Pour moi le plaisir, pour vous ma reconnoissance

5. Il faut comprendre ici tourment dans le sens d'eloignement, séparation, tourment d'être éloigné d'avec celle qu'il aime.

DE TrOÏLUS. 179

tion l'amoureuse flamme en faisant à la nuit bonne part de ses pensemens. Et le jour faisoit armes sur touz autres quant Troyens sailloient de hors.

Tant passèrent de jours l'un après l'autre que le temps désiré des amans vint. Lors Brisaïda si fist appeler Pandaro , et lui monstra tout ce qui lui failloit à monstrer. Mais Pandaro fut dolent, pour ce que d'avanture le jour d'avant Troylus estoit allé ung peu dehors pour aucunes grans besoignes bien e.xpresses tochant le fait de la guerre , combien qu'il devoit tantost retourner; si le dist à Brisaïda , dont elle ne fut pas contente, combien que elle n'en feist semblant. Mais non obstant Pandaro, comme amy cordial, si envoya tantost un messagier, lequel sans se arrester tant picqua de l'esperon qu'il arriva devers Troylus, lequel, incontinent qu'il eut veu ce que Pandaro luy escripvoit , se mist prestement et joyeusement à cheminer pour s'en retourner. Et lui retourné, de Pandaro sceut ce qu'il avoit à faire , lequel ' attendoit la nuit moult impacientement, pource qu'il luisembloit que elle s'en fouist d'avant luy. Et puis quant l'eure vint, tout celéement avecques Pandaro print son chemin pour aller où Brisaïda estoit, laquelle estoit toute seullette, et pour cel'attendoit. L'air estoit obscur et plein de nues ainsi que Troylus vouloit, lequel alloit joyeusement, escoutant, de la grant doubte qu'il avoit de trouver aucun destourbement, fust grant ou petit, qui fist empeschement à son amoureux désir, laquelle chose lui eust esté ung nouveau tourment. Mais Fortune

i8o Roman

ne lui vouloit tant de mal faire ; car secrètement entra dedens l'ostel sans estre veu ne senty • de personne du monde. Et en certain lieu obscur, descongnu de gens, attendoit sadamme; ainsi lui avoit esté ordonné. Et ne lui fut pas l'attendue desplaisant ne fort ennuyeuse, ne ne lui challoit gaires qu'il fust en lieu obscur où il ne véoit goûte, mais trescontent et asseuré à lui mesmes disoit : « Ma tresdoulce et gracieuse damme viendra maintenant, et auray plus de plaisir que si je estoye seigneur de tout le monde, n

Brisaïda l'avoit bien senty venir, et affm qu'il congnust qu'elle le savoit bien, elle toussit une foiz ou deux, et pour ce que ^ estre là ne luy ennuyast, souventesfoiz parloit assez hault, et avançoit ? chacun qu'il s'en allast dormir en disant qu'elle avoit si grant sommeil qu'elle ne se povoit soustenir. Après ce que ung chacun se fut allé couscher et Posîel fut demouré vuyde , il tardoit à Brisaïda d'aller où s'estoit mis secrètement Troylus, lequel, comme il la sentit venir, si se dressa en piez et avecques une chière joyeuse lui alla à l'encontre tout lyement, en l'attendant 4 prest et appareillé de lui obéir comme serviteur doit faire à sa damme et maistresse. La belle tenoit ung flambeau ardent en sa main et toute seulle descendit l'eschelle et vit Troylus qui l'attendoit, lequel elle salua; puis lui dist comme bien faire le sceut :

<c Si j'ay offendu voustre noble seigneurie de la faire attendre en si obscur lieu , je vous pry,

1. Connu, aperçu. — 2. Afin que. — j. Hàtoit, pressoit. — 4. Car il l'attendoit, il l'avoit attendu.

DE TroÏlus. i8i

mon seul désir, qu'il vous plaise le me pardonner. »

A qui Troylus dist :

u Ma seulle dame, ma seulle espérance el le bien de ma pensée , tousjours ay eu d'avant mes yeulx l'estoille de voustre beau visage resplendissant qui m'a esclairé, et ay plus de plaisir et de joye en cest petit lieu que je n'eu oncques en la meilleur chambre que j'aye au palais ; ne n'est besoin d'en demander pardon. » Puisl'embraça ' et baisa doulcement, ne de ce lieu ne se partirent que mille foiz ne s'entre acolassent, Dieu scet en quelle joie , plaisir et embracement de cueur; et autant de foiz ou plus s'entrebaisèrent , comme ceulx qui ardoient de feu pareil et qui loyaulment se entre amoient à qui mieulx mieulx. Mais comme il eust recuiily sa joye 2, ilz montèrent l'eschelle et s'en entrèrent en la chambre. Longue chose seroit à raconter la feste et impossible à dire le plaisir qu'ilz prindrent ensemble puis qu'ilz furent en la chambre. Ung pou après , touz deux d'un accord s'en allèrent mettre ou lit. Mais la belle ne despoilla sa chemise et à TroÏlus dist en jouant :

(( Mon amy, vous savez bien , les nouvelles mariées sont honteuses la première nuit. »

A qui Troylus dist :

u Je vous pry, la joye de mon cueur, que vous

I. Embrasser indique l'étreinte des bras; accoler, l'étreinte des bras autour du col; baiser, l'approche des lèvres. — 2 .Quand il eut satisfait son désir joyeux d'accoler et de baiser, quand il eut satisfait cette première joie, il songea à son bonheur. Les autres manuscrits donnent : quant leur recueil (leur premier accueil, réception, etc.) fut fait.

i82 Roman

aye toute nue entre mes bras , car c'est la chose ou monde que plus je désire. »

Et alors lui dist :

« Et veez cy', mon amy, pour l'amour de vous. »

Si se despouilla sa chemise et se alla gitter entre ses braz, lequel doulcement la recuillit, et l'un l'autre baisant et acollant avecques grant ferveur sentirent le derrenier et parfait bien d'amours.

Doulce nuit tant désirée , quelle joye et quel plaisir donnastes vous à ses deux amans ! Si la science que oncques eurent les poèthes m'estoit donnée , si ne sauroit par moy estre desinée ^ ne decîairée la grant contentesse et plaisir que avoientlesdeuxamans,nela grant doulceurqu'ilz sentirent. Et toute celle nuit ne yssirent des bras l'un de l'autre , mais incessamment s'entre accolloient et baisoient , et encore doubtoient ilz qu'ilz ne fussent l'un à l'autre , ou qu'il ne fust pas vroy qu'ilz se teinssent embracez comme ilz faisoient , et que ce fust songe. Et souventes foiz s'entre demandoient : « Est il vroy que vous tiens ycy entre mes bras, ou si c'est songe ? » Puis s'entre disoient : « Ma seulle amour, se peut il faire que ce soit vous que je tiens ycy entre mes braz? dittes le moy, que Dieu vous aist ! » Et souvent s'entre respondoient et s'entre disoient de telles gracieuses parolles. Et tousjours s'entre acolloient estroit de plus fort en plus fort. Troïlus souventes foiz baisoit les beaulx

1. Voici que je vous obéis. — 2. Dessinée, ou désignée, ou expliquée.

yeulx amoureux de sa damme , disant : « Vous fustes ceulx qui me gistastes le dart d'amours ardant dont je suis tout embrasé ; vous me preistes et je ne m 'en allay point cutant ' devant vous, comme ont acoustumé de faire ceulx qui s'en fuient de paour de l'estre-; vous me tenez et tousjours me tiendrez , mes beaulx doulx yeulx, en voz laz amoureux. »

Puis la baisoit et rebaisoit encore. Et Brisaïda pareillement lui baisoit le visage et la poittrine ; et ung chascun baiser amenoit ungsouppiravecques lui, non pas de ses dolens souppirs qui font le visage pallir , mais de ses doulx et gracieulx par qui se demonstre l'affection grande et amoureuse qui dedens le cueur agist et qui le plaisir renouvelle. Mais que peuvent pencer ses dolens avaricieux qui vont amours blasmant , et se moquent de ceulx qui ne mettent tout leur cueur et entendement à assembler argent comme ilz font ^ Or^ regardez s'ilz le doivent bien tenir chier, que 5 tout l'argent qu'ilz pourront avoir ne leur sauroit faire le plaisir que nous font noz amours en ung seul point , à ceulx 4 à qui l'avanture est donnée. Hz diront bien que ilz auront plus de plaisir, mais ilz mentent par la gorge, car cette doleureuse amour passe en riant, et 5 l'enfermeront dedens leurs escrins et ne la verront en ung an que une foiz. Véez là le plaisir qu'ilz en ont, quelle est leur vie; que Dieu les face doloreux et meschans, et aux gentilz amans leur doint ce qu'ilz désirent ! Rasseurez que furent

I. Me cachant. — 2. Pris. — 3. Eux à qui. — 4. D'entre nous. — j. Et eux leur amour , leur plaisir, ils...

les deux amans ensemble , ilz commencèrent à deviser, et l'un et l'autre comptoient toutes les angoisses et doleurs passées , et en parlant ainsy souvent rompoient leurs parolles par force de baisez, et bannissoient d'avecques eulx tout ennuy et desplaisir et rappeloient joie et plaisir. Ne jamais celle nuyt ne firent aucun pensement de dormir, et n'avoient autre doubte sinon que la nuyt leur faillist , car de bien veiller avoient ilz bonne volenté. Ne l'un ne se povoit saouler de l'autre, combien qu'ilz feissent et deissenttout ce que au cas appartenoiî , et en façon et en manière que l'un fut si content de l'autre que plus dire ne se pourroit.

Mais puis que le jour se approucha et que le aube commançoit à venir, les coqs commencèrent à chanter, et tantost les ouirent, pourquoy se recommancèrent à embracer aussi hardement ou plus qu^ilz n'avoient encores fait, en leur douleur et dur département qui se approuchoit , en sentant chacun d'eulx tout ung nouveau martire qu'ils n'avoient accoustumé',plus grant^que jamais d'amours espris. Et incontinent que Brisaida eut entendu les coqs des chans , dolente et mal contente dist : « Helasl ma doulce amour, or est venue l'eure qu'il nous fault lever, si bien nous voulons celer ; mais encores vous vieulx je ung peu acoller avant que vous levez , affm que je sente moins de douleur à la départie. Or embrassez moi , m'amour, mon bien et mon espérance. »

1. De souffrir, — 2. Etant plus grandement , plus fort que jamais.

DE Troïlus. i8$

Troïlus Tembraça, et pou s'en faillit qu'il ne plourast ; en l'estraignant entre ses braz , fort la Daisoit en mauldissant le jour qui si tost venoit, pour quoy il leur failloit départir. Puis lui commança à dire :

u Ce département me grève sur toutes les choses du monde ; comment pourray je partir d'avecques vous , car je n'ay en ce monde autre bien que celui qui de vous vient ? Je ne sçay comment je ne meurs tant seulement en pensant que contre mon vouloir m'en fault aller; et desjà ne prise rien ma vie ne ne crains rien la mort. Helas ! encores ne sçay je quant je pourray retourner, a! Fortune, pourquoy m'esloignez vous de cest plaisir que je ame et prise sur touz aultres ! Pourquoy me ostezvous mon esbatement et mon confort ! Mais que savez si dès le premier pas que je feray au partir de céans, désir me contraigne si fort qu'il m'en faille retourner! Helas! maleureux que je suis, pourquoy me fault il si esloigner? O jour cruel, quant sera obscure voustre clarté, que je puisse veoir l'eurequeycy je retournerai! Certes ne sçay quant ne comment, n

Puis baisoit et rebaisoit Brisaïda et lui arrousoit son beau visage froys de larmes en lui disant : (( Si pensoie, ma seulle dame, que en voustre pensée je fusse comme en la mienne vous tient continuellement, je l'aurois plus chier que d'estre roy de Troye , et de ce partenient que me fault faire seroie patient , combien que soit du tout contre mon cœur ; mais je auroie espérance de retourner en temps et lieu et de estaindre noustre flamme comme à présent nous faisons. »

ï86 Roman

Brisaïda, tousjours le tenant acollé estroittement entre ses bras, luy respondit :

(( Mon bien, mon amy, j'ay autres foiz ouy dire, si bien m'en souvient, quant amours et cueur avaricieux pevent prendre aucune chose, ilz la tiennent fort et serrée et bien estroit ; et ceulx qui conseillent la lesser aler perdent bien leur temps; et en moy est ceste amour doublée en telle manière pour vous , mon chier bien, que si je vouloie maintenant retourner ainsi que je estoye premièrement, ne cuidez point que je le peusse faire. Vous me estes tousjours et de soir et de matin enclos et fermé en ma pencée ; et si cuidoie ainsi estre en la voustre, je me liendrois plus heureuse que dire ne sauroie ; pour tant soyez tout seur de mon amour, la quelle, par mon ame , par autre oncques ne sceu que ce fust '. Et si vous desirez ainsi hardement de retourner, je le désire autant ou plus d'assez, et si tost que verray heure licite à ce faire, je le vous feray savoir, et seurement vous en attendez à moy. O cueur de mon corps, à vous me recommande. ))

Et ce dit , elle le laissa en soupirant moult tendrement. Tro'ilus se leva contre son plaisir depuis qu'il l'eut 2 derechef acollée plus de cent foiz; mais toutes voies, congnoissant ce que faire lui failloit, sehabilla plus diligentement qu'il peut, et après plusieurs parolles disoit :

« Je foys voustre voulunté et m'en vois , et

I . En parlant de cet amour qu'elle éprouve pour la première fois; le françois est plus délicat que l'italien. Boccace dit seulement : que je n'ai jamais éprouvée plus forte pour personne. — 2. Après l'avoir.

faittes que vos promesses me soient tenues. Et à Dieu, ma joye; ayez pour recommandé mon pauvre cueur, lequel je vous laisse. »

Elle cuida respondre, mais elle ne put, pour ce que la voiz lui failloit, de la grant destresse que elle sentoit pour leur département ; puis Troïlus tout doulcement s'en commança à aller aux pallaiz, et sceut bien que amours lui cuisoient beaucoup plus qu'ilz ne faisoient par avant , tant a trouvé de bien en Brisaida, de sens, de savoir encores plus que nul ne pensoit.

Comme Troilus au palais fut retourné, celéement s'en entra en sa chambre , puis se coucha en son lit, et se mist à son aise, au mieulx qu'il peut, pour essayer à dormir s'il pourroit. Mais oncques sommeil ne lui peut venir, pource que les pensemens nouveaux l'en gardoient en lui souvenant du plaisir qu'il avoit laissé et en pensant , à lui mesmes , que trop plus valoit Brisaida que cueur de homme ne sauroit penser; regardant ses manières dedens son pensement et comme elle savoit sagement deviser. Et si lui alloit souvenant de ses doulces et gracieuses parolles ; et l'amour d'elle encore alloit sentant trop plus qu'il ne pensoit. Et avecques ses pensemens tousjours se alumoit son amour en son cueur sans qu'il se advisast. Brisaida faisoit le semblable de Troïlus , parlant en son cueur et à elle mesmes joyeuse de tel amy avoir, grâce infinie en rendant à amours. Et bien lui semble que bien aura mil ans avant qu'elle puisse retourner à avoir celui que tant elle ame, et que elle le tiengne entre ses bras et baise ainsi que elle avoit fait la nuit passée.

i88 Roman

Le matin, quant Pandaro fut levé, il s^en alla en la chambre de Troïlus et le salua. Troïlus lui rent gracieusement son salut , et avecques ung grand désir ■ lui gitta les bras au coul en lui disant :

K Pandaro , mon amy , vous soyez le bien venu. Vous m'avez gitté d'Enfer et mis en Paradis, ou mourir puisse je si je vous en mens. »

Puis par grant amour le baisa ou front en lui parlant :

<( Si je mourroie pour vous mille foiz, je ne porroie jamais vous deservir la centième partie du plaisir que vous m'avez fait ; vous avez tourné en joie mon aspre plaint. »

Et de rechef lui baisa la joue, puis ung pou après haussa sa voiz en disant :

« 0 mon doulx bien , que ^ tant contant me faittes , quant sera ce que plus je vous tiengne ! Le souleil qui tout le monde voit ne sauroit veoir plus belle damme , ne si plaisante, et si mes paroles meritoient de estre creues , si bien acoustumée ne si douice comme elle est , parla quelle bonne mercy ^ je me tiens le plus eureux du monde. Loué en soit Amours qui me fistsien, et semblablementvoustre hault service, dont ne m'avez pas donné petite chose; mais m'avez donné ma vie à tousjours mais, laquelle vous est obligée ; laquelle vous la trouverez preste et apparaillée à vous obéir à toujours mais. Et si m'avez de mort amère amené en gracieuseté et plaisance. )•)

I, Sans doute un mouvement qui indiquoit un grand désir de le voir. — 2. Vous, Brisaïda, qui... — J. Par la bienveillance et pitié de laquelle.

Puisseteut, etPandaro joyeulx et contentdece qu'il ouit, en ceste manière luy respondit :

<( Si j'ay, beau doulx amy, fait chose qui ainsi vous soit chère, jesuislrescontent et surtouz aultres joyeulx ; mais tant plus que jamais ayez regard à mettre frein à voustre voulunté amoureuse; et puis soyez sage, que ', là oii par joye ou par plaisir voustre tourment est débouté, chassé hors, par trop parler vous ne retournez en souspirs et en pleurs 2.

— Et je le feray, de ce ne vous en doubtez », respond Troylus à son chier amy.

Puis ainsi lui compte ses gracieux accidens avecques feste et déduit.

« Bien vous dy que jamais ne me trouveray prins dedens les raiz d'amours comme je suis à ceste heure et trop plus que je ne souloye. Maintenant suis je le feu que j'ay tiré des yeulx et du visage de Brisaïda ; je ars et brûle plus que jamais. Mais ce feu que je sens est tout nouveau et d'autre qualité que n'estoit le premier ?, et le feu tousjours me resjouist dedens le cuer, pensant4 en la beauté laquelle en est occasion. C'est bien vroy que ma voulunté est plus ardante que elle n'a accoustumé, de retourner entre les beaulx bras amoureux, et de baiser ce doulx et délié visage. »

Saouller ne se povoit le jeune seigneur de compter à Pandaro le bien et le plaisir qu'il avoit

I. De sorte que, de crainte que. — 2. On comprend la tournure de la phrase : de crainte que vous ne retourniez par trop parler là d'où votre tourment a été chassé. — 3. Celui dont je brûlois avant de posséder Brisaïda. — 4. De moi pensant, etc.

190 Roman

senty et le confort qu'il avoit eu de ses paines et la grant amour parfaitte qu'il portoit à Brisaïda , à laquelle seulle avoit mis son espérance et son désir, et mis pour elle toutes autres choses en oubly.

Dedens pou de temps la gracieuse et doulce fortune de Troilus trouva lieu à ses amours , lequel , puis que la nuit fut du tout obscurcie et que le jour eut perdue sa clarté, tout seul s'en saillit hors du pallais et se mist par le chemin acoustumé, lequel se adreçoit où son chemin estoit ' , et celéement et tout en paiz s'en entra ou lieu oi!i avoit l'autre foiz esté , et là secrètement se tint. Tout ainsi comme Brisaïda vint à l'autre foiz, tout ainsy fist à celle fois, et la première façon de faire tint tout entièrement. Et puis que entr'eulx fut fait le recueil doulcement et gracieusement comme à ce faire convient , à grant liesse se prindrent les mains et s'en entrèrent ensemble en la chambre, et sans aucun empeschement se alèrent couscher. Comme Brisaïda eut Troylus entre ses bras , trop plus que contente commença à dire :

« Où est celle qui fut oncques ou pourroit estre qui peust sentir le bien que je sens à ceste heure! Mais qui se tiendroit de mourir tout incontinent, si autre chose faire ne povoit, pour avoir tant seulement ung pou de si grant plaisir ! »

Puis recommançoit à dire :

(( Ma doulce amour, je ne sauroie dire , ne ne pourroie, la grant doulceur ne l'ardeur ne le grant