I. Cœur, pensée
DE TrOILUS. 235
plus digne de estre amée et honorée que damme du monde , or maintenant me cuidoie tuer, Guidant que vous fussez morte ; mais vous m'avez mis l'espérance ou corps. Helas ! quelle vie Guidez vous que sera la mienne si bien tost vous ne retournez ? Soyez seure que ma vie ne sera pas longue si je croyoie que vous demourassez longuement à retourner ; pource encore ne voy je pas bien que je sois sans languissement doloureux et amer, vous voyant aller ailleurs ; et foys grant doubte que Calcas voustre père ne vous retiengne , et que ce que m'avez dit ne puisse avenir. Je ne sçay si jamais nulle paix se fera. Mais se face ou non , je ne croy ne puis croire que Calcas consentist à jamais ycy retourner, pource qu'il luy semblera que jamais ne pourra demourer sans jamès souffrir infâme et reprouche de la grande faulte qu'il fist, ou Guidera que le veuillons ; et ad ce que vous dittes que le prierez si instamment qu'il vous laisse y revenir pour veoir voz parens et amys, à malle paine puis croire qu'il le face. Il vous mariera avecques ung de ses seigneurs des Grecs, et vous remonstrera que de estre assiégée c'est chose bien doubteuse , car bien souvent on chiet en grant péril incontinent. Il vous festoiera et fera ce que vous serez honnourée et prisée entre les Grecs ; car, comme je entens, ilz tiennent grant compte de lui et prisent fort son sens et sa vertu, pour quoy je ne crains pas sans cause que plus ne vous puisse avoir en Troye ; et ce pensemenl, ma tresdoulce et belle damme , m'est si gref et ennuyeux que dire ne le pourroy, car vous seule avez entre vos mains la clef de ma vie et de
•236 Roman
ma mort ; si en choisissez celle que bon vous semblera, soit souefve ou amère. 0 clère lumière par qui je puis aller au port gracieux, si vous me laissez, pensez que je suis mort; dont trouvez façon et manière que vous ne y allez point , si faire ce peut. Allons nous en en autre région , et ne vous chaille des promesses du Roy mon père. Mais que nous puissons fuir son offence ' il y a pluseurs estrangiers qui vouluntiers vous verront et vous obéiront encores à tousjours mais. Fuyons donc d'ycy secrètement et nous en allons vous et moy emsemble , et ce que nous avons encore droitement à vivre en ce monde ycy, m'amour et le cueur de mon corps , vivons en joye, et emsemble. Ce cy vouldroie je s'il vous plaisoit , car c'est mon désir, le plus seur party que nous ayons , et touz les autres me semblent comme impossibles. »
Brisaïda en souppirant respondit :
(( Mon chier bien, et la joye de mon cueur, toutes ces choses ycy que nous avons devisées se pourroient bien faire , et encores mieulx par la façon que vous avez ditte ; mais je vous jure , par ceste amoureuse sajette , que pour conviz ne festoiement des Grecs, ne mary que on me sceust bailler, ne osteray de moy jamais voustre amour. Mais toutesfoiz, que vous conseillez de nous en aller, si ne conseillez vous pas le meilleur ne le plushonneste conseil. Pensez, en ce temps de guerre plain, ce qui se diroit de vous ; et des voustres pluseurs choses mauvaises en porroient avenir, l'une que la foy seroit rompue du
