I. Sans doute, vous a inspiré

292 Roman

au jugement d'un chacun, irespasse celle qui est es cieux , pour ce que fleur cheue en terre est tantost flétrie. Mais venons à sa gentillesse , laquelle vous blasmez tant, et que chacun me accorde la vérité se je dy vroy, et , si non , que on le me nye. Je vous prye que vous alléguez la cause pour quoy elle n'est gentille femme et de haut lieu. Car je vieulx que vous sachez que elle est noble et virtueuse. Et de cecy ne diront pas le contraire ceulx qui la congnoissent. Ses œuvres en font assez le tesmoignage. Et ce que je en dy, je ne le dy tant seulement que pour saouller et contenter ceste femme ycy qui va ainsi parlant de tout le monde, sans savoir que elle dit. Et par avanture, si la veue ne me déçoit , je ne congnois pas une plus honneste de Brisaïda , ne n'en fut oncques une plus sobre ne plus attrempée , s'il est vroy ce que en ay ouy dire. Et elle l'a bien demonstré; car oncques nul ne lui ouyst yssir de la bouche parole qui tochast blasme ne deshonneur de nomme ne femme. Elle demonstre en ses manières et en ses parolles la discrétion qui est en elle ; car oncques ne fut veue une plus rassise et plaine de toute raison. Et je le dy pour Pexcuse que je luy vy faire pour la traïson com mise et faitte par son père , car, tout en plourant , demonstroit toujours par son beau parler, et par son sens, son hault et royal courage tout plain de desdaing. Ses coustumes sont assez notoires, et pour ce me semble qu'il n'est jà besoing que elles soient de moy ne d'autres deffendues , ne ne croy point qu'il y ait en ceste ville cy chevalier ne escuier qui ne se loue de

son honneur et de sa courtoisie et à qui elle ne teist plaisir ù son povoir. Et ce le sçay, car autresfoiz ay esté en lieu où elle a honnouré moy et autres si haultement et si honorablement que la plus grant dame royalle de tout le monde en eust esté assez empeschée. Et tant comme elle* a esté en ceste ville cy, elle a vescu si honnoarablement que sa bonne rencMiimée en est demourée, quelque part que elle soit allée. Or çà, dame Cassandra , que direz vous plus de ceste femme avecques voustre sens royal ? Tous ceulx à qui on voit la couronne en la teste et le ceptre en la main ne sont pas roiz ; vous avez maintesfoiz ouy dire que celui doit estre appelle roy qui le vault par sa vertuz et non pas par sa puissance. Ne cuidez vous pas que elle se fust aussi bien gouvernée comme vous feriez, et luy séeroit aussi bien ou mieulx qu'il ne fait à vous , je vous dy affm que vous me entendez , la couronne r Ne seroit pas ainsi railleresse comme vous, qui allez mordant de la langue une chacune personne. Et si Dieu me fait si eureux et si digne d'avoir une telle dame comme vous allez disant, je tiendray à bien grant honneur ce que vous allez desprisant. Or vous en allez à la malle heure, puis que vous ne savez plus gracieusement parler. Allez prendre voustre quenoille et allez filler. Corrigez vos deffaulx et laissez ester les vertuz d'autrui. Et ne sommes nous pas bien , quant ceste folle cy par sa bestialité va blasmant ce que bon lui semble , et se escoute à parler sans savoir ce que elle dit ne à quel propos ^ »

Cassandra se teust et eust voulue estre de-

294 Roman

hors, et sans mot dire elle s'en alla mucer entre les autres femmes. Et incontinent que elle se fut ostée de d'avant lui, elle s'en retourna toute honteuse au palais royal , ne oncques plus ne le vint visiter, ne depuis ne fut si voluntiers veue ne escoutée comme elle estoit par avant. Ecuba, Helaine et les dames qui là estoient furent trescontentes de ce que Troylus lui avoit dit, et leur sembloit qu'il avoit raison. Et depuis après doulcement et gracieusement le confortèrent avecques plaisantes parolles et avecques joyeuses festes et esbatemens. Puis après toutes ensemble prindrent congé de lui et s'en retournèrentt chacun en son hostel. Et par pluseurs foiz depuis le allèrent veoir et visiter tant qu'il demoura ainsi en son lit feble et failly.

Troïlus , par force de continuacion , se adura de sa douleur, tellement que avecques sa bonne paciance il devint sain et puissant. Et encore la grant ardeur et voulunté qu'il avoit en son courage de monstrer sa vertu et son hardement contre les Greux le fist plus tost revenir en sa force, qu'il avoit perdue par les aigres paour et douleurs qu'il avoit soustenues, que' nulle autre chose. Et oultre cecy, Brisaïda lui avoit rescript, et par ses lettres se povoit noter de mal en pis 2, car elle coloroit sa tardance et demeure avecques faulses et mauvaises excuses, en demandant encores à Troïlus aucun aultre terme plus long pour retourner, combien que elle n'eust jamais volume de le faire. Et la conclusion de la lettre estoit pour lui donner encore espérance que elle