I. Plus que par. — 2. Que l'affaire ailoit de mal en pis
DE TrOÏLUS. 29J
retourneroit , mais elle ne savoit quant. Et après ces choses ainsi avenues , Troylus se demonstra en pluseurs et diverses batailles contre ses adversaires ce qu'il valloit , et si terriblement et si fier qu'il eust mieulx valu aux Greux que Brisaida n'eust oncques esté née. Car bien chièrement leur vendist touz ses souppirs, plains et lamentacions, non pas encore tant comme il eust bien voulu , car il ne serchoit autre chose que la mort pour povoir mettre son pouvre cueur en paiz.
^; 1 estoit , comme j'ay desjà dit , adurcy à ^J souffrir. Encores pis lui faisoit la grant
® ^Sl Couleur de ce qu'il ne le osoit dire et des- ^fe?^^ couvrir au roy son père ne à ses frères ; puis encores luy survint la mort de Hetor son frère, lequel estoit plain de souverain hardement et en qui estoit la force des murs et des portes de Troye. Pour occasion de laquelle mort les frères et le père furent longuement en tribulacions. Et cela ne adoulcit pas la doulleurdeTroïlus, ainçois luyagrava fort son deul. Mais neantmoins tousjours serchoit voie et manière, comment ont acoustumé de faire les amoureux, de povoir reavoir et recouvrer celle que tant il ayme , qui est sa doulce et ennemie allegence , en ayant tousjours son excuse agréable de ce ' que elle n'osoit retourner; combien que autresfois faisoit autre pensement au contraire , et disoit en son cueur qu'il ne povoit penser la cause. Il lui envoya pluseurs lettres par lesquelles tousjours lui signifioit la paine et
i . En agréant toujours l'excuse qu'elle lui donnoit.
la douleur qu'il sentoit nuyt et jour, en lui renouvellant les doulx et gracieux plaisirs qu'iiz avoient emsemble euz ou temps passé , en lui remettant à mémoire la foy et la promesse que elle lui avoit faitte; et la reprenoit gracieusement du grant séjour que elle avoit fait avec les Greux.
Et avecques ses lettres lui manda Pandaro en espérance qu'il lui feroit tenir sa promesse quant il aura parlé à elle. Et lui mesmes semblablement eut volunté par pluseurs foiz de y vouloir aller en habit dissimulé, en guise de pèlerin ou autrement, par quoy il ne fust point congneu. Mais puis après se reprenoit , disant qu'il ne savoit façon que tant se peust desguiser qu'il ne fust congneu. Et si d'avanture il estoit apperceu en tel estât, il seroit perdu et diffamé. Pandaro, en la fin, ne rapporta d'elle autre chose que belles parolles et grans promesses sans nul effect ; dont Troïlus commança à présumer que c'estoit folie d'avoir plus d'espérance et de mettre en doubte ce que estoit vroy, et qu'il n'estoit pas le premier qui en tel cas avoit esté pugny à tort et sans cause. Et à celle heure vit et congneut que à bon droit y avoit souspeçon; il congneut lors clèrement que nouvelle amours estoit cause des mençonges que elle lui donnoit à entendre et de l'entretenement que elle lui faisoit; car il estoit certain que l'amour du père, ne chière, ne festiement que on luy sceust faire, ne avoient autant de puissance de faire rompre à Brisaïda la promesse que elle lui avoit faitte. Et tousjours pensoit comme il pourroit savoir plus clèrement de son malheureux songe. Mais amours ne lui laissoient point encore du tout en tout
perdre le espérance , car comme souvent ' il advient que celui qui ayme à paine croist chose qui lui soit contraire ou viengne à desplaisir. Et toutesvoies estoit tout vroyde Dyomedes, comme en peu de temps advient ung cas qui lui monstra clèrement la vérité, par lequel il perdit toute la créance qu'il avoit eue jusques alors.
Ainsi estoit Troylus en grant tourment de ses amours. Si advint un jour qu'il y eut une fière et dure rencontre entre les Troyens et les Greux, à laquelle fut Dyomedes richement abillé, et avoit sur son harnois une riche cothe , laquelle Deiphebus gaingna ce jour par force de armes. Et après la besoigne faicre, s'en retourna, liez et joyeux , en la ville de Troye , de ce qui lui estoit advenu , et Dyomedes en fut durement corroucé. Ainsi comme Deiphebus entroit en la ville et que on lui portoit celle cote qu'il avoit ostée à Dyomedes, Troilus sourvint , lequel le louoit fort sur tous autres de ce qu'il avoit fait ce jour, et aproucha de celuy qui le portoit pour le veoir mieulx. Et ainsi comme il regardoit d'un costé et d'autre, il vit ung fermail d'or qui estoit ataché, lequel on povoit veoir et oster de la dicte cote. Il le congnut tout incontinent comme celui qu'il avoit donné à Brisaïda à l'eure queavecques grant douleur il print congé d'elle, le matin dont ilz avoient esté la derrenière nuyt ensemble. Et alors dist Troïlus à par soy : « Or voy je maintenant mon songe clèrement, mon souspeçon et mes pensemens vroiz. »
Puis'se partit Troïlus moult dolant et corroucé
