I. Langueurs

224 Roman

me semble trouver par touz lieux. Que feray je? Je croy que du ciel n'a pieu huy autre chose que lermes, tant sont noz affaires contraires. 0 ma desollée cousine, que vouliez vous faire ? Vouliez vous combattre contre la destinée? Pour quoy gastez vous ainsi voustre belle personne avecques pleurs si cruels et desmesurez ? Levez vous sus et parlez à moy ; haussez ce beau visage et essuyez voz yeulx, car je viens ycy à vous de par voustre doulx et loyal amy. »

Lors se tourna Brisaida. Lors faisant ungs pleurs tielx que dire ne se porroit, et en regardant Pandaro, disoit :

<( O mal fortunée que je suis ! Que me vieult mon cueur et mon amy, lequel il me convient habandonner en plorant; ne ne sçay ' si jamais le verray! Vieult il souppirs ou pleurs, ou que demande il ? Je en ay assez, si vous venez pour ceste cause. »

Elle esîoit telle, à la regarder ou visage, comme celui que on porte en terre; et son bel visage fait en paradis ^ ce sembloit et ce véoit estre du tout transmué. Sa joyeuseté et son ris gracieux s'en estoient fouiz et le avoient du tout habandonné; et ses beaulx yeulx estoient environnez de pourpre, qui donnoient jugement de son vroy martire ; laquelle chose voyant Pandaro, lequel avoit avec Troylus plouré ce jour bien longuement , les doulentes larmes ne peust retenir, mais commança à plourer semblablement avec Brisaida doloureusement , et laissa tout le parler de ce qu'il vouloit dire ; mais puis qu'ilz eurent ainsi fait ensemble aucunement , Pandaro tout le premier laissa le plourer et dist : I. Et sans savoir si. — 2. Merveilleux.

DE Tr OÏL us. 225

(( Cousine, m'amye, je croy que vous avez ouydire, mais je n'en suis pas certain , comment vous estes requis de voustre père, et la cojiclusion que le roy a prinse de vous rendre , si que vous en devez aller ceste semaine, s'il est vroy ce que je senty. Et pensez que ceste chose cy est si dure et si angoisseuse à Troylus, qu'il ne seroit pas en puissance de homme de le savoir dire. Car de tout en tout il se vieult laisser mourir de dueil; et avons au jourd'huy tant pleuré luy et moy, que je me merveille bien dont sont peu yssir tant de larmes , et à la fm , par mon conseil s'est aucunement tenu de plourer, et me semble qu'il désire fort à parler à vous, pource que ainsi luy a pieu moy commander le vous venir dire et signifier, affm que avant que vous en alliez vous ayez advis emsemble de ce que vous avez à faire. ^)

Brisaïda dist à Pandaro :

(( Bien est grande ma douleur, comme de celle que plus que soy mesmes le ayme ; mais encore me desplaist plus sa douleur que la mienne, voyant, pour moy, que la mort le chasse '. Or se ouvrira mon cueur si jamais se doit ouvrir par aspre douleur. Bien gref est le parlement, et Dieu m'en est tesmoing, mais plus gref me est de veoir Troïlus si plain de affliction, et me est plus dur à supporter, sur ma foy, son martire, que la mort laquelle sans nul remède je désire ; et de mourir suis contente sans aucune mercy avoir, puis que je voy mon doulx

I. En voyant que la mort le poursuit, qu'il désire la mort à cause de moi.

Nouv. franc, du XIV^ s. ij

226 Roman

amy Troïlus si tourmenté. Or, viengne la mort quant elle vouldra , car ce sera ung souverain confort à mon angoesse. »

Et ce cy dit, se remist adens ' sur son lit en recommançant ses plains de plus belle. Alors Pandaro lu3r dist :

<( 0 cousine , que ferez vous ? Ne prendrez vous aucun confort, pensant que l'eure approuche que vous tiendrez voustre doulx amy entre voz braz .? Levez vous et vous radoubez, qu'il ne vous trouve pas ainsi eschevelée. S'il savoit que vous fussez en cest estât, il se tueroit, et nul ne Pen sauroit garder. Et si je savoie qu'il vous trouvast ainsi, il ne y mettroit jà le pié , car je pense que sa vie seroit tantost fmée. Levez vous et vous mettez en estât que vous peussez alléger son mal, et non pas l'empirer.

— Mais , dist Brisaïda , allez querre mon amy, car je me esforceray, et, vous party, incontinent me leveray de ce lit , et tiendray celle dedens mon cueur au mieulx que pourray mon grant mal et mon plaisir perdu. Faittes tant seulement qu'il viengne en la manière comme il a fait les autres foiz. Il trouvera l'uys apuyé ainsi comme il a acoustumé. »

Et alors s'en alla 2,

Pandaro trouva Troylus, toutpenssi,fet avoit le visage si palle que à Pandaro en print grant pitié, et lui dist :

c( Et si vous avez le cueur aussi lasche comme vous le monstrez, qu'est devenue voustre vertu

I. La face tournée vers le lit, la figure cachée dans le lit. — 2. Pandaro.

DE TrOILUS. 227

et voustre grant puissance ? Encores ne s'est pas de vous départie celle 4ui tant vous ame; prenez cueur aucunement en vous , et chacoi hors ceste grant douleur, et l'envoyez autre part, et

3ue elle ne demeure plus avec vous. Je viens e par elle , et, à ce qu'il me semble, vous ne sentez pas la moitié de Tangoesse que fait la dolente, tant sont ses souppirs cuisans pour ceste départie.' Prenez doncques aucun confort, et tellement ' que au moins puissiez congnoistre que elle vous ame. J^ay appointé avecques elle que ce soir ycy vous la viendrez veoir et parle-. rez emsemble; et tout ce que vous avez advisé luy remonstrerez à la meilleure forme que vous pourrez. Vous congnoistrez tantost ce qu'elle a au cueur et que elle a entencion de faire. »

Troïlus en souppirant respondit : '( Vous dittes bien ainsi : le vieulx faire ; et parlerons 2 de pluseurs autres choses. »

Et quant il vit l'eure qu'il estoit temps d'aler, il laissa Pandaro et s'en partit: et lui semble mille ans avant que estre entre les braz de sa chière dame 3, laquelle Fortune depuis lui osta à tort, dont elle fist mal.

Brisaida , comme il fut temps et heure que elle avoit acoustumé, s'en vint au lieu où il estoit avecques un flambeau en sa main ardant. Il la receut entre ses braz et elle lui , si prins de douleurs que plus ne povoient. Ne l'un ne l'autre ne savoient cacher la grant douleur et affliction que leurs cueurs sentoient ; mais en eulx

I. Assez pour au moins connoître combien elle vous aime. — 2. Et il parla , dit l'italien. — 3.1 'cssere in braccio al suo caro conforta , // quale.

228 Roman

acoUant sans mot dire, commancèrent pleurs innumerables, et fort emsemble s'entre acolloyent, estraJgauIent , et s'entre moilloient tous de larmes. Hz cuidoient parler, mais ilz ne povoient, tant les empeschèrent les pleurs angoesseux, les souspirs et sanglotz ; mais pource ne laissoient de rien à baisier, combien que les larmes leur couloient des yeulx par tout le visage. Mais puis que leurs espcritz traveillez par l'angoesse des pleurs et des souspirs furent retournés en leurs lieux , Brisaïda haussa les yeulx vers Troylus , et avecques une voix piteuse iuy dist:

« O mon cueur, et mon doulx amy, qui est ce qui vous oste à moy, et où est ce que je voys .? »

Et puis Iuy laissa cheoir son visaige sur sa poitrine. Si commença à soy afoiblir, et ses forces et ses vertuz se départirent et se evanouyrent, de la grant douleur qui contraignoit son cueur, et s'en cuida fouir l'ame du corps. Lors Troylus la commence à regarder ou visage et l'appeller ; et voyant que elle ne lui respondoit point et avoit les yeulx clos et c'estoit laissée cheoir à terre , cuida bien que elle fust morte. Laquelle chose voyant Troïlus, sa douleur et son angoesse lui doubla; puis se assit auprès d'elle en lui arousant le visage de ses larmes , pour veoir s'il y avoit en elle aucun signe de vie. Et le pouvre doloureux Iuy metoit souvent la main puis à la bouche, puis au nés, et oultre lui tastoit le poux , et à son advis lui sembloit que elle fut trespassée en l'autre monde. Elle estoit froide et sans aucun sentement que Tro'ilus peust congnoistre. Puis Iuy baisa Tro'ilus ses lèvres, puis

DE T KOÏLUS. 229

mist le corps d'elle en estendue tout ainsi que on a acousiumé à mètre ceulx dont l'ame est

yssue ; et ce cy fait , avecques ung courage merveilleux tira clu forreau sa propre espée , tout disposé de prendre la mort , afm que son esperit fust avecques celui de sa damme. Car il estoit bien advis , veu qu'ilz mouroient touz deulx d'une voulunté, que leurs âmes scroient emsemble ' . Ainsi délibéra de ce faire , disant que aspre fortune et dures amours lui chaçoient 1 ame du corps ; mais premièrement dist , tout enflammé du grant desdaing:

u 0 Troïlus cruel , 0 fortune mauvaise , or viens je à ce que vous voulez! Maintenant vous m'avez ostée Brisaida la belle , laquelle je cuidoye que me deussiez oster en autre façon. Et où elle soit pour le présent , je ne sçay, combien que je voy ycy son corps , lequel vous avez fait mourir à grant tort. Et je laisseray le monde et la suivray avecques mon esperit , puisqu'il vous plaist , et par aventure auray je meilleure fortune par delà avecques elle, en aiant aucun repoux à mes pensemens, s'il est vray que on y ame, comme maintesfoiz l'ay ouy dire. Et puis que ne me voulez plus veoir en ce monde cy, je vous pry au moins que vous faciez aller mon ame là où sera la sienne ! Et vous cité laquelle je laisse en guerre, et vous, Pryame, mon père.

I . NeW inferno, dit Bocace, avec ce rigoureux respect de la doctrine que n'imite pas le chevalier françois. Celui-ci ne prenoit pas sans doute au sérieux cette épée qui est en possession immémoriale de percer le flanc des amants de roman.

et vous tous mes chiers frères , à Dieu vous dy, car je m'en voys soubz terre après Brisaïda. 0 beaulx yeulx , et vous, Brisaïda, par qui tant de douleurs je souffre que Pâme du corps me faittes partir, recevez moy, ma doulce amour. >>

Et après ces paroles dictes, mist la pointe de son espée contre son estomac, pour se frapper au travers du corps. Adoncques Brisaïda se resentit ' et gitta ung souppir en appellant Troylus , lequel dist :

(( Mon seul désir, vivez vous encores ? »

Et en plourant la print entre ses braz ; et avecques doulces paroUes la reconfortoit et allegoit son martire tant comme il povoit; et son esperit^ lui retourna dedens son dolent cueur dont il estoit fouy. Et se repposa aucunement sans mot dire, pour ce que elle estoit toute hors de allaine ; puis ung pou après retourna ses yeulx et vit l'espée toute nue qui là estoit. Si commença à dire :

<( Et celle espée , pourquoy fut elle tirée hors du forreau ? »

A qui Troylus en plourant raconta l'occasion pourquoy et tout le pensement qu'il avoit eu , dont elle dit :

a Lasse! que est ce que je entens? Dont, se je eusse ung pou longuement esté en voye?, vous fussez tué en ceste place ? Lasse ! moy do-

I. Se fit entendre. — 2. Il s'agit vraisemblablement de l'esprit de Brisaïda, le discours précédent étant destiné à prouver que Troïlus n'avoit pas encore perdu le sien. — 3. Etre en voye , encore usité dans le patois picard , dans le sens d'être éloigné, être renvoyé, être absent, loin de sa maison.

DE TR OÏL us. 2?I

lente; que m'avez vous dit! Je ne fusse gaires demeurée en vie après vous, et de celle mort fusse je morte, car je me fusse de celui glaive moy mesmes occise. Or nous devons bien louer Dieu de la grâce qu'il nous a faitte. Allons nous en en nostre segret ', et là parlerons de noz angoesses ; car selon ce que je voy noustre flambeau est desjà tout ars et une grande partie de la nuyt allée. »

Comme autresfoiz les estroiz embrassemens avoient esté , ainsi furent ilz à l'eure; puis ceulx ycy furent plus de divers pleurs et soupirs ^ que les autres n'avoient esté de doulceur et de plaisir. Et sans longue demeure commencèrent à deviser de choses toutes melencolieuses. Et après tout premièrement dist Brisaida :

u Doulx amy, escoutez que je vieulx dire. Et depuis que j'ay sceu la doloreuse nouvelle du mauvais traistre mon père , si Dieu me gart, oncques femme ne sentit tant de mal ne d'angoesses comme j'ay, ne voustre beau visage ? qui tant a eu de mesaise ne sentit oncques tant. Car je suis celle à qui point ne chault de cité ne de palaiz ne de biens quelxconcques, si non tant seulement de vous, que je peusse demeurer avecques vous, et vous avecques moy en joye et en plaisir. Et me vouloie du tout désespérer, non cuidant jamais plus vous veoir; mais

I. La chambre secrète dont il a été question. — 2. Remplis de , accompagnés de pleurs , etc. — 3 . Ce beau visage , qui a tant d'angoisses, vient ici peu naturellement, et dans ce cas l'avantage est à l'italien : si Dieu me gart voustre beau visage , eût dû dire Pierre de Beauveau , s'il eût voulu traduire littéralement.

232 Roman

puis que vous avez veu mon esperit s'en fouir et de nouveau retourner, certains pensemens me sont de nouveau venuz , lesquelz je vous vueil dire avant que nous ayons plus de douleur ; car par avanture y pourront nous avoir quelque bonne espérance. Vous voyez que mon père me requiert, auquel je ne obeiray jà ne n'y entreray ' si le roy ne me contraignoit à ce faire. Mais je congnois bien qu'il faut qu'il tiengne sa promesse comme vous savez, pourquoy il m'en fauldra aller avecques Dyomedes, lequel a esté traicteur de cest félon appointement ; et approuche jà le jour qu'il me doit venir quérir, que jamais Dieu ne l'en laisse retourner! Vous savez que tous mes parens sont ycy, excepté mon père , et encore toutes mes choses y sont, et y demouront ; et si m'avient bien de ceste guerre : vous savez que l'en traicte continuellement paix entre nous et les Grieux, et si l'espouse se rend 4 à Menalaux, je croy que vous l'aurez , et sçay * que en estes desjà bien prest ; ycy m'en retourneray si vous le faittes , pource que je n'aroie ailleurs où aller 2; et par avanture en ce temps de trièves vous viendrez en appointement. Vous savez que pour guerre qui soit on ne resfuse pas

I. Sans doute dans le camp des Grecs. — 2. Il reste une légère obscurité dans notre texte ; voici la traduction de l'italien : Si je comprends bien , de cette guerre périlleuse la paix est continuellement traitée entre vous et les Grecs, et si vous rendez son épouse à Ménélas , je crois que vous aurez cette paix ; et je sais que vous , Troïlus , y êtes prêt : car si vous la faites je reviendrai ici, n'ayant nulle autre part où je pourrois aller. Si , par aventure , vous laissez échapper cette occasion d'accommodement, pendant le temps des trêves j'aurai bien des prétextes pour venir ici , etc.

DE TrOÏLUS. 2^5

voluntiers aux dnmmes à aller veoir leurs amis ; ainsi je viendray ycy veoir les miens , et je suis certaine qu'ilz me convoyront ' vouluntiers ; et lors porron nous avoir tresvouluntiers aucun confort et plaisir. Comment que l'attendre fait grant ennuy, mais fault aucunesfoiz endurer la paine et le travail, qui vieult avoir joye et plaisir, car après on le treuve beaucoup meilleur. Je voy que tant que nous avons esté touz deux ycy, à Troye, si avons nous passé pluseurs jours sans nous entre veoir, qui ne nous a pas esté pou d'angoesse. Et oultre ce cy ay je une autre grant espérance de m'en retourner : mon père cuide maintenant que, pour la grande faulte qu'il a faitte, je soye mal traittée et que on me vueille mal en ceste ville, par manière que je ne y puisse demourer ne seurement ne honnestement , et doubte que à cause de cela que je aye encores quelque blasme ; mais quant il saura que je y suis prisée et honnourée et que j'ay esté si honnorablement tenue , je suis certaine qu'il sera content que je retourne. Et à quoy faire me tiendroit il entre les Greux? Car, si, comme vous savez 2, ilz sont touz les jours en armes; et s'il ne me tient là, je ne voy point o\i il me puisse envoier ; et si bien savoit où , je ne croy pas qu'il le feist , car à demourer entre les Greux ^, jene m'y fieroye jamais, dont voyjeclarement qu'il fault qu'il m'en renvoyé , ne ne voy chose pourquoy il puisse faire le contraire. Il est comme

I. Convieront, m'engageront, me recevront. — 2. Ainsi, comme vous le savez. — 3. Elle veut vraisemblablement parler de la Grèce, où on pourroit l'envoyer si on ne la gardoit au camp.

2^4 Roman

vous povez veoir vieil et avaricieux , et tout ce qu'il peut faire ou dire est à cela ; pourquoy luy diray qu'il me semble pour le meilleur de ycy revenir, luy remonstrant comme je porroye remédier à quelque cas qui y porroit avenir, et que si nous sommes tous deux hors , noz hostelz bien enrentez se pourront perdre, car l'en les demanderoit au Roy comme chose abandonnée, et pour doubte de les perdre il sera tout joyeulx que je retourne. »

Troilus mettoit toute son entente à escouter sa damme, et ce que elle lui disoit lui touchoit au cueur, pource qu'il luy sembloit vray semblable, et que certainement ainsi deustestre ; car il l'amoit tant et si asprement qu'il créoit de ligier tout quanque elle disoit , et à la fm , quelque desplaisir qu'il eust de son département, si se accorda il à la croire du tout quanqu'elle disoit. Adont s'en départit une grande partie de leur douleur et leur retourna espérance, et recommancèrent l'amoureux usage en soy festiant et prenant joye et plaisir. Et tout ainsi comme l'oysel prent son esbat au temps nouveau à aller saultant de feille en feille , ainsi faisoient ilz de leur costé, car il n'y avoit endroit du lit là o\i ilz ne allassent gigant et jouant en disant maintes gracieuses parolles. Mais quant ainsi une pièce ilz s'estoient esbatuz , à Troylus retournoit arrière au coraige ' le département de sa damme et luy commançoit en ceste manière à dire :

« 0 Brisaïda, belle plus que nulle autre déesse,