LETTRE CXLVI

AD ROI

Monseigneur, le désir que j'ay de vous voir est si grant, que je porte envie à ce porteur et à ma lectre d'aller plus toust h vous que moy. Vous asseurant. Monseigneur, que s'il ne vous eust pieu m'asseurer de la bonne santé de monseigneur d'Orléans et me coummander vous attendre à Langres, j'eusse fait mon possible de m'advancer, pour essayer à luy fere service. Car vous savez. Monseigneur, que je ne suis née que pour servir vous et les vostres. Je n'avois point seu sa maladie, mais quant j'ay entendu que c'estoit fièvre tierce, je ne me puis tenir de sentir son mal; car je n'en foys guères que saillir. Il est vray que la jeunesse le saulvera de la longueur, et que puis que ses creses diminuent, qu'elle ne luy peult durer; dont je prie Nostre Seigneur. Mais si à Langres je n'oy dire que vous et luy soyez partis, il vous plera bien que je satiface à mon afFecsion qui ne me laira repous que je ne vous revoye avecques toute vostre compaignie et telle santé que, coume la plus obligée qui vive, plus que nul aultre la désire

Vostre très humble et très obéissante subjecte et mignonne Marguerite.

[Ms. noOS.]

LETTRE CXLVll.

AU ROI

Monseigneur, la joye que j'ay eue d'avoir par ce porteur et vostre lectre entendu vostre bonne santé m'a esté ung bien si grant, que, en despist du meschant corps, l'esprit s'est aultant esjouy qu'il le peult fere; non sans regret, Monseigneur, de me voir en estât que je ne puis porter la peine que je desirerois. Et pour me essayer, le jour de Pasque je me fis porter à l'esglise; mais je l'ay bien acheté : ma douleur, puisqu'il vous plest prendre la peine de l'entendre, me tient à la cuisse gauche et à l'espaule, qui n'est pas grande parfois comme au matin ; mais après disner et au soir, si je m'efforce à me tenir debout , elle me tormente la nuist. Tout cela ne m'ennuye point tant que l'euil, qui ne s'amende ne pour médecine, ne pour chouse que je y fasse. Une chouse me reconforte : c'est que si ung corps doit tousjours souffrir, et que vous ayez eu tant de mal que j'estoys saine ' , puisque je suis malade vous ne le pouvez estre. Et cete raison avecques l'essample de pacience que j'ay apprise de vous, me donne occasion de louer Nostre Seigneur, lequel , en remettant le surplus à ce porteur, va supplier vous donner d'icy à cent ans la santé et prospe-

' Marguerite voulait écrire sans doute : « et que vous ayez eu mai tant que j'estois saine. »

rite que vous avez , et pour mon seul bien vostre bonne

grâce ,

Vostre très humble et très obéissante subjecte et mignonne Marguerite.

[ Ms. n° 23. ]