I . Et ce doux regard perdu

Nouv. franc, du XIV^ s. 17

258 Roman

ne me fustes vous au premier pas si fort que je fusse mort! Pourquoy ne me departistes vous d'avecques l'esperit angoesseux qui me porte , puis que je me voy cheoir du hault en bas ! Car amours en rien ne me confortent, mais me ont fait perdre la veue de celle qui soustenoit la mienne vie, dont me fault mourir en languissant. Et quant il me souvient des doulces salutations que ma damme me faisoit 0 ses plaisans yeulx, toute ma vertu s'en fuit; n'est pas en ma puissance de retenir les larmes qui me saillent des yeulx. Ainsi me gouvernent amours ; quant il me souvient de celle à qui je me^suis donné, laquelle je doyestre longuement sans la voir, je ne vieulx rien que la mort. Puis que mon avanture est si cruelle que tout ce que mes yeulx voyent me desplaist, je te pry. Amours, que en ta main les vueilles clorre, car aussi bien ont ilz perdu la veue de tout leur bien; laissez de moy lachar toute nue, car quant plus tost je morray> plus content je seray, car je scay bien où mon ame doit aller. Elle s'en ira entre les beaulx braz d'icelle dont fortune l'a desvoyée et m'a gitté ce coup. Ne voys tu pas à mon visage comment angoesse en a toute chacée la couleur et tiré dehors mon esprit, et le porte au beau sang de celle de qui je attens mon confort, car toutes autres choses me desplaisent ^ » Et lorsqu'il avoit ainsi dit, amèrement retournoit à souppirer à la manière acoustumée. Et ainsi le jour s'en alloit, puis s'en venoitla nuit, là où ne faisoit que penser au grant plaisir qu'il avoit eu au lit de si belle damme, ne en autre chose ne prenoit plaisir. Et comptoit touz les jours qu'il j avoit que elle estoit partie , ne pensoit pouvoir

joindre jusques au x<' jour, qu'elle devoit des Grecs retourner. Les jours et les nuits lui sembloient trop plus gransqu'ilz ne avoientacoustumé; ainsi se tenoit depuis le point du jour jusques à ce que les estoilles estoient ou ciel, et disoit que le souleil erroil et qu'il se tenoit plus longuement en ciel qu'il ne souloit faire ; semblablement disoit de la nuit, de la lune et des estoilles '. La lune estoit desjà en decours quant Brisaïda partit; il disoit souvent à lui mesmes : i( Quant ceste lune deviendra nouvelle , le jour s'approuchera que ma joye devroit estre recouverte. »

Et regardoit les tentes des Grieux qui estoient au siège d'avant Troye , et comme les souloit garder par hayne et par despit , à présent prent plaisir à les veoir. Et quant aucun ventellet venoit de celle part , qui lui frappoit ou visage , il disoit que c'estoit des souppirs que Brisaïda lui envoyoit. Et en regardant les pavillons , derechief il disoit : « Là est ma gracieuse dame ». Et en ceste manière et en pluseurs autres il passoit le temps. Et Pandaro estoit tousjours avecques lui, lequel le plus qu'il povoitlereconfortoit, et mettoit , à tout son povoir, en Troylus paroUes joyeuses et plaisantes , en lui donnant tousjours bonne espérance de sa gente et gracieuse dame.

I. Et il disoit que Tune de ces nuits en valoit deux (Boccace).

200 Roman

evers les Grieux ou rivage de la mer estoit Brisaïda avecques peu de femmes et entre tant de gens d'armes, laquelle se consumoit toute en pleurs et en lermes en attendant le gracieux jour que elle devoit retourner, et son beau visage frays et delyé luy estoit devenu tout palle et maigre , pour ce que elle ne véoit sa doulce amour. Elle plouroit en luy souvenant du plaisir que elle avoit prins avecques Troylus ; et toutes les petites façons et manières de faire et toutes les gracieuses paroUes qui avoient esté entre Troïlus et elle alloit recordant ; car à celle heure ne povoit elle mieulx faire, pource que elle en avoit bon loisir. Et puis quant elle se pensoit que elle en avoit perdu la vue de celui que tant elle amoit, elle faisoit de ses yeulx une fontaine amère, tant ploroit habondamment. Il n'est nul si pyteux que , s'il l'eust veue en celle douleur et angoesse, qui s'en fust peu tenir de plourer, tant la faisoit piteux veoir'. Car à toute heure que elle povoit avoir temps et lieu , son mestier n'estoit fors de gémir et de plaindre. Et ce qui pis lui faisoit , c'estoit que elle ne savoit à qui dire sa douleur.

Elle regardoit les murs de Troyes, les pallais et les fortelesses , et disoit à elle mesmes : i( Helas ! quelle joye , quelle doulceur et quelle