I. Le serra contre sa poitrine

DE TrOILUS. 211

se entre povoient dire ung seul mot l'ung à l'autre. Mais puisque Troilus eut prins alaine, premièrement encommença ù dire :

u 0 Pandaro ' je suis mort ! Ma vie est tournée en paine et en misère, et P'ortune a mué en esmoy mon doulx confort , et avecques luy mon esbat et ma liesse. Avez encores senty comment les Grieulx me ostent ma doulce amour Brisaida ? »

Pandaro, lequel ne plouroit pas moins fort que lui , respondit :

<( Ouy; que ores ne fust il pas vray comme je l'ay bien sceu ' ! Et je ne cuidoye pas que ce temps si doulx et si gracieux nous faillist, et ne cuidoye point que autre que la mort vous peust départir; mais je congnois que mes pensemensmeont failly. Mais pourquoy en avez vous telle angoesse, telle douleur et tel tourment , car ce que vous en avez désiré et ce que vous avez voulu , vous l'avez eu.'* Vous devriez decelaestre content. Laissez faire à moy ses pleurs et ses plains et ses lamentacions,qui tousjours ayesté amoureux, et oncques n'ay peu avoir ung seul regard de damme. Et oultre, vous véez que toute ceste cité est plaine de belles gracieuses dames; et je vous jure, sur l'amour et loyaulté que je vous porte, n'y en a nulle, tant soit fière et entière, que si elle voit et congnoist que vous soyez d'elle amoureux, et* que elle n'ait mercyde vous. Et me laissez faire,

I . Nous croyons qu'il faut analyser la phrase ainsi : plût à Dieu que cela ne fût pas vrai aussi bien comme il est vrai que je l'ai su, que la nouvelle fût aussi fausse qu'il est vrai qu'on me l'a apprise. On peut comprendre encore : mais j'ai bien su que cela étoit. — 2. Aussi, qui n'ait aussi merci de

212 Roman

car je en veulx avoir la paine; et si ceste ycy nous perdons, nous en recouvrerons de autres; et comme maintesfoiz ay ouy dire : la nouvelle amour chasse la vielle, le nouveau plaisir que vous aurez chacera ce présent martire que vous sentez, si vous faictes ce que je dis. Doncques, ne vueillez point pour ceste ycy mourir, ne en estre ennemy mortel de vous mesmes. Croyez vous, par force de pleurs, la ravoir ou la retenir, ou garder que elle ne s'en aille ? »

Quant Troïlus ouit ce que Pandaro lui disoit, commança plus fort à plourer que encores n'avoit fait , en lui disant après :

<c Je pry à Dieu qu'il me envoie la mort avant que je commence une telle faulceté. Combien que les autres soient belles , gentes et gracieuses , et je le vous confesse , mais oncques n'en fut une telle que ceste cy à qui je me suis donné et de qui je suis entièrement enflammé De ses beaulx yeulx saillirent les fîammètes qui enflammèrent mesyeulx d'amour ardante, lesquelles à milliers passoient par moy si souvent que amours les assembloit dedens mon cueur , et y en entra tant que ung feu s'en alluma, duquel la grant challeur estoit occasion de tout mon bien , honneur et plaisir. Et si bien vouloye le feu estaindre , ce que je ne vieulx pas , si ne pourroys je , tant est ardant et enflammé Et s'il estoit encores plus, si ne m'en plains je point, mais que tant seulement Brisaïda me demourast; de laquelle le département est si angoesseux à mon pouvre

vous, c'est-à dire : de même que vous serez amoureux d'elle elle sera aussi amoureuse de vous.

cueur, de la grant ardeur que je luy porte, que à toute heure se pasme. VA n'en desplaise à autre, car je n'en congnois nulle qui en faczon du monde se puisse apparager à elle. Comment doncqucs porroye je jamais tourner aucunement à avoir mon désir à autre dame ? J'ay assez à soustenir d'angoesses et de tourmens dedans mon cueur, mais trop plus encore jusques aux derreniers douleurs en recevroie avant que mon courage me changeast et que je meisse mon amour en autre dame. Jù Dieu ne le vueille! Ne autre que la mort et le tombeau n'auroye paour de voir destruire la ferme et loyalle am.our de moy, pour quelque chose qu'il m'en doyve avenir, et mon amc emmainera ceste amour en l'autre monde avecques elle, et là, ensemble pleureront la belle Brisaïda , de laquelle tousjours seray vray serviteur, quelque part que je soye , se par mourir amour ne se oublie. Donques, Pandaro,je vous pry que plus ne me parlez de ceste matère , que jamais autre dame puisse avoir en mon cueur entrée, quelque beauté qu'elle peust avoir. Car je tiens Brisaïda comme certaine enseigne de mes plaisirs , combien que à présent j'ay ma pensée plaine d'angoisse, de douleurs, de tout mal, pour son parlement, lequel de noustre party a esté conclud. Mais ce que vous dittes n'est que en devisant; car que vous voulsissez maintenir par raison que ce n'est pas si grant doleur de perdre sa dame et sa mye depuis que on en a jouy comme ce seroit par avant, c'est folie toute clère. Car soyez seur, Pandaro, que depuis que ung serviteur a esté si bien euré d'avoir eu la grâce de sa dame et le plaisir jusques à là, et

214 Roman

puis par quelque malle aventure la pert, celle doleur trespasse toutes les autres , quelque chose que on die au contraire. Mais dittes moy, si de mon amour vous chault, puisqu'elle vous semble ainsi légère que vous me conseillez de la changier, ainsi que font les coqs à chacun bout de champ, vous' 'à qui amours ont esté si cruel'es que oncques vous n'y eustes ne bien ne joye , fors que ennuy et tourment, pourquoy n'avez vous autre dame choisie qui eut donné aucun reconfort à voustre povre cueurPSi voustre dame vous a fait vivre jusques cyen tourmentd'amours, ne l'avez sceu ne peu à une aultre changier ; moy qui ay vesqui avec la mienne en joye et en plaisir, comment la pourroy je ainsi changier, chasser et bannir de mon cueur, ne à quel raison ne pourquoy ? Or, à l'eure que je le penseray me puisse prendre telle angoesse par tous mes membres que je chée tout mort à terre. Certes, je suis bien pris en autre manière que voustre bouche ne devise.

(( Croyez, Pandaro, que quant Amour se prent avecques souverain plaisir dedens le cueur de quelq'un , jamais ne se peut chacer , mais bien peut cheoir en procès de temps 2, si mort ou pouvreté, ou jamais ne veoir ce que on ame en sont occasion, comme il advient souvent à mainte personne. Que feray je donc, maleureux et mal avantureuxque je suis, si je pers Brisaïda, en telle ma-

I. Dites-moi, je vous en prie , au nom de l'intérêt que vous me portez, pourquoi, vous qui croyez l'amour une chose si légère et qui avez été maltraité par votre dame, n'en avez-vous pas changé ? — 2. Par la procession, par la marche du temps.

DE TrOÏLUS. 215

nière comme desjà l'ay perdue pour ce que on a changé Antenor pour elle! Helas? trop mieulx me eust valu que la mort me fust venue prendre, ou que jamais je n'eusse esté ! Et que feray je, que ' mon cueur se desespère? Mort, vien à moy, car je te demande ! Pour Dieu! vien tost, ne me laisse plus languir en amant! Mort, vien, tu me seras soufve comme est sa vie à qui joyeusement la mayne. Ton horrible visage ne m'espovente point; dont vien tost et mect fm à mes paines. Las! ne tarde plus, car ce feu m'a desja embrazé toutes les vaines de mon corps. Je ne demande si non ton coup pour me alléger de tous mes maux. Tue moy, pour Dieu; ne vueilles consentir que je vive tant en cest monde cy! Que je voys 2 partir mon cueur hors du corps! Je te prie , pour Dieu ! Mort, que tu ce faces , que assez plus me fera de douleur cela 3 que la mort. Contente en ceste partie ycy mon désir ; tu en tues tant contre leur volenté que tu peuz bien faire ce cy à ma requeste ! »

Ainsi se plaignoit Troïlus, et Pandaro ainsi semblablement. Mais, neantmoins, souvent le confortoit au mieulx qu'il povoit et le plus piteusement ; mais tel confort ne luy aidoit gaires , car continuellement croissoient ses douleurs et plains et son tourment , tant estoit du cas avenu de Brisaida désespéré et mal content; à qui Pandaro dist :

« Amy chier, si mes argumens ne vous plaisent et le département de ceste cy vous est si des-

I . Quand . — 2 . Que je voie. — 5; . Car cette absence de mon cœur m'est plus douloureuse que la mort.

2î6 Roman

plaisant, pour quoy ne remédiez vous en ce que bonnement vous pourriez à voustre dolente vie ' ? Allez, et la prenez. Paris alla bien en Grèce, et ramena la belle Helaine, fleur de toutes les aultres dames; et vous, en la ville de Troye , laquelle est au roy voustre père , n'avez vous hardement de prendre une damme qui tant vous plaist? Vous le ferez si vous m'en croyez. Chassez dehors celle doleur; chassez celle angoesse et ses plainctes ; ressuiez voustre visaige et ostez ces tristes pleurs , et voustre ^ grant couraige se demonstre maintenant en façon que Brisaïda soit voustre et qu'elle vous demoure. » Lors Troïlus à Pandaro respondy : « Je voy et cognois bien , mon amy, que vous mettez tout voustre engin et entendement pour me povoir hoster hors de ceste paine et travail, et ay bien pensé ce que vous me dittes, etencores ay mises plusieurs autres choses, combien que je pleure et du tout me abandonne à douleur, laquelle avance et passe toute ma puissance. Si angoesseuse î, ma fervante amour ne m'a point destourbé que je n'aye prins aucun conseil en moy mesmes, comme je devoye; mes me suis pensé et considéré que le temps de présent ne requiert point à faire telle erreur. Car si noz barons et autres gens prisonniers qu'ilz tiengnent fussent en ceste ville , et je fusse dehors, si ne m'en chaudroit de leur rompre la promesse , et , quelque chose qu'il en deust avenir, je le feroye.

I. En faisant ce que vous pourrez pour sauver votre vie. 2. Et que votre. — 3. Ainsi angoisseuse, si angoisseuse qu'elle soit.

DE ÏROiLUS. 217

Puis je crains de troubler son honneur et sa bonne renommée, quant ainsy je la prendroye, ne ne sçay pas bien si elle en seroit contente, combien que je suis certain que elle me ayme tant que plus ne peut ; et ainsi mon cueur ne scet quel party prendre. Car, d'un costé, il art etbruUe, et d'autre part il craint à desplaire à ceste cy ; pource que ' point il ne luy plairoit , je ne la vouldroye point retenir. P^ncore m'estoije pensé à la demander par grâce à mon père que il la me donnast. Puis je cognois que autant seroit comme l'accuser et faire noustre fait publique. Ne ne cuide point qu'il la me deust donner, tant pour ne rompre point les promesses qu'il a faittes, comme aussy pource qu'il ne diroit point que ceste dame cy n'est point de si hault lieu comme je suis, et qu'il m'en vouldroit donner une du sang roial. »

Ainsy plourant en amoureuse doubtance se demouroit en disant : « Las! je ne sçay comment faire, que ceste ardeur d'amour tousjours me croist et je m'en sens afoiblir, car de tous costez s'enfuit mon espérance, et les occasions de mon tourment croissent. Or fusse je mort le jour que ce désir me entra ou cueur! »

Pandaro dist à l'eure : u Vous ferez comme il vous plaira; mais si j'estoie aussy enflamé comme vous monstrez à voustre semblant estre , combien que ceste chose cy soit bien pesante et griefve , aiant la puissance telle comme vous avez , si par force ne m'estoit deffendue , je feroie mon povoir de la emmener, et despleust à

i . Si point il ne lui plaisoit.

2i8 Roman

qui il vouldroit '. Amours ne regarde pas si subtilement comme il me semble que vous faittes. Quant l'amoureuse pensée est bien acertes picquée et contraintte , laquelle si 2 aucunement vous nuyst ou empesche par force de aspre desir, suivez vertueusement son vouloir, et vous opposez à ce cruel tourment , et vueillez avant estre ung peu reprins que ? avecques martire morir en tristes plains. Vous n'avez pas à prandre une dame encontre sa voulenté , car ceste cy est telle que elle sera contente de ce que vous ferez ; et si on vous vouloit donner blasme ou reprehension , au pir ne pourriez vous venir que de la rendre. La fortune ayde aux hardiz et entrepreneurs et déboute les couars. Et si d'aventure ceste chose cy luy desplaisoit, elle s'en rapaiseroit bien ligièrement; combien que je ne croy point que elle s'en courroussast en façon du monde , veu le grant amor que elle voiis porte. Et en tant que sa bonne renommée appetisseroit4,àvous dire vray,il m'en desplairoit ; mais, au fort, elle s'en passera comme fist Hélène ; si faittes tant seulement que voustre désir soit accomply. Prenez doncques couraige etsoiez vertueux ; ne vous chault ne de foy ne de promesse ; monstrez maintenant voustre couraige et aiez mercy de vous mesmes. Je seray avecques vous en quelque péril que vous mettez, tant que la personne m.e durera ; et les Dieux qui veoient voustre martire seront à voustre aide. )>

I. Quelque personne à qui cela pût déplaire. — 2. Si alors elle vous tourmente par quelque obstacle... — j. Et veuillez , préférez estre blâmé avant que, plutôt que d'estre, etc. — 4 Et si cela devoit diminuer sa bonne renommée...

DE TrOÏLUS. 219

Troilus entendit bien tout ce que Pandaro lui dist et respond : « Je suis content; mais si les fiâmes m'estoient ou cueur mil foiz plus alumées qu'ilz ne sont et mon tourment fust deux foiz plus grant qu'il n'est , et je peusse avoir ma gracieuse dame sans aucun contredit, si ne le feroi je pas quant je sauroye que elle auroit une seulle contentesse malle. Mais plus tost vouldroye mourir. Et pour tant, avant que aultre chose face, je vueil savoir de sa voulenté.

— Doncques ostons nous d'icy et n'y soyons plus. Lavez vostre visaigeet retournez à court, et vous efforcez de rire et faire bonne chiere, pour cuter ' ceste doleur, car encor ne se sont les gens de riens apperceu. Et quant nous demourrions ycy, chacun qui le sauroit s'en merveilleroit. Or taittes par manière que vous saichez celer voustre couraige, et je feray en façon que vous parlerez ce soir avecques ma cousine. »

La treslegière et courante renommée, laquelle tost rapporte et mençonge et vérité , estoit prestement voilée par toute Troye et disoit comment l'ambaxade des Grecz estoit venue pour requérir Brisaïda et bailler Anthenor en lieu d'elle , et comment Pryame le roy et les seigneurs troyans le avoient consenty : laquelle nouvelle comme Brisaïda ouyt, qui desja avoit oblyée tout le dueil de son père , dist en elle mesmes : u Helas ! triste cueur, que feras tu ? » Et se commença fort à merencollier, comme celle qui avoit tout 5on cueur à Troïlus , lequel sur tous autres amoit, et ne se osoit enquérir plus avant de ce