Troïlus, Nouv. franc, du XIV^ s
2^0 Roman
sentoit. Mais il ne respondoit riens, et autre chose ne faisoit sinon regarder puis l'un puis l'autre; et en son piteux cueur lui souvenoit de Brisaïda, et ne se povoit tenir que aucunesfoiz il ne gittast des souppirs ; mais tousjours sentoit il aucune doulceur de la mélodie des sons qui là estoient.
Cassandra, qui par avant avoitouy ce que son frère Deiphebus avoit dit, laquelle estoit vis à vis de Troïlus, comme en le voulant reprendre de ce que ainsi s'estoit laissé mettre au bas , lui dist :
« Mon frère, comme je puis veoir, mal fut pour vous quant oncques voustre cueur senty que ce fust d'amours. Pour quoy je vous en voy totalement defTait, si vous ne y mettez remède. Et puis que ainsi devoit aler, au moins eussez vous esté amoureux de quelque haulte dame de sang royal ou de haulte lignée. Mais une simple dame , fille de prestre , vous fait ainsi consumer et vous conduit et mène à l'estat à quoy vous estes, Véez ycy le filz d'un hault et puissant roy qui vit en paine et en douleur pour ce que Brisaïda est de lui partie ! »
Troylus, oyant ce que sa seur lui alloit disant, se troubla fort , tant pour ce que elle alloit desprisant Brisaïda , laquelle il amoit plus que tout le monde, que aussi pource qu'il congnoissoit que son secret estoit venu jusques aux aureilles de sa seur ; et pensa soy vouloir taire ; puis advïsa et dist en soy mesmes : « Si je me tais, tout le monde dira que ce que elle a dit est vroy. » Pour quoy luy commança à dire :
« Voustre science , laquelle vous vouliez te-
nir secrète à ung chacun , avecques ses ymaginacions aue vous avez de cuider congnoistre les choses advenir, vous a maintesfoiz deceue. Et par avanture vous feriez beaucoup mieulx et plus sagement de vous taire que de parler si oestialenient. Je ne scay que c'est que vous m'allez disant de Brisaïcîa, et pour ce que je vous voy si habondamment et desraisonnablement parler, je vieulx faire ce que je n'ay encores fait, c'est assavoir, vous inonstrer voustre bestialité. Vous dictes que par trop amer Brisaïda suis en cest estât , et le me vouliez tourner à honte ; mais jusques ycy avez failly à voustre sens , et ne vous a pas bien monstre la vérité voustre Apollo, lequel vous dictes à vous trouvé '. Oncques en ma vie n'eu entencion de amer Brisaïda pour amour, et ne croy point qu'il soit au monde personne qui ait hardemement de soustenir ceste mençonge. Et s'il estoit ainsi que vous allez disant , je vieulx bien que on sache que jamais ne l'eusse laissée partir, de ycy et m'eust deu faire mourir le roy Priam noustre père. Combien, je cuide qu'il le m'eust aussi bien souffert comme il souffrist que noustre frère Paris ravist Helaine, pour quoy nous sommes maintenant en ceste guerre. Reffrenez doncques voustre langue, qui est trop agùe et poignante. Ores prenons ores que ainsi fust et que pour elle je souffrisse ceste paine , pour quoy n'est Brisaïda en toutes manières et façons digne de estre amée et honnourée de plus homme de bien que moy.f^ Je ne vieulx point parler de sa beaulté, laquelle,
