. Où est-ele ? — Sire , mon seignur, je vus say molt bien mener là où je la vy. » « Ore avant , daun vyleyn ! e nus vus siweroms. — Sire , fet le charboner, prendroy-je ma forche en mayn ? quar, si ele fust prise , je en averoy grant perte. — Oyl, vyleyn, si vus volez. » Fouke prist la grosse fourche de fer en sa meyn , si amoyne le roy pur archer ; quaryl avoit un molt bel arke. « Sire , mon seignur, fet Fouke , vus plest-il attendre , e je irroy en l'espesse e fray la beste venir cest [chemyn par ycy .? — Oil », ce dit le roy. Fouke hastyvement sayly en la espesse de la forest, e comanda sa meyné hastivement pren^ dre le roy Johan : « Quar je l'ay amenée sa, solement ou treis chevalers ; e tote sa meysné est de l'autre part la foreste. » Fouke e sa meyné saylyrent hors de la espesse , e escrierent le roy, e le pristrent meintenant. « Sire roy, fet Fouke , ore je vus ay en mon bandon^; tel jugement froi-je de vus come vus vodrez de moy si vus me ussez pris. » Le roy trembla de pour, quar il avoit grant doute de Fouke. Fouke jura qu'il morreit pur le grant damage e la desheritesoun qu'il avoit let à ly e à meint prodhome d'Engleterre. Le roy ly cria mercy, e ly pria, pur amour Dieu, la vie; e yl ly rendreyt enterement tou son héritage e quanqu'il aveit tolet3 de ly e de tous les suens, e ly grantereit amour e pées pur tous jours , e à ce ly freit en totes choses tiele seureté come yl

I. Une bête cornue. — 2. En mon pouvoir, à ma discrétion. — 3. Pris, enlevé; l'étymologie est /oZ/erc.

DE FOULCLUES FiTZ WARIN. 97

meysmes voleit devyser. Fouke ly granta bien lote sa demande, à tieles qu'il ly donast, veantz ces chevalers , la foy de tenyr cest covenant. Le roy ly plevy sa fey qu'il ly tendroit covenant , e tust molt lée que issi poeit eschaper.

E revynt à soun paleis , e fist fere assembler ces chevalers e sa meisné, e lur counta de mot en autre coment sire Fouke le avoit desçu ; e dit que par force fist cel serement, pur quoy qu'il ne le velt tenyr; e comaunda que tous se armassent hastivement à prendre ces félons en le parke Atant pria sire James de Normandie ' , que fust cosyn le roy , qu'il poeit aver l'avaunt-garde ; e dit qe les Engleis , à poy tous les grantz , sunt cosyns à sire Fouke , e pur ce sunt treitours al roy, e ces félons ne vueillent prendre. » Donqe dit Rondulf le counte de Cestre^ : u Par foy, sire chevaler ! sauve le honour nostre seigneur le roy, noun pas vostre, vus y mentez. )> E ly vodra aver féru del poyn , si le counte mareschal 5 ne ust esté ; e dit qu'il ne sount ne unque furent treitours à le roy ne à suens, mes bien dit que tous les grantz e le rey meismes est cosyn al dit Fouke. Dont dit le counte mareschal : u Aloms pursyvre sire Fouke ; donqe verra le roy qui se feyndra pur la cosynage. » Sire James de Normandye e ces xv. compaignouns chevalers se armèrent molt richement e tôt de blaunche armure, e furent tous noblement mountez de blancz