Tant il faisoit pitié de la voir

plaisance ay je eu leans! et dès maintenant suis )e ycy en tristesse et en merencolie , où se fons et consumme toute ma beaulté. Helas! Troïlus, mon amy, que faittes vous maintenant? Vous souvient il point encores de moy ? Las ! meschante, or vous eusse je creu , et que nous en fussons allé vous et moy ensemble en quelque part qu'il vous eust pieu ! Et ne scntiray je pas maintenant grant douleur, ne n'eusse pas perdu ce bon temps que je pers; et puis en quelque temps fussons retournez; et si aucun de ce nous eust voulu donner charge, on le eust laissé parler, pour tel qu'il en eust esté. Helas! trop tart m'en aperçois : mon sens ' à l'eure si fut mon ennemy : je fouy le mal et suivy le pis, dont mon cueur vit en mendiante de joye , et pour avoir confort ne sçay fors que appeller la Mort, puis que à présent ne vous puis veoir, mon doulx amy; et si ay paour de jamais ne vous reveoir. Que ainsi puissent estre les Grieux desers ^ et mauldiz ! Combien que je feray mon povoir de m'en fouyr de ycy, si aucunement ne puis avoir congé d'aller à Troye , et m'en retourneray avecques vous, mon bien et mon amy, comme je vous ay promis, et en aille la renommée où elle vouldra aller, et s'en ensuie ce que s'en porra ensuir, que avant que ^ ainsi mourir de douleur je vueil laisser parler qui vouldra. »

Mais sa grande et loyalle entencion bien tost fut changée pour une aultre nouvelle amour.

Dyomedes employoit touz ces cinq cens na-

I. Mon bon sens, ma sagesse. — 2. Que les Grecs soient bientôt ravagés, chassés. — j. Car plutôt que.

262 Roman

turelz à faire chose par quoy il peust entrer au cueur de Brisaïda ; et ne tarda gaires que il n'en chassast Troilus , et Troye , et touz les autres pensemensque elle avoit, tant fussent loyaux. Elle neavoitdemouré pas quatre jours après i'angoesseux département , que Dyomedes trouva occasion honneste de venir vers elle, lequel la trouva à part des autres toute seulle souppirant, et luy sembla toute transmortie et descoulourée depuis le jour que premièrement il la alla quérir et qu'il Pavoit de Troye amenée , dont il s'esmerveilla fort ; et dist en lui mesmes , au commancement, quant ainsi la vit: « Je croy que je travaille en vain et que je pers ma paine pour néant ; ceste damme est ainsi piteuse et doloureuse pour autre amy, et fauldroit estre trop souverain maistre', qui lui vouldroit chasser la première amour hors du cueur pour se y mettre. Las ! me doubte que à malle heure allay à Troye le jour que je la amenay. »

Mais comme celui qui estoit plain de hardement et de hault courage, conclut en lui mesmes que, si bien il devoit mourir, puis qu'il avoit une foiz en son cueur entrepris de la amer, qu'il en suivroit son entreprinse, et qu'il la ameroit et lui monstreroit la mal que amours lui faisoit sentir pour elle. Et premièrement se assist auprès d'elle et lui commança à parler de l'aspre guerre qui entr'eulx estoit et les Troyens , en lui demandant ce qui luy sembloit, et laquelle part elle cuidoit qui gaingnast au derrenier. Puis lui demanda qui lui sembloit des Grecs et si